14-10-2024 09:11 AM
ಪ್ರಪಂಚದಲ್ಲಿ ಮಾನವನ ಬಳಿಕೆಗೆ ದೊರೆಯುವ ಒಟ್ಟು ನೀರಿನ ಭಾಗದಲ್ಲಿ, ಭಾರತದಲ್ಲಿ ಮಾನವ ಬೆಳಕಿಗೆ ದೊರೆಯುವಂತಹ ನೀರು ಕೇವಲ 4% ಮಾತ್ರ ಮತ್ತು ಭಾರತ ಪ್ರಪಂಚದಲ್ಲಿಯೇ ಅತ್ಯಂತ ದೊಡ್ಡ ಮಟ್ಟದಲ್ಲಿ ಅಂತರ್ಜಲವನ್ನು ಬಳಕೆ ಮಾಡುವ ದೇಶ ಕೂಡ. ಮತ್ತೊಂದು ಮುಖ್ಯವಾದ ವಿಷಯವೆಂದರೆ ಇಷ್ಟು ಕಡಿಮೆ ಪ್ರಮಾಣದ ನೀರಿನ ಸಂಪನ್ಮೂಲವನ್ನು ಹೊಂದಿ ಪ್ರಪಂಚದ17% ಜನಸಂಖ್ಯೆಗೆ ಆಹಾರ ಉತ್ಪಾದನೆ ಮಾಡಬೇಕಾಗಿರುವುದು.
ಇವೆಲ್ಲ ವಿಷಯಗಳನ್ನು ಗಮನದಲ್ಲಿಟ್ಟುಕೊಂಡು ಪರಮಪೂಜ್ಯರು ಕೊಟ್ಟ ಜಲಾಶೀರ್ವಾದವನ್ನು ಬುದ್ಧಿವಂತಿಕೆಯಿಂದ ಬಳಸಿಕೊಳ್ಳುವುದು ನಮ್ಮೆಲ್ಲರ ಆದ್ಯ ಕರ್ತವ್ಯ. ಪರಮಪೂಜ್ಯರು ಭಗೀರಥರಂತೆ ಬರದ ನಾಡಿಗೆ ನೀರು ಹರಿಸಲು ಶತ ಪ್ರಯತ್ನ ಮಾಡಿದ್ದಾರೆ, ಈ ಪ್ರಯತ್ನದ ಫಲವೆಂಬಂತೆ ಕೆರೆಕಟ್ಟೆಗಳು ತುಂಬಿ ಹರಿಯುತ್ತಿವೆ, ಅದರಲ್ಲೂ ನೆನ್ನೆ ಬೆಳಿಗ್ಗೆ ಭರಮಸಾಗರ ಕೆರೆಯಲ್ಲಿ ಕಾರಂಜಿಯ ಬಳಿ ಮೀನುಗಳ ನರ್ತನವನ್ನು ಕಂಡು ಎಲ್ಲರೂ ಪುಳಕಿತರಾಗಿದ್ದರು. ಈಗ ನಮ್ಮ ಅದ್ಯಾಕರ್ತವ್ಯ ಮತ್ತು ಗುರು ಕಾಣಿಕೆ "ಕೆರೆಯನ್ನು ಸಂರಕ್ಷಿಸುವುದು ಮತ್ತು ಕೆರೆಯ ನೈರ್ಮಲ್ಯವನ್ನು ಕಾಪಾಡುವುದು".
Dr. KP. Basavaraj
Banglore
