ದಾನಿಹಳ್ಳಿ:  ತರಳಬಾಳು ಜಗದ್ಗುರು ಹಿರಿಯ ಪ್ರಾಥಮಿಕ ಮತ್ತು ಪ್ರೌಢ ಶಾಲೆ ದಾನಿಹಳ್ಳಿ. ಶಾಲೆಯ ಸ್ಥಳೀಯ ಸಲಹಾ ಸಮಿತಿಯ ನಿರ್ದೇಶಕರಾಗಿ ಕಾರ್ಯನಿರ್ವಹಿಸಿದ್ದ ಜಿ ಪರಮೇಶ್ವರಪ್ಪ ದೈವಾಧೀನರಾಗಿದ್ದಾರೆ.  

ಶ್ರೀಮಠದ ಮೇಲೆ ಅಪಾರ ಭಕ್ತಿ ಹೊಂದಿದ್ದ ಇವರು ಶಾಲೆ ಪ್ರಾರಂಭದಿಂದಲೂ  ಶಾಲೆ ಕಟ್ಟಡ ನಿರ್ವಹಣೆ,  ಇತರೆ ಶಾಲೆಯ ಯಾವುದೇ ತುರ್ತು ಸಂಧರ್ಭಗಳಲ್ಲಿ  ಹಾಗೂ ಶ್ರೀ ಸಂಸ್ಥೆಯ ಎಲ್ಲಾ ಕಾರ್ಯ ಚಟುವಟಿಕೆಯಲ್ಲಿ  ಪ್ರಮುಖ ಪಾತ್ರವಹಿಸಿ ಅಭಿವೃದ್ಧಿಗೆ ಶ್ರಮಿಸಿದ್ದು ತರಳಬಾಳು ವಿದ್ಯಾಸಂಸ್ಥೆಯ ಆಡಳಿತಾಧಿಕಾರಿಗಳವರು ತರಳಬಾಳು ಜಗದ್ಗುರುಗಳವರ ಗಮನಕ್ಕೆ ತಂದಿರುತ್ತಾರೆ. 

ಶ್ರೀ ತರಳಬಾಳು ಜಗದ್ಗುರು  ಡಾ.ಶಿವಮೂರ್ತಿ ಶಿವಾಚಾರ್ಯ ಮಹಾಸ್ವಾಮಿಗಳವರು ಜಿ.ಪರಮೇಶ್ವರ ಅವರ ಸೇವೆಯನ್ನು ಸ್ಮರಿಸಿ, ಮೃತರ  ಆತ್ಮಕ್ಕೆ ಶಾಂತಿ ದೊರೆಯಲಿ ಮತ್ತು ಕುಟುಂಬದವರಿಗೆ ದುಃಖ ಭರಿಸುವ ಶಕ್ತಿ ನೀಡಲೆಂದು ಆಶಿಸಿರುತ್ತಾರೆ.