ದಿನಾಂಕ 18-09-2022 ಬೆಂಗಳೂರು : 

ತರಳಬಾಳು ಜಗದ್ಗುರು ಡಾ.ಶಿವಮೂರ್ತಿ ಶಿವಾಚಾರ್ಯ ಮಹಾಸ್ವಾಮಿಗಳವರಿಂದ  ಆಶೀರ್ವಾದ ಪಡೆದ ಗೋವಾದ ರಾಜ್ಯಪಾಲರು.

ಬೆಂಗಳೂರಿನ ರವೀಂದ್ರನಾಥ ಟ್ಯಾಗೋರ್ ನಗರದಲ್ಲಿರುವ ತರಳಬಾಳು ಧಾರ್ಮಿಕ ಮತ್ತು ಸಾಂಸ್ಕೃತಿಕ ಕೇಂದ್ರದಲ್ಲಿ ಇಂದು ಗೋವಾ ರಾಜ್ಯದ ಘನತೆವೆತ್ತ ರಾಜ್ಯಪಾಲರಾದ ಶ್ರೀ  ಪಿ. ಎಸ್. ಶ್ರೀಧರನ್ ಪಿಳ್ಳೈ ರವರು ಲಿಂಗೈಕ್ಯ ಶ್ರೀ ಶಿವಕುಮಾರ ಶಿವಾಚಾರ್ಯ ಮಹಾಸ್ವಾಮಿಗಳವರಿಗೆ ಶ್ರದ್ಧಾಂಜಲಿಯ ಭಕ್ತಿಯನ್ನು ಸಮರ್ಪಸಿ ಶ್ರೀ ತರಳಬಾಳು ಜಗದ್ಗುರು ಶ್ರೀ 1108 ಡಾ.ಶಿವಮೂರ್ತಿ ಶಿವಾಚಾರ್ಯ ಮಹಾಸ್ವಾಮಿಗಳವರಿಂದ  ದರ್ಶನ ಆಶೀರ್ವಾದ ಪಡೆದರು.

ಕಾಣಿಕೆ ಅರ್ಪಿಸಿದ ರಾಜ್ಯಪಾಲರು...!

ಶ್ರೀ ತರಳಬಾಳು ಜಗದ್ಗುರುಗಳವರ ಹತ್ತಾರು ಸಮಾಜ ಮುಖಿ ಸೇವಾಕಾರ್ಯಾಗಳನ್ನು ಮೆಚ್ಚಿಕೊಂಡಿರುವ ಮಾನ್ಯಶ್ರೀ  ಪಿ. ಎಸ್. ಶ್ರೀಧರನ್ ಪಿಳ್ಳೈ ರವರು ಮಠದ ಸಾಮಾನ್ಯ ಭಕ್ತರಂತೆ ಕಾಣಿಕೆ ಅರ್ಪಿಸಿ ಆಶೀರ್ವಾದ ಪಡೆದಿದ್ದು ಆಶ್ಚರ್ಯ ಮೂಡಿಸಿತು.ಶ್ರೀ ಜಗದ್ಗುರುಗಳವರ ಗಣಕ ಜ್ಞಾನವನ್ನು ಪ್ರಶಂಸಿಸಿದ ಮಾನ್ಯ ರಾಜ್ಯಪಾಲರು, ಪೂಜ್ಯರು ಹಲವು ಭಾಷೆಗಳಲ್ಲಿ ಹೊರತಂದಿರುವ ಬಸವಾದಿ ಶರಣರ ವಚನಗಳ ಮೊಬೈಲ್ ಆಪ್ ಬಗ್ಗೆ  ಚರ್ಚೆ ಮಾಡಿದ್ದು ವಿಶೇಷವಾಗಿತ್ತು. ಶ್ರೀ ಜಗದ್ಗುರುಗಳವರ ನೇತೃತ್ವದಲ್ಲಿ ಜಾರಿಯಾದ ಏತನೀರಾವರಿ ಯೋಜನೆಗಳನ್ನು, ರೈತರಿಗೆ ನೆರವಾಗಿ ದೇಶಕ್ಕೆ‌ ಮಾದರಿಯಾದ ಬರ ಪರಿಹಾರ, ಬೆಳೆ ವಿಮೆ ತಂತ್ರಾಂಶಗಳ ಬಗ್ಗೆ ಶ್ಲಾಘನೆ ವ್ಯಕ್ತಪಡಿಸಿದರು.