14-07-2023 09:43 AM
Logo
Homeಮುಖಪುಟಶರಣರಿಗೆ "ಮರಣವೆ ಮಹಾನವಮಿ": ಬಾಲಾಜಿ ಕುಂಬಾರ
ಮುಖಪುಟರಾಷ್ಟ್ರೀಯವಿಶೇಷ ವರದಿಗಳು
ಶರಣರಿಗೆ “ಮರಣವೆ ಮಹಾನವಮಿ”: ಬಾಲಾಜಿ ಕುಂಬಾರ
By :
ಬಾಲಾಜಿ ಕುಂಬಾರ, ಚಟ್ನಾಳ
14 October 2021, 3:01 PM
Facebook WhatsApp
ಶರಣರಿಗೆ
- Advertisement -
- Advertisement -
ಬಸವಣ್ಣ ಹಾಗೂ ಸಮಕಾಲೀನ ಶರಣರು ಕಟ್ಟಲು ಬಯಸಿದ ಸಮಾಜವನ್ನು ‘ಸಮಾನತೆ ಸಮಾಜ’ ಎಂದು ಕರೆಯುತ್ತೇವೆ. ಅದು ವರ್ಗರಹಿತ, ವರ್ಣರಹಿತ, ಲಿಂಗರಹಿತ ಹಾಗೂ ಜಾತಿರಹಿತವಾದ ಜಾತ್ಯತೀತ ಸಮಾಜ ನಿರ್ಮಿಸುವುದು ವಚನಕಾರರ ಘನವಾದ ಉದ್ದೇಶವೂ ಕೂಡ ಹೌದು. ಹಾಗಾಗಿ ಅದಕ್ಕಾಗಿಯೇ ಬಹುತೇಕ ಶರಣರು ಪ್ರಾಣತ್ಯಾಗ ಮಾಡಿದ್ದು ಇತಿಹಾಸವೇ ಸಾಕ್ಷಿ.
ಹನ್ನೆರಡನೇ ಶತಮಾನದ ಅಂದಿನ ರಾಜ್ಯಶಾಹಿ ಆಡಳಿತ ವ್ಯವಸ್ಥೆಯು ಸ್ಥಳೀಯ ರೈತಾಪಿ ವರ್ಗ, ಕೂಲಿಕಾರ್ಮಿಕರ ಮೇಲೆ ರಾಜ್ಯಭಾರ ನಡೆಸುತ್ತಾ ತೀವ್ರವಾಗಿ ಶೋಷಣೆಗೆ ಒಳಪಡಿಸಿತ್ತು. ಅದನ್ನು ಶರಣರು ವ್ಯಾಪಕವಾಗಿ ವಿರೋಧಿಸಿದರು, ಶೋಷಕ ವರ್ಗದ ದಬ್ಬಾಳಿಕೆಯಿಂದ ಶೋಷಿತ ವರ್ಗಗಳಿಗೆ ಮುಕ್ತಿ ದೊರಕಿಸುವ ದೃಷ್ಟಿಕೋನದಿಂದ ಕಾಯಕ ಸಿದ್ಧಾಂತ ಪರಿಕಲ್ಪನೆ ಜಾರಿಗೊಳಿಸಿದರು. ಕಾಯಕ ಸಿದ್ಧಾಂತವು ಶೋಷಣೆ ವ್ಯವಸ್ಥೆ ಪ್ರತಿಪಾದಿಸುವ ಕರ್ಮ ಸಿದ್ಧಾಂತಕ್ಕೆ ಪರ್ಯಾಯವಾಗಿ ಅನುಷ್ಠಾನಗೊಳಿಸಿದ ಶರಣರ ವಿಶಿಷ್ಟ ಚಿಂತನೆಯಾಗಿದೆ. ಶ್ರಮಿಕ ಸಮುದಾಯದ ಎಲ್ಲಾ ಶರಣರನ್ನು ಕಾಯಕ ಸಿದ್ಧಾಂತಕ್ಕೆ ಒಳಪಡಿಸಿ ‘ಜಾತಿವಿನಾಶ’ ಸಮಾಜ ಸ್ಥಾಪಿಸುವುದೇ ಬಸವಣ್ಣನವರ ಬಹುದೊಡ್ಡ ಪರಿಕಲ್ಪನೆಯಾಗಿತ್ತು.
ಜೀವಪರ ನಿಲುವು ಪ್ರತಿಪಾದಿಸಿದ ಶರಣರು ಜನವಿರೋಧಿ ನೀತಿಯ ವಿರುದ್ಧ ಬಂಡೆದ್ದು ಶೋಷಣೆ ಸಮಾಜದ ವ್ಯವಸ್ಥೆಯನ್ನು ತೀವ್ರವಾಗಿ ಖಂಡಿಸಿದರು. ಅದರ ಫಲವಾಗಿ ಮುಂದೆ ಅಸಮಾನತೆ, ಅಸ್ಪ್ರಶ್ಯತೆ, ಜಾತಿಯತೆ ಎಂಬ ಅನಿಷ್ಟ ಪದ್ಧತಿಯ ಪರ್ಯಾಯವಾಗಿ ‘ಲಿಂಗಾಯತ’ ಧರ್ಮ ಹುಟ್ಟು ಪಡೆಯಲು ಕಾರಣವಾಯಿತು. ಶರಣರ ಸ್ಥಾಪಿತ ಧರ್ಮದಲ್ಲಿ ಜಾತ್ಯತೀತ, ಮಾನವೀಯ ಮೌಲ್ಯ, ವೈಜ್ಞಾನಿಕ ಮತ್ತು ವೈಚಾರಿಕ ನಿಲುವು ಪುರಸ್ಕರಿಸುವ ಜಾತ್ಯತೀತ ಧರ್ಮವಾಗಿದೆ.
Jagadeesha N
Sirigere
