N-0 

  04-05-2024 06:22 PM   

 

N-2528 

  04-05-2024 06:11 PM   

ಎದೆಯಲ್ಲಿ ಇರಿಯುವ 'ಪ್ರೀತಿಯ' ಚೂರಿ!

 Super
Ramesh
Belur

N-2528 

  04-05-2024 03:57 PM   

ಎದೆಯಲ್ಲಿ ಇರಿಯುವ 'ಪ್ರೀತಿಯ' ಚೂರಿ!

 ಪೂಜ್ಯ ಗುರುಗಳ ಚರಣಾರವಿಂದಗಳಿಗೆ ಪೊಡಮಡುತ್ತಾ ಬೇಡುವ ಆಶೀರ್ವಾದಗಳು 🙏

ಎಂದಿನಂತೆಯೆ ಸರಾಗವಾಗಿ ಚಿಕ್ಕ ಚೊಕ್ಕ ಅನಾವರಣ. ಗುರುಗಳ ಅನುಭವದ ಪಾಲ್ಗಡಲಿನಲ್ಲಿ ಮಥಿಸಿ ತೆಗೆದ ನವನೀತದಂತಿದೆ ಇವತ್ತಿನ ಅಂಕಣ ಬರೆಹ. ಎದೆಯೊಳಗೆ ಇರಿಯುವ ಪ್ರೀತಿಯ ಚೂರಿಯನ್ನು ಯಾರು ಪ್ರೀತಿಸಿ ವಂಚಿತರಾಗಿರುವರೋ ಅವರಿಗೆ ಚೆನ್ನಾಗಿ ಅರ್ಥ ಆಗುತ್ತದೆ. ಉಳಿದವರಿಗೆ ಖಂಡಿತಾ ತಿಳಿಯದು. ಹಾಗೆಯೇ ಪ್ರೀತಿಯ ಮಹಾ ತೇಜಸ್ಸು ಎದೆಯೊಳಗೆ ಅಚ್ಚೊತ್ತಿದ್ದರೆ ಎಂಥಾ ದುರ್ಗಮ ಹಾದಿಯಾದರೂ ಕ್ರಮಿಸಿ ಗಮ್ಯವನ್ನು ತಲುಪಬಹುದು ಎನ್ನುವುದಕ್ಕೆ ಸಾಕ್ಷಿ ಕೂಡ ಅಕ್ಕ ಮಹಾದೇವಿ. ಮೀರಾ ಕೂಡ ಅಂಥ ಮಹನೀಯರಲ್ಲಿ ಒಬ್ಬಳು.

ಕಿವಿಯಲ್ಲಿ ಹೇಳಿದ ಗುಟ್ಟು ರಟ್ಟಾದಾಗ ಅದರ ಬದಲಾದ ಸ್ವರೂಪ ಮತ್ತು ವ್ಯಾಪ್ತಿಯ ವೈಶಾಲ್ಯ ಊಹಿಸಲಸಾಧ್ಯ. ಇದರಿಂದ ಎಷ್ಟೋ ಮನಗಳು ಮನೆಗಳೂ ಮುರಿದು ಹೋಗಿರುವುದು, ಹೋಗುತ್ತಿರುವುದು ಇತಿಹಾಸ ಮತ್ತು ವರ್ತಮಾನ.

ಗುರುಗಳು ಮಕ್ಕಳ ಕಿವಿಯಲ್ಲಿ ಹೇಳುವ ಗುಟ್ಟಿನಾಟ, ನನ್ನನ್ನು ಐವತೈದು ವರ್ಷಗಳಷ್ಟು ಹಿಂದಕ್ಕೆ ಕರೆದುಕೊಂಡು ಹೋಯಿತು. ನಾನು ಏಳನೇ ತರಗತಿಯಲ್ಲಿ ಕಲಿಯುತಿದ್ದಾಗ ಮಾನ್ಯ ಗುರುಗಳಾದ ಶ್ರೀಯುತ ಪದ್ಮನಾಭ ಗುರುಗಳು ನಮಗೂ ಈ ರೀತಿಯ ಆಟ ಆಡಿಸಿದ್ದರು. ನೆನಪಿನ ಬುತ್ತಿ ಬಿಚ್ಚಿದಾಗ ಸಣ್ಣ ನಗುವೊಂದು ಮೊಗದಲ್ಲಿ ಹಾದು ಹೋಯಿತು. ಗುರುಗಳಿಗೆ ಅನಂತ ಧನ್ಯವಾದಗಳು 🙏
ಶ್ರೀಮತಿ ಬಿಟ್ಟೀರ ಚೋಂದಮ್ಮ, ಬೆಂಗಳೂರು

N-2528 

  04-05-2024 03:50 PM   

ಎದೆಯಲ್ಲಿ ಇರಿಯುವ 'ಪ್ರೀತಿಯ' ಚೂರಿ!

 ಗುರುಭ್ಯೋ ನಮಃ 🙏🏻💐.

" ಪ್ರೀತಿಯ ಚೂರಿ "ಎಂಬ ವಿಷಯವಾಗಿ ವಿಸ್ತಾರವಾದ ವಿವರ.

ಈ ಅಂಕಣದಲ್ಲಿ ವಿಶಿಷ್ಟವಾಗಿ ಸ್ವಾಮೀಜಿ ವಿವರಿಸಿದ್ದಾರೆ. "ಪ್ರೀತಿ "ಎಂಬ
ಅದ್ಭುತವಾದ ಶಕ್ತಿಯು ಜಗತ್ತಿನಲ್ಲಿ ಎಲ್ಲ ಶಕ್ತಿಗಳಿಗಿಂತ
ಶ್ರೇಷ್ಠವಾದುದು. "ಪ್ರೀತಿ "ಲೌಕಿಕ ವಿಷಯಗಳಿಗೆ ಅಭಿಮುಖವಾಗಿ ಇದ್ದರೆ, ಧರ್ಮ ಸಮ್ಮತವಾಗಿ ಇದ್ದರೆ, ಸ್ವಾರ್ಥರಹಿತವಾಗಿ ಇದ್ದರೆ, ಅದು ಸಾಮಾಜಿಕ ಸ್ವಾಸ್ತ್ಯಕ್ಕೆ ಬಾಧೆಯನ್ನು ಉಂಟು ಮಾಡಲಾರದು. ಮನುಷ್ಯನು ಮಾನಸಿಕವಾಗಿ, ಬೌದ್ಧಿಕವಾಗಿ,
ಭಾವನಾತ್ಮಕವಾಗಿ, ಪ್ರೌಢ ಸ್ಥಿತಿಗೆ ಏರಿದಾಗ ಅವನ ಪ್ರೀತಿ ಆಧ್ಯಾತ್ಮಿಕವಾಗಿ ಕೇಂದ್ರೀಕೃತವಾಗುತ್ತದೆ.
ಮನುಷ್ಯ ತನ್ನ ಇತಿಮಿತಿಗಳನ್ನು ಅರಿತು ಬಾಳಿದರೆ ಅದುವೇ ಶ್ರೇಷ್ಠ ಜೀವನ. ಒಳ್ಳೆಯವರಿಗೆ ಕಷ್ಟಗಳು ಬರುತ್ತವೆ. ಪರಿಣಾಮ ಒಳ್ಳೆಯದೇ ಆಗುತ್ತದೆ. ಉನ್ನತ ಮಟ್ಟದ ಶಿಕ್ಷಣದಲ್ಲಿ ಪರೀಕ್ಷೆಗಳು ಹೆಚ್ಚುಕಠಿಣವಾಗಿರುತ್ತದೆ!

ಸ್ವಾಮೀಜಿಯವರು ಈ ಅಂಕಣದಲ್ಲಿ ಐತಿಹಾಸಿಕ ಉದಾಹರಣೆಗಳೊಂದಿಗೆ ದುಷ್ಟರಿಂದ ಹೇಗೆ ಎಚ್ಚರದಿಂದ ಇರಬೇಕು ಎಂಬ ಸಂದೇಶವನ್ನು ತಿಳಿಸುತ್ತಾರೆ. ಜೀವನದಲ್ಲಿ ಎಚ್ಚರದಿಂದ ಬಾಳಿದಷ್ಟೂ ಸಮಸ್ಯೆಗಳು ಕಡಿಮೆಯಾಗುತ್ತವೆ. ಯೋಚನೆ ಮಾಡಿ ಮಾತನಾಡಬೇಕು, ಪರಿಣಾಮ ವಿಚಾರ ಮಾಡಿ ಮಾತನಾಡಬೇಕು, ಅವಶ್ಯವಿದ್ದಷ್ಟು ಮಾತ್ರ ಮಾತನಾಡಬೇಕು, ಮಾತಿಗಿಂತ ಮೌನ ಹೆಚ್ಚು ಪರಿಣಾಮಕಾರಿ.
ಮುಂತಾದ ಸಂದೇಶಗಳು,
ಆದೇಶಗಳು, ಸೂಚನೆಗಳು,
ಅಂಕಣದಲ್ಲಿ ಅಡಕವಾಗಿವೆ.
ಧನ್ಯವಾದಗಳು ಗುರೂಜಿ,🙏🏻.
ನಿಮ್ಮ ಮಾತೇ ನಮಗೆ ವೇದ ವಾಕ್ಯ.🙏🏻💐

ವೆಂಕಟೇಶ ಶೆಟ್ಟಿ ಅವರ ಗುರು ಸೇವೆ ನಿರಂತರವಾಗಿರಲಿ. ಧನ್ಯವಾದಗಳು.🤝🫡. 🙏🏻.
ಮುಕ್ತಾ ಗುಜಮಾಗಡಿ., ನರಗುಂದ.

N-2528 

  04-05-2024 03:44 PM   

ಎದೆಯಲ್ಲಿ ಇರಿಯುವ 'ಪ್ರೀತಿಯ' ಚೂರಿ!

 ಪರಮ ಪೂಜ್ಯರ ಪಾದ ಕಮಲಗಳಿಗೆ ಭಕ್ತಿಪೂರ್ವಕ ಪ್ರಣಾಮಗಳು.

ವಿಜಯ ಕರ್ನಾಟಕ ದಿನಪತ್ರಿಕೆಯ `ಬಿಸಿಲು ಬೆಳದಿಂಗಳು ` ಅಂಕಣದಲ್ಲಿ
ಪ್ರಕಟಗೊಂಡ ಇಂದಿನ ಅಂಕಣ ಬರಹದ ಶೀರ್ಷಿಕೆ "ನಮ್ಮ ಎದೆಯೊಳಗೆ ಇರಿಯುವ `ಪ್ರೀತಿ ` ಯ ಚೂರಿ.* ಪೂಜ್ಯರ ಲೇಖನವನೋದಿದ ನಂತರ ನನ್ನ ಪ್ರತಿಕ್ರಿಯೆ.
ಮನುಷ್ಯ ಸಂಘ ಜೀವಿ. ಒಂಟಿಯಾಗಿ ಆತ ಬಾಳಲಾರ. ಹೀಗೆಂದೇ ಆತ ಕುಟುಂಬ, ಸಮಾಜ ಸಮುದಾಯ, ಸಂಘ ಸಂಸ್ಥೆಗಳ ಸ್ಥಾಪನೆಗೆ ಕಾರಣೀಭೂತನಾದ. ಇವುಗಳ ಸ್ಥಾಪನೆಯ ಪೂರ್ವದಲ್ಲಿ ಇದ್ದುದೂ ಮತ್ತು ಈಗಲೂ ಇರಬೇಕಾದುದು ಪರಸ್ಪರ ವಿಶ್ವಾಸ. ಆ ವಿಶ್ವಾಸಕ್ಕೆ ಆಧಾರ ಸ್ತಂಭವೇ ಪ್ರೀತಿ. ಕವಿ ಜಿ ಎಸ್ ಶಿವರುದ್ರಪ್ಪ ನವರು ಹೇಳುವಂತೆ

ಪ್ರೀತಿ ಇಲ್ಲದ ಮೇಲೆ
ಹೂವು ಅರಳೀತು ಹೇಗೆ
ಮೋಡ ಕಟ್ಟೀತು ಹೇಗೆ
ಹನಿಯೊಡೆದು ಕೆಳಗಿಳಿದು
ನೆಲಕ್ಕೆ ಹಸಿರು ಮೂಡೀತು ಹೇಗೆ......
ಪ್ರೀತಿ ಇಲ್ಲದ ಮೇಲೆ ಸಂಶಯದ ಗಡಿಗಳುದ್ದಕ್ಕು ಸಿಡಿಗುಂಡುಗಳ ಕದನ ನಿಂತೀತು ಹೇಗೆ?


ಮನುಷ್ಯ ತನ್ನ ಭಾವನೆ ಆಲೋಚನೆಗಳ ವಿನಿಮಯಕ್ಕೆ ಭಾಷೆ ,ಮಾತು, ನುಡಿಯನ್ನು ಮಾಧ್ಯಮವನ್ನಾಗಿಸಿಕೊಂಡಿದ್ದಾನೆ. ಈ ಸಂಶೋಧನೆಯೇ ಮಾನವನ ಬುದ್ದಿವಂತಿಕೆಗೆ ಹಿಡಿದ ಕೈಗನ್ನಡಿ. ಆಡುವ ಮಾತು, ಸ್ನೇಹ ಸಂಪಾದನೆಗೂ ಸ್ನೇಹ ಕೊನೆಯಾಗುವುದಕ್ಕೂ ಮೂಲ ಹೇತುವಾಗ ಬಲ್ಲದು. ಅದಕ್ಕೆಂದೇ ವಚನಕಾರರು *ಮಾತೆಂಬುದು ಜ್ಯೋತಿರ್ಲಿಂಗ* ಎಂದಿದ್ದಾರೆ. ಇಬ್ಬರ ನಡುವೆ ಗೆಳೆತನ ಹಳಸಲು ಮಾತೇ ಕಾರಣ. ಹಾಲಿಗೆ ಒಂದು ಹನಿ ಹುಳಿಸಾಕು ಅದು ಮತ್ತೊಂದು ರೂಪತಾಳಲು. ಸತ್ಯ ಮಜ್ಜಿಗೆಯೊಳಗಿನ ಬೆಣ್ಣೆಯಂತೆ ಮುಕ್ಕಾಲು ಪಾಲು ಕೆಳಗೇ ಅಡಗಿರುತ್ತದೆ. ಮೇಲೆ ಕಾಣುವ ಕಾಲುಭಾಗ ಉಳಿದ ಮುಕ್ಕಾಲನ್ನು ಮರೆಸಿ ಬಿಡುತ್ತದೆ. ಶ್ವಾಸವಿದ್ದಾಗ ಜೀವಂತಿಕೆ ಇರುವಂತೆ ವಿಶ್ವಾಸವಿದ್ದಾಗ ಮಾತ್ರ ಪ್ರೀತಿ, ಲವಲವಿಕೆ ಇರಲು ಸಾಧ್ಯ. ಸುದ್ದಿ ಗಾಳಿಯೊಂದಿಗೆ ಸೇರಿತೆಂದರೆ ಅದಕ್ಕೆ ರೆಕ್ಕೆ ಪುಕ್ಕ ಬಂದು ಒಂದು ಸುತ್ತು ಹಲವು ಕಿವಿಗಳಿಗೆ ಸುಗ್ರಾಸ ಭೋಜನ ನೀಡಿ ಮೂಲ ಸ್ಥಾನಕ್ಕೆ ಬಂದು ಸೇರುವವೇಳೆಗೆ, ಕಪ್ಪಗೆ ವಾಂತಿ ಮಾಡಿ ಕೊಂಡನಂತೆ ಎಂಬ ಸುದ್ದಿ ಕರ್ಣಾಕರ್ಣಿಯಾಗಿ ಬರುವ ಹೊತ್ತಿಗೆ ಕಾಗೆ ವಾಂತಿ ಮಾಡಿಕೊಂಡನಂತೆ ಎಂಬಂತಾಗುತ್ತದೆ. ಆಡದ ಮಾತು `ಮೌನ` ಬಂಗಾರ/ಆಡಿದಮಾತು ಬೆಳ್ಳಿ/ತೂಕ ತಪ್ಪಿ ಆಡಿದ ಮಾತು ಅದಾವ ಲೋಹ ನೀವೇ ಊಹಿಸಿಕೊಳ್ಳಿ.

ನಾವು ಆಡುವ ಮಾತು ಹೀಗಿರಲಿ ಗೆಳೆಯಾ/
ಮೃದುವಚನ ಮೂಲೋಕ ಗೆಲ್ಲುವುದು ತಿಳಿಯ/
ಮೌನಮೊಗ್ಗೆಯನೊಡೆದು ಮಾತರಳಿ ಬರಲಿ/
ಮೂರು ಗಳಿಗೆಯ ಬಾಳು ಮಘಮಘಿಸುತಿರಲಿ

ಎಂಬ ಚೆನ್ನವೀರ ಕಣವಿಯವರ ಕವನದಂತೆ ನಮ್ಮ ಮಾತು ಬಾಳು ಇದ್ದರೆ ಹಸನ ಇಲ್ಲದಿರೆ ಬಾಳೆಲ್ಲ ವ್ಯಸನ.

ಪೂಜ್ಯರ ಪಾದಾರವಿಂದಗಳಿಗೆ ಮತ್ತೊಮ್ಮೆ ನಮನಗಳು.

ಬೆಳ್ಳಂ ಬೆಳಗ್ಗೆ ಪೂಜ್ಯರ ಲೇಖನವನ್ನು ಓದಿ ಪ್ರತಿಕ್ರಿಯಿಸಲು ಲೇಖನ ಮುಂತಳ್ಳಿದ ಶ್ರೀ ಆರ್ವಿಎಸ್ ಸರ್ ರವರಿಗೂ ನಮಸ್ಕಾರಗಳು.
ಲೋಕೇಶ್ವರಯ್ಯ ಎಂ.ಆರ್, ಚನ್ನಗಿರಿ

N-2528 

  04-05-2024 03:35 PM   

ಎದೆಯಲ್ಲಿ ಇರಿಯುವ 'ಪ್ರೀತಿಯ' ಚೂರಿ!

 *ಬಿಸಿಲು ಬೆಳದಿಂಗಳು*
೨-೫-೨೦೨೪

ಶ್ರೀ ಗುರುಗಳು ಇಂದಿನ ಅಂಕಣದಲ್ಲಿ ಹಲವು ಉದಾಹರಣೆಗಳ‌ ಮೂಲಕ ವಿವರಿಸಿದ್ದಾರೆ. ಇದು ಮನಸನ್ನು ವಿಚಾರದತ್ತ ಸೆಳೆಯುತ್ತದೆ. ನಮ್ಮ ಸುತ್ತಲಿನ ಜನರಲ್ಲಿಯೂ ಇಂತಹ ಸ್ವಾರ್ಥದ ಗುಣ ಇರುವುದನ್ನು ಕಂಡಿದ್ದೇವೆ. ಸ್ವಾರ್ಥ ಎದ್ದುನಿಂತಾಗ ಯಾರನ್ನೂ ನೋಡದೆ ದುಷ್ಟತನ ಮೆರೆದಾಟ ನಡೆಯುತ್ತದೆ. ಗೆಳೆತನದ ಆಪ್ತತೆ ಕೇವಲ ನಾಟಕೀಯ ಆಗುತ್ತದೆ. ಬಾಂಧವ್ಯದ ಪ್ರೀತಿಯನ್ನು ಮೂಟೆಕಟ್ಟಿ ಅಟ್ಟ ಸೇರಿಸುವಿಕೆಯೂ ಈಗಿನ ಪ್ರಪಂಚದ ರಿವಾಜಾಗಿ ಕಾಣಬರುತ್ತಿದ್ದು ಅದು ಅಪಾಯಕಾರಿ ಹಾಗೂ ವಿನಾಶಕಾರಿ ಪ್ರವೃತ್ತಿ. ಪರಿಣಾಮದ ಅರಿವು ಇದ್ದರೂ ತಪ್ಪೆಸಗುವ ಪರಿಪಾಠವನ್ನು ಹಿಂದಿನ ದೃಷ್ಟಾಂತಗಳನ್ನು ಅವಲೋಕನ ಮಾಡಿ ಸುಧಾರಣೆ ಮಾಡಿಕೊಳ್ಳಲು ಇಂತಹ ಅಂಕಣಗಳು ಸಹಾಯಕ. ಜನರನ್ನು ಉತ್ತಮ ಸಂಸ್ಕಾರವಂತರನ್ನಾಗಿಸಲು ಸದಾ ಪ್ರಯತ್ನ ಮಾಡುವ ಹಿನ್ನೆಲೆಯಲ್ಲಿ ಅಂಕಣಗಳು ಮಾರ್ಗದರ್ಶಿಯಾಗಿವೆ. ಗಾಳಿಮಾತುಗಳು ಸಮಾಜದ ಸ್ವಾಸ್ಥ್ಯವನ್ನು ಹಾಳು ಮಾಡುತ್ತವೆ. ಒಬ್ಬರಿಂದ ಮತ್ತೊಬ್ಬರಿಗೆ ರವಾನೆಯಾಗುವ ವಿಚಾರಗಳು ಅಂತಿಮ ಘಟ್ಟದಲ್ಲಿ ಸಂಪೂರ್ಣ ಬದಲಾಗಿಬಿಡುವ ಸನ್ನಿವೇಶವನ್ನು ವಿವರಿಸಿರುವ ಉದಾಹರಣೆ ಸಂಪೂರ್ಣ ಸತ್ಯ. ಶ್ರೀ ಗುರುಗಳ ಉಪದೇಶಾತ್ಮಕ ಅಂಕಣವು ಎಂದಿನಂತೆ ಚಿಂತನೆಗೆ ಸಹಾಯಕವಾಗಿದೆ. ಗುರುಗಳಿಗೆ ನಮನಗಳು. ಎಂದಿನಂತೆ ಉತ್ಸಾಹದಿಂದ ಅಂಕಣಗಳನ್ನು ಪ್ರಾಮಾಣಿಕವಾಗಿ ಆಸಕ್ತರಿಗೆ ತಲುಪಿಸಿ, ಆಸಕ್ತಿಯನ್ನು ಬೆಳೆಸಲು ಶ್ರಮಿಸುವ ಗೆಳೆಯರಾದ ರಾ.ವೆಂಕಟೇಶ ಶೆಟ್ಟರಿಗೆ ಬೆಳಗಿನ ಶುಭೋದಯದೊಂದಿಗೆ.
ಟೀಕಾ. ಸುರೇಶ ಗುಪ್ತ, ಚಿತ್ರದುರ್ಗ

N-2528 

  04-05-2024 02:24 PM   

ಎದೆಯಲ್ಲಿ ಇರಿಯುವ 'ಪ್ರೀತಿಯ' ಚೂರಿ!

 ಶ್ರೀ ಗುರುವರ್ಯರಿಗೆ ಅನಂತ ವಂದನೆಗಳು.

ಪರಮ ಪೂಜ್ಯ ಗುರುಗಳ ಅಂಕಣ ಬಿಸಿಲು ಬೆಳದಿಂಗಳು.

*ಎದೆಯೊಳಗೆ ಇರಿಯುವ ಪ್ರೀತಿಯ ಚೂರಿ*

ಒಲವೇ ಜೀವನ ಸಾಕ್ಷಾತ್ಕಾರ ಎಂದು ಹೇಳುತ್ತೇವೆ. ಹಾಗೆ ಪ್ರೀತಿ ಎಂಬುದು ಎದೆಯೊಳಗೆ ಇರಿಯುವ ಚೂರಿ ಎಂದು ಸಹ ಹೇಳುತ್ತೇವೆ. ಪ್ರೀತಿ ಒಂದು ಅಸ್ತ್ರದಂತೆ ಕೆಲಸ ಮಾಡುತ್ತದೆ. ಪ್ರೀತಿಯಿಂದ ಅರ್ಥ ಹಾಗೂ ಅನರ್ಥಗಳು ಎರಡು ಸಾಧ್ಯ ಎಂದು ತೋರಿಸಿಕೊಟ್ಟಿದ್ದಾರೆ. ನಮ್ಮ ನಿತ್ಯ ಜೀವನದಲ್ಲಿ ಸಮಾಜದಲ್ಲಿ, ಪುರಾಣಗಳಲ್ಲಿ, ಸಾಹಿತ್ಯಗಳಲ್ಲಿ, ಅನೇಕ ನೈಜ ಘಟನೆಗಳು ನಡೆಯುವುದನ್ನು ಕಣ್ಣಾರೆ ಕಾಣುತ್ತೇವೆ. ಈ ದಿನದ ಅಂಕಣದಲ್ಲಿ ಸಹ ಪ್ರೀತಿಯ ಬಗ್ಗೆ ಅನೇಕ ದೃಷ್ಟಾಂತಗಳನ್ನು ಬಹಳ ಚೆನ್ನಾಗಿ ತೋರಿಸಿಕೊಟ್ಟಿದ್ದಾರೆ. ಹೇಗೆ ಒಂದು ನೈಜ ಘಟನೆ ಜನಗಳ ಬಾಯಿಂದ ಬಾಯಿಗೆ ಹರಡಿ ಅನರ್ಥ ಉಂಟು ಮಾಡುತ್ತದೆ. ಸತ್ಯವು ಹಾಗೆ ಉಳಿದು ಗಾಳಿ ಸುದ್ದಿಗಳು ಹರಡಿ ಸತ್ವ ಪರೀಕ್ಷೆ ಉಂಟುಮಾಡುತ್ತದೆ, ಹಾಗೆ ಪ್ರೀತಿ ಹೇಗೆ ಹಗೆಯಾಗಿ ಸಹ ಪರಿವರ್ತನೆಯಾಗುತ್ತದೆ ಎಂದು ಭೀಷ್ಮ ಮತ್ತು ಬ್ರೂಟಸ್ ರವರ ಉದಾಹರಣೆಗಳಿಂದ ವಿವರಿಸಿದ್ದಾರೆ.
ಜೀವನದಲ್ಲಿ ಸವಾಲುಗಳನ್ನು ಧೈರ್ಯವಾಗಿ ಸ್ವೀಕರಿಸಬೇಕು. ನೀತಿಯ ನೆಲೆಯಲ್ಲಿ ನಿಲ್ಲುವವನಿಗೆ ಯಾವ ಭಯವು ಇರುವುದಿಲ್ಲ. ಕೊನೆಗೆ ದುಷ್ಟರು ತಾವು ಬೀಸಿದ ಬಲೆಯಲ್ಲಿ ತಾವೆ ಸಿಕ್ಕಿ ಒದ್ದಾಡುತ್ತಾರೆ ಎಂದು ಮಾರ್ಮಿಕವಾಗಿ ತಿಳಿಸಿಕೊಟ್ಟಿದ್ದಾರೆ.

ರಾ. ವೆಂಕಟೇಶ ಶೆಟ್ಟಿ ಯವರು ಗುರುಗಳ ಪುಸ್ತಕ ತಾಂಬೂಲವನ್ನು ನೀಡಿ, ಪ್ರತಿಕ್ರಿಯೆ ಬರೆಯಲು ಪ್ರೋತ್ಸಾಹಿಸುತ್ತಿರುವ ಕಾಯಕಕ್ಕೆ ನನ್ನ ಅನಂತ ಧನ್ಯವಾದಗಳು.
ಕಾಂತ ರಾಮುಲು, ಬಿನ್ನಿ ಲೇ ಔಟ್, ಬೆಂಗಳೂರು.

N-2528 

  04-05-2024 12:50 PM   

ಎದೆಯಲ್ಲಿ ಇರಿಯುವ 'ಪ್ರೀತಿಯ' ಚೂರಿ!

 *ಪೂಜ್ಯ ಗುರುಗಳವರ ಪಾದಗಳಿಗೆ ನಮಸ್ಕರಿಸುತ್ತಾ..*

ಎದೆಯಲ್ಲಿ ಇರಿಯುವ `ಪ್ರೀತಿಯ` ಚೂರಿ!
ಪ್ರೀತಿ ಯಾವತ್ತೂ ಅದು ಅಮೃತವಾಗುವುದಿಲ್ಲ , ವಿಷವೇ ಆಗುವುದು , ಎನ್ನುವುದು ಪದೇ ಪದೇ ಅನುಭವಿಸುತ್ತ ಇದ್ದೇವೆ.. ಹಾಗೆ ಕೇಳುತ್ತಿದ್ದೇವೆ.. ನೋಡುತ್ತಿದ್ದೇವೆ.. ಓದುತ್ತಿದ್ದೇವೆ..
ಇತಿಹಾಸವೇ ಎಷ್ಟೊಂದು ಉದಾಹರಣೆಗಳ ಮೂಲಕ ನಮ್ಮ ಮುಂದೆ ತೆರೆದುಕೊಂಡಿದೆ ಆದರೂ ನಾವು ಇನ್ನೊಬ್ಬರ ಮೇಲೆ ವಿಶ್ವಾಸವನ್ನು ಇಟ್ಟು ಹಳ್ಳಕ್ಕೆ ಬೀಳುತ್ತಲೇ ಇದ್ದೇವೆ..

ಈ ಅಂಕಣವು ನಿಮ್ಮೆಲ್ಲಾ ಅಂಕಣಗಳಿಗಿಂತ ನನಗೆ ಅತ್ಯಂತ ಪ್ರಿಯವಾಗಿದೆ.. ಯಾರನ್ನ ನಂಬುವುದು..? ಯಾರನ್ನ ಬಿಡುವುದು , ಯಾರೊಂದಿಗೆ ಹೇಗೆ ವಿಶ್ವಾಸವನ್ನು ಗಳಿಸುವುದು. .? ಎನ್ನುವುದೇ ಅಂದಿಗೂ ಇಂದಿಗೂ ಯಕ್ಷಪ್ರಶ್ನೆಯಾಗಿಯೇ ಉಳಿದಿದೆ ..
ಇಂಥವರೊಂದಿಗೆ ಬದುಕು ಹೇಗೋ ಸಾಗುತ್ತಿದೆ..

"ನಂಬಿಕೆ ಬಲು ಬೇಗ ಸಾಯುತ್ತದೆ..
ಅಪನಂಬಿಕೆ ಅವಕಾಶ ಸಿಕ್ಕಾಗಲಿಲ್ಲ ಅರಳುತ್ತಿರುತ್ತದೆ.."

ಸತ್ಯ ಸಂಗತಿಗಳು ಅನೇಕ ಜನರ ಅಭಿಪ್ರಾಯಗಳನ್ನು ಬದಲಾಯಿಸುವುದಿಲ್ಲ.. ಏಕೆಂದರೆ ಅವರು ಸತ್ಯ ಸಂಗತಿಗಳನ್ನು ಆಧರಿಸಿ ತಮ್ಮ ಅಭಿಪ್ರಾಯಗಳನ್ನು ರೂಪಿಸಿಕೊಂಡಿರುವುದಿಲ್ಲ, ತಮ್ಮ ಪೂರ್ವಾಗ್ರಹ ಪೀಡಿತ ಅಭಿಪ್ರಾಯಗಳಿಗೆ ತಕ್ಕಂತೆ ಸತ್ಯ ಸಂಗತಿಗಳನ್ನು ತಿರುಚುತ್ತಾರೆ..
ಅದೆಷ್ಟು ಸತ್ಯವಾದ ವಾಕ್ಯ ಇದು ಬುದ್ದಿಯವರೇ..


ಒಬ್ಬ ವ್ಯಕ್ತಿಯ ಮೇಲೆ ನಾವು ಹೊಂದಿರುವ ನಂಬಿಕೆಯು ಹೇಗೆಂದರೆ ನಾವು
ಅತೀ ಬಿಗಿಹಗ್ಗದ ಮೇಲೆ ಅವಶ್ಯಕತೆಗಿಂತ ಹೆಚ್ಚಾದ ಭಾರವನ್ನು ಹೊರಿಸುವುದು ನಮ್ಮ ನಂಬಿಕೆ ಆಗಿರುತ್ತದೆ.. ಆದರೆ
ಎರಡು ಮನಸ್ಸುಗಳನ್ನು ಜೋಡಿಸುವುದು
ಸೂಕ್ಷ್ಮವಾದ ದಾರವಾಗಿರುತ್ತದೆ..
ಅದನ್ನು ಪ್ರಾಮಾಣಿಕತೆ ಹಾಗೂ ನಿಷ್ಠೆ ಅಥವಾ ವಿಶ್ವಾಸಾರ್ಹತೆಯಿಂದ ಕೂಡಿಸಲಾಗಿರುತ್ತದೆ..
ಆದರೆ ಅದೇ ಬಿಗಿಯಾದ ಹಗ್ಗ ಅಥವಾ ಎಳೆಯನ್ನು ಪ್ರಶ್ನೆ ಮತ್ತು ಇನ್ನೊಬ್ಬರಿಗೆ ಹೇಳುವ ತವಕದಿಂದ ಅಥವಾ ಅನುಮಾನದಿಂದ ಆ ನಂಬಿಕೆ ಇರಿಸಿದ ವ್ಯಕ್ತಿಯನ್ನು ದುರ್ಬಲಗೊಳಿಸಿದಾಗ ಮಾತ್ರ ಆ ಹಗ್ಗ
ಸಂಪೂರ್ಣ ಸಮತೋಲನವನ್ನು ಕಳೆದುಕೊಂಡು ತುಂಡಾಗುವುದು ..

ದ್ರೋಹ ಎನ್ನುವುದು
ನಮ್ಮ ಸ್ವಂತ ಭಯಗಳಿಂದ ಹುಟ್ಟಿ ವಿವಿಧ ಸ್ಥಳಗಳನ್ನು ತಲುಪಿ ಅಪನಂಬಿಕೆಯನ್ನು ಹುಟ್ಟಿಸುತ್ತದೆ..
ಮುರಿದ ವಿಶ್ವಾಸ , ಭರವಸೆ, ನಂಬಿಕೆಯ ಉಲ್ಲಂಘನೆಯಾಗುತ್ತದೆ.. ನಮ್ಮೊಳಗಿನ ಆಂತರಿಕ ಎಚ್ಚರಿಕೆಗಳು ನಮ್ಮ ನಡವಳಿಕೆಯ ಪ್ರವೃತ್ತಿಯಾಗಬೇಕು..
ಅದು ಎಲ್ಲಿಂದ ಯಾರಿಂದ ಹೊರ ಸೋರಿದರೂ ಅಪನಂಬಿಕೆ ಎನ್ನುವುದು ಸಂಬಂಧಗಳಲ್ಲಿ ಅಥವಾ ಸ್ನೇಹದಲ್ಲಿ ನುಸುಳುತ್ತದೆ.. ಅದು ಎಂದಿದ್ದರು ನಮಗೆ ಅನಿಶ್ಚಿತತೆ ಮತ್ತು ಅನುಮಾನದ ನೆರಳನ್ನೇ ನೀಡುತ್ತದೆ..

ಪುನಃ ಪುನಃ ಓದುವಂತ ಲೇಖನ ಬುದ್ಧಿಯವರೆ..
ಬಣ್ಣಬಳಿದ ಮುಖಕ್ಕೆ ಹಿಡಿದ ಕನ್ನಡಿಯಂತಿದೆ ಪ್ರತಿಯೊಂದು ಪದಗಳು..

ಓದಿ ಪ್ರತಿಕ್ರಿಯೆಯನ್ನು ಬರೆಯುವುದಕ್ಕೆ ಅವಕಾಶವನ್ನು ಮಾಡಿಕೊಟ್ಟಂತ ನಿಮಗೆ ನನ್ನ ಧನ್ಯವಾದಗಳು..

ಶ್ರೀ ಮಠದ ಭಕ್ತಳು
ಕೆ. ಜಿ. ಸರೋಜಾ ನಾಗರಾಜ್
ಪಾಂಡೋಮಟ್ಟಿ..
ಕೆ.ಜಿ.ಸರೋಜಾ ನಾಗರಾಜ್
ಪಾಂಡೋಮಟ್ಟಿ . ಚನ್ನಗಿರಿ ತಾಲ್ಲೂಕು

N-2530 

  04-05-2024 11:32 AM   

ಮಾನವೀಯ ಮೌಲ್ಯಗಳು, ಜೀವನ ಮೌಲ್ಯಗಳು ಕೂಡಾ ಆಗಬೇಕು : ಶ್ರೀ ತರಳಬಾಳು ಜಗದ್ಗುರುಗಳವರು

 🙏💐
GP manju

N-2528 

  03-05-2024 09:54 PM   

ಎದೆಯಲ್ಲಿ ಇರಿಯುವ 'ಪ್ರೀತಿಯ' ಚೂರಿ!

 Kangodanhlle
Chandrushakra

N-2529 

  03-05-2024 09:49 PM   

ಲಿಂಗಾಯತ ಜಾತಿಯಲ್ಲ ಲಿಂಗಾಯತ ಒಂದು ಧರ್ಮ: ಶ್ರೀ ತರಳಬಾಳು ಜಗದ್ಗುರುಗಳವರು

 ಲಿಂಗಾಯತರಿಗೆ ಹುಟ್ಟಿದಾಗ ನಾಮಕರಣ ಮಾಡುವುದಕ್ಕಿಂತ ಮುಂಚೆ *ಲಿಂಗಧಾರಣೆ* ಮಾಡುತ್ತಾರಂತೆ. ನನ್ನಪ್ಪ ಹೇಳುತ್ತಿದ್ದ ಮಾತು. 1995 ನೆಯ ಇಸ್ವಿಯ ಸಮಯ ಆದಾಗ ತಾನೆ ನಾನು ನನ್ನ ಓದಿಗೆ ಎಳ್ಳುನೀರು ಬಿಟ್ಟು ಮನೆಗೆ ಬಂದ ಸಮಯ.ನನ್ನಪ್ಪನೇ ನನಗೆ ಲಿಂಗದೀಕ್ಷೆ ಕೊಟ್ಟಿದ್ದರು.ಆಗ ಯಾವಾಗಲೂ ಧರಿಸಿಕೊಂಡೇ ಇರಬೇಕು ಎಂದು ಅವರು ಮಾಡುತ್ತಿದ್ದ ಕಟ್ಟಪ್ಪಣೆ ಬೇರೆ. ಕೆಲವರಿಗೆ ಬೆಳ್ಳಿ ಸುಡುತ್ತದೆಯಂತೆ.(ಕಾರಣ ಗೊತ್ತಿಲ್ಲ ದೇಹ ಸಂಪರ್ಕಕ್ಕೆ ಬಂದಾದ ಬೆಳ್ಳಿ ಕಪ್ಪಾಗಿ ಧರಿಸಿದವರಿಗೆ ಕಿರಿಕಿರಿ ಆಗುತ್ತದೆ.)ನನಗೂ ಹಾಗೇ ಬೆಳ್ಳಿಯ ಕರಡಿಗೆಯಿಂದ ಕಿರಿಕಿರಿ ಆಗುತ್ತಿತ್ತು.ಅದಕ್ಕೆ ಕೆಲವೊಮ್ಮೆ ಹಾಕಿಕೊಳ್ಳುತ್ತಿರಲಿಲ್ಲ.ಅದನ್ನು ಗಮನಿಸಿದ ನನ್ನಪ್ಪ ನನ್ನನ್ನು ಕೇಳಿದಾಗ ಅಪ್ಪ ಅದು *ಒತ್ತುತ್ತೆ* ಅಂತ ಅಂದಿದ್ದೆ. ಅದಕ್ಕೆ ನನ್ನಪ್ಪ *ಅದು ಒತ್ತಲ್ಲವೂ ಕತ್ತೆ ಎತ್ತುತ್ತೆ* ಎಂದು ಗದರಿ ಹಾಕಿಸಿದ್ದು ನೆನೆಪು ಆಯಿತು.ಕೆಲವು ಬಾರಿ ಸ್ನಾನ,ಶಿವಪೂಜೆಯ ಶಿಷ್ಟಾಚಾರ ತಪ್ಪುತ್ತಿದ್ದೆ.ಆಗಲೂ ಸಹ ನನ್ನಪ್ಪ ಅದು *ಇಷ್ಟಲಿಂಗ, ಕಷ್ಟಲಿಂಗ* ಅಲ್ಲ, ನಿನ್ನ ಅನುಕೂಲ ಸಮಯದಲ್ಲಿ ಶಿವಪೂಜೆ ಮಾಡಿಕೋ ಅಂದದ್ದು ಅವರಿಲ್ಲದ ಈ ಸಮಯದಲ್ಲಿ ನೆನಪು ಆಯಿತು.ಗುರುಗಳಿಂದ ದೀಕ್ಷೆ ಪಡೆದ ಮಕ್ಕಳು ನಿಜಕ್ಕೂ ಪುಣ್ಯವಂತರು.
ಮಲ್ಲಿಕಾರ್ಜುನ.ಎಂ.ಎನ್.
India

N-0 

  03-05-2024 08:33 PM   

 

N-2528 

  03-05-2024 04:57 PM   

ಎದೆಯಲ್ಲಿ ಇರಿಯುವ 'ಪ್ರೀತಿಯ' ಚೂರಿ!

 ಎದೆಯಲ್ಲಿ ಪ್ರೀತಿಯ ಚೂರಿ ಇರಿಯುವ ಪರಿಯ ನೆಲೆಯಲ್ಲಿ ಇಂದಿನ ಶ್ರೀಗಳ ಅಂಕಣ ಬಹಳ ಅರ್ಥಪೂರ್ಣವಾಗಿ ಮೂಡಿಬಂದಿದೆ. ತಾಯಿಯ ಬೇನೆ ಬಂಜೆಯರಿಯಳು ಎಂಬ ಅಕ್ಕನ ಪ್ರಶ್ನೆಯಲ್ಲಿ ಅದೆಷ್ಟು ಆಧ್ಯಾತ್ಮಿಕ ವೇದನೆ ಇದೆ. ಸೆರಗ ಬಿಡೋ ಮರುಳೆ ಎನ್ನ ಚೆನ್ನಮಲ್ಲಿಕಾರ್ಜುನ ಒಲಿವನೋ ಇಲ್ಲವೋ ಎಂಬ ಅವಳ ಪ್ರೀತಿಯ ಚೂರಿ ಇರಿಯುವ ಅಲೌಕಿಕ ವೇದನೆಯನ್ನು ಗಮನಿಸಿದಾಗ ಜೀವನದಲ್ಲಿ ನೀತಿಯ ನೆಲೆಯಲ್ಲಿ ನಿಲ್ಲುವವರಿಗೆ ಯಾವ ಭಯವೂ ಇರದು. ಆದರೆ ತಮ್ಮ ಬದುಕಲ್ಲಿ ತಾವೇ ಸೃಷ್ಟಿಸಿಕೊಂಡ ಸಮಸ್ಯೆಯ ಸುಳಿಗೆ ತಾವೇ ಸಿಲುಕಿ ಸತ್ಯ ಸಂಗತಿಯನ್ನು ಕಾಣದೇ ತಮ್ಮೆದೆಯಲ್ಲಿ ಪ್ರೀತಿಯ ಚೂರಿಯನ್ನು ಇರಿದುಕೊಳ್ಳುವವರ ಮರುಳತನವನ್ನು ಈ ಬರಹ ಬಯಲಾಗಿಸಿದೆ.
ವೆಂಕಟೇಶ ಜನಾದ್ರಿ., ಕಲಬುರ್ಗಿ.

N-2528 

  03-05-2024 04:41 PM   

ಎದೆಯಲ್ಲಿ ಇರಿಯುವ 'ಪ್ರೀತಿಯ' ಚೂರಿ!

 ಶ್ರೀ ಗುರುಗಳ ಚರಣಾರವಿಂದಗಳಿಗೆ ಶಿರಸಾಷ್ಟಾಂಗ ನಮನಗಳು.

ಗುರುಗಳೇ,
*ಎದೆಯೊಳಗೆ ಇರಿಯುವ ಪ್ರೀತಿಯ ಚೂರಿ* ಶೀರ್ಷಿಕೆಯಡಿಯಲ್ಲಿ ೬ ಕಿವಿಗಳಿಗೆ ಬಿದ್ದ ವಿಚಾರವು ಗೋಪ್ಯವಾಗಿ ಉಳಿಯುವುದಿಲ್ಲ ಎಂಬುದನ್ನು ಉದಾಹರಣೆಯೊಂದಿಗೆ ವಿವರಿಸುತ್ತಾ ಅವು ಹೇಗೆ ಒಂದು ವಿಷಯವನ್ನು ಒಬ್ಬರ ಕಿವಿಯಿಂದ ಒಬ್ಬರ ಕಿವಿಗೆ ಮುಟ್ಟುವಷ್ಟರಲ್ಲಿ ವಿಷಯ ತಿರುಚಿ ಬೇರೆಯದೇ ಆದ ವಿಷಯವನ್ನು ಹುಟ್ಟು ಹಾಕುತ್ತದೆ ಎಂಬುದನ್ನು ಉದಾಹರಣೆ ಸಹಿತವಾಗಿ ವಿವರಿಸಿದ್ದೀರಿ. ತರಗತಿಯಲ್ಲಿ ೩೦-೪೦ ಹುಡುಗರಿಗೆ ಮೇಷ್ಟ್ರು ಹೇಳಿದ ವಿಷಯವನ್ನು ಕಿವಿಯಿಂದ ಕಿವಿಗೆ ಪ್ರತಿಯೊಬ್ಬರೂ ಹೇಳುತ್ತಾ ಹೋಗುವಾಗ ಕೊನೆಯ ವ್ಯಕ್ತಿ ಅಭಿವ್ಯಕ್ತಿಗೊಳಿಸಿವ ವಿಷಯವು ಎಷ್ಟು ವಿಷಯಾಂತರವಾಗಿತ್ತೆಂಬುದನ್ನು ತುಂಬಾ ಚೆನ್ನಾಗಿ ಹೇಳಿರುತ್ತೀರಿ. ಹಾಗೂ ಧೃತರಾಷ್ಟ್ರನ ಮೋಸದ ದ್ವೇಷದ ಆಲಿಂಗನವನ್ನು ಜೂಲಿಯಸ್ ಸೀಜರ್ ನ ಬ್ರೂಟಸ್ ವಿಷಯಕ್ಕೆ ಹೋಲಿಸಿ ವಿವರಿಸಿ ಮಾನವ ಅರಿಯಬೇಕಾದ ನೀತಿ, ನಿಯಮಗಳನ್ನೊಳಗೊಂಡ ವಿಷಯವನ್ನು ಹೇಳುತ್ತಾ ಹೋಗುವಿರಿ. ನಿಮ್ಮ ಪ್ರಸ್ತುತಿ ತುಂಬಾ ಚೆನ್ನಾಗಿ ಮೂಡಿ ಬರುತ್ತಿದೆ. ನಿಮಗೆ ಧನ್ಯವಾದಗಳು
ನಿಮ್ಮ ಮಹತ್ ವಿಷಯಗಳನ್ನೊಳಗೊಂಡ ಲೇಖನಗಳ ಹೂರಣವನ್ನು ಹಲವಾರು ಪುಸ್ತಕಗಳ ಮೂಲಕ ಉಚಿತವಾಗಿ ಎಲ್ಲರಿಗೂ ತಲ್ಪುವಂತೆ ಮಾಡುತ್ತಿರುವ ನಿಮ್ಮ ಈ ಮಹತ್ಕಾರ್ಯಕ್ಕೆ ಹಾಗೂ ನಿಮ್ಮ ಶಿಷ್ಯರಾದ ರಾ.ವೆಂಕಟೇಶ ಶೆಟ್ಟಿಯವರಿಗೂ ವಂದಿಸುತ್ತಾ, ತಮ್ಮ ಚರಣಾರವಿಂದಗಳಿಗೂ ನಮಿಸುತ್ತಾ,

ತಮ್ಮ ಆಶೀರ್ವಾದವನ್ನು ಬೇಡುವ,
ಎಂ.ಜೆ.ನಾಗಲಕ್ಷ್ಮಿ, ಚಿಕ್ಕಮಗಳೂರು.

N-2528 

  03-05-2024 04:35 PM   

ಎದೆಯಲ್ಲಿ ಇರಿಯುವ 'ಪ್ರೀತಿಯ' ಚೂರಿ!

 ಶ್ರೀ ಗುರುಗಳಿಗೆ ಮುಂಜಾನೆಯ ದೀರ್ಘ ದಂಡ ನಮಸ್ಕಾರಗಳು. They use their opinion to form their own facts. The opinions cannot be summarised with factual facts because of thier own mindsets. The current election fever and the opinions are misleading the common / intellectual voters to franchise their valuable vote to right peoples` leader. Added the paid people are disturbing the households in requesting to vote for useless personalities who have defamed their own parties where they have amassed huge wealth of taxpayers money. This week`s "Bisilu Beladingalu" Ankana is a guideline to a sincere citizen. ಈ ವಾರದ ಬಿಸಿಲು ಬೆಳದಿಂಗಳು ಅಂಕಣ ಅಶುದ್ಧ ರಾಜಕಾರಣಿಗೆ ಒಳ್ಳೆಯ ಪಾಠ ಹಾಗೂ ಚಾಟಿಯಲ್ಲಿ ಹೊಡೆದಂತಿದೆ. ಶ್ರೀ ವೆಂಕಟೇಶ ಶ್ರೇಷ್ಠಿಯವರಿಗೆ ಮುಂಜಾನೆಯ ನಮಸ್ಕಾರಗಳು.
ಪ್ರಭುದೇವ್ ಎಮ್ ಎಸ್ ಮತ್ತು ಕುಟುಂಬದವರು, ಶಿವಮೊಗ್ಗ.

N-2529 

  03-05-2024 02:49 PM   

ಲಿಂಗಾಯತ ಜಾತಿಯಲ್ಲ ಲಿಂಗಾಯತ ಒಂದು ಧರ್ಮ: ಶ್ರೀ ತರಳಬಾಳು ಜಗದ್ಗುರುಗಳವರು

 ಪರಿಶುದ್ಧ ಮನಸ್ಸುಳ್ಳವ ನೈತಿಕ ಶಕ್ತಿಯನ್ನು ಮೈಗೂಡಿಸಿಕೊಂಡರೆ ಯಾವುದೇ ಶಕ್ತಿಯನ್ನು ಎದುರಿಸಬಹುದು ಅಂತಹ ನೈತಿಕ ನೆಲ ಗಟ್ಟಿನ ಮೇಲೆ ಜೀವನ ನಡೆಸಬೇಕು.ಪೂಜ್ಯ ಗುರುಗಳ ಹಿತೋಕ್ತಿಯಂತೆ ಜೀವನ ನಡೆಸಬೇಕು.ಆಗಲೇ ಜೀವನ ಪಾವನವಾಗುತ್ತದೆ.ದೀಕ್ಷೆ ಪಡೆದಂತಹ ವಟುಗಳಿಗಾಗಿ ನಮಸ್ಕರಿಸುತ್ತೇನೆ. ನಮ್ಮ ಪೂಜ್ಯ ಗುರುಗಳಿಗೆ ಶಿರಾಸ್ರಾಷ್ಟಾಗ ನಮಸ್ಕಾರಗಳನ್ನು ಈ ಮೂಲಕ ಅರ್ಪಿಸುತ್ತೇನೆ.
homanna ramappa
Nerlige Davangere tq

N-2529 

  03-05-2024 11:26 AM   

ಲಿಂಗಾಯತ ಜಾತಿಯಲ್ಲ ಲಿಂಗಾಯತ ಒಂದು ಧರ್ಮ: ಶ್ರೀ ತರಳಬಾಳು ಜಗದ್ಗುರುಗಳವರು

 ಪರಮಪೂಜ್ಯ ಜಗದ್ಗುರುಗಳ ಕೃಪೆಯಿಂದ ೮೦ ವಟುಗಳಿಗೆ ದೀಕ್ಷೆ ದೊರೆತಿದೆ. ಗುರು ಕರುಣೆ ಪಡೆದವರೇ ಭಾಗ್ಯವಂತರು. ಗುರು ದೀಕ್ಷೆ ಪಡೆದ ವಟುಗಳಿಗೆ ಶ್ರೀ ಮಠದ ಆಶ್ರಯದಲ್ಲಿ ಉತ್ತಮ ಶಿಕ್ಷಣ ವ್ಯವಸ್ಥೆಯೂ ಇದೆ. ನಾಡಿನ ಸಾವಿರಾರು ವಿದ್ಯಾರ್ಥಿಗಳ ಬದುಕು ಹಸನಗೊಂಡಿದ್ದು ಶ್ರೀ ಮಠದಿಂದಲೇ
ಎಂಬುದನ್ನು ಮರೆಯಲಾಗದು.
ಸಮಾಜದ ತಾಲ್ಲೂಕು ಮಟ್ಟದ ಪದಾಧಿಕಾರಿಗಳು ತಮ್ಮ ಸುತ್ತಲಿನ ಗ್ರಾಮಗಳಲ್ಲಿ ಸರ್ವೆ ಮಾಡಿ ಅರ್ಹ ಮತ್ತು ಆಸಕ್ತ ವಿದ್ಯಾರ್ಥಿಗಳನ್ನು ಗುರುತಿಸಿ ಪ್ರೋತ್ಸಾಹಿಸುವ ನಿಟ್ಟಿನಲ್ಲಿ ಕೆಲಸ ಮಾಡೋಣ.
ಗುರುಶಾಂತಯ್ಯ ಬಸಯ್ಯ ಮಾಸಣಗಿ
ಜೋಯಿಸರ ಹರಳಹಳ್ಳಿ,ತಾ:ರಾಣೆಬೆನ್ನೂರು, ಜಿ: ಹಾವೇರಿ

N-2529 

  03-05-2024 11:26 AM   

ಲಿಂಗಾಯತ ಜಾತಿಯಲ್ಲ ಲಿಂಗಾಯತ ಒಂದು ಧರ್ಮ: ಶ್ರೀ ತರಳಬಾಳು ಜಗದ್ಗುರುಗಳವರು

 ಪರಮಪೂಜ್ಯ ಶ್ರೀಗಳ ಕರಕಮಲಗಳಡಿಯಲ್ಲಿ. ಲಿಂಗ ದೀಕ್ಷೆ. ಪಡೆದ ಆ. ಮಕ್ಕಳೆ ದನ್ಯರು



ಕೆ ಎಸ್ ವರುಣ
K s varuna
Hanumsnahalli karntaka bharatha

N-2529 

  03-05-2024 10:58 AM   

ಲಿಂಗಾಯತ ಜಾತಿಯಲ್ಲ ಲಿಂಗಾಯತ ಒಂದು ಧರ್ಮ: ಶ್ರೀ ತರಳಬಾಳು ಜಗದ್ಗುರುಗಳವರು

 ನನಗೆ ಗೊತ್ತಿರುವ ಹಾಗೆ 1970 ರಿಂದ 1979 ರ ಅವಧಿಯಲ್ಲಿ ಕರ್ನಾಟಕದ ಗ್ರಾಮೀಣ ಮತ್ತು ನಗರದ ಪ್ರದೇಶದ ಜಂಗಮ ವಟುಗಳಿಗೆ ಹಿರಿಯ
ಶ್ರೀ ತರಳಬಾಳು ಜಗದ್ಗುರು ಶ್ರೀ ಶಿವಕುಮಾರ ಶಿವಾಚಾರ್ಯ ಮಹಾ ಸ್ವಾಮಿಗಳವರು ಮತ್ತು
ಶ್ರೀ ಮಲ್ಲಿಕಾರ್ಜುನ ಶಿವಾಚಾರ್ಯ ಸ್ವಾಮಿಗಳವರು ಜಂಗಮದೀಕ್ಷೆ ನೀಡುತ್ತಿದ್ದರು. ಆಗ ಅದರ ಜವಾಬ್ದಾರಿಯನ್ನು ಶ್ರೀ ಮಠದ ಶಾಸ್ತ್ರಿಗಳಾಗಿದ್ದ ಶ್ರೀ ರೇವಣಸಿದ್ದಯ ಶಾಸ್ತ್ರಿಗಳು‌ ವಹಿಸಿಕೊಂಡು ಬಹಳ ಅಚ್ಚುಕಟ್ಟಾಗಿ ನಿರ್ವಹಿಸುತ್ತಿದ್ದರು. ಅಂದು 1974 ರಲ್ಲಿ ನಾನು
ಹಿರಿಯ ಜಗದ್ಗುರುಗಳವರಿಂದ ಜಂಗಮ ದೀಕ್ಷೆ ಪಡೆದದ್ದು ನನ್ನ ಫೂರ್ವ ಜನ್ಮದ ಪುಣ್ಯವೆಂದೇ ಭಾವಿಸಿದ್ದೇನೆ.
ಇಂದು ಸಿರಿಗೆರೆಯ ಶ್ರೀ ತರಳಬಾಳು ಜಗದ್ಗುರು ಬೃಹನ್ಮಠದ ಐಕ್ಯ ಮಂಟಪ ದಲ್ಲಿ ಜಂಗಮ ವಟುಗಳಿಗೆ ಶ್ರೀ ತರಳಬಾಳು ಜಗದ್ಗುರು ಶ್ರೀ ಶಿವಮೂರ್ತಿ ಶಿವಾಚಾರ್ಯ ಸ್ವಾಮಿಗಳವರು ಜಂಗಮ ದೀಕ್ಷೆ ನಿಡಿರುವುದು ಆ ವಟುಗಳ ಸೌಭಾಗ್ಯವೆಂದು ನಾನು ಭಾವಿಸಿದ್ದೇನೆ. ಇದು ನನಗೆ ಪರಮಾನಂದವನ್ನುಂಟು ಮಾಡಿದೆ. ಜಂಗಮ ವಟುಗಳ ಜೊತೆಗೆ ಕೆಲವರಿಗೆ ಇಷ್ಟಲಿಂಗ ಪೂಜಾ ಸಂಸ್ಕಾರದ ಪೂಜಾ ವಿಧಾನವನ್ನೂ ಪೂಜ್ಯರು ದಯಪಾಲಿಸಿರುವುದು ಅತೀವವಾದ ಆನಂದವನ್ನುಂಟುಮಾಡಿದೆ. ಶ್ರೀ ಮಠದಲ್ಲಿ ಇದು ಒಂದು ರೀತಿಯಲ್ಲಿ ವಿಶೇಷ ಬೆಳವಣಿಗೆಯಾಗಿ ಕಂಡುಬರುತ್ತಿರುವುದು ನಮ್ಮೆಲ್ಲರ ಸೌಭಾಗ್ಯವೇ ಸರಿ. ಜಂಗಮ ವಟುಗಳು ಈ ಅವಕಾಶವನ್ನು ಸದುಪಯೋಗಪಡಿಸಿಕೊಳ್ಳಲೇಬೇಕು.

ಮಹಾಲಿಂಗಯ್ಯ ಮಾದಾಪುರ
ದಿನಾಂಕ:03.05.2024
ಪಡಿಸಿಕೊಳ್ಳುವ
ಮಹಾಲಿಂಗಯ್ಯ ಮಾದಾಪುರ
ದಾವಣಗೆರೆ, ಮಾದಾಪುರ.

N-2529 

  03-05-2024 10:58 AM   

ಲಿಂಗಾಯತ ಜಾತಿಯಲ್ಲ ಲಿಂಗಾಯತ ಒಂದು ಧರ್ಮ: ಶ್ರೀ ತರಳಬಾಳು ಜಗದ್ಗುರುಗಳವರು

 ಶ್ರೀ ಸಾಧು ಸದ್ಧರ್ಮ ಸಿಂಹಾಸನಾದೀಶ
ದಿಟ್ಟ ಹೆಜ್ಜೆ ಧೀರವೀರ
ಶ್ರೀ ಶಿವಕುಮಾರ ಶಿವಾಚಾರ್ಯ ಮಹಾಸ್ವಾಮಿ ಇವರ ಅಡಿಯಲ್ಲಿ ಸಾಗಿ ಬಂದ ಈ ಸಂಸ್ಕಾರ ಪ್ರಾಪಂಚಿಕ ಜ್ಞಾನ ನೀಡಬಲ್ಲದು
ವಿಶ್ವ ಬಂಧು ಮರುಳಸಿದ್ದ ಜೈ ತರಳಬಾಳು
ಬಸವರಾಜ ವಿ ಕೆ
ಆನಗೋಡು