ಶಿಷ್ಯರಿಗೆ ಶ್ರೀ ಗುರು ದರ್ಶನದೊಂದಿಗೆ ಚಂದ್ರನ ದರ್ಶನದ ಶುಭ ಮಂಗಳಯೋಗ..!

-------------------------------- 

ಸರ್ವತ್ರ ಪೂಜನೀಯ ಶ್ರೀ ಮದುಜ್ಜಯನಿ ಸದ್ದರ್ಮ ಸಿಂಹಾಸನಾಧೀಶ ಶ್ರೀ ತರಳಬಾಳು ಜಗದ್ಗುರು 1108 ಡಾ॥ ಶ್ರೀ ಶಿವಮೂರ್ತಿ ಶಿವಾಚಾರ್ಯ ಮಹಾಸ್ವಾಮಿಗಳವರು ಶ್ರೀ ತರಳಬಾಳು ಜಗದ್ಗುರು ಬೃಹನ್ಮಠದ ದೈವೀ ಅಂಗಳದಲ್ಲಿ ಈ ಹೊತ್ತಿನ ಪೂರ್ವದಲ್ಲಿ ಯುಗಾದಿ ಸಾಂಪ್ರಾದಾಯಿಕ ವೈಶಿಷ್ಟ್ಯಗಳ ಪರಂಪರೆಯಂತೆ ಬಿದಿಗೆ ಚಂದ್ರನ ದರ್ಶನವನ್ನು ಶಿಷ್ಯರೊಂದಿಗೆ ವೀಕ್ಷಣೆಗೈದರು.

ಶ್ರೀ ಜಗದ್ಗುರುಗಳವರೊಂದಿಗೆ ಹಲವಾರು ಭಾಗಗಳಿಂದ ಆಗಮಿಸಿದ್ದ ಭಕ್ತರು ಶ್ರೀ ಗುರು ದರ್ಶನದೊಂದಿಗೆ ಚಂದ್ರನ ದರ್ಶನದ ಮಂಗಳಯೋಗದ ಸಂಭ್ರಮಕ್ಕೆ ಸಾಕ್ಷಿಯಾದರು. ಚಂದ್ರದದರ್ಶನದ ನಂತರ ಶ್ರೀ ಜಗದ್ಗುರುಗಳವರು ಐಕ್ಯ ಮಂಟಪಕ್ಕೆ ದಯಮಾಡಿಸಿ ಸಾವಿರಾರು ಭಕ್ತಾದಿಗಳಿಗೆ ಬೇವು ಬೆಲ್ಲ ವಿತರಿಸಿದರು. ಅಪಾರ ಶಿಷ್ಯ ಬಳಗವು ಐಕ್ಯ ಮಂಟಪದಲ್ಲಿ ಲಿಂಗೈಕ್ಯ ಹಿರಿಯ ಜಗದ್ಗುರುಗಳವರ ಕರ್ತೃ ಗದ್ದುಗೆಗೆ ಭಕ್ತಿ ಸಮರ್ಪಿಸಿ, ಶ್ರೀ ಜಗದ್ಗುರುಗಳವರಿಂದ ಆಶೀರ್ವಾದ ಪಡೆದರು.