ದಿನಾಂಕ: 6-12-2023
ಸ್ಥಳ: ಶಿವಮೊಗ್ಗ 

ಶಿವಮೊಗ್ಗದ ಫ್ರೀಡಂ ಪಾರ್ಕ್‌ ಆವರಣದಲ್ಲಿ ಸ್ವದೇಶೀ ಜಾಗರಣ ಮಂಚ್‌ ಆಯೋಜಿಸಿರುವ ಸ್ವದೇಶಿ ಬೃಹತ್‌ ಮೇಳದ ಉದ್ಘಾಟನಾ ಕಾರ್ಯಕ್ರಮವನ್ನು ಶ್ರೀಮದುಜ್ಜಯನಿ ಸದ್ಧರ್ಮ ಸಿಂಹಾಸನಾಧೀಶ ಶ್ರೀ ತರಳಬಾಳು ಜಗದ್ಗುರು ಶ್ರೀ ೧೧೦೮  ಡಾ.ಶಿವಮೂರ್ತಿ ಶಿವಾಚಾರ್ಯ ಮಹಾಸ್ವಾಮಿಗಳವರು ಬುಧವಾರ ಸಂಜೆ ಉದ್ಘಾಟಿಸಿ ಆಶೀರ್ವಚನ ಕರುಣಿಸಿದರು.

ಶ್ರೀ ಜಗದ್ಗುರುಗಳವರನ್ನು ಡೊಳ್ಳು, ವೀರಗಾಸೆ ಕುಣಿತ ಹಾಗೂ ಪೂರ್ಣಕುಂಭದೊಂದಿಗೆ ಅದ್ಧೂರಿಯಾಗಿ ಸ್ವಾಗತಿಸಲಾಯಿತು. ಈ ಸಂದರ್ಭದಲ್ಲಿ ಮಾಜಿ ಮುಖ್ಯಮಂತ್ರಿಗಳಾದ ಶ್ರೀ ಬಿ.ಎಸ್‌.ಯಡಿಯೂರಪ್ಪ, ಮೇಳದ ಮಹಾಪೋಷಕರು, ಸಂಸದರಾದ ಶ್ರೀ ಬಿ.ವೈ.ರಾಘವೇಂದ್ರ, ಸ್ವದೇಶಿ ಜಾಗರಣ ಮಂಚ್‌ ಕ್ಷೇತ್ರೀಯ ಸಂಘಟಕ್‌ ಕೆ.ಜಗದೀಶ್‌ ಜೀ, ಸಂಚಾಲಕರಾದ ಡಿ.ಎಸ್‌.ಅರುಣ್‌, ಸಂಯೋಜಕರಾದ ಡಾ.ಧನಂಜಯ ಸರ್ಜಿ ಹಾಗೂ ಸಂಘಟಕರಾದ ಹರ್ಷ ಕಾಮತ್‌ , ಉದ್ಯಮಿ ಉದಯ ಕದಂಬ, ಬಿಜೆಪಿ ಮುಖಂಡರಾದ ಎಸ್‌.ದತ್ತಾತ್ರಿ ಮತ್ತಿತರರು ಹಾಜರಿದ್ದರು.