ನನ್ನ ಕನ್ನಡ.......

ಮನದೊಳು ಕನ್ನಡ ತನುವಿನೊಳು ಕನ್ನಡ
ಕವಿಪುಂಗವರ ಕಾವ್ಯದೊಳು ಕುಳಿತ ಕನ್ನಡ
ಸಂತ ಶ್ರೇಷ್ಠರ ಶ್ರೇಷ್ಠತೆಯ ಮೆರೆಸಿದ ಕನ್ನಡ
ಕೀರ್ತನಕಾರರ ಕೀರ್ತಿಯನು ಬೆಳೆಸಿದ ಕನ್ನಡ
ಡಂಕಣ ಜಕಣರು ಬಳಸಿದ ಕನ್ನಡ
ರತ್ನಾತ್ರೆಯರ ಬಾಯೊಳು ಕುಣಿದಾಡಿದ ಕನ್ನಡ
ಶಿವಶರಣರ ನುಡಿಯೊಳು ನಲಿದಾಡಿದ ಕನ್ನಡ
ನನ್ನ ಕನ್ನಡ......

ಛಂದಸ್ಸಿನ ಚಂದದೊಳು ಬೆರೆತ ಕನ್ನಡ
ಷಟ್ಪದಿಗಳ ಬಂಧದೊಳು ಅಡಗಿರುವ ಕನ್ನಡ
ಕಂದ ಪದ್ಯದೊಳು ಬಲು ಅಂದವದು ಕನ್ನಡ
ಕವಿರಾಜಮಾರ್ಗದ ಕಂಪ ಸೂಸುವ ಕನ್ನಡ
ಅಂಡಯ್ಯನ ಪದ ಪದದೊಳು ಕನ್ನಡ
ಎಂಟರ ನಂಟಿನ ಜ್ಞಾನಪೀಠದಲು ಕನ್ನಡ
ಮೂರು ಭಾರತ ರತ್ನವ ಮುಡಿಗೇರಿಸಿಕೊಂಡ ಕನ್ನಡ
ನನ್ನ ಕನ್ನಡ......

ಚಾಲುಕ್ಯ ಹೊಯ್ಸಳರ ಶಿಲ್ಪ ಕಲೆಯಲು ಕನ್ನಡ
ಬೇಲೂರು ಹಳೇಬೀಡ ಬೆರಗಲು ಕನ್ನಡ
ಮೈಸೂರು ದಸರೆಯ ಸಿಂಗಾರದಲಿ ಕನ್ನಡ
ಕಾವೇರಿ ನದಿಯ ಕಲರವದಲು ಕನ್ನಡ
ಕಪ್ಪು ಮಣ್ಣಿನ ಸೊಗಡಲು ಕನ್ನಡ
ಮಾಮರದ ಕೋಗಿಲೆಯ ಧ್ವನಿಯೊಳು ಕನ್ನಡ
ಹಸಿರುಟ್ಟ ನಾರಿಯಂತೆ ಕಂಗೊಳಿಸುವ 
ಕಾನನದಲು ಕನ್ನಡ
ನನ್ನ ಕನ್ನಡ....

ಕರ್ಣದ ದಾರಿಯೊಳು ಮನ ತಟ್ಟುವ ಕನ್ನಡ
ಭೋರ್ಗರೆಯುವ ಝರಿ ತೊರೆಯು ಕನ್ನಡ
ಎನ್ನಡ ಎಕ್ಕಡ ಬಾಯಲಿ ಕುಣಿದಾಡುವ ಕನ್ನಡ
ನೆನೆದವರ ಬಾಳಿಗೆ ನೆರಳಾದ ಕನ್ನಡ
ಅಂದರ ಬದುಕ ಚಂದಗೊಳಿಸಿದ  ಕನ್ನಡ
ಸಿರಿ ಕನ್ನಡ ನುಡಿ ಕನ್ನಡ....
ಸರ್ವರ ಮನ ಸೆಳೆವ ನನ್ನ ಕನ್ನಡ 
ಗಣಕೀಕೃತವಾಗಲಿ ನಮ್ಮೀ ಕನ್ನಡ..  ಕನ್ನಡ..  ಕನ್ನಡ..

"ಸಿರಿಗನ್ನಡಂ ಗೆಲ್ಗೆ ಸಿರಿಗನ್ನಡಂ ಬಾಳ್ಗೆ"

-ಶ್ರೀರಕ್ಷಾ ಕೆಎಂ
ಎಂ ಬಸವಯ್ಯ ವಸತಿ ಪದವಿ ಕಾಲೇಜು              
ಸಿರಿಗೆರೆ-೫೭೭೫೪೧
ದ್ವಿತೀಯ ಬಿ ಎಸ್ಸಿ