N-2495 

  14-04-2024 08:23 AM   

ಜೀವನ: ಸಿಹಿ ಕಹಿ ನೆನಪುಗಳ ತೂಗುಯ್ಯಾಲೆ

 ಶ್ರೀ ಗಳವರ ಅಂಕಣ *"ಬಿಸಿಲು ಬೆಳದಿಂಗಳು"*

*ಜೀವನ ಸಿಹಿ -ಕಹಿ ನೆನಪುಗಳ ತೂಗುಯ್ಯಾಲೆ*
ಇದರ ಬಗ್ಗೆ ನನ್ನ ಮನದಾಳದ ಮಾತುಗಳನ್ನು ವ್ಯಕ್ತ ಪಡಿಸುವುದರ ಮೂಲಕ ಪ್ರತಿಕ್ರಿಯೆ ನೀಡುತ್ತಿದ್ದೇನೆ.

ಈ ಜೀವನದ ಹಾದಿ ಅಂದುಕೊಂಡಷ್ಟು ಸುಲಭವಲ್ಲ. ಅನೇಕ ನಿರೀಕ್ಷಿತವಾದ ಮತ್ತು ಅನಿರೀಕ್ಷಿತವಾದ ಘಟನೆಗಳು ನಡೆದುಬಿಡುತ್ತವೆ. ಒಮ್ಮೊಮ್ಮೆ ನಾವು ಅಂದುಕೊಂಡಂತೆ ಏನು ಆಗುವುದಿಲ್ಲ. ಯಾವುದನ್ನು ನಾವು ಕನಸು ಮನಸ್ಸಿನಲ್ಲೂ ಅಂದುಕೊಂಡಿರುವುದಿಲ್ಲವೋ ಅದು ಆಗಿಬಿಡುತ್ತದೆ. ಯಾವುದಕ್ಕೂ ವಿಚಲಿತ ರಾಗದೆ ಸಿಹಿ ಕಹಿ ಅಂದರೆ, ಕಷ್ಟ ಸುಖ, ನೋವು ನಲಿವು, ಎರಡು ಸಮಾನವಾಗಿ ತೆಗೆದುಕೊಳ್ಳಬೇಕು. ಆಗಲೇ ನಾವು ನೆಮ್ಮದಿಯಾಗಿ ಬದುಕಲು ಸಾಧ್ಯ.

ನನ್ನ ಅನಿಸಿಕೆ ಪ್ರಕಾರ ಕಷ್ಟವನ್ನು ನೋವನ್ನು ಕಹಿಯನ್ನು ಹೆಚ್ಚಾಗಿ ಅನುಭವಿಸಬೇಕು ಆಗ ನಾವು ಹಣ್ಣಿನಂತೆ ಪರಿಪಕ್ವವಾಗಲು ಸಾಧ್ಯವಾಗುತ್ತದೆ. ಸುಖ ಆರೋಗ್ಯಕ್ಕೆ ಹಾನಿಕರ, ಸಿಹಿ ತಿಂದರೆ ಡಯಾಬಿಟಿಸ್, ಬೇವಿನ ಎಲೆ ಅಥವಾ ಹಾಗಲಕಾಯಿ ತಿಂದರೆ ಆರೋಗ್ಯಕ್ಕೆ ಒಳ್ಳೆಯದು, ಹಾಗೆ ಕಷ್ಟಗಳು ಬಂದಾಗ ನಮ್ಮಲ್ಲಿ ಒಂದು ಅದ್ಭುತ ಶಕ್ತಿ ಬರುತ್ತದೆ. ಧೈರ್ಯ ಬರುತ್ತದೆ, ಒಳ್ಳೊಳ್ಳೆ ಆಲೋಚನೆಗಳು ಹುಟ್ಟಿಕೊಳ್ಳುತ್ತದೆ. ಹೇಗೆ ಎದುರಿಸಬೇಕು ಹಾಗೂ ಎದುರಿಸಿ ನಿಲ್ಲಲೇ ಬೇಕು ಎಂಬ ಛಲ ಕೂಡ ಹುಟ್ಟುತ್ತದೆ. ಅದೇ ಸುಖ, ನಲಿವು, ಸಂತೋಷ, ಸಿಹಿ, ಹೆಚ್ಚಾದರೆ ನಮ್ಮಲ್ಲಿ ಅನುಭವದ ಕೊರತೆ, ಅಹಂ, ನಮಗೆ ಏನು ಬರೋದೇ ಇಲ್ಲ ಅನ್ನೋ ರೀತಿ ಕಲ್ಪನೆಗಳು ಬಂದು ನಾವು ಏನೇನೋ ಆಗಿಬಿಡುತ್ತೇವೆ. ಯೋಚಿಸಿ ನೋಡಿ. ಹೌದೋ ಅಲ್ಲವೋ ? ಆದಷ್ಟು ನಾವು ಕಹಿಯನ್ನು ಅಗಿದು ನುಂಗುತ್ತಿರಬೇಕು. ಆಗ ನಮಗೆ ಬಿಪಿ, ಶುಗರ್ ಇತ್ಯಾದಿ ಕಾಯಿಲೆಗಳು ಬರುವುದಿಲ್ಲ. ಅಂದರೆ ಇದರ ಅರ್ಥ ಒಂದು ಹಿಂದಿ ಹಾಡಿನ ಪ್ರಕಾರ, ದುಃಖ್ ತೋ ಅಪ್ ನಾ ಸಾಥೀರೇ ಅಂತ.

ಸ್ವಾಮೀಜಿಯವರು ವಿದೇಶ ಪ್ರವಾಸದಲ್ಲಿದ್ದಾಗ ಆದ ಅನುಭವವನ್ನು ಹಂಚಿಕೊಂಡಿದ್ದಾರೆ.ಎಂತಹ ಅನುಭವ ನೋಡಿ.
ನಾವು ಒಂಟಿಯಾಗಿದ್ದಾಗ, ವಿದೇಶಕ್ಕೆ ಹೋದಾಗ, ಬೇರೆ ಕಡೆ ವಾಸವಿದ್ದಾಗ, ನಮ್ಮವರನ್ನೆಲ್ಲ ಬಿಟ್ಟು ಹೋಗಿರುತ್ತೇವೆ. ಆಗ ನಮಗೆ ಯಾರು ಇಲ್ಲವಲ್ಲ ಎಂಬ ಒಂಟಿತನ ಕಾಡುತ್ತಿರುತ್ತದೆ. ಅಂತಹ ಸಂದರ್ಭದಲ್ಲಿ ನಮನ್ನು ಯಾರಾದರೂ ಕರೆದು ಆತ್ಮೀಯವಾಗಿ ಮಾತನಾಡಿಸಿದರೆ, ನಮಗೆ ಆಗುವ ಆನಂದ ಅಷ್ಟಿಷ್ಟಲ್ಲ . ಒಂದು ಕ್ಷಣ ಜಾತಿ, ಧರ್ಮ, ವೃತ್ತಿ, ಅಂತಸ್ತು, ಎಲ್ಲವನ್ನು ಬಿಟ್ಟು ನಮ್ಮೆದುರಿಗೆ ಇರುವ ಆತ್ಮೀಯರೇ ನಮಗೆ ತಂದೆ ತಾಯಿ, ಬಂಧು ಬಳಗ, ಎಲ್ಲವೂ ಆಗಿಬಿಡುತ್ತಾರೆ. ಅವರು ಮಾಡಿದ ಉಪಚಾರ, ಸೇವೆ, ತೋರಿಸಿದ ಪ್ರೀತಿ, ಇವೆಲ್ಲ ಬೆಲೆ ಕಟ್ಟದವುಗಳಾಗಿ ಬಿಡುತ್ತವೆ. ಆ ಅನುಭವವೇ ಒಂದು ರೀತಿಯ ರೋಮಾಂಚನ.

ಸ್ವಾಮೀಜಿಗಳು ಈ ಅಂಕಣದಲ್ಲಿ ಬರೆದ ತಮ್ಮ ಅನುಭವಗಳನ್ನು ಓದಿ ರೋಮಾಂಚನವಾಯಿತು. ಕೊನೆಯಲ್ಲಿ ಅವರ ಮಗಳು ಬರೆದ ಪತ್ರ ತಾಯಿಯ ಕೊನೆಯ ಆಸೆಯಂತೆ ಚಿತಾಭಸ್ಮವನ್ನು ಮಠದ ಶಾಂತಿವನ ಜಲಾಶಯದಲ್ಲಿ ವಿಸರ್ಜನೆ ಮಾಡುವ ಸಮ್ಮತಿ ಏನೋ ಒಂದು ರೀತಿಯ, ಏನೆಲ್ಲಾ ಯೋಚನೆಗಳು ಸುಳಿದು ಮಾಯವಾಗಿ ಬಿಡುತ್ತವೆ ಅಲ್ಲವೇ ? ಆದ್ದರಿಂದ ನಾವು ಎಲ್ಲೇ ಇರಲಿ ಸಹೋದರತ್ವ ಬೆಳೆಸಿಕೊಂಡು, ಸಹಬಾಳ್ವೆಯ ಜೀವನವನ್ನು ನಡೆಸಬೇಕು. ನಮ್ಮ ಸುತ್ತಮುತ್ತಲಿನವರು, ಅಕ್ಕಪಕ್ಕದವರು, ನಮ್ಮ ಜೊತೆ ಇರುವವರನ್ನು ಆಪತ್ಬಾಂಧವರು , ಸಹೋದರ ಸಹೋದರಿಯರು, ಬಂಧು ಬಾಂಧವರೆಂದು ತಿಳಿದು ನಾವು ಜೀವನವನ್ನು ಸಾಗಿಸಿದರೆ, ಸಿಹಿ ಕಹಿ ಎಂಬ ತೂಗು ಯ್ಯಾಲೆಯಲ್ಲಿ ತೂಗಬಹುದು. *ಧನ್ಯವಾದಗಳು* ‌ *ಜೈ ಹಿಂದ್*
ಮಹಬೂಬಿ ದೈಹಿಕ ಶಿಕ್ಷಣ ಶಿಕ್ಷಕಿ ಸ ಹಿ ಪ್ರಾ ಶಾಲೆ ಮದಕರಿಪುರ ಚಿತ್ರದುರ್ಗ*

N-0 

  13-04-2024 08:16 PM   

 

N-2495 

  13-04-2024 06:14 PM   

ಜೀವನ: ಸಿಹಿ ಕಹಿ ನೆನಪುಗಳ ತೂಗುಯ್ಯಾಲೆ

 ಪರಮಪೂಜ್ಯರ ಬಿಸಿಲು ಬೆಳದಿಂಗಳ ಅಂಕಣಕ್ಕೆ ಪ್ರತಿಕ್ರಿಯೆ
*ಜೀವನವು ಸಿಹಿ ಕಹಿ ನೆನಪುಗಳ ಉಯ್ಯಾಲೆ*
ಪರಮಪೂಜ್ಯರು ಬಿಸಿಲು ಬೆಳದಿಂಗಳು ಅಂಕಣದಲ್ಲಿ ಪ್ರಕಟವಾಗುವುದಕ್ಕಿಂತ ಮುಂಚಿತವಾಗಿಯೇ ತರಗತಿಯಲ್ಲಿ ಈ ಘಟನೆಯ ಬಗ್ಗೆ ಮಾಹಿತಿಯನ್ನು ನಮಗೆ ನೀಡಿದ್ದರು
ಎಲ್ಲೇ ಹೋಗಲಿ ತಾಯಿ ಅಥವಾ ತಾಯಿಯ ಪ್ರೀತಿ ಒಂದೇ. ಗುರುಗಳಿಗೆ ತಾಯಿ ಪ್ರೀತಿಯನ್ನು ತೋರಿಸಿದವರು ಆಕೆ ಮಹಾ ಪುಣ್ಯವಂತೆ. ಅವರನ್ನು ಮಗನ ರೀತಿಯಲ್ಲಿ ನೋಡಿಕೊಂಡಿರುವ ಅವರು ಮಹಾನ್ ತಾಯಿ. ಹಾಗೆ ಆ ತಾಯಿ ಪ್ರೀತಿಯನ್ನು ನೆನಪಿಟ್ಟುಕೊಂಡು ಗುರುಗಳು ಅವರನ್ನು ಅವರ ಯೋಗಕ್ಷೇಮವನ್ನು ವಿಚಾರಿಸಲು ಅವರ ಮನೆಯ ಬಳಿ ಹೋಗಿದ್ದು ಒಬ್ಬ ಮಗನು ತಾಯಿಗೆ ಪ್ರೀತಿಯನ್ನು ಸಲ್ಲಿಸುವ ರೀತಿಯನ್ನು ವ್ಯಕ್ತಪಡಿಸುತ್ತದೆ. ಗುರುಗಳು ಸಹ ಅವರನ್ನು ತಾಯಿಯೆಂದು ಭಾವಿಸಿ ಅವರ ಕೊನೆಯ ಉಸಿರಿನಲ್ಲಿ ಅವರ ಕೊನೆಯ ಆಸೆಯನ್ನು ಪೂರೈಸಿದರು. ಇದು ಅವರ ತಾಯಿ ಪ್ರೀತಿಯನ್ನು ತೋರುತ್ತದೆ.
ಮತ್ತೊಮ್ಮೆ ಪರಮ ಪೂಜ್ಯರಿಗೆ ಪ್ರಣಾಮಗಳು
*ನಮಿತಶ್ರೀ ಜೆ. ಎನ್* 9ನೇ ತರಗತಿ ತರಳಬಾಳು ಸಿಬಿಎಸ್‌ಈ ಸಿರಿಗೆರೆ.
9ನೇ ತರಗತಿ ತರಳಬಾಳು ಸಿಬಿಎಸ್‌ಈ ಸಿರಿಗೆರೆ.

N-2495 

  13-04-2024 06:08 PM   

ಜೀವನ: ಸಿಹಿ ಕಹಿ ನೆನಪುಗಳ ತೂಗುಯ್ಯಾಲೆ

 ಬಿಸಿಲು ಬೆಳದಿಂಗಳು 4.4.2024 ಸಂಚಿಕೆಯ ಜೀವನ:ಸಿಹಿ ಕಹಿ ನೆನಪುಗಳ ಉಯ್ಯಾಲೆ -
ಇದರ ಬಗ್ಗೆ ನನ್ನ ಪ್ರತಿಕ್ರಿಯೆ

ಅಪ್ಪಾಜಿಯವರ ಪಾದರವಿಂದಗಳಿಗೆ ಪೊಡಮಡುತ್ತಾ
ಅಪ್ಪಾಜಿಯವರು ವಿದೇಶಿ ಪ್ರವಾಸವನ್ನು ಕೈಗೊಂಡಾಗ ಪರಿಚಯವಾದ ಆರತಿ ಮುಖರ್ಜಿ ಅವರ ಕುರಿತು ಸವಿವರವಾಗಿ ಚರ್ಚಿಸಿದ್ದಾರೆ. ಎತ್ತಣ ಮಾಮರ ಎತ್ತಣ ಕೋಗಿಲೆ, ಎತ್ತಣಿಂದೆತ್ತ ಸಂಬಂಧವಯ್ಯ ಎಂಬಂತೆ ವಿದೇಶದಲ್ಲಿ ವಾಸವಾಗಿದ್ದರು ಕೂಡ ಸ್ವದೇಶ ಸಂಸ್ಕಾರವನ್ನು ಬಿಡದೆ ಅಪ್ಪಾಜಿಯವರೊಂದಿಗೆ ತೋರಿದ ಆದರ ಅಭಿಮಾನಗಳು ಭಾರತೀಯ ಸಂಸ್ಕೃತಿಗೆ ಹಿಡಿದ ಕೈ ಕನ್ನಡಿಗಳಾಗಿವೆ. ಅಷ್ಟೇ ಅಲ್ಲದೆ ಅದೇ ಸಂಬಂಧವನ್ನು ಮುಂದುವರಿಸಿಕೊಂಡು ಬಂದು ಎಷ್ಟೋ ವರ್ಷಗಳವರೆಗೆ ಸ್ನೇಹ ಸೇತುವೆಯನ್ನು ಬೆಸೆದದ್ದು ಅವರ್ಣನೀಯವಾದ ವಿಷಯ. ತಮ್ಮ ಕೊನೆಗಾಲದಲ್ಲೂ ಕೂಡ ಅಪ್ಪಾಜಿಯವರೊಂದಿಗೆ ಅವರ ಮಿಡಿತ ಭಾವ ಬೆಸೆದದ್ದು ಎಷ್ಟೋ ಜನ್ಮಗಳ ಅನುಬಂಧ ಎನಿಸದೆ ಇರಲಾರದು

ಮತ್ತೊಮ್ಮೆ ಅಪ್ಪಾಜಿ ಅವರ ಪಾದಗಳಿಗೆ ಶರಣು ಶರಣಾರ್ಥಿಗಳು 🙏🏻🙏🏻🙏🏻🙏🏻🙏🏻
*ಪೂರ್ಣಿಮಾ ಯಲಿಗಾರ*
ಬೈಲಹೊಂಗಲ

N-2495 

  13-04-2024 06:01 PM   

ಜೀವನ: ಸಿಹಿ ಕಹಿ ನೆನಪುಗಳ ತೂಗುಯ್ಯಾಲೆ

 ಪರಮ ಪೂಜ್ಯ ಶ್ರೀ ಡಾ.ಶಿವಮೂರ್ತಿ ಶಿವಾಚಾರ್ಯರ ಚರಣಾರವಿಂದಗಳಲ್ಲಿ ವಂದಿಸುತ್ತ.

ಶ್ರೀಗಳವರ ಅಂಕಣ
" *ಬಿಸಿಲು ಬೆಳದಿಂಗಳು* "
" *ಜೀವನ ಸಿಹಿ ಕಹಿ ನೆನಪುಗಳ ತೂಗುಯ್ಯಾಲೆ* " ಯ ಬಗ್ಗೆ ನನ್ನ ಭಾವನೆಗಳನ್ನ ವ್ಯಕ್ತ ಪಡಿಸುತ್ತಿದ್ದೇನೆ.

ಜೀವನದ ಹಾದಿ ಸುಗಮವಲ್ಲ; ಅನೇಕ ನಿರೀಕ್ಷಿತ ಮತ್ತು ಅನೀರಿಕ್ಷಿತಗಳ ಸರಮಾಲೆ.
ನಾವು ಒಳ್ಳೆಯದನ್ನೇ ಬಯಸಿದಾಗಲೂ ಕಾಲನ ಕೈಮೇಲಾಟದಲ್ಲಿ ವಿಧಿಯಿಲ್ಲದೆ ಎದುರಾಗುವ ವಿಷಮ ಪರಿಸ್ಥಿತಿಯನ್ನು ಸಮಚಿತ್ತದಿಂದ ಸ್ವೀಕರಿಸುವ ಗುಣ ಬೆಳಸಿಕೊಳ್ಳಬೇಕು.

ಇದರ ಸಾರವಾಗಿಯೆ ಹಿರಿಯರು ಯುಗಾದಿಯಲ್ಲಿ ಬೇವು ಬೆಲ್ಲ ನೀಡುವುದನ್ನು ಸನಾತನವಾಗಿಯೇ ನಡೆಸಿಕೊಂಡು ಬಂದಿದ್ದಾರೆ. ಅಷ್ಟೇ ಅಲ್ಲ ಸೇವಿಸುವಾಗ *ಬೇವು ಸಿಹಿ ಬೆಲ್ಲ ಕಹಿ* ಎಂಬ ನುಡಿಯನ್ನು ಸಹ ಹೇಳಿಸುತ್ತಾರೆ. ಇದರ ಸಾರಾಂಶ ಇಷ್ಟೇ: ಬೇವಿನಂತೆ ಕಹಿಯಾದ ಕಷ್ಟವನ್ನು ಬೆಲ್ಲದ ಸಿಹಿಯ ಸುಖದಂತೆ ಸ್ವೀಕರಿಸಿ ಎನ್ನುವುದಾಗಿದೆ.

ಗುರುಗಳು ವಿಯೆನ್ನಾದ ತಮ್ಮ ಉನ್ನತ ಶಿಕ್ಷಣದ ಸಮಯದಲ್ಲಿ ನಡೆದ ಸಿಹಿ ಘಟನೆಗಳನ್ನು ವಿವರಿಸುತ್ತಾ ಬಂಗಾಳದ ಆರತಿ ಮುಖರ್ಜಿ ಮತ್ತು ಅವರ ಪತಿ ಅಸೀಮ್ ನಾಥ್ ಮುಖರ್ಜಿಯವರ ಅತಿಥ್ಯವನ್ನು , ತಾಯ್ತನದ ಪ್ರೀತಿಯನ್ನು ನೆನಪಿನಲ್ಲಿ ಉಳಿಸಿಕೊಂಡಿರುವುದು ನಿಜಕ್ಕೂ ಸಂತಸದ ವಿಷಯ.

ಬಹಳಷ್ಟು ವರ್ಷಗಳ ನಂತರ ಆರತಿ ಮುಖರ್ಜಿಯವರು ಅನಾರೋಗ್ಯ ಪೀಡಿತರಾದಾಗ ಅವರನ್ನು ಕಾಣಲು ಗುರುಗಳು ಅವರಲ್ಲಿಗೆ ಹೋಗಿ ಆಶೀರ್ವದಿಸಿದ್ದು, ಹಿತವಚನಕ್ಕೆ ಹಿರಿಜೀವ ಸ್ಪಂದಿಸಿ ಆಮ್ಲಜನಕದ ಮಟ್ಟ ಏರಿದ್ದು ತುಂಬಾ ಆಶ್ಚರ್ಯದ ವಿಷಯ. ಅಲ್ಲಿಂದ ಹಿಂತಿರುಗುವಷ್ಟರಲ್ಲೇ ಅವರ ಕಾಲವಾದ ವಿಷಯ ತುಂಬಾ ನೋವಿನ ಸಂಗತಿ. ಮುಂದೆ ಅವರ ಪತಿ ತಮ್ಮ ಪತ್ನಿಯ ಚಿತಾಭಸ್ಮವನ್ನು ಶಾಂತಿವನದಲ್ಲಿ ಲೀನ ಮಾಡುವ ಇರಾದೆಯನ್ನು ಅವರ ಮಗಳು ಶ್ರೀಮತಿ ದೇವಿಕಾಳ ಕೋರಿಕೆಯ ಮೇರೆಗೆ ಗುರುಗಳು ಈಡೆರಿಸಿದ್ದು ಮನ ಕಲಕುವ ವಿಚಾರ.

ಹೀಗೆ ಕೆಲ ಸಿಹಿ ನೆನಪಿನ ಅಂಗಳದಲ್ಲಿ ಅಪಥ್ಯವಾದರೂ ಕಹಿ ನೆನಪು ನುಸುಳಿ ಬಿಡುತ್ತದೆ.

ಅದಕ್ಕೆಂದೇ ಗುರುಗಳ ಶೀರ್ಷಿಕೆ " *ಜೀವನ ಸಿಹಿ ಕಹಿ ನೆನಪುಗಳ ತೂಗುಯ್ಯಾಲೆ* " ತುಂಬಾ ಸೂಕ್ತವಾಗಿದೆ.

ಆದವರನ್ನು ಚಿರಕಾಲ ನೆನಪಿನಲ್ಲಿಟ್ಟು ಕೊಳ್ಳುವ ಮಾತೃ ಹೃದಯಿ ಗುರುಗಳಿಗೆ ಪ್ರಣಾಮಗಳು.

ಹಾಗೆಯೆ ಮತ್ತೆ ಸಾಹಿತ್ಯ ಸೇವೆಗೆ ಸಮರ್ಪಿಸಿಕೊಂಡು ನಮ್ಮೆಲ್ಲರನ್ನು ಬರೆಯಲು ಪ್ರೇರೇಪಿಸುತ್ತಿರುವ ರಾ.ವೆಂಕಟೇಶ ಶ್ರೇಷ್ಠಿ ಯವರಿಗೆ ವಂದನೆಗಳು.
*ನಾರಾಯಣ ದೊಂತಿ*
ಚಿತ್ರದುರ್ಗ

N-2499 

  13-04-2024 04:58 PM   

ಯುಗಾದಿ ಹಬ್ಬದ ಬೇವು-ಬೆಲ್ಲ : ಶ್ರೀ ತರಳಬಾಳು ಜಗದ್ಗುರುಗಳ ವಿಶೇಷ ಲೇಖನ

 ಪೂಜ್ಯ ಗುರುಗಳಿಗೆ‌ಶಿರಸಾಷ್ಟ್ರಾಂಗ ನಮಸ್ಕಾರಗಳು.ಯುಗಾದಿಯ ಮಹತ್ವ ಸಾರುವ .ಮತ್ತು ಶರಣ ತತ್ವ ತಿಳಿಸುವ ಗುರುವಾಣಿ ಅಮರ.
ಹೊಸೂರು ಪುಟ್ಟರಾಜು.
Kadur.Karnataka.India.

N-1598 

  13-04-2024 02:49 PM   

ಶತಮಾನ ದಾಟಿದ ಗುಬ್ಬಿಗಳ ಗೂಡು

 ಗುಬ್ಬಿ ಮಲ್ಲಣ್ಣ 15 ಶತಮಾನದ ವರು ಹಾಲುಮತ ಸಮುದಾಯದ ಒಡೆಯರ ಕುಲದವರು
Malappa
Gulbarga

N-2495 

  13-04-2024 01:33 PM   

ಜೀವನ: ಸಿಹಿ ಕಹಿ ನೆನಪುಗಳ ತೂಗುಯ್ಯಾಲೆ

 ಗುರುಭ್ಯೋ ನಮಃ. 💐🙏🏻
ಈ ಪ್ರಸಂಗವನ್ನು ಅವಲೋಕಿಸಿದಾಗ, ಕೆಲವು ಸದ್ಭಾವಗಳು ಗಮನಕ್ಕೆ ಬರುತ್ತವೆ. ಭಾರತೀಯರು ಎಂಬ ಭಾವನೆಯಿಂದ ಗುರುಗಳನ್ನು ಔತಣಕ್ಕೆ ಆಮಂತ್ರಿಸಿದ ಪ್ರಸಂಗ,
ಮತ್ತು ಗುರುಗಳು ಅವರ ಅಂತ್ಯಕಾಲದಲ್ಲಿ ಆಶೀರ್ವದಿಸಿದ ಪ್ರಸಂಗ, ಇನ್ನೂ ಹೆಚ್ಚಾಗಿ ಅವರಿಗೆ ಮಠದ ಜಲಾಶಯದಲ್ಲಿ ಚಿತಾ ಭಸ್ಮ ವಿಸರ್ಜಿಸುವ ಅಂತಿಮ ಆಸೆ ಪೂರೈಸಿದ ಪ್ರಸಂಗ, "ಯದ್ ಭಾವೋ ತದ್ ಭವತಿ "ಅಂದ ಹಾಗೆ,ಶುದ್ಧ ಭಾವನೆಗಳಿಂದ ಶುದ್ಧ ಪರಿಣಾಮಗಳು.
ಇಲ್ಲಿ ಗುರುಗಳು ಶಿಷ್ಯರ ಭಾವಗಳಿಗೆ ಸ್ಪಂದಿಸಿದ ಪ್ರಸಂಗ ನಮಗೆಲ್ಲ ಹೃದಯ ಸ್ಪರ್ಶಿ ಆಗಿದೆ.
ಗುರು ಸೇವಾ ನಿರತ ವೆಂಕಟೇಶ ಶೆಟ್ಟಿ ಅವರಿಗೆ ವಂದನೆಗಳು. 🙏🏻.
*ಮುಕ್ತಾ ಗುಜಮಾಗಡಿ*
ನರಗುಂದ

N-2495 

  13-04-2024 01:28 PM   

ಜೀವನ: ಸಿಹಿ ಕಹಿ ನೆನಪುಗಳ ತೂಗುಯ್ಯಾಲೆ

 ಬಿಸಿಲು ಬೆಳದಿಂಗಳು 4.4.2024 ಸಂಚಿಕೆಯ * ಜೀವನವು ಸಿಹಿಕಹಿ ನೆನಪುಗಳ ಉಯ್ಯಾಲೆ!* ಬಗ್ಗೆ ನನ್ನ ಪ್ರತಿಕ್ರಿಯೆ.

ಶ್ರೀಗಳ ಪಾದರವಿಂದಗಳಿಗೆ ನನ್ನ ಶಿರ ಸಾಷ್ಟಾಂಗ ನಮಸ್ಕಾರಗಳು. 🙏🏻🙏🏻🙏🏻

ಶ್ರೀಗಳ ಇಂದಿನ ಸಂಚಿಕೆಯನ್ನು ಓದುತ್ತಿದ್ದ ಹಾಗೆ ಅನಿಸಿದ ಸಂಗತಿ ಅಂದರೆ ಪೂರ್ವಜನ್ಮದ ಋಣಾನುಬಂದವನ್ನು ಶ್ರೀಗಳ ಹಾಗೂ ಮಾತೆ ಅರತಿ ಮುಖರ್ಜಿ ಪರಿಪೂರ್ಣಗೊಳಿಸುವ ಹಾಗಿದೆ.

ಶ್ರೀಗಳು ದೂರದ ದೇಶದಲ್ಲಿ ವ್ಯಾಸಂಗಮಾಡುತ್ತಿರುವ ಸಮಯದಲ್ಲಿ ತಾಯಿ ಅರತಿ ಮುಖರ್ಜಿ ತೋರಿದ ಮಮತೆಯ ಆತಿಥ್ಯವನ್ನು ಮರೆಯದೆ ನಂತರ ಅವರ ಕೊನೆಯಕ್ಷಣದಲ್ಲಿ ತಮ್ಮ ಬಿಡುವಿಲ್ಲದ ಕಾರ್ಯವನ್ನ ಬದಿಗಿಟ್ಟು ತಾಯಿಯನ್ನು ಬೇಟಿಯಾಗಿ ಸ್ವಾಂತನ ನೀಡಿದ ಸಂಗತಿ , ಹಾಗೇ ಅವರು ಅಗಲಿದ ನಂತರ ಮಗಳ ಮಾತಿಗೆ ಅವರ ಕೊನೆಯ ಕಾರ್ಯಕ್ಕೆ ಅವಕಾಶ ನೀಡಿರುವ ಸಂಗತಿ ಮನೋಜ್ಞವಾಗಿ ಬಿಂಬಿಸುವಂತಹುದು.

ಮತ್ತೊಮ್ಮೆ ಅಂಕಣಕ್ಕೆ ಪ್ರತಿಕ್ರಿಯೆ ಬರೆಯಲು ಅವಕಾಶ ನೀಡಿರುವ ಶ್ರೀಗಳಿಗೆ ನನ್ನ ಶಿರ ಸಾಷ್ಟಾಂಗ ನಮಸ್ಕಾರಗಳು 🙏🙏🙏
.

ಹಾಗೆಯೇ ತಮ್ಮ ಸಾಮಾಜಿಕ ಕಳಕಳಿಯ ಕಾರ್ಯವನ್ನ ಮುಂದುವರೆಸುತ್ತಾ ನಮ್ಮೆಲ್ಲರಿಗೂ ಜ್ಞಾನಸುಧೆಯನ್ನು ಉಣಬಡಿಸುತ್ತಿರುವ ಶ್ರೀ ವೆಂಕಟೇಶ ಶ್ರೇಷ್ಠಿಯವರಿಗೆ ನನ್ನ ಅನಂತ ವಂದನೆಗಳು.

*ಚನ್ನಬಸಯ್ಯ.ಪ.ಕೆಂಜೇಡಿಮಠ*
ಅಮರನಗರ ಹುಬ್ಬಳ್ಳಿ.

N-2495 

  13-04-2024 01:22 PM   

ಜೀವನ: ಸಿಹಿ ಕಹಿ ನೆನಪುಗಳ ತೂಗುಯ್ಯಾಲೆ

 ಬಿಸಿಲು ಬೆಳದಿಂಗಳು ಅಂಕಣ*
*ಜೀವನವು ಸಿಹಿ ಕಹಿ ನೆನಪುಗಳ ಉಯ್ಶಾಲೆ*

ಸ್ವಾಮಿಜಿಗಳ ಚರಣಗಳಿಗೆ ಹೃತ್ಪೂರ್ವಕ ನಮನಗಳು.

ಸ್ವಾಮೀಜಿ ತಮ್ಮ ಜೀವನದಲ್ಲಿ ನಡೆದ ಒಂದೊಂದು ಪ್ರಸಂಗವೂ ಮೆಲುಕು ಹಾಕುವಂಥಹವುಗಳೆ.
ಎಲ್ಲಿಗೆಲ್ಲಿಂದ ಸಂಬಂಧ.
ತೋಟದ ಮಾವು ಸಮುದ್ರದ ಉಪ್ಪು ಬೆರೆತಂತೆ. ಮಾನಸಿಕ ಅನುಬಂಧಗಳು. ದೂರದ
ವಿಯೆನ್ನಾಗೆ ತಾವು ಓದಲು ಹೋಗುವಿರಿ. ಅಲ್ಲಿ ತಾಯಿಯಂತೆ ಆದರಿಸಿದ ಮಾತೃ ಹೃದಯಿ ಆರತಿ ಮುಖರ್ಜಿ ಅವರ ಪತಿ ಅಸೀಮ್ ನಾಥ್ ಮುಖರ್ಜಿ . ಅವರಿಂದ ತಮಗೆ ದೊರೆಯುತ್ತಿದ್ದ ಅಸಾಧಾರಣ ಆತಿಥ್ಶ ವರ್ಣಿಸಲಸದಳ. ತಮ್ಮ ಪೂರ್ವಾಶ್ರಮದ ತಾಯಿಯಂತೆ ಉಪಚರಿಸಿದ ಮಮತಾಮಯಿ. ತಮ್ಮ ಕೊನೆ ಕಾಲದಲ್ಲೂ ತಮ್ಮನ್ನು ನೆನೆಸಿಕೊಂಡದ್ದುˌ ತಾವು ಆಕೆಯನ್ನು ಮಾತಾಡಿಸಿದಾಗ ಅವರ ಹೃದಯ ಮಿಡಿತ ಏರಿದ್ದುˌ ನಂತರ ಅವರ ಚಿತಾಭಸ್ಮ ತಮ್ಮ ಆಶ್ರಮದ ಬಳಿ ಶಾಂತಿವನದಲ್ಲಿ ಲೀನವಾಗಿ ಬೆರೆತುಹೋಯಿತು. ತಮ್ಮ ಬಳಿಯೇ ಆ ಆತ್ಮ ಶಾಂತಿ ಅರಸಿ ಬಂದಿತೆ!

ಸ್ವಾಮೀಜಿ ಇವೆಲ್ಲಾ ಯಾವ ಜನ್ಮದ ಅನುಬಂಧವೋ ಅನಿಸಲಾರದೆ!

ಗುರುಗಳ ಚರಣಗಳಿಗೆ ಶರಣೆಯ ನಮನಗಳು.

*ದೇವತಾ ಚಂದ್ರಮತಿ*
ಬೆಂಗಳೂರು.

N-2495 

  13-04-2024 01:17 PM   

ಜೀವನ: ಸಿಹಿ ಕಹಿ ನೆನಪುಗಳ ತೂಗುಯ್ಯಾಲೆ

 ಜೀವನವು ಸಿಹಿ ಕಹಿ ನೆನಪುಗಳ ಉಯ್ಯಾಲೆ*
4-4-2024 ರ ಗುರುಗಳ ಅಂಕಣಕ್ಕೆ ಪ್ರತಿಕ್ರಿಯೆ.

ಗುರುಗಳಿಗೆ ಪ್ರಣಾಮಗಳು.

ಗುರುಗಳು ಅಂಕಣದಲ್ಲಿ ಅವರಿಗೆ ವಿದೇಶದಲ್ಲಿ ಸಿಕ್ಕ ಭಾರತೀಯರ ನಂಟನ್ನು ಸೊಗಸಾಗಿ ವಿವರಿಸಿದ್ದಾರೆ. ತಂತಿ ಎರಡೂ ಕಡೆ ಮೀಟಿತು ಎನ್ನುವುದೇ ಸಂತಸದ ವಿಷಯ. ಹೌದು, ವಿದೇಶದಲ್ಲಿರುವಾಗ ನಮಗೆ ಪರಿಚಯವಾಗುವ ಭಾರತೀಯರು ಸ್ವಲ್ಪ ಸಮಯದಲ್ಲೇ ಬಹಳ ಆತ್ಮೀಯರಾಗಿಬಿಡುತ್ತಾರೆ. ನನಗೆ ಕೂಡ ಇದರ ಅನುಭವವಾಗಿದೆ. ನಾನು ವಿದೇಶದಲ್ಲಿದ್ದಾಗ ಪರಿಚಯವಾದ ಒಂದು ಕುಟುಂಬ ಸುಮಾರು ೩೫ ವರ್ಷಗಳನಂತರವೂ ಇಂದಿಗೂ ಆತ್ಮೀಯರಾಗಿದ್ದಾರೆ. ಅವರು ಕೂಡ ಬೆಂಗಳೂರಿಗೆ ಬಂದು ನೆಲೆಸಿದ್ದರಿಂದ ನಾವು ಹಬ್ಬ ಹರಿದಿನಗಳಲ್ಲಿ ಒಬ್ಬರ ಮನೆಗೊಬ್ಬರು ಹೋಗಿ ಬರುವ ಪರಿಪಾಠವೂ ಬೇಳೆದು ಇನ್ನೂ ಆತ್ಮೀಯರಾದೆವು. ಆದರೆ, ಕೆಲವು ವರ್ಷಗಳ ಹಿಂದೆ ಆ ಕುಟುಂಬದ ಗೃಹಿಣಿ ತೀರಿಕೊಂಡರು, ಮತ್ತು ಅವರ ಮಗ ಕೆಲಸದ ನಿಮಿತ್ತ ಬೇರೆ ಊರಿಗೆ ಹೋದ್ದರಿಂದ ಅವರ ಮನೆಗೆ ಹೋಗಿಬರುವ ಪರಿಪಾಠ ತಾತ್ಕಾಲಿಕವಾಗಿ ನಿಂತಿದೆ. ಮುಂದೆ ಹೇಗೋ ನೋಡಬೇಕು.

ಗುರುಗಳ ಅಂಕಣ ಓದಿದಾಗ ನನಗೆ ತಕ್ಷಣ ನೆನಪಾದದ್ದು ನನ್ನ ವಿದೇಶಿ ಸ್ನೇಹಿತ. ನನಗೆ ಅವರ ಪರಿಚಯವಾದಾಗ ನನಗೆ ಸುಮಾರು ೩೦ ವರ್ಷ ಮತ್ತು ಅವರಿಗೆ ಸುಮಾರು ೬೦ ವರ್ಷ. ಆತ ಸ್ವಿಸ್‌ ಪ್ರಜೆ. ಕೆಲವೇ ವರ್ಷಗಳಲ್ಲಿ ಬಹಳ ಆತ್ಮೀಯರಾದೆವು. ಅವರು ಆಗಾಗ ನಮ್ಮ ಮನೆಗ ಊಟಕ್ಕೆ ಬರುತ್ತಿದ್ದರು ಮತ್ತು ವಾರಾಂತ್ಯ ಸಮಯ ಕಳೆಯಲು ನಾವು ಅವರ ಮನೆಗೆ ಹೋಗುತ್ತಿದ್ದೆವು. ಒಬ್ಬ ವಿದೇಶಿ ವ್ಯಕ್ತಿ ಇಷ್ಟು ಹತ್ತಿರವಾಗಬಲ್ಲನೇ ಎಂದು ಆಶ್ಚರ್ಯವಾಯಿತು. ಅವರು ಕೆಲವೇ ವರ್ಷಗಳ ಹಿಂದೆ ತಮ್ಮ ತೊಂಬತ್ತನೆಯ ಪ್ರಾಯದಲ್ಲಿ ತೀರಿಕೊಂಡರು. ಕೊನೆಯವರೆಗೂ ನನ್ನ ಜೊತೆ ಮಿಂಚಂಚೆ ಸಂಪರ್ಕದಲ್ಲಿದ್ದರು. ತಕ್ಷಣವೇ ಎಲ್ಲವೂ ನೆನಪಾಗಿ ನೆನ್ನೆಯಿಂದ ಫೇಸ್ಬುಕ್‌ ನಲ್ಲಿ ಅವರ ಬಗ್ಗೆ ಬರೆಯಲಾರಂಭಿಸಿದೆ. ಯೋಗವಿದ್ದರೆ ಇಂತಹ ಸ್ನೇಹಿತರು ದೊರಕುವುದು ಸತ್ಯ. ನನ್ನ ಲೇಖನದ ಕೊಂಡಿಯನ್ನು ಈ ಗುಂಪಿನ ಓದುಗರಿಗಾಗಿ ಕೆಳಗೆ ಕೊಡುತ್ತೇನೆ. ಆಸಕ್ತಿ ಇರುವವರು ಓದಬಹುದು.

ಇಂತಹ ನೆನಪು ಮರುಕಳಿಸುವಂತೆ ಮಾಡಿದ ಗುರುಗಳಿಗೆ ಧನ್ಯವಾದಗಳು. ಅದನ್ನು ನಮಗೆಲ್ಲ ತಲುಪಿಸಲು ಶ್ರಮಿಸುತ್ತಿರುವ ವೆಂಕಟೇಶ ಶೆಟ್ಟಿಯವರಿಗೂ ಧನ್ಯವಾದಗಳು.

https://www.facebook.com/kmurthys/posts/pfbid0Q2Rp2v5gKBoaG6RQw4c175wxADibzGfoGPeVwoJx5exzgYDP281rg4G1pSnuesET

https://www.facebook.com/kmurthys/posts/pfbid0RKEkgyiQ62PhjZrdrjYW3pPZYBwqe9hqXorFcb9RAygvaJdsmqqxWQL4YEUB5d8hl

ನಾನು ಇದನ್ನು ಕನ್ನಡದಲ್ಲಿ ಬರೆದಿದ್ದೇನೆ. ಆದರೆ ಕನ್ನಡದ ತರ್ಜುಮೆ ಬೇಕು ಎನ್ನುವ ಸೆಟ್ಟಿಂಗ್ ಇರುವವರಿಗೆ ಅದು ತರ್ಜುಮೆಯಾಗಿ ಇಂಗ್ಲಿಷ್ ನಲ್ಲಿ ಕಾಣುತ್ತಿದೆ. ಈ ತರ್ಜುಮೆ ಬಹಳ ಕೆಟ್ಟದಾಗಿದೆ. ಅಂತಹವರು ತರ್ಜುಮೆ ಸೆಟ್ಟಿಂಗ್ ಬದಲಾಯಿಸಬೇಕು.
*ಕೃಷ್ಣಕವಿ,*
ಬೆಂಗಳೂರು.

N-2495 

  13-04-2024 01:07 PM   

ಜೀವನ: ಸಿಹಿ ಕಹಿ ನೆನಪುಗಳ ತೂಗುಯ್ಯಾಲೆ

 ಪೂಜ್ಯಶ್ರೀ ಗುರುಗಳವರ ಪಾದಾರವಿಂದಗಳಿಗೆ ಭಕ್ತಿಪೂರ್ವಕ ಪ್ರಣಾಮಗಳು

ಈ ಬಾರಿಯ ಪೂಜ್ಯರ ಅಂಕಣದಲ್ಲಿ ಎಲ್ಲೋ ದೂರ ದೇಶದಲ್ಲಿ ವಾಸವಾಗಿರುವ ಆ ಹೆಣ್ಣು ಮಗಳಿಗೂ ಮತ್ತು ಉನ್ನತ ವ್ಯಾಸಂಗಕ್ಕಾಗಿ ಹೋಗಿದ್ದ ನಮ್ಮ ಪೂಜ್ಯಶ್ರೀ ಗುರುಗಳವರಿಗೂ ಪರಿಚಯ ಉಂಟಾಗಿದ್ದು ಆಕಸ್ಮಿಕವಾದರೂ ಹಿಂದಿನ ಜನ್ಮದ ಋಣಾನುಬಂಧ ಇರುವುದರಿಂದ ಒಬ್ಬರಿಗೊಬ್ಬರು ಪರಿಚಯವಾಗಿ ಬಾಂಧವ್ಯ ಬೆಸೆದಿದೆ.

ಸಾಮಾನ್ಯವಾಗಿ ಎಲ್ಲರಿಗೂ ಈ ತರಹದ ಭಾವನೆಗಳು ಉಂಟಾಗುವುದಿಲ್ಲ . ನನ್ನದೇ ಒಂದು ಉದಾಹರಣೆ ಹೇಳಬೇಕೆಂದರೆ ನಾನು exide ಲೈಫ್ ಇನ್ಸೂರೆನ್ಸ್ ಕಂಪನಿಯಲ್ಲಿ ಸೇಲ್ಸ್ ಮ್ಯಾನೇಜರ್ ಆಗಿದ್ದಾಗ ಅನಿರೀಕ್ಷಿತವಾಗಿ ಮೀಟಿಂಗ್ ಗೆ ಮಂಗಳೂರಿಗೆ ಹೋಗಬೇಕಾಗಿ ಬಂತು. ಆಗ ಬಸ್ಸಿನಲ್ಲಿ ಪ್ರಯಾಣಿಸುತ್ತಿದ್ದಾಗ ಓರ್ವ ವ್ಯಕ್ತಿಯ ಪರಿಚಯ ಆಯ್ತು. ಅವರ ಜೊತೆ ಮಾತನಾಡುತ್ತಾ ಮಂಗಳೂರು ಬಂದದ್ದೇ ಗೊತ್ತಾಗಲಿಲ್ಲ. ಅವರು ಮರು ದಿವಸ ನಮ್ಮನ್ನು ಅವರ ಮನೆಗೆ ಊಟಕ್ಕೆ ಆಹ್ವಾನಿಸಿದರು. ನಾನು ಮತ್ತು ನಮ್ಮ ಬ್ರಾಂಚ್ ಮೆನೇಜರ್ ಹಾಗೂ ನನ್ನ ಸಹೋದ್ಯೋಗಿ ಮೂರು ಜನವೂ ಅವರ ಮನೆಗೆ ಹೋದೆವು. ಅಲ್ಲಿ ನಮಗೆ ಸಿಕ್ಕ ಅತಿಥಿ ಸತ್ಕಾರವಂತೂ ಅಷ್ಟಿಷ್ಟಲ್ಲ. ಈಗಲೂ ಸಹ ಆ ವ್ಯಕ್ತಿ ನಮ್ಮ ಸಂಪರ್ಕದಲ್ಲಿದ್ದಾರೆ. ಈ ತರಹದ ಬಾಂಧವ್ಯ ಎಲ್ಲರಿಗೂ ಬೆಸೆಯುವುದಿಲ್ಲ ಅವರು ಯಾರು ನಾವು ಯಾರು ಒಂದೂ ನಮಗೆ ಗೊತ್ತಿಲ್ಲ. ಋಣಾನುಬಂಧವಿದ್ದರೆ ಮಾತ್ರ ನಮಗೆ ಹತ್ತಿರವಾಗುತ್ತಾರೆ.
*ಆರ್ ಜಿ ರಘು*
ಅನುವನಹಳ್ಳಿ

N-2495 

  13-04-2024 01:02 PM   

ಜೀವನ: ಸಿಹಿ ಕಹಿ ನೆನಪುಗಳ ತೂಗುಯ್ಯಾಲೆ

 ಗುರುಗಳ ಅಂಕಣವು ಮನ ಮುಟ್ಟುವಂತಿದೆ.
ಜೀವನ ಎಂದ ಮೇಲೆ ಬೇವು ಬೆಲ್ಲ ಎರಡರ ಮಿಶ್ರಣ. ಕಷ್ಟ ಬಂದಾಗ ಕುಗ್ಗದೆ ಧೈರ್ಯದಿಂದ ಎದುರಿಸಿ ನಿಲ್ಲಬೇಕು. ಹುಟ್ಟು ಉಚಿತ ಸಾವು ಖಚಿತ ಎಂಬುದನ್ನು ಅರಿತು ಮುಂದೆ ಸಾಗಬೇಕು. ಹುಟ್ಟು ನಮ್ಮದಲ್ಲ ಸಾವು ನಮ್ಮದಲ್ಲ. ಭೂಮಿ ನಮ್ಮದಲ್ಲ ಈ ಪ್ರಕೃತಿ ನಮ್ಮದಲ್ಲ. ನಮ್ಮದು ಅಂತ ನಮ್ಮ ಜೊತೆ ಇರೋದು ಉಳಿಯೋದು ಕೇವಲ ನಂಬಿಕೆ ಸ್ನೇಹ ಪ್ರೀತಿ ವಾತ್ಸಲ್ಯ ಅಷ್ಟೇ. ಇದನ್ನರಿತು ಬಾಳಿದರೆ ಜೀವನ ಸಿಹಿ ಜೇನಿನಂತಿರುತ್ತದೆ.

*ವೈಷ್ಣವಿ ನಾಣ್ಯಾಪುರ*
ಹಗರಿಬೊಮ್ಮನಹಳ್ಳಿ

N-2495 

  13-04-2024 12:42 PM   

ಜೀವನ: ಸಿಹಿ ಕಹಿ ನೆನಪುಗಳ ತೂಗುಯ್ಯಾಲೆ

 ಪರಮ ಪೂಜ್ಯರ ಪಾದಾರವಿಂದಗಳಿಗೆ ಭಕ್ತಿ ಪೂರ್ವಕ ಪ್ರಣಾಮಗಳು.

ವಿಜಯ ಕರ್ನಾಟಕ ದಿನಪತ್ರಿಕೆಯ ಬಿಸಿಲು ಬೆಳದಿಂಗಳು ಅಂಕಣದಲ್ಲಿನ
ಪೂಜ್ಯರ, ` ಜೀವನವು ಸಿಹಿ ಕಹಿ ನೆನಪುಗಳ ಉಯ್ಯಾಲೆ ` ಎಂಬ ಲೇಖನವನ್ನು ಓದಿದ ನಂತರ ನನ್ನ ಮನಃಪಟಲದಲ್ಲಿ ಮೂಡಿದ ವಿಚಾರ ಲಹರಿ ಹೀಗೆ ಸಾಗಿ ತಮ್ಮ ಮುಂದಿದೆ.ವಿದೇಶೀ ನೆಲದಲ್ಲಿ ಅಥವಾ ಅಪರಿಚಿತ ಸ್ಥಳದಲ್ಲಿ ಆಕಸ್ಮಿಕವಾಗಿ ನಮ್ಮ ದೇಶೀಯರು, ನಮ್ಮವರು ಭೇಟಿಯಾದಾಗ ಆಗುವ ಸಂತಸ ಸಂಭ್ರಮ ಅವರ್ಣನೀಯ. ರಾಜ್ಯಯಾವುದೇ ಇರಲಿ,ಧರ್ಮ ,ಜಾತಿ ,ಭಾಷೆ ಯಾವುದೇ ಇದ್ದರೂ ಆ‌ ಎಲ್ಲಾ ಗಡಿ ಬಾಂದುಗಳನ್ನು ಮೀರಿ ಸೆಳೆವ ಭಾವ ತಾಯ್ನೆಲದ್ದು. ಜನನೀ ಜನ್ಮ ಭೂಮಿಶ್ಚ ಸ್ವರ್ಗಾದಪಿ ಗರೀಯಸಿ ಎಂಬ ಮಾತು ಇದನ್ನು ಪುಷ್ಟೀಕರಿಸುತ್ತದೆ. ಆಸ್ಟ್ರಿಯಾದ ವಿಯೆನ್ನಾದಲ್ಲಿನ ದಿನಸಿ ಅಂಗಡಿಯೊಂದರಲ್ಲಿ ಪೂಜ್ಯರು ಪಡಿತರ ಕೊಳ್ಳಲು ಹೋದಾಗ ಅಲ್ಲಿ ದೂರದಿಂದ ಚಹರೆಯ ಮೇಲೆ ಭಾರತೀಯ ಮಹಿಳೆಯೊಬ್ಬರನ್ನು ಗುರುತಿಸಿ ಪರಸ್ಪರ ಪರಿಚಯದ ವಿನಿಮಯಮಾಡಿಕೊಂಡ ನಂತರ ಒಂದು ತಲೆಮಾರಿನವರೆಗೆ ಉಳಿದು ಬಂದ ಬಾಂಧವ್ಯ ಅತ್ಯಂತ ಪವಿತ್ರತಮವಾದುದು. ಆಗ ಪೂಜ್ಯರಿನ್ನೂ ವಿದ್ಯಾರ್ಥಿ ದೆಸೆಯಲ್ಲಿದ್ದವರು.ಆ ಮಹಿಳೆಯಲ್ಲಿ ಮಾತೃ ಸ್ವರೂಪವನ್ನು ಕಂಡರು. ಅವಸಾನದ ದಿನಗಳಲ್ಲಿ ಆ ತಾಯಿ ಪೂಜ್ಯರ ಸಾನ್ನಿಧ್ಯವನ್ನು ಕನವರಿಸಿದ್ದು ಪೂಜ್ಯರು ತಮ್ಮ ಕಾರ್ಯ ಬಾಹುಳ್ಯದ ಮಧ್ಯೆಯೂ ಮುಂಬೈಗೆ ಧಾವಿಸಿ ಅವರ ಕುಟುಂಬದವರನ್ನು ಸಂತೈಸಿದ್ದು ಅಂದು ಆ ಮಾತೆ ಮಾತೃ ಪ್ರೇಮದಿಂದ ನೀಡಿದ ಆತಿಥ್ಯದ ಋಣಾನುಬಂಧವೇ ಸರಿ.ಎಷ್ಟೋ ವರ್ಷಗಳ ಸಂಪರ್ಕ ಕಡಿತದ ನಂತರವೂ ಮಿಡಿವ ಹೃದಯ, ಮನಸ್ಸುಗಳು ಸದಾ ಜೀವಂತ ಎಂಬುದಕ್ಕೆ ಈ ಘಟನೆಯೇ ಸಾಕ್ಷಿ. ಬಾಂಧವ್ಯವು ಎಂದಿಗೂ ಆತ್ಮಿಕವಾಗಿದ್ದಲ್ಲಿ ಉಕ್ಕಿನ ತಂತಿಯಂತೆ ದೃಢವಾದುದು ಮತ್ತು ದೀರ್ಘಾಯುಷ್ಯವುಳ್ಳದ್ದು.ಭಾರತೀಯರ ಬದುಕು ,ಬಾಳುವೆ ಭಾವನೆಗಳ ನೆಲೆಗಟ್ಟಿನ ಮೇಲೆ ನಿಂತಿರುವಂತಹವು.ನಿಧನಾನಂತರ ಅಸ್ತಿ ವಿಸರ್ಜನೆಗೊಳ್ಳುವ ಪವಿತ್ರ ಗಂಗೆಯ ಸ್ಥಾನ ಶಾಂತಿವನದ ಜಲಕ್ಕೆ ನೀಡಿದ ಆ ತಾಯ ಆತ್ಮ ವಿಭಿನ್ನ ಸಂಸ್ಕಾರವುಳ್ಳದ್ದು ಎಂದರೆ ಅತಿಶಯೋಕ್ತಿಯಲ್ಲ.
ಪೂಜ್ಯರ ಅಡಿದಾವರೆಗಳಲ್ಲಿ ಮತ್ತೊಮ್ಮೆ ಪ್ರಣಾಮಗಳನ್ನು ಸಲ್ಲಿಸುತ್ತ, ನನ್ನ ಬರವಣಿಗಗೆ ತಾತ್ಕಾಲಿಕ ವಿರಾಮ ನೀಡುವೆ.
*ಎಂ ಆರ್ ಲೋಕೇಶ್ವರಯ್ಯ*
ಚನ್ನಗಿರಿ.

N-2495 

  13-04-2024 12:42 PM   

ಜೀವನ: ಸಿಹಿ ಕಹಿ ನೆನಪುಗಳ ತೂಗುಯ್ಯಾಲೆ

 ಪರಮ ಪೂಜ್ಯರ ಪಾದಾರವಿಂದಗಳಿಗೆ ಭಕ್ತಿ ಪೂರ್ವಕ ಪ್ರಣಾಮಗಳು.

ವಿಜಯ ಕರ್ನಾಟಕ ದಿನಪತ್ರಿಕೆಯ ಬಿಸಿಲು ಬೆಳದಿಂಗಳು ಅಂಕಣದಲ್ಲಿನ
ಪೂಜ್ಯರ, ` ಜೀವನವು ಸಿಹಿ ಕಹಿ ನೆನಪುಗಳ ಉಯ್ಯಾಲೆ ` ಎಂಬ ಲೇಖನವನ್ನು ಓದಿದ ನಂತರ ನನ್ನ ಮನಃಪಟಲದಲ್ಲಿ ಮೂಡಿದ ವಿಚಾರ ಲಹರಿ ಹೀಗೆ ಸಾಗಿ ತಮ್ಮ ಮುಂದಿದೆ.ವಿದೇಶೀ ನೆಲದಲ್ಲಿ ಅಥವಾ ಅಪರಿಚಿತ ಸ್ಥಳದಲ್ಲಿ ಆಕಸ್ಮಿಕವಾಗಿ ನಮ್ಮ ದೇಶೀಯರು, ನಮ್ಮವರು ಭೇಟಿಯಾದಾಗ ಆಗುವ ಸಂತಸ ಸಂಭ್ರಮ ಅವರ್ಣನೀಯ. ರಾಜ್ಯಯಾವುದೇ ಇರಲಿ,ಧರ್ಮ ,ಜಾತಿ ,ಭಾಷೆ ಯಾವುದೇ ಇದ್ದರೂ ಆ‌ ಎಲ್ಲಾ ಗಡಿ ಬಾಂದುಗಳನ್ನು ಮೀರಿ ಸೆಳೆವ ಭಾವ ತಾಯ್ನೆಲದ್ದು. ಜನನೀ ಜನ್ಮ ಭೂಮಿಶ್ಚ ಸ್ವರ್ಗಾದಪಿ ಗರೀಯಸಿ ಎಂಬ ಮಾತು ಇದನ್ನು ಪುಷ್ಟೀಕರಿಸುತ್ತದೆ. ಆಸ್ಟ್ರಿಯಾದ ವಿಯೆನ್ನಾದಲ್ಲಿನ ದಿನಸಿ ಅಂಗಡಿಯೊಂದರಲ್ಲಿ ಪೂಜ್ಯರು ಪಡಿತರ ಕೊಳ್ಳಲು ಹೋದಾಗ ಅಲ್ಲಿ ದೂರದಿಂದ ಚಹರೆಯ ಮೇಲೆ ಭಾರತೀಯ ಮಹಿಳೆಯೊಬ್ಬರನ್ನು ಗುರುತಿಸಿ ಪರಸ್ಪರ ಪರಿಚಯದ ವಿನಿಮಯಮಾಡಿಕೊಂಡ ನಂತರ ಒಂದು ತಲೆಮಾರಿನವರೆಗೆ ಉಳಿದು ಬಂದ ಬಾಂಧವ್ಯ ಅತ್ಯಂತ ಪವಿತ್ರತಮವಾದುದು. ಆಗ ಪೂಜ್ಯರಿನ್ನೂ ವಿದ್ಯಾರ್ಥಿ ದೆಸೆಯಲ್ಲಿದ್ದವರು.ಆ ಮಹಿಳೆಯಲ್ಲಿ ಮಾತೃ ಸ್ವರೂಪವನ್ನು ಕಂಡರು. ಅವಸಾನದ ದಿನಗಳಲ್ಲಿ ಆ ತಾಯಿ ಪೂಜ್ಯರ ಸಾನ್ನಿಧ್ಯವನ್ನು ಕನವರಿಸಿದ್ದು ಪೂಜ್ಯರು ತಮ್ಮ ಕಾರ್ಯ ಬಾಹುಳ್ಯದ ಮಧ್ಯೆಯೂ ಮುಂಬೈಗೆ ಧಾವಿಸಿ ಅವರ ಕುಟುಂಬದವರನ್ನು ಸಂತೈಸಿದ್ದು ಅಂದು ಆ ಮಾತೆ ಮಾತೃ ಪ್ರೇಮದಿಂದ ನೀಡಿದ ಆತಿಥ್ಯದ ಋಣಾನುಬಂಧವೇ ಸರಿ.ಎಷ್ಟೋ ವರ್ಷಗಳ ಸಂಪರ್ಕ ಕಡಿತದ ನಂತರವೂ ಮಿಡಿವ ಹೃದಯ, ಮನಸ್ಸುಗಳು ಸದಾ ಜೀವಂತ ಎಂಬುದಕ್ಕೆ ಈ ಘಟನೆಯೇ ಸಾಕ್ಷಿ. ಬಾಂಧವ್ಯವು ಎಂದಿಗೂ ಆತ್ಮಿಕವಾಗಿದ್ದಲ್ಲಿ ಉಕ್ಕಿನ ತಂತಿಯಂತೆ ದೃಢವಾದುದು ಮತ್ತು ದೀರ್ಘಾಯುಷ್ಯವುಳ್ಳದ್ದು.ಭಾರತೀಯರ ಬದುಕು ,ಬಾಳುವೆ ಭಾವನೆಗಳ ನೆಲೆಗಟ್ಟಿನ ಮೇಲೆ ನಿಂತಿರುವಂತಹವು.ನಿಧನಾನಂತರ ಅಸ್ತಿ ವಿಸರ್ಜನೆಗೊಳ್ಳುವ ಪವಿತ್ರ ಗಂಗೆಯ ಸ್ಥಾನ ಶಾಂತಿವನದ ಜಲಕ್ಕೆ ನೀಡಿದ ಆ ತಾಯ ಆತ್ಮ ವಿಭಿನ್ನ ಸಂಸ್ಕಾರವುಳ್ಳದ್ದು ಎಂದರೆ ಅತಿಶಯೋಕ್ತಿಯಲ್ಲ.
ಪೂಜ್ಯರ ಅಡಿದಾವರೆಗಳಲ್ಲಿ ಮತ್ತೊಮ್ಮೆ ಪ್ರಣಾಮಗಳನ್ನು ಸಲ್ಲಿಸುತ್ತ, ನನ್ನ ಬರವಣಿಗಗೆ ತಾತ್ಕಾಲಿಕ ವಿರಾಮ ನೀಡುವೆ.
*ಎಂ ಆರ್ ಲೋಕೇಶ್ವರಯ್ಯ*
ಚನ್ನಗಿರಿ.

N-2495 

  13-04-2024 12:27 PM   

ಜೀವನ: ಸಿಹಿ ಕಹಿ ನೆನಪುಗಳ ತೂಗುಯ್ಯಾಲೆ

 ಶ್ರೀ ಗುರುಗಳ ಚರಣಾರವಿಂದಗಳಿಗೆ ಶಿರಸಾಷ್ಟಾಂಗ ನಮನಗಳು

*ಜೀವನವು ಸಿಹಿಕಹಿ ನೆನಪುಗಳ ಉಯ್ಯಾಲೆ* ಶೀರ್ಷಿಕೆಯಡಿಯಲ್ಲಿ ಬಂದಿರುವ ನಿಮ್ಮ ಲೇಖನ ಎಂದಿನಂತೆ ಮನೋಜ್ಞವಾಗಿದೆ. ದೂರದ ವಿಯನ್ನಾದಲ್ಲಿ ಪರಿಚಯವಾದ ಜೀವವು ನಿಮ್ಮ ಶಾಂತಿವನದಲ್ಲಿ ಅಂತ್ಯವಾಗಿ ಶಾಶ್ವತತೆಯನ್ನು ಕಂಡುಕೊಳ್ಳುವುದೆನ್ನುವಾಗ ನಿಮ್ಮ ಮನದ ಮಿಡಿತ ಬಹು ಆಪ್ಯತೆಯಿಂದ ಅಭಿವ್ಯಕ್ತವಾಗಿದೆ. ನಮ್ಮ ಆತ್ಮೀಯರೆನಿಸಿದವರು ಅಗಲಿದಾಗ ಎಷ್ಟೇ ಮನವನ್ನು ಸ್ಥಿಮಿತಕ್ಕೆ ತಂದುಕೊಂಡರೂ ಮಿಡಿಯದೇ ಇರದು. ಅದು ನಿಮಗೂ ಆಗಿದೆ. ನಾವು ಲೋಕದ ಜಂಜಾಟಗಳಿಗೆ ಅಂಟಬಾರದೆಂದುಕೊಂಡರೂ ಕೂಡ ಇದು ಮನುಷ್ಯ ಜನ್ಮವಲ್ಲವಾ? ಹಾಗಾಗಿ ಪೂರ್ತಿಯಾಗಿ ಅಂಟದೆ ಇರಲು ಕಷ್ಟವಾಗುತ್ತದೆ. ಅದನ್ನೇ ತಾನೇ ಮಾನವೀಯತೆ ಅನ್ನುವುದು. ಅದರಲ್ಲೂ ಅವರ ಕೈಯಿಂದ ಮಾಡಿ ಬಡಿಸಿದ ಊಟವನ್ನು ಎಂದೂ ಮರೆಯಲು ಸಾಧ್ಯವಿಲ್ಲ. ನಿಮ್ಮ ಮನಮಿಡಿತ ಸಹಜವಾದುದೇ ಆಗಿದೆ.
ಕಾರ್ಯಗಳ ಒತ್ತಡದಿಂದ ಪ್ರತಿಕ್ರಿಯೆ ನೀಡಲು ತಡವಾಯಿತು. ನಿಮ್ಮ ಮಹತ್ ವಿಷಯಗಳನ್ನೊಳಗೊಂಡ ಲೇಖನಗಳ ಹೂರಣವನ್ನು ಹಲವಾರು ಪುಸ್ತಕಗಳ ಮೂಲಕ ಉಚಿತವಾಗಿ ಎಲ್ಲರಿಗೂ ತಲ್ಪುವಂತೆ ಮಾಡುತ್ತಿರುವ ನಿಮ್ಮ ಈ ಮಹತ್ಕಾರ್ಯಕ್ಕೆ ಹಾಗೂ ನಿಮ್ಮ ಶಿಷ್ಯರಾದ ರಾ.ವೆಂಕಟೇಶ ಶೆಟ್ಟಿಯವರಿಗೂ ವಂದಿಸುತ್ತಾ, ತಮ್ಮ ಚರಣಾರವಿಂದಗಳಿಗೂ ನಮಿಸುತ್ತಾ,

ತಮ್ಮ ಆಶೀರ್ವಾದವನ್ನು ಬೇಡುವ,
*ಎಂ.ಜೆ.ನಾಗಲಕ್ಷ್ಮಿ*
ಚಿಕ್ಕಮಗಳೂರು

N-2495 

  13-04-2024 12:21 PM   

ಜೀವನ: ಸಿಹಿ ಕಹಿ ನೆನಪುಗಳ ತೂಗುಯ್ಯಾಲೆ

 ಪರಮಪೂಜ್ಯರ ಪಾದಾರವಿಂದಗಳಿಗೆ ನಮಿಸಿ

ಜೀವನ ಸಿಹಿ ಕಹಿ ನೆನಪುಗಳ ತೂಗುಯ್ಯಾಲೆ ಎಂಬ ಈ ಸಲದ ಸ್ವಾಮೀಜಿಯವರ ಅಂಕಣ ಮನ ಮಿಡಿಯುವಂತಿದೆ. ಮನುಷ್ಯ ಭಾವನಾತ್ಮಕವಾಗಿ ತನಗಾಗಿಯೇ ಬದುಕಬೇಕು. ತನ್ನ ಆತ್ಮ ಒಪ್ಪುವಂತೆ ನಡೆದುಕೊಂಡರೆ ಅದೇ ಸಾರ್ಥಕ ಜೀವನ ಎಂದು ಅವರು ಹೇಳುವುದು ಪರಮ ಸತ್ಯ.

1977-79 ರ ಅವಧಿಯಲ್ಲಿ ಗುರುಗಳು ಉನ್ನತ ವ್ಯಾಸಂಗಕ್ಕಾಗಿ ಆಸ್ಟ್ರಿಯಾ ದೇಶಕ್ಕೆ ಹೋದಾಗ ಹಲವಾರು ಎಡರು ತೊಡರುಗಳನ್ನು ಎದುರಿಸಿದ್ದಾರೆ. ಶ್ರೀಮತಿ ಆರತಿ ಮುಖರ್ಜಿಯವರ ಭೇಟಿ, ಅವರು ತೋರಿದ ಆತ್ಮೀಯತೆ ಅನನ್ಯವಾದುದು. ಧನ್ಯೋ ಗೃಹಸ್ಥಾಶ್ರಮಿ ಎಂಬಂತೆ ಬ್ರಹ್ಮಚರ್ಯದಲ್ಲಿದ್ದ ಗುರುಗಳಿಗೆ ಅವರು ನೀಡಿದ ತಾಯಿ ಮಮತೆಯ ಉಪಚಾರ ಕಂಡು ಹೃದಯ ತುಂಬಿ ಬರುತ್ತದೆ.

ಎತ್ತಣ ಮಾಮರ ಎತ್ತಣ ಕೋಗಿಲೆ ಎತ್ತಣಿಂದೆತ್ತ ಸಂಬಂಧವಯ್ಯ ಎಂಬ ಅಲ್ಲಮನ ವಚನದಂತೆ ಶ್ರೀಮತಿ ಆರತಿ ಅವರ ಅದಮ್ಯ ಪ್ರೀತಿ ಕಾಲಚಕ್ರ ಉರುಳಿದರು ಸಹ ಗುರುಗಳಿಗೆ ಪುನಃ ದೊರೆಯಿತು. ನಿವೃತ್ತಿಯ ನಂತರ ಹಸಿಂನಾಥ್ ಮುಖರ್ಜಿ ಅವರು ದೆಹಲಿಯಲ್ಲಿ ನೆಲೆಸಿದ ವಿಚಾರ ತಿಳಿದ ನಂತರ ಆಗಾಗ ಭೇಟಿ ನೀಡುತ್ತಿದ್ದುದು ಗಮನಾರ್ಹ.

ಕೇವಲ 15 ದಿನಗಳ ಹಿಂದೆ ಮುಂಬೈನಲ್ಲಿ ನೆಲೆಸಿರುವ ಅವರ ಮಗಳು ದೇವಿಕಾ ತನ್ನ ತಾಯಿಯು ಮರಣಶೆಯ್ಯಯಲ್ಲಿ ಇರುವ ವಿಚಾರ ತಿಳಿಸಿ ತಾವು ಬಂದು ಅವರನ್ನು ಆಶೀರ್ವದಿಸಲು ಸಾಧ್ಯವೇ ಎಂದು ಕೇಳಿದಾಗ, ಗುರುಗಳು ಶರವೇಗದಲ್ಲಿ ಅಲ್ಲಿಗೆ ಭೇಟಿ ನೀಡಿ ಅವರನ್ನು ಆಶೀರ್ವದಿಸಿದ ದೃಶ್ಯ ಚಿತ್ತವೇಧಕವಾಗಿದೆ. ದೇವಿಕಾ ಅವರು ತನ್ನ ತಾಯಿಯ ಚಿತಾಭಸ್ಮವನ್ನು ಸಿರಿಗೆರೆ ಮಠದ ಶಾಂತಿವನ ಜಲಾಶಯದಲ್ಲಿ ವಿಸರ್ಜನೆ ಮಾಡಲು ಅವಕಾಶ ಕೇಳಿಕೊಂಡಾಗ, ದಯಾರ್ಧ್ರ ದೃಷ್ಟಿಯಿಂದ ಗುರುಗಳು ಸಹಮತಿ ಸೂಚಿಸಿ ಅವರಿಗೆ ಸಮಾಧಾನ ನೀಡಿದರು. ಉದಾರ ಚರಿತನಾಂತು ವಸುಧೈವ ಕುಟುಂಬಕಂ ಎಂಬ ಮಾತು ಎಷ್ಟು ನೈಜವಾದದ್ದು ಎಂಬುದರ ಅರಿವಾಯಿತು.

ಪೂಜ್ಯರ ಅಂಕಣ ಬರಹಗಳಿಗೆ ಪ್ರತಿಕ್ರಿಯೆ ನೀಡಲು ಪ್ರೋತ್ಸಾಹಿಸುತ್ತಿರುವ ಹಿರಿಯ ಲೇಖಕರಾದ ರಾ ವೆಂಕಟೇಶ ಶೆಟ್ಟರಿಗೆ ಹೃತ್ಪೂರ್ವಕ ನಮನಗಳು.
*ರಾಜೇಶ್ವರಿ*
ಕಡಬ

N-2495 

  13-04-2024 12:14 PM   

ಜೀವನ: ಸಿಹಿ ಕಹಿ ನೆನಪುಗಳ ತೂಗುಯ್ಯಾಲೆ

 
*ಶೀರ್ಷಿಕೆ- ಜೀವನವು ಸಿಹಿಕಹಿ ನೆನಪುಗಳ ಉಯ್ಯಾಲೆ*

*ಶ್ರೀ ಗುರುಗಳ ಚರಣಗಳಿಗೆ ನಮಸ್ಕರಿಸುತ್ತ.......*

ಶ್ರೀ ಗುರುಗಳ ಲೇಖನದ ಈ ಶೀರ್ಷಿಕೆಯನ್ನು ಓದಿದಾಗ ಮನಸ್ಸು ತಕ್ಷಣವೇ ಹೌದು ನಿಜ ಅನಿಸುತ್ತೆ. ಏಕೆಂದರೆ ಜೀವನದಲ್ಲಿ ಬರುವ ಒಳ್ಳೆಯ ಕೆಟ್ಟ ಅನುಭವಗಳೇ ಮುಂದೆ ಸಿಹಿಕಹಿ ನೆನಪುಗಳ ಸರಮಾಲೆಯಾಗಿ ಕಣ್ಮುಂದೆ ಬರುತ್ತವೆ.

ಶ್ರೀ ಗುರುಗಳು ಆಸ್ಟ್ರೀಯಾ ದೇಶಕ್ಕೆ ಹೋದಾಗ ಅಲ್ಲಿ ಪರಿಚಯವಾದ ಒಂದು ಕುಟುಂಬವು ತೋರಿದ ಆತ್ಮೀಯತೆ,ಪ್ರೀತಿ, ಮಮತೆಯ ಸಿಹಿ ಅನುಭವವನ್ನೂ, ತದನಂತರ ಅನಿವಾರ್ಯ ಕಾರಣಗಳಿಂದ ಆ ಕುಟುಂಬದಿಂದ ದೂರವಾಗುವ ಸಂಗತಿಯನ್ನು ಹೇಳಿದ್ದು, ಮುಂದೊಂದು ದಿನ ಆ ಕುಟುಂಬ ಅನಿರೀಕ್ಷಿತವಾಗಿ ಸಿಕ್ಕ ಮೇಲೆ ಸದ್ಯದ ಪರಿಸ್ಥಿತಿಯ ಆ ಕಹಿ ಅನುಭವವೊಂದನ್ನು ಹೇಳುವುದರ ಮೂಲಕ ಶ್ರೀ ಗುರುಗಳು ತಮ್ಮ ಜೀವನದ ಸಿಹಿಕಹಿಯ ನೆನಪೊಂದನ್ನು ಎಳೆ ಎಳೆಯಾಗಿ ಹೇಳಿದ್ದಾರೆ.

ಈ ಲೇಖನವನ್ನು ಓದಿದ ಪ್ರತಿಯೊಬ್ಬ ಓದುಗನಿಗೂ ಅವರ ಜೀವನದಲ್ಲಿ ನಡೆದ ಇಂತಹ ಸಿಹಿಕಹಿ ನೆನಪುಗಳು ಕಣ್ಮುಂದೆ ಬರದೆ ಇರಲಾರವು.

ಯಾವಾಗಲೂ ಬರೆಯಲು ಪ್ರೋತ್ಸಾಹಿಸುವ ನನ್ನ ಅಚ್ಚುಮೆಚ್ಚಿನ ಗುರುಗಳಾದ *ಶ್ರೀಯುತ ರಾ.ವೆಂಕಟೇಶ ಶೆಟ್ಟಿ ಸರ್* ಅವರಿಗೆ ಅನಂತ ನಮನಗಳು.

*ಪ್ರೀತಿ ಎಸ್.ಗೊಬ್ಬಾಣಿ*
ಧಾರವಾಡ

N-2509 

  13-04-2024 10:22 AM   

ಸಿರಿಗೆರೆಯಲ್ಲಿ ಮುಂದಿನ ದಿನಗಳಲ್ಲಿ ಜನಪದ ಗೀತೆಗಳ ಮೇಳ ಆಯೋಜನೆ : ಶ್ರೀ ತರಳಬಾಳು ಜಗದ್ಗುರುಗಳವರು

 ಭಾರತೀಯ ಸಂಸ್ಕೃತಿ ಉಳಿಸಿ, ಬೆಳೆಸುವಲ್ಲಿ ಶ್ರೀಗಳ ಯೋಜನೆ ಅದ್ವಿತೀಯ ಸಾಧನೆಗಳಲ್ಲಿ ಒಂದಾಗಿದೆ. ಹಿರಿಯರ ಸಂಸ್ಕೃತಿ, ಸಂಪ್ರದಾಯ, ಆಚಾರ ವಿಚಾರಗಳು ಇನ್ನೂ ಜೀವಂತವಾಗಿರಿಸುವ ಕಾರ್ಯಚಟುವಟಿಕೆಗಳಿಗೆ ನಾವೆಂದೂ ಜೊತೆಯಾಗಿರುತ್ತೇವೆ. ಜಾನಪದ ಗೀತ ಮೇಳದ ಕಾರ್ಯಕ್ಕೆ ಜೊತೆಯಾಗುತ್ತೇವೆ.

ಧನ್ಯವಾದಗಳೊಂದಿಗೆ :
ಕೆ.ಪಿ.ಎಂ.ಗಣೇಶಯ್ಯ, ರಂಗ ನಿರ್ದೇಶಕರು, ಚಿತ್ರದುರ್ಗ.
ದೂ: 9448664878

ಕೆ.ಪಿ.ಎಂ.ಗಣೇಶಯ್ಯ
ಚಿತ್ರದುರ್ಗ -577501, ಕರ್ನಾಟಕ.

N-2509 

  13-04-2024 10:14 AM   

ಸಿರಿಗೆರೆಯಲ್ಲಿ ಮುಂದಿನ ದಿನಗಳಲ್ಲಿ ಜನಪದ ಗೀತೆಗಳ ಮೇಳ ಆಯೋಜನೆ : ಶ್ರೀ ತರಳಬಾಳು ಜಗದ್ಗುರುಗಳವರು

 ಭಕ್ತೀಗೆ ಹಲವಾರು ಧನಾತ್ಮಕ ಮಾರ್ಗಗಳಿವೆ.ವೀರಗಾಸೆ, ಭಜನೆ, ಧ್ಯಾನ ದಂತೆ, ಜನಪದ ಗೀತೆಗಳು ಕೂಡ ಜನಮಾನಸದ ಭಕ್ತಿ ಹಾಡಿನ ರೂಪದಲಿ,ಪದಗಳರೂಪದಲಿ,ಇದು ನಮ್ಮ ಮಠದಲಿ ಸ್ಪರ್ಧಾತ್ಮಕ ವಾಗಿ ನಡೆಯುವುದು ಬಹಳ ಖುಷಿ ಮಾತು ಕಾರಣ ಹಿಂದಿನ ಪೀಳಿಗೆಯ ಬಳುವಳಿಗಳು ಇಂದಿನವರಿಗೆ ಮುಂದುವರೆಯುವ. ಈ ಕಾರ್ಯಕ್ರಮ ಅಧ್ಭುತ .ಶರಣು ಶರಣಾರ್ಥೀಗಳು
ಹೆಚ್ ಎಸ್ ಸಿದ್ದಲಿಂಗಮೂರ್ತಿ
ಸಿರಿಗೆರೆ