N-2580 

  17-07-2024 08:59 PM   

ನಾಡಿನ ರೈತರ ಜೀವನಾಡಿ ಕೆರೆ!

 ಸಿರಿಗೆರೆಯ ಪರಮ ಪೂಜ್ಯ ತರಳಬಾಳು ಜಗದ್ಗುರು ಶ್ರೀ *ಡಾ.ಶಿವಮೂರ್ತಿ ಶಿವಾಚಾರ್ಯ* ರವರ " *ಬಿಸಿಲು ಬೆಳದಿಂಗಳು* " ಸರಣಿಯ ಸಂಚಿಕೆ " *ನಾಡಿನ ರೈತರ ಜೀವನಾಡಿ ಕೆರೆ!* " ಇದರ ಬಗ್ಗೆ ನನ್ನ ಅನಿಸಿಕೆ.

ಈ ಬಾರಿಯ ಲೇಖನದಲ್ಲಿ ಗುರುಗಳು ಸರ್ವಕಾಲಿಕ ಸತ್ಯವನ್ನು ಪ್ರಚುರಪಡಿಸಿದ್ದಾರೆ.
ಈ ಭೂಮಿಯ ಮೇಲಿರುವ ಎಲ್ಲಾ ಜೀವರಾಶಿಗಳಿಗೆ ಗಾಳಿ ಬೆಳಕು ನೀರು ಮತ್ತು ಆಹಾರ ಅತ್ಯವಶ್ಯಕ. ಮನುಜ ಬೆಳಕು ಮತ್ತು ಆಹಾರವಿರದೆ ಕೆಲದಿನಗಳ ವರೆಗೆ ಬದುಕಿರಬಹುದು ; ಆದರೆ ಗಾಳಿ ಮತ್ತು ನೀರಿಲ್ಲದೆ ಒಂದು ಕ್ಷಣವೂ ಬದುಕಿರಲಾರ. ಅಂತೆಯೆ ಸಸ್ಯರಾಶಿಗೂ ಕೂಡ ಗಾಳಿ ಮತ್ತು ನೀರು ಅತ್ಯವಶ್ಯ.

ಭುವಿಯ ಮೇಲೆ ಗಾಳಿ ಎಲ್ಲೆಡೆ ಲಭ್ಯ, ಆದರೆ ನೀರಿಗಾಗಿ ಎಲ್ಲಾ ಜೀವರಾಶಿಗಳೂ ಪರತಪಿಸಲೇ ಬೇಕು. ನೀರಿನ ಉಗಮ ಮಳೆಯಿಂದಲೇ ; ಬಿದ್ದ ನೀರು ನೈಸರ್ಗಿಕವಾಗಿ ಸೃಷ್ಟಿಯಾದ ತಗ್ಗು ಪ್ರದೇಶಗಳಿಗೆ ಹರಿದು ಅಲ್ಲಿ ಶೇಖರಣೆಯಾಗುತ್ತದೆ. ಆದರೆ ಮನುಜ ಕೃತಕವಾಗಿ ತನಗೆ ಬೇಕೆಂದಲ್ಲಿ ಭೂಮಿಯನ್ನು ಬಗೆದು ಬಾವಿ ಹೊಂಡಗಳನ್ನು ನಿರ್ಮಿಸಿ ಕೊಳ್ಳುತ್ತಾನೆ. ನೀರಿನ ಹರಿವಿಗೆ ತಡೆ ಒಡ್ಡಿ ಕೆರೆ ಕಟ್ಟೆಗಳು ಜಲಾಶಯಗಳನ್ನು ನಿರ್ಮಿಸಿಕೊಳ್ಳುತ್ತಾನೆ. ಹಿಂದಿನ ರಾಜಮಹಾರಾಜರು, ಪಾಳೇಗಾರರು ಅಸಂಖ್ಯಾತ ಕೆರೆಗಳನ್ನು ನಿರ್ಮಿಸಿ ಜನಾನುರಾಗಿಯಾದ ಸಾಕಷ್ಟು ಉದಾಹರಣೆಗಳು ಇವೆ. ಆ ಕೆರೆಗಳಿಗೆ ಜನರು ಕಟ್ಟಿದವರ ಹೆಸರನ್ನು ಇಲ್ಲವೆ ಗ್ರಾಮ ದೇವತೆಗಳ ಹೆಸರನ್ನು ಇಟ್ಟು ತಮ್ಮ ಪ್ರೀತಿಯನ್ನು ವ್ಯಕ್ತಪಡಿಸಿದ್ದಾರೆ ; ಎಷ್ಟರ ಮಟ್ಟಿಗೆ ಅಂದರೆ ತಾವಿರುವ ಗ್ರಾಮಕ್ಕೂ ಅದೇ ಹೆಸರನ್ನು ನಾಮಕರಣ ಮಾಡಿದ್ದಾರೆ. ಹೀಗಾಗಿಯೆ ಕೆರೆಗಳ ಹೆಸರಲ್ಲಿ ಸಾಕಷ್ಟು ಊರುಗಳು ಕಾಣ ಸಿಗುತ್ತವೆ.

ಈಗಾಗಿ ಕೆರೆಗಳು ಜನಜೀವನದ ಮೇಲೆ ಅಗಾಧ ಪ್ರಭಾವವನ್ನು ಬೀರಿ ಜೀವನಾಡಿಗಳು ಎನಿಸಿವೆ.

ಭಾರತ ಕೃಷಿ ಪ್ರಧಾನವಾದ ರಾಷ್ಟ್ರ. ಇಲ್ಲಿಯ ಜನ ವಂಶಪಾರಂಪರ್ಯವಾಗಿ ಕೃಷಿಯನ್ನೇ ಅವಲಂಬಿಸಿ ಭುವಿ ಮತ್ತು ಜಲ ಮೂಲದ ಬಗ್ಗೆ ಮಾತೃ ಭಕ್ತಿಯನ್ನು ಹೊಂದಿದ್ದಾರೆ. ಬೆಳೆ ಬೆಳೆಯಲು ನೀರು ಬೇಕೇ ಬೇಕು. ಕಾಲಕಾಲಕ್ಕೆ ಬೇಕಾದಷ್ಟು ಋತುಗಳಿಗನುಸಾರ ಮಳೆ ಬಂದರೆ ಸುಭಿಕ್ಷವಾದ ಬೆಳೆ ಬೆಳೆಯಬಹುದು.

ಆದರೆ ಹಸಿರು ನಾಶ, ಅತಿಯಾದ ರಸಾಯನಿಕಗಳ ಬಳಕೆ ಭುವಿಯ ತಾಪಮಾನ ಏರಿಸಿ ಓಜೋನ್ ಪದರಗಳಲ್ಲಿ ರಂಧ್ರವನ್ನುಂಟು ಮಾಡಿ ಹವಾಮಾನಗಳಲ್ಲಿ ಅಸಮತೋಲನ ಉಂಟಾಗಿದೆ. ಋತು ಚಕ್ರ ಏರುಪೇರಾಗಿ ಮಳೆರಾಯನ ಲಯ ತಪ್ಪಿದೆ. ಅಕಾಲಿಕ ಮಳೆ ಬಂದರೂ ಕಷ್ಟ, ಬರದಿದ್ದರೂ ಕಷ್ಟ ಎನ್ನುವಂತಾಗಿದೆ. ಅತಿವೃಷ್ಟಿ ಅನಾವೃಷ್ಟಿಗಳ ಮುಷ್ಟಿಯಲ್ಲಿ ರೈತ ಸಿಕ್ಕಿಹಾಕಿಕೊಂಡಿದ್ದಾನೆ.

*Indian farmer is a gambler with monsoon* ಎಂಬ ನುಡಿ ಸತ್ಯವೆನಿಸುತ್ತದೆ, ಯಾವುದೇ ಫಸಲಿನ ಖಾತ್ರಿ ಇಲ್ಲದೆ ಒಂದು ರೀತಿಯ *Hero or zero* ಎನ್ನುವ ರೀತಿ ಜೂಜಿನಂತಾಗಿದೆ. ಹಾಕಿದ ಬಂಡವಾಳವೂ ತಿರುಗಿ ಬರುವ ಖಾತ್ರಿ ಇಲ್ಲ.

ಅಷ್ಟೇ ಅಲ್ಲದೆ ರೈತ ತನ್ನ ಕುಟುಂಬಕ್ಕೆ ಮತ್ತು ಬೇಸಾಯಕ್ಕೆ ಬೇಕಾದ ಪ್ರತಿಯೊಂದು ವಸ್ತುವನ್ನು ಚಿಲ್ಲರೆ ವ್ಯಾಪಾರಿಗಳಿಂದಲೇ ಖರೀದಿಸುತ್ತಾನೆ. ಆದರೆ ತನ್ನ ಬೆಳೆಯನ್ನು ಅತಿ ಕಡಿಮೆ ಬೆಲೆಯಲ್ಲಿ ಸಗಟು ಮಾರಾಟಗಾರರಿಗೆ ಮಾರುತ್ತಾನೆ. ಹೀಗಾಗಿ ಸಂಪೂರ್ಣವಾದ ಮಾರುಕಟ್ಟೆ ಮೌಲ್ಯ ಅವನಿಗೆ ದೊರೆಯುವುದಿಲ್ಲ.

ಸಣ್ಣ ಸಣ್ಣ ರೈತರು ತಮ್ಮ ಸಮೀಪದ ಮಾರುಕಟ್ಟೆಗೆ ಹೋಗಿ ದಲ್ಲಾಲಿಗಳು ಕೇಳಿದಷ್ಟಕ್ಕೆ ಕೊಡುವುದನ್ನು ಬಿಟ್ಟರೆ ಬೇರೆ ಮಾರ್ಗ ಇಲ್ಲ. ಒಂದು ರೀತಿ *ಮಸಣಕೆ ಹೋದ ಹೆಣ ; ಮಾರುಕಟ್ಟೆಗೆ ಹೋದ ಫಸಲು ವಾಪಸ್ಸು ಬರುವುದಿಲ್ಲ* . ಕೊನೆಗೆ ಮಾರಾಟವಾಗದಿದ್ದರೆ ರಸ್ತೆಗೆ ಸುರಿಯುವ ಪರಿಸ್ಥಿತಿ!

ನಮ್ಮ ರೈತ ಬಹಳ ಸ್ವಾಭಿಮಾನಿ; ಯಾರಲ್ಲಿಯೂ ಕೈ ಒಡ್ಡಲಾರ,. ರೈತನಿಗೆ ಕೊಟ್ಟು ಗೊತ್ತೇ ವಿನಹ ಇಸಿದುಕೊಳ್ಳುವುದು ಗೊತ್ತಿಲ್ಲ. ವಿಧಿಯಿಲ್ಲದೆ ಮಾಡಿದ ಸಾಲ ತೀರಿಸಲಾಗದೆ ಮರ್ಯಾದೆಗೆ ಹೆದರಿ ನೇಣು ಬಿಗಿದುಕೊಳ್ಳುವ ಪರಿಸ್ಥಿತಿಯೂ ರೈತರಲ್ಲಿ ಬಹಳಷ್ಟು ಕೇಳ ಸಿಗುತ್ತವೆ.

ಇದಕ್ಕೆಲ್ಲಾ ಪರಿಹಾರ ಎಂದರೆ ವಿದ್ಯಾಭ್ಯಾಸ ಮತ್ತು ತಂತ್ರಜ್ಞಾನಕ್ಕೆ ಹೊಂದಿಕೊಳ್ಳುವುದು. ರೈತ ವಿದ್ಯಾವಂತನಾದರೆ ತನ್ನ ಬೆಳೆಯನ್ನು ಉತ್ತಮ ಬೆಲೆ ಇರುವ ಪ್ರದೇಶಕ್ಕೆ ತೆಗೆದುಕೊಂಡು ಹೋಗಿ ಮಾರಬಲ್ಲ, ಆಧುನಿಕ ಕೃಷಿ ಪದ್ಧತಿಯನ್ನು ಅಳವಡಿಸಿಕೊಂಡು ಹೆಚ್ಚಿನ ಫಸಲು ತೆಗೆಯಬಲ್ಲ, ಒಳ್ಳೆಯ ಬೆಲೆ ಬರುವವರೆಗೂ ಶೇಖರಣೆ ಮಾಡಬಲ್ಲ. ಅಷ್ಟೇ ಅಲ್ಲದೆ ತನ್ನ ವಸ್ತುವನ್ನು ಮೂಲ ರೂಪದಲ್ಲಿ ಮಾರದೆ ಅದರ ಮೌಲ್ಯ ವರ್ಧನೆ(value addition) ಮಾಡಿ ಮಾರಬಲ್ಲ. ತನಗೆ ಬೇಕಾದ ಬಿತ್ತನೆ ಬೀಜಗಳನ್ನು ತಾನೆ ಬೆಳೆದುಕೊಳ್ಳಬಲ್ಲ. ಅಂಗಡಿಗಳಲ್ಲಿ ದೊರೆಯುವ ಹೈಬ್ರಿಡ್ ಬೀಜಗಳಿಂದ ಬಂದ ಬೆಳೆಗಳಿಂದ ಮತ್ತೆ ಬಿತ್ತಿ ಬೆಳೆಯಲು ಸಾಧ್ಯವಿಲ್ಲ. ಅವುಗಳ ಫಲವತ್ತತೆ ಕೇವಲ ಮೊದಲ ಪೀಳಿಗೆಗೆ ಅಷ್ಟೇ.!! ಹಾಗಾಗಿ ವಿದ್ಯೆ ರೈತನಿಗೆ ಒಳ್ಳೆಯ ಬೀಜಗಳ ಹುಡುಕಿ ತರುವ ಮತ್ತು ತಾನೆ ಬೀಜಗಳನ್ನು ಬೆಳೆದುಕೊಳ್ಳುವ ಜ್ಞಾನ ನೀಡಬಲ್ಲುದು. ಅಷ್ಟೇ ಅಲ್ಲದೆ ದೊಡ್ಡ ಕಂಪನಿಗಳ ಜೊತೆ ಮಾತುಕತೆ ನಡೆಸಿ ಅವರಿಗೆ ಬೇಕಾದ ರೀತಿ ಬೆಳೆ ಬೆಳೆದು ಕೊಡುವ ಒಪ್ಪಂದ ಮಾಡಿಕೊಂಡರೆ ; ಅವರೇ ಬೀಜ ಗೊಬ್ಬರ ಮತ್ತು ತಂತ್ರಜ್ಞಾನ ಒದಗಿಸುತ್ತಾರೆ ; ಫಸಲು ಕೈ ಸೇರುವ ಮೊದಲೇ ಅದರ ಬೆಲೆ ನಿಗದಿ ಮಾಡಿಕೊಂಡು ಬೆಳೆ ಬೆಳೆಯಬಹುದು.

ಮಾರುಕಟ್ಟೆಗೆ ಹೋದಾಗ ದಲ್ಲಾಲಿಗಳು ಮಾಡುವ ಲೆಖ್ಖವನ್ನು ಮತ್ತು ತೂಕವನ್ನು ಅರಿತು ಅದರಲ್ಲಿರುವ ವೈಪರೀತ್ಯವನ್ನು ಕಂಡುಹಿಡಿಯಲು ಜ್ಞಾನ ಅವಶ್ಯಕ. ಇಲ್ಲದಿದ್ದರೆ ಕೈಗೆ ಬಂದ ತುತ್ತು ಬಾಯಿಗೆ ಬರಲಿಲ್ಲ ಎನ್ನುವಂತಾಗುತ್ತದೆ.

ಜೊತೆ ಜೊತೆಯಲ್ಲಿಯೆ ಹೈನುಗಾರಿಕೆ ನಡೆಸಿ ಹಾಲು,ಮೊಸರು,ಬೆಣ್ಣೆ,ತುಪ್ಪ ಮೊದಲಾದವುಗಳನ್ನು ನೇರವಾಗಿ ಗ್ರಾಹಕರಿಗೆ ಮಾರಿ ಅಧಿಕ ದಿನಂಪ್ರತಿ ಅಧಿಕ ಲಾಭಗಳಿಸಬಲ್ಲ. ಪಶುಗಳ ಸಗಣಿ ಗಂಜಳ ಮತ್ತು ತ್ಯಾಜ್ಯ ವಸ್ತುಗಳನ್ನು ಬಳಸಿ ತಾನೆ ಸಾವಯವ ಗೊಬ್ಬರ ತಯಾರು ಮಾಡಿಕೊಳ್ಳಬಲ್ಲ.

ಈ ದಿಕ್ಕಿನಲ್ಲಿ ಭಾರತ ಸರ್ಕಾರವೂ ಬಹಳಷ್ಟು ಉತ್ತಮ ಹೆಜ್ಜೆಗಳನ್ನು ಇಟ್ಟಿದೆ. ಪ್ರತಿ ರೈತನಿಗೂ ಕಿಸಾನ್ ಸಮ್ಮಾನ್ ಯೋಜನೆಯಲ್ಲಿ ಪ್ರತಿ ವರ್ಷವೂ ಆರ್ಥಿಕ ಸಹಾಯವನ್ನು ನೇರ ಅವರ ಬ್ಯಾಂಕ್ ಖಾತೆಗಳಿಗೆ ಜಮೆ ಮಾಡುತ್ತಿದೆ. ಸರಕು ಸಾಗಾಣಿಕೆಗೆ ಮತ್ತು ಶೇಖರಣೆಗೆ ಬೇಕಾದ ವ್ಯವಸ್ಥೆಯನ್ನು ಮಾಡುತ್ತಿದೆ. ಪ್ರತಿಯೊಂದು ಭೂಮಿಯ ಆರೋಗ್ಯ ತಪಾಸಣೆ ಮಾಡಿ ಸಲಹೆ ಸೂಚನೆಗಳನ್ನು ತಜ್ಞರ ಮೂಲಕ ಕೊಡಿಸುತ್ತಿದೆ.

ಉತ್ತಮ ದರ್ಜೆಯ ಬೀಜ ಗೊಬ್ಬರವನ್ನು ಕೃಷಿ ಸಲಕರಣೆಗಳನ್ನು ಟ್ರಾಕ್ಟರ್ಗಳನ್ನು ಕೊಳವೆಬಾವಿಗಳನ್ನು ರಿಯಾಯತಿ ಮತ್ತು ಸಹಾಯಧನದ ಮೂಲಕ ಒದಗಿಸುತ್ತಿದೆ.
ಕೆಲ ರಾಜ್ಯಗಳು ರೈತರ ಕೃಷಿ ಪಂಪ್ ಸೆಟ್ ಗಳಿಗೆ ಉಚಿತ ವಿದ್ಯುತ್ ಒದಗಿಸುತ್ತಿವೆ. ಮುಖ್ಯಬೆಳೆಗಳಿಗೆ ಕನಿಷ್ಟ ಬೆಂಬಲ ಬೆಲೆಯನ್ನು ನಿಗದಿಪಡಿಸಿ ದರಗಳ ಖಾತ್ರಿಯನ್ನು ಒದಗಿಸಿದೆ. ಕಾಲಕಾಲಕ್ಕೆ ಬೆಳೆಗಳ ಆಮದು ಮತ್ತು ರಫ್ತುಗಳ ಮೇಲೆ ಹಿಡಿತ ಸಾಧಿಸಿ ಬೆಲೆಗಳನ್ನು ನಿಯಂತ್ರಣದಲ್ಲಿಟ್ಟಿದೆ. ಇಲ್ಲದಿದ್ದರೆ ಸುಗ್ಗಿ ಕಾಲದಲ್ಲಿ ಬೆಲೆಗಳು ನೆಲಕಚ್ಚುವ ಸಾಧ್ಯತೆ ಹೆಚ್ಚು.

ಇವೆಲ್ಲಾ ಇದ್ದಾಗಲೂ ಕೆರೆಗಳು ಮಾತ್ರ ರೈತರಿಗೆ ಜೀವನಾಡಿಯಾದುದು ಸತ್ಯ. ಅವು ನೇರವಾಗಿ ಕಾಲುವೆಗಳ ಮೂಲಕ ನೀರು ಹರಿಸುವುದೇ ಅಲ್ಲದೆ ಅಂತರ್ಜಲ ಮಟ್ಟವನ್ನು ಹೆಚ್ಚಿಸಿವೆ. ಸುತ್ತಮುತ್ತಲ ಗಿಡಮರಗಳಿಗೂ ನೀರನ್ನೆರದು ವಾತವರಣವನ್ನು ಹಸಿರುಗೊಳಿಸಿ ತಂಪನ್ನೆರದಿವೆ.

ಇಂತಹ ಮಹತ್ಕಾರ್ಯವನ್ನು ಮಹಾಗುರುಗಳು ಒತ್ತಾಸೆಯಿಂದ ಭರಮಸಾಗರ ಕೆರೆಗೆ ನೀರು ತಂದು *ಆಧುನಿಕ ಭಗೀರಥ* ಎನಿಸಿಕೊಂಡಿದ್ದಾರೆ. ಇಂತಹ ಮಹತ್ಕಾರ್ಯವನ್ನು ಸಾಧನೆಮಾಡಿ ಕೆರೆಗಳ ಪ್ರಾಮುಖ್ಯತೆಯನ್ನು ನಮಗೆಲ್ಲಾ ತಿಳಿಸುತ್ತಿರುವ ಮಹಾಗುರುಗಳಿಗೆ ಪ್ರಣಾಮಗಳು.

ಇಂತಹ ಮಹತ್ಕಾರ್ಯದಲ್ಲಿ ನಮ್ಮ ಅನಿಸಿಕೆಯನ್ನು ದಾಖಲಿಸಲು ಅನುವು ಮಾಡಿಕೊಡುತ್ತಿರುವ *ರಾ.ವೆಂಕಟೇಶ ಶ್ರೇಷ್ಠಿ* ಅವರಿಗೆ ಧನ್ಯವಾದಗಳು.

ಅನ್ನದಾತೋ ಸುಖೀ ಭವ
ನಾರಾಯಣ ದೊಂತಿ, ಚಿತ್ರದುರ್ಗ

N-2580 

  17-07-2024 08:13 PM   

ನಾಡಿನ ರೈತರ ಜೀವನಾಡಿ ಕೆರೆ!

 ಮಹಾಸ್ವಾಮಿಗಳಲ್ಲಿ ವಂದಿಸುತ್ತಾ, ತಮ್ಮ ಈ ಸಲದ ಲೇಖನ,”ನದಿ, ರೈತರ ಜೀವನಾಡಿ” ಕ್ಕಾಗಿ ನನ್ನ ಪ್ರತಿಕ್ರಿಯೆ.

ತಾವು ಇಲ್ಲಿ ಬಸವಣ್ಣನವರ,”ಹರನೀವ ಕಾಲಕ್ಕೆ ಸಿರಿಯು ಬೆನ್ನಲಿ ಬರ್ಕು, ಹರಿದು ಹೆದ್ದೊರೆಯ ಕೆರೆಯು ತುಂಬಿದಂತಯ್ಯಾ”, ಎಂಬ ವಚನವನ್ನು ಉಲ್ಲೇಖಿಸಿ, ಬರೆದಿರುವುದನ್ನ ನೋಡಿದಾಗ ಭಗವಂತನ ಕರುಣೆಯ ಬಗ್ಗೆ ಎಂಥ ಸುಂದರ ಸಾಲುಗಳನ್ನ ಬರೆದಿದ್ದಾರಲ್ಲಾ! ಹೋದ ತಿಂಗಳು ದೇಶದಾದ್ಯಂತ ಹಲವಾರು ಕಡೆಗಳಲ್ಲಿ ಕುಡಿಯಲೂ ನೀರಿಲ್ಲದೆ ಜನರು ಪರದಾಡುತ್ತಿದ್ದರೆ, ಇಂದು ಎಲ್ಲೆಲ್ಲೂ ಕೆರೆ ಕಟ್ಟೆ ಕಾಲುವೆಗಳು ತುಂಬಿ ತುಳುಕುತ್ತಿವೆ. ಭಗವಂತನು ಕೃಪಾದೃಷ್ಟಿ ಬೀರಿದಾಗ, ಪರಿಸ್ಥಿತಿ ಬದಲಾಗಲು ಎಷ್ಟೊತ್ತೂ? ನಮ್ಮ ಜೀವನದಲ್ಲೂ ಕೂಡಾ ಕೆಲವರ ಬದುಕೂ ಹೀಗೆ ಬದಲಾಗುವುಗುವುದನ್ನ ನೋಡುತ್ತಲೇ ಇರುತ್ತೇವೆ. ಜವಾನ ದಿವಾನನಾಗುವುದು, ದಿವಾನ ಜವಾನನಾಗುವುದು ಎಲ್ಲವೂ ಜಗನ್ನಾಟಕ ಸೂತ್ರಧಾರನ ಆಟಗಳೇ! ಪ್ರಯತ್ನ ನಮ್ಮದೇ ಆದರೂ ಫಲಾಫಲ ಅವನದ್ದೇ! ಅವನ ಕೃಪೆ ಇಲ್ಲದೆ ಹುಲ್ಲು ಕೂಡಾ ಅಲುಗುವುದಿಲ್ಲ ಅಲ್ಲವೇ?

ದೇಶದ ಬೆನ್ನೆಲುಬು ರೈತನೇ ಆದರೂ, ಕಷ್ಟಪಟ್ಟು ಮೈಮುರಿದು ಫಲ ತೆಗೆಯುವವನು ಅವನೇ ಆದರೂ, ಫಲಾನುಭವಿಗಳು ಮಾತ್ರ ಮಧ್ಯವರ್ತಿಗಳೇ! ಹೀಗಾಗಿ ರೈತನು ಬೆಳೆದ ಫಸಲಿಗೆ ಬೆಲೆ ಸಿಗದಿದ್ದಾಗ, ಆತ ಸಾವಿಗೆ ಶರಣಾಗುವುದು ಬಿಟ್ಟರೆ, ಬೇರೆ ದಾರಿ ಇರುವುದಿಲ್ಲ. ಆ ಶ್ರಮಜೀವಿಗೆ ನ್ಯಾಯ ಒದಗಿಸುವ ಸಲುವಾಗಿ ಸರಕಾರ ಯಾವುದಾದರೂ ಸೂಕ್ತ ಕ್ರಮ ತೆಗೆದುಕೊಂಡರೆ, ಆ ಅನ್ನದಾತನು ಪಟ್ಟ ಶ್ರಮಕ್ಕೆ ಸಾರ್ಥಕತೆ ಸಿಗುತ್ತದೆ.

ರೈತರ ಬವಣೆಗಳನ್ನು ಬಹಳ ವಿಸ್ತಾರವಾಗಿ ವಿವರಿಸಿರುವ ಸ್ವಾಮೀಜಿಯವರಿಗೆ ಅನಂತ ವಂದನೆಗಳು.
ರೂಪ ಮಂಜುನಾಥ, ಹೊಳೆನರಸೀಪುರ

N-2580 

  17-07-2024 08:09 PM   

ನಾಡಿನ ರೈತರ ಜೀವನಾಡಿ ಕೆರೆ!

 ಗುರುಗಳಿಗೆ ಪ್ರಣಾಮಗಳು,
11-7-24 ರ ಬಿಸಿಲು ಬೆಳದಿಂಗಳು ಅಂಕಣದ ವಿಷಯ ನಾಡಿನ ರೈತರ ಜೀವನಾಡಿ ಕೆರೆ. ಈ ಲೇಖನದಲ್ಲಿ ಸ್ವಾಮೀಜಿಯವರು ಮಳೆ ಕೇವಲ ರೈತರ ಜೀವನಾಡಿ ಯಲ್ಲ, ದೇಶದ ಜೀವನಾಡಿಯೂ ಹೌದು ಎಂದಿದ್ದಾರೆ. ರೈತರಿಗೆ ನೀರು ಒದಗಿಸಲು ಹಿಂದಿನಿಂದಲೂ ಮಾಡಿದ ಅನೇಕ ಪ್ರಯತ್ನಗಳ ವಿಪುಲವಾದ ಇತಿಹಾಸವೇ ಇದೆ. ಅವುಗಳಲ್ಲಿ ನದಿ ಜೋಡಣೆ ಒಂದು ಮಹತ್ತರವಾದ ಕಾರ್ಯವು ಹೌದು. ಸುಮಾರು 55 ವರ್ಷಗಳ ಹಿಂದೆ ಗಂಗಾ ಕಾವೇರಿ ನದಿ ಜೋಡಣೆಯ ವಸ್ತು ವಿಷಯವನ್ನು ಒಳಗೊಂಡ ಒಂದು ಕನ್ನಡ ಚಲನಚಿತ್ರ ಸಹ ತಯಾರಾಗಿತ್ತು. ಅದರ ಹೆಸರು ಉತ್ತರ ದಕ್ಷಿಣ. ಇದರಲ್ಲಿ ಮಿನುಗು ತಾರೆ ಕಲ್ಪನಾ ಹಾಗೂ ರಾಜೇಶ್ ಅಮೋಘವಾಗಿ ಅಭಿನಯಿಸಿದ್ದರು. ಕಥೆ ಸಂಪೂರ್ಣ ಗಂಗಾ ಕಾವೇರಿ ನದಿ ಜೋಡಣೆಯದು. ಈ ವಿಚಾರದ ಬಗ್ಗೆ ಇನ್ನೂ ಚರ್ಚೆಗಳು ಪ್ರಯತ್ನಗಳು ನಡೆಯುತ್ತಲೇ ಇವೆ. ಈ ಬೃಹತ್ ಕಾರ್ಯ ಕೈಗೂಡಿದರೆ ರೈತರಿಗೆ ಎಂದೆಂದೂ ನೀರಿನ ಬವಣೆ ಬರುವುದಿಲ್ಲ. ಮಳೆಯನ್ನು ಕಾಯುವಂತೆಯೇ ಇರುವುದಿಲ್ಲ.
ಶಕುಂತಲಾ ಸಿದ್ದರಾಜು, ಹೊಸದುರ್ಗ

N-2580 

  17-07-2024 08:05 PM   

ನಾಡಿನ ರೈತರ ಜೀವನಾಡಿ ಕೆರೆ!

 ಪೂಜ್ಯ ಗುರುಗಳಿಗೆ ಭಕ್ತಿಪೂರ್ವಕ ಪ್ರಣಾಮಗಳನ್ನು ಸಲ್ಲಿಸುತ್ತೇನೆ. ಇಂದಿನ ಅಂಕಣ "ನಾಡಿನ ರೈತ ಜೀವನಾಡಿ ಕೆರೆ"ಎಂಬ ಅಂಕಣವನ್ನು ಓದುತ್ತಾ,ನಾನು ನಮ್ಮ ಪೂಜ್ಯರು ಕೆರೆಗಳ ಬಗ್ಗೆ ಅಂಕಣವನ್ನು ಬರೆಯುತ್ತಿಲ್ಲ ಏಕೆ ಎಂದು ಪ್ರಶ್ನೆ ಮಾಡಿಕೊಳ್ಳುತ್ತಿದ್ದೆ. ಈ ವಾರ ಕೆರೆ ಬಗ್ಗೆ ಬರೆಯುತ್ತಾರೆ ಅಂದುಕೊಂಡಿದ್ದೆ ಹಾಗೆಯೇ ಆಯಿತು. ಅವರಿಗೆ ರೈತರ ಬಗ್ಗೆ ಎಷ್ಟು ಕಾಳಜಿ ಇದೆ ಎಂದರೆ ಹೇಳತೀರದು.
ಕೆರೆಗೆ ನೀರನ್ನು ತರಲು ಕಾರಣೀಭೂತರು ಯಡಿಯೂರಪ್ಪ,ಸಿದ್ದರಾಮಯ್ಯ,ಕುಮಾರಸ್ವಾಮಿ ಇವರುಗಳು ಮುಖ್ಯಮಂತ್ರಿಗಳು ಆಗಿದ್ದಾಗ ಭರಮಸಾಗರ ಮತ್ತು ಜಗಳೂರು ಕೆರೆಗೆ ಏತ ನೀರಾವರಿ ಬಜೆಟ್ ನಲ್ಲಿ ಕೋಟಿಗಟ್ಟಲೆ ಹಣವನ್ನ ಮಂಜೂರಾತಿ ಮಾಡಿಸಿದರು. ಎಲ್ಲಾ ಪಕ್ಷದವರನ್ನು ಗಣನೆಗೆ ತೆಗೆದುಕೊಂಡು ಕೆರೆಗಳಿಗೆ ನೀರುಣಿಸಿದವರು ನಮ್ಮ ಪೂಜ್ಯ ಗುರುಗಳು. ಆಧುನಿಕ ಭಗೀರಥ ಎಂದು ಹೇಳಿಕೊಳ್ಳಲು ನಮಗೆ ಹೆಮ್ಮೆ ಆಗುತ್ತದೆ. ಸರ್ಕಾರ ಮಾಡಬೇಕಾದ ಕೆಲಸವನ್ನು ಪೂಜ್ಯರು ಮಾಡಿಸಿ ತೋರಿಸಿಕೊಟ್ಟಿದ್ದಾರೆ.
ಮಂಜನಗೌಡ ಕೆ. ಜಿ. ಭರಮಸಾಗರ

N-2580 

  17-07-2024 07:54 PM   

ನಾಡಿನ ರೈತರ ಜೀವನಾಡಿ ಕೆರೆ!

 ನಾಡಿನ ರೈತರ ಜೀವನಾಡಿ ಕೆರೆ*

ಅಂಕಣ ಪ್ರತಿಕ್ರಿಯೆ.

ಕೆರೆಕಟ್ಟೆಗಳು ರೈತರ ಜೀವನಾಡಿಗಳಾಗಿರುವುದು ಅಕ್ಷರ ಸಹ ನಿಜ. ಶ್ರೀಗಳ ಇಂದಿನ ಲೇಖನ ಬಹಳ ಅರ್ಥಪೂರ್ಣವಾಗಿದ್ದು, ನಾಡಿನ ರೈತರಿಗೆ ಕೆರೆಗಳು ಎಷ್ಟು ಅತ್ಯಾವಶ್ಯಕವಾಗಿವೆ ಎಂಬುದನ್ನು ಮನವರಿಕೆ ಮಾಡುವ ಅಂಕಣವಾಗಿದೆ.

ಕೃಷಿಯಿಂದ ರೈತನು ಬದುಕನ್ನು ಕಟ್ಟಿಕೊಳ್ಳುವುದರ ಜೊತೆಗೆ ಇಡೀ ದೇಶಕ್ಕೆ ಅನ್ನವನ್ನು ನೀಡಿ ಅನ್ನದಾತನಾಗಿದ್ದಾನೆ. ರೈತನು ಕೃಷಿಯಲ್ಲಿ ಮುಂದಾಗಲು ಅವನಿಗೆ ಬೇಕಾಗಿರುವುದು ಮಳೆ ಹಾಗೂ ನೀರು. ಪರಿಸರ, ಹವಮಾನಕ್ಕೆ ತಕ್ಕಂತೆ ಮಳೆಯು ತನ್ನ ಚದುರಂಗದಾಟವನ್ನು ಪ್ರತಿ ವರ್ಷ ಆಡುತ್ತಿರುತ್ತದೆ. ಮಳೆ ಅತಿ ಹೆಚ್ಚಾಗಿ ಬಂದರೂ, ಅತಿ ಕಡಿಮೆ ಬಂದರೂ ಅದರ ಎಫೆಕ್ಟ್ ಮಾತ್ರ ರೈತನಿಗೆ ಗೊತ್ತು. ಇಂತಹ ಎಲ್ಲಾ ವಿಚಾರಗಳು ಈ ಲೇಖನದಲ್ಲಿ ಅಡಕವಾಗಿವೆ.

ಕೆರೆ, ಸಮುದ್ರ ಮುಂತಾದ ಅಕ್ಷರಗಳಿಂದ ಕೊನೆಗೊಳ್ಳುವ ಗ್ರಾಮಗಳು ನಮ್ಮ ಸುತ್ತಮುತ್ತಲೇ ಇವೆ. ರಾಜ ಮಹಾರಾಜರುಗಳ ಹಾಗೂ ಪಾಳೇಗಾರರ ಹೆಸರಿನೊಂದಿಗೆ ಇರುವ ಗ್ರಾಮಗಳ ಬಗ್ಗೆ ಅನೇಕ ಹಿರಿಯ ಜೀವಗಳು ಕಥೆಗಳ ಮೂಲಕ ಹೇಳುವುದನ್ನು ಸಹ ನಾವು ಹೇಳಿದ್ದೇವೆ. *ಆಗಿನ ಕಾಲದಾಗ ಇಂಗೆಲ್ಲಾ ಇರ್ಲಿಲ್ಲಪ್ಪೋ, ಮಳೆ ಸುಮ್ನೆ ರಫ್ ರಫ್ ಅಂತ ಸುರಿತಾ ಇರ್ತಿತ್ತು, ಕೆರೆ ಕಟ್ಟೆಗಳು ರಾತ್ರೋರಾತ್ರಿ ತುಂಬಿ ಹರಿತಿದ್ವು* ಎಂದು ಹೇಳುತ್ತಾರೆ ಹಿರಿಯರು.

ಹಾಗಾಗಿ ಇಂದು ಕಾಲ ಬದಲಾಗಿದೆ. ಸಮಯಕ್ಕೆ ಸರಿಯಾಗಿ ಮಳೆಯ ಕೊರತೆ, ಬಿತ್ತನೆ ಬೀಜ ಗೊಬ್ಬರಕ್ಕೆ ರೈತರಿಂದ ಸಾಲ, ಆತ್ಮಹತ್ಯೆಯಂತಹ ಸನ್ನಿವೇಶಗಳು ಸೃಷ್ಟಿಯಾಗುತ್ತಿವೆ. ಇದಕ್ಕೆ ಸರ್ಕಾರ ರೈತರಿಗೆ ನಿಗದಿತ ಬೆಂಬಲ ಬೆಲೆ, ಸಾಲ ಮನ್ನಾ, ಕೆರೆಗಳಿಗೆ ಏತ ನೀರಾವರಿಗಳ ಮೂಲಕ ನೀರು ತಂದರೆ ರೈತರ ಬದುಕು ಸಹ ಸಂಪನ್ನವಾಗುತ್ತದೆ.

ಕರ್ನಾಟಕದಲ್ಲಿ ರೈತರಿಗೋಸ್ಕರ ಸರ್ಕಾರಕ್ಕೆ 6ನೇ ಗ್ಯಾರಂಟಿಯಾಗಿ ನೀರಾವರಿ ಯೋಜನೆಗಳನ್ನು ಕೇಳಿದ ಮೊದಲ ಶ್ರೀಗಳು ನಮ್ಮ ತರಳಬಾಳು ಶ್ರೀಗಳು. ಬತ್ತಿ ಹೋಗಿದ್ದ ಭರಮಸಾಗರ, ಜಗಳೂರು ಮುಂತಾದ ಕೆರೆಗಳಿಗೆ ನೀರು ತಂದು ಸುತ್ತಮುತ್ತಲಿನ ರೈತರ ಬದುಕು ಹಸನುಗೊಳಿಸಿದ ಶ್ರೀಗಳ ಈ ಕಾರ್ಯ ಸರ್ವರಿಗೂ, ಸರ್ವ ಕಾಲಕ್ಕೂ ಸಲುವಂತದ್ದು. ಇಂಥ ಶ್ರೀಗಳನ್ನ ಪಡೆದ ನಮ್ಮ ಭಾಗದ ರೈತರೇ ಧನ್ಯರು. ಹಾಗಾಗಿ ರೈತರು ಶ್ರೀಗಳನ್ನು *ಆಧುನಿಕ ಭಗೀರಥ, ದೂರ ದೃಷ್ಟಿಯ ಹರಿಕಾರ, ಕಾಯಕಯೋಗಿ, ಕಲ್ಪವೃಕ್ಷ* ಮುಂತಾದ ಹೆಸರುಗಳಿಂದ ಆರಾಧ್ಯ ದೈವವಾಗಿ ಪೂಜಿಸುತ್ತಿರುವುದು ಶ್ರೀಗಳ ಈ ಕಾರ್ಯಕ್ಕೆ ಸಂದ ಕೈಗನ್ನಡಿಯಾಗಿದೆ...

ಶ್ರೀಗಳನ್ನು ಬಿಟ್ಟರೆ ಬೇರೆ ಯಾರ ಕೈಯಿಂದಲೂ, ಯಾವ ಸರ್ಕಾರದಿಂದಲೂ ಸಹ ಇಂತಹ ಬೃಹತ್ ಏತ ನೀರಾವರಿ ಯೋಜನೆಗಳನ್ನು ಸಫಲಗೊಳಿಸಲು ಸಾಧ್ಯವೇ ಆಗುತ್ತಿರಲಿಲ್ಲ ಎಂಬುದು ಎಲ್ಲಾ ರೈತರ ಮನದಾಳದ ಮಾತಾಗಿದೆ..

ಅಂಕಣ ಪ್ರತಿಕ್ರಿಯೆ ಬರೆಯಲು ಅವಕಾಶ ನೀಡಿದ ರಾ. ವೆಂಕಟೇಶ್ ಶೆಟ್ಟಿ ಸರ್ ಅವರಿಗೆ ಅಭಿನಂದನೆಗಳು..
ಸುನೀಲ್ ಕುಮಾರ್. ಎಸ್.ಎಂ ಶಿಕ್ಷಕರು ಹಾಗೂ ಪತ್ರಕರ್ತರು. ಸಿರಿಗೆರೆ.

N-2580 

  17-07-2024 07:49 PM   

ನಾಡಿನ ರೈತರ ಜೀವನಾಡಿ ಕೆರೆ!

 ಪೂಜ್ಯರ ಪಾದಾರವಿಂದಗಳಿಗೆ ಭಕ್ತಿ ಪೂರ್ವಕ ಪ್ರಣಾಮಗಳು.

ಮಧ್ಯ ಕರ್ನಾಟಕದ ಚಿತ್ರದುರ್ಗ, ಜಗಳೂರು ತಾಲ್ಲೂಕುಗಳು  ಶಾಶ್ವತ ಬರಪೀಡಿತ ಪ್ರದೇಶಗಳು. ಈ ಭಾಗದಲ್ಲಿ ಯಾವುದೇ ಶಾಶ್ವತ ನೀರಾವರಿ ಸೌಲಭ್ಯಗಳಿಲ್ಲದೆ ರೈತರ ಬದುಕು ಮೂರಾಬಟ್ಟೆಯಾಗಿತ್ತು. ಇಲ್ಲಿಯ ರೈತರು ನಿಜವಾಗಿಯೂ ಮಾನ್ಸೂನ್ ಜೊತೆ ಜೂಜಾಟವಾಡುತ್ತಿದ್ದರು. ಈಗೀಗಲಂತೂ ಅಂಬರದ ಬಂಗಾರ ಅಡಕೆ ಬೆಳೆಗೆ ಮನಸೋತವರೇ ಹೆಚ್ಚು. ಕೊಳವೆ ಬಾವಿ ನಂಬಿಕೊಂಡು ಅಡಕೆ ತೋಟ ಮಾಡಿ ಕೈ- ಮೈ ಸುಟ್ಟುಕೊಂಡಿದ್ದಾರೆ.  ಮಾನ್ಸೂನ್ ಜೊತೆ ಜೂಜಾಟದಲ್ಲಿ  ತೋಟ ಉಳಿಸಿಕೊಳ್ಳಲು ಬೇಸಿಗೆ ದಿನಗಳಲ್ಲಿ  ನೀರಿಗಾಗಿ  ರೈತರ ಪಾಡು ಹೇಳತೀರದು.  ತುಂಗಭದ್ರಾ ಹೊಳೆಯಿಂದ ಭರಮಸಾಗರ ಕೆರೆಗೆ ನೀರನ್ನು ಹರಿಸುವುದರ ಮೂಲಕ ಪೂಜ್ಯರು ರೈತರ ಪಾಲಿಗೆ `ಆಧುನಿಕ ಭಗೀರಥ` ಆಗಿರುವುದು ಉತ್ಪ್ರೇಕ್ಷೆಯ ಮಾತಲ್ಲ.

ಪ್ರತಿಯೊಂದು ಜೀವಿಗೂ ಅಗತ್ಯವಾಗಿ ಬೇಕಾಗಿರುವುದು ನೀರು. ಇಂತಹ ಅಮೂಲ್ಯ ನೀರನ್ನು ದೂರದ ಹೊಳೆಯಿಂದ ನಮ್ಮ ಊರ ಕೆರೆಯಂಗಳಕ್ಕೆ ಹರಿಯುವಂತೆ ಮಾಡಿರುವುದು ನಿಜವಾಗಿಯೂ ಭಗೀರಥ ಪ್ರಯತ್ನವೇ ಸರಿ. ಸಾವಿರಾರು ಕೋಟಿಗಳ ಈ ಯೋಜನೆಯನ್ನು ಅನುಷ್ಠಾನ ಮಾಡುವುದು ಸುಲಭದ ಕೆಲಸವಲ್ಲ. ರೈತಪರ ಕಾಳಜಿಯುಳ್ಳ ಪೂಜ್ಯರು ಇದನ್ನು ಆಗು ಮಾಡಿರುವುದು ಅವರ ಕರ್ತೃತ್ವ ಶಕ್ತಿಗೆ ಸಾಕ್ಷಿಯಾಗಿದೆ.
ಪ್ರಸ್ತುತ ಲೇಖನದಲ್ಲಿ ಪ್ರಸ್ತಾಪಿಸಿರುವ ರಾಜ ಮಹಾರಾಜರ ಕಾಲದ ನೀರಾವರಿ ಯೋಜನೆಗಳು ಮಾಹಿತಿ ಅಪೂರ್ವವಾದುದು.

ಮನೆಯೇ ಮಠ, ಕೆರೆಯೇ ತೀರ್ಥ, ಕೆರೆ ಅಂಗಳದಾಗ ನೀರು ಇದ್ರ ಮನಿ ಗಂಗಳದಾಗ ಮುದ್ದೀ ಇದ್ದಾಂಗ, ಕೆರೆಯುಳ್ಳ ಊರು ಗಂಡುಳ್ಳ ಗರತಿಯಂತೆ, ಕೆರೆ ಇದ್ದ ಊರು ಚಂದ, ಮಕ್ಕಳಿದ್ದ ಮನೆ ಚಂದ, ಊರನ್ನು ಕಟ್ಟುವ ಮೊದಲು ಕೆರೆಯನ್ನು ಕಟ್ಟು, ಊರಿಗೆ ಕೆರೆ ಚಂದ, ಕೋತಿಗೆ ಮರ ಚಂದ ಮುಂತಾದ ಗಾದೆಗಳು ಕೆರೆಗಳ ಬಗ್ಗೆ ಇವೆ.

ಪೂಜ್ಯರು ಕೆರೆಗಳಿಗೆ ನೀರು ತುಂಬಿಸುತ್ತಿರುವ ಈ ಸಂದರ್ಭದಲ್ಲಿ ಈ ಕೆಲವು ಗಾದೆ ಮಾತುಗಳು ನೆನಪಾದವು.
ನಾಗರಾಜ ಸಿರಿಗೆರೆ ಕನ್ನಡ ಅಧ್ಯಾಪಕ, ದಾವಣಗೆರೆ

N-2580 

  17-07-2024 07:44 PM   

ನಾಡಿನ ರೈತರ ಜೀವನಾಡಿ ಕೆರೆ!

 ಪೂಜ್ಯ ಗುರುಗಳಿಗೆ ವಂದನೆಗಳು .
ನಾಡಿನ ರೈತರ ಜೀವನಾಡಿಗಳಾದ ಕೆರೆ,ಕುಂಟೆ, ಬಾವಿ, ಕೊಳವೆ ಬಾವಿಗಳ ನೀರಿನ ಆವಶ್ಯಕತೆಯನ್ನು ಬಿಂಬಿಸುವ ಗುರುಗಳ ಲೇಖನದ ಅಭಿಪ್ರಾಯವು ಸಮತೋಲನವೂ ಸಮಂಜಸವೂ ಆಗಿದೆ . ಅತಿವೃಷ್ಡಿ ಅನಾವೃಷ್ಟಿಗಳು ರೈತಾಪಿವರ್ಗದ ಜೀವನವನ್ನು ಇನ್ನಿಲ್ಲದಂತೆ ಕಂಗೆಡಿಸಿವೆ. ಬಹಳ ರೈತರು ನೀರಿನ ಅತಿ ಕೊರತೆಯಿಂದ ಬೆಳೆಗಳನ್ನು ಬೆಳೆದು ಜೀವನ ನಡೆಸಲಾಗದೆ ಜಮೀನುಗಳನ್ನು ಮಾರಿಕೊಂಡು ನಗರಗಳಲ್ಲಿ ತಮ್ಮ ಬದುಕುಗಳನ್ನು ಕಂಡುಕೊಳ್ಳುತ್ತಿದ್ದಾರೆ. ಉಳಿದ ರೈತಾಪಿವರ್ಗದವರು ಪೂರ್ವಜರು ಬಿಟ್ಟುಹೋದ ಅಮೂಲ್ಯ ಆಸ್ತಿಯಾದ ಜಮೀನನ್ನು ಮಾರದೆ ವ್ಯವಸಾಯವನ್ನೂ ಮಾಡಲಾಗದೆ ತ್ರಿಶಂಕು ಸ್ಥಿತಿಯಲ್ಲಿದ್ದು ನಾಡಿಗೇ ಅನ್ನದಾತನಾಗಿ ಸರ್ಕಾರದ ಪಡಿತರವನ್ನು ಬೇಡ ಎನ್ನದೆ ವಿಧಿಯಿಲ್ಲದೆ ಕೈ ಒಡ್ಡುವ ಹಾಗೆ ಆಗಿದೆ. ಇಂದು ದೇಶಕ್ಕೆ ಅತಿ ಮುಖ್ಯರಾದವರು ರೈತರು ಮತ್ತು ಯೋಧರು. ಇವರು ಇಬ್ಬರು ಇಲ್ಲದ ದೇಶವನ್ನು ಊಹಿಸಿಕೊಳ್ಳುವುದಕ್ಕೆ ಸಾಧ್ಯವೇ ಇಲ್ಲ. ಸರ್ಕಾರಗಳು ಇತ್ತೀಚಿನ ವರ್ಷಗಳಲ್ಲಿ ದೇಶವನ್ನು ಕಾಯುವ ಯೋಧರ ಕೆಲವು ಅತ್ಯಾವಶ್ಯಕವಾದ ಬೇಡಿಕೆಯನ್ನು ಈಡೇರಿಸಿ ದೇಶದ ಯೋಧರ ಮತ್ತು ದೇಶಬಾಂಧವರ ಸಂತೋಷಕ್ಕೆ ಭಾಜನವಾಗಿವೆ. ಅದೇ ರೀತಿ ದೇಶದ ಬೆನ್ನೆಲುಬಾಗಿರುವ ರೈತಾಪಿ ವರ್ಗಕ್ಕೆ ಘನ ಸರ್ಕಾರಗಳು ಕೆರೆಗಳ ಹೂಳು ತೆಗೆಸುವ, ಕೆರೆಗಳಿಗೆ ನೀರು ತುಂಬಿಸುವ, ಇಂಗು ಗುಂಡಿಗಳನ್ನು ನಿರ್ಮಿಸುತ್ತಾ ಅಂತರ್ಜಲದ ಮಟ್ಟವನ್ನು ಹೆಚ್ಚಿಸುವಂತೆ ಮಾಡಿ ಬತ್ತಿರುವ ಕೊಳವೆ ಬಾವಿಗಳಿಗೆ ನೀರಿನ ಪೂರಣವನ್ನು ನೀಡಿದಲ್ಲಿ ರೈತರ ಬಾಳು ಒಂದು ಹಂತಕ್ಕೆ ಬಂದ ಹಾಗೆ ಆಗುತ್ತದೆ. ಎರಡನೇ ಹಂತದಲ್ಲಿ ರೈತಾಪಿ ವರ್ಗಕ್ಕೆ ಸಮಯಕ್ಕೆ ಸರಿಯಾಗಿ ಬಿತ್ತನೆಬೀಜ,ಗೊಬ್ಬರ,ಕೀಟನಾಶಕಗಳನ್ನು ಯಾವುದೇ ಹೆಚ್ಚಿನ ಶುಲ್ಕವಿಲ್ಲದೆ ಕೊಡುವಂತಾಗಿ, ಉಳುಮೆಯಿಂದ ಬೆಳೆಯ ಕಟಾವಿನವರೆವಿಗೂ ಬೇಸಾಯಕ್ಕೆ ಅಗತ್ಯವಾಗಿ ಬೇಕಾಗುವ ಸಲಕರಣೆಗಳನ್ನು ಸಬ್ಸಿಡಿ ದರದಲ್ಲಿ ನೀಡಬೇಕು. ಸಣ್ಣ ಹಿಡುವಳಿದಾರರಿಗೆ ಸಹಕಾರ ಸಂಘಗಳ ಆಶ್ರಯದಲ್ಲಿ ಕಡಿಮೆ ಬಾಡಿಗೆಗೆ ಟ್ರಾಕ್ಟಾರ್ ಗಳನ್ನು ಕೊಟ್ಟರೆ ರೈತರು ಒಳ್ಳೆಯ ಬೆಳೆಯನ್ನು ಬೆಳೆದು ದೇಶಬಾಂಧವರ ಅನ್ನದಾತರಾಗಿ ಸಾರ್ಥಕ ಜೀವನವನ್ನು ನಡೆಸುತ್ತಾರೆ. ಪ್ರತಿ ದೊಡ್ಡ ಊರಿನಲ್ಲಿ ರೈತ ಸಂತೆಯನ್ನು ಮಾಡಿದರೆ ಇನ್ನೂ ಹೆಚ್ಚಿನ ಅನುಕೂಲವಾಗುವುದು. ಗ್ರಾಮ ಪಂಚಾಯಿತಿಯ ಮಟ್ಟದಲ್ಲಿ ವ್ಯವಸಾಯ ಇಲಾಖೆ ಅಧಿಕಾರಿಗಳನ್ನು ಕರೆಸಿಕೊಂಡು ಯಾವ ರೀತಿಯ ಮಣ್ಣಿಗೆ ಯಾವ ಬೆಳೆ, ಯಾವ ತರಕಾರಿ, ಯಾವ ಹಣ್ಣುಗಳನ್ನು ಬೆಳೆಯಬೇಕೆಂಬುದನ್ನು ತಿಳಿದುಕೊಂಡು ಬೆಳೆ ಬೆಳೆದಾಗ ಬೆಲೆಯಿಲ್ಲದೆ ತರಕಾರಿಯನ್ನು ರಸ್ತೆಗಳಿಗೆ ಸುರಿದು ನೊಂದುಕೊಳ್ಳುವುದು ತಪ್ಪುತ್ತದೆ. ಪೂಜ್ಯ ಗುರುಗಳ ಆಸೆಯಂತೆ ಘನ ಸರ್ಕಾರಗಳು ಮತ್ತು ರೈತರು ಸಮನಾಗಿ ಸ್ಪಂದಿಸಿದಲ್ಲಿ ದೇಶದ ಜವಾನ್,ಕಿಸಾನ್,ಮತ್ತು ಇನ್ಸಾನ್ ಗಳೆಲ್ಲರೂ ಸುಖ ಸಂತೋಷದಿಂದ ಇರಬಹುದೆಂದು ಆಶಿಸುತ್ತೇನೆ.

ಒಂದೊಂದು ಅಂಕಣವನ್ನೂ ಸಹ ಮನನ ಯೋಗ್ಯವಾಗುವಂತೆ ಬರೆಯುವ ಗುರುಗಳಿಗೆ ವಂದಿಸುತ್ತಾ ಗುರುಗಳಿಗೂ ಓದುಗರ ಬಳಗಕ್ಕೂ ಸೇತುವೆಯಾಗಿ ಜ್ಞಾನ ಪಸರಿಸುವ ಪರಿಚಾರಕರಾಗಿ ಕ್ರಿಯಾಶೀಲರಾಗಿರುವ ವೆಂಕಟೇಶಶೆಟ್ಟರಿಗೂ ವಂದಿಸುತ್ತೇನೆ.
BA ವರದರಾಜ ಶೆಟ್ಟಿ, ನೆಲಮಂಗಲ.

N-2580 

  17-07-2024 07:37 PM   

ನಾಡಿನ ರೈತರ ಜೀವನಾಡಿ ಕೆರೆ!

 ಪೂಜ್ಯ ಶ್ರೀ ಗುರುಗಳಿಗೆ ಪ್ರಣಾಮಗಳು.

ಬಿಸಿಲು ಬೆಳದಿಂಗಳು ಅಂಕಣ:
"*ನಾಡಿನ ರೈತರ ಜೀವನಾಡಿ ಕೆರೆ"*

ರೈತ ನಮಗೆ ಅನ್ನ ನೀಡುವ ಅನ್ನದಾತ. ಅವನು ನಮ್ಮ ದೇಶದ ಬೆನ್ನೆಲುಬಾದರೆ ನೀರು,ಕೆರೆ,ಜಲಾಶಯ ರೈತರ ಜೀವನಾಡಿ. ಹದವಾದ ನೆಲ,ಉತ್ತಮ ಬೀಜ, ಒಳ್ಳೆಯ ಗೊಬ್ಬರ,ಕಾಲಕಾಲಕ್ಕೆ ಮಳೆ ಬಂದರೆ ಒಳ್ಳೆಯ ಬೆಳೆ ಬಂದರೆ ದೇಶ ಹಾಗು ಕೃಷಿಕ ನೆಮ್ಮದಿ ಕಂಡು ಸ್ವಾವಲಂಬಿಯಾಗಬಹುದು. ಆದರೆ ಒಮ್ಮೊಮ್ಮೆಪ್ರಕೃತಿಯಲ್ಲಿ ವೈಪರೀತ್ಯಗಳು ಆಗುತ್ತಿರುತ್ತವೆ.ಬರಗಾಲ ಬರಬಹುದು ಇಲ್ಲ ವಿಪರೀತಮಳೆ ಅಥವ ಚಂಡ ಮಾರುತಕ್ಕೆ ಸಿಲುಕಬಹುದು.ಇಂಥ ಸಮಯದಲ್ಲಿ ಕೃಷಿಕನ ಬಾಳು ಕಷ್ಟಕ್ಕೆ ಸಿಲುಕಬಹುದು.
ಇಂದು ಕೃಷಿಯಲ್ಲಿತಂತ್ರಾಂಶ ಜ್ಞಾನ ಬಂದು ಉಳುವ,ಕೆಲಸಗಳಿಂದ ಅಭಿವೃದ್ಧಿ ಪಡೆದಿದೆ.ಬೇಸಾಯಕ್ಕಾಗಿ ವ್ಯವಸ್ಥಿತವಾಗಿ ನೀರು ಪೂರೈಕೆ ಯಾಗಬೇಕು.ಪೈರುಗಳಿಗೆ ನೀರುಣಿಸುವ ಕಾರ್ಯವನ್ನು ಸರಕಾರ ಎಚ್ಚೆತ್ತುಕೊಂಡು ಕೆರೆಗಳ ಅಭಿವೃದ್ಧಿಯನ್ನು, ಕೈಗೊಳ್ಳಬೇಕು ಎಂಬುದು ಗುರು ಗಳ ವಿಜ್ಞಾಪನೆಯಾಗಿದೆ.*ನೇಗಿಲ ಹಿಡಿದು ಮುಗಿಲು ನೋಡುತ ಅಳುವ ರೈತನ ನೋಡಿಲ್ಲಿ* ಎಂಬಂತಾಗದೆ ಸಕಾಲದಲ್ಲಿ ಸರಕಾರವು ರೈತರಿಗೆ ಬೆಂಬಲ ನೀಡುವಂತೆ ಗುರುಗಳು ತಮ್ಮ ಆಶಯವನ್ನು ಅಂಕಣದಲ್ಲಿ ಕಳಕಳಿಯಿಂದ ನಿವೇದಿಸುತ್ತಿದ್ದಾರೆ.

ಗುರುಗಳ ಅಂಕಣದಿಂದ ಸ್ಪೂರ್ತಿ ಪಡೆದು ನಮ್ಮ ಅಭಿಪ್ರಾಯ ,ಪ್ರ ತಿಕ್ರಿಯೆ ಬರೆಯುವಂತೆ ಪ್ರೋತ್ಸಾಹ ನೀಡುತ್ತಿರುವ ರಾ.ವೆಂಕಟೇಶ ಶೆಟ್ಟಿ ಯವರಿಗೆ ಧನ್ಯವಾದಗಳು.
ಕಾಂತಾರಾಮುಲು. ಬೆಂಗಳೂರು.

N-2580 

  17-07-2024 07:33 PM   

ನಾಡಿನ ರೈತರ ಜೀವನಾಡಿ ಕೆರೆ!

 ಗುರುಗಳ ಅಂಕಣ ಅಕ್ಷರಶಃ ಸತ್ಯವಾಗಿದೆ. ಅಂಕಣವನ್ನು ಓದುವಾಗ ಬೆಂಗಳೂರಿನ ಎರಡನೇ ದೊಡ್ಡ ಕೆರೆಯಾದ ಎಲೆ ಮಲ್ಲಪ್ಪ ಶೆಟ್ಟಿ ಕೆರೆ ನೆನಪಾಯಿತು. 1876-78 ರಲ್ಲಿ ಬೆಂಗಳೂರು ಮತ್ತು ಸುತ್ತಮುತ್ತಲಿನ ಪ್ರದೇಶಗಳು ಭೀಕರ ಬರಗಾಲದಿಂದ ಬಳಲುತ್ತಿರುವಾಗ, ಇದ್ದ ಕೆರೆಗಳು ಮತ್ತು ಕೊಳಗಳು ಬತ್ತಿ ಹೋಗಿದ್ದವು. ತೀವ್ರ ಬರದ ಪರಿಣಾಮ ಸ್ಥಳೀಯ ರೈತರು ಆಹಾರದ ಕೊರತೆಯಿಂದ ಬಳಲುತ್ತಿದ್ದು, ರಾವ್ ಬಹದ್ದೂರ್ ಎಲೆ ಮಲ್ಲಪ್ಪ ಶೆಟ್ಟರು ದಿನಗೂಲಿ ಕಾರ್ಮಿಕರನ್ನು ಬಳಸಿಕೊಂಡು ಆರ್ಥಿಕ ನೆರವು ನೀಡುವ ಮೂಲಕ ಕೆರೆ ನಿರ್ಮಿಸಿದರು. ಶೆಟ್ಟರು ತಮ್ಮದೇ ಸ್ವಂತ ಜಾಗದಲ್ಲಿ ದೊಡ್ಡ ಕೆರೆಯನ್ನು ಕಟ್ಟಿಸಿದರು. ಅದು ಸುತ್ತಮುತ್ತಲಿನ ಜನರಿಗೆ ಜೀವನಾಡಿಯಾಗಿ ಕಾರ್ಯನಿರ್ವಹಿಸಿತು. ನಂತರ ಬೆಂಗಳೂರಿಗೂ ನೀರು ಪೂರೈಸಲು ಆರಂಭಿಸಿತು. ದುರದೃಷ್ಟವಶಾತ್ ಒಳಚರಂಡಿ ನೀರನ್ನು ಸಂಸ್ಕರಿಸದೆ ಕೆರೆಗೆ ಬಿಡಲಾಗುತ್ತಿರುವುದರಿಂದ ಕೆರೆಯು ಕಲುಷಿತಗೊಳ್ಳುತ್ತಿದೆ. ಕೆರೆಯು ವೈಟ್‌ಫೀಲ್ಡ್ ಬಳಿ ಇದೆ.

ಶ್ರೀ ಗುರುಗಳಿಗೆ ನನ್ನ ನಮನಗಳು. ಅಂಕಣಕ್ಕೆ ಪ್ರತಿಕ್ರಿಯೆ ಬರೆಯಲು ಅನುವು ಮಾಡಿಕೊಟ್ಟ ರಾ ವೆಂಕಟೇಶ ಶೆಟ್ಟಿ ಇವರಿಗೆ ಹೃತ್ಪೂರ್ವಕ ಧನ್ಯವಾದಗಳು.
ವೈಷ್ಣವಿ ನಾಣ್ಯಾಪುರ, ಹಗರಿಬೊಮ್ಮನಹಳ್ಳಿ

N-2580 

  17-07-2024 07:29 PM   

ನಾಡಿನ ರೈತರ ಜೀವನಾಡಿ ಕೆರೆ!

 ಪೂಜ್ಯ ಗುರುಗಳಿಗೆ ಭಕ್ತಿ ಪೂರ್ವಕ ನಮಸ್ಕಾರಗಳು 🙏
ನಾಡಿನ ರೈತರ ಜೀವನಾಡಿ ಕೆರೆ...
ಹಳ್ಳಿಗಳಲ್ಲಿ ಜನರ ಮುಖ್ಯ ಕಸುಬು ಎಂದರೆ ಅದು ಕೃಷಿ. ಕೃಷಿ ಎಂಬುದು ಬೌದ್ಧಿಕ ಪ್ರತಿಭೆ ಇಲ್ಲದವರು ಮಾಡುವ ಕೆಲಸ ಎಂದು ಸಂಸ್ಕೃತ ಸುಭಾಷಿತ ಪರಿಗಣಿಸಿದರೆ. ನಮ್ಮ ಸರ್ವಜ್ಞ ಹೇಳುತ್ತಾರೆ `ಕೋಟಿ ವಿದ್ಯಗಿಂತ ಮೇಟಿ ವಿದ್ಯೆಯೇ ಮೇಲು ` ಹಾಗೆಯೇ ನಮ್ಮ ರಾಷ್ಟ್ರ ಕವಿ ಕುವೆಂಪು ಅವರ "ನೇಗಿಲ ಹಿಡಿದ ಹೊಲದೊಳು ಹಾಡುತ ಉಳುವಾ ಯೋಗಿಯ ನೋಡಲ್ಲಿ "..ಎಂದು ರೈತನನ್ನು `ನೇಗಿಲ ಯೋಗಿ ` ಎಂದು ಬಣ್ಣಿಸಿದ್ದಾರೆ.
ಇತ್ತೀಚಿನ ದಿನಗಳಲ್ಲಿ ಮಳೆ ಕಡಿಮೆಯಾಗುತ್ತಿದೆ. ಮಳೆ ಇಲ್ಲದೆ ರೈತರು ಪರದಾಡುವಂತಾಗಿದೆ. ಆದರೆ ಹಿಂದಿನ ಕಾಲದಲ್ಲಿ ನೀರು ಶೇಖರಿಸುವದಕ್ಕಾಗಿ ಕೆರೆಗಳನ್ನು ಕಟ್ಟಿಸುತ್ತಿದ್ದರು, ಅದೊಂದು ಪುಣ್ಯ ಕಾರ್ಯವೆಂಬ ಭಾವನೆ ಇತ್ತು.
ಹಿಂದಿನ ಕಾಲದಲ್ಲಿ ರಾಜರು ರೈತರಿಗೆ ಉಪಯೋಗಕ್ಕೆ ಎಂದು ಕೆರೆಗಳನ್ನು ಕಟ್ಟಿಸಿ ಕೊಡುತ್ತಿದ್ದರು..ಕನ್ನಂಬಾಡಿ ಅಣೆಕಟ್ಟನ್ನು ಕಟ್ಟಿಸುವಾಗ ಅರಸರು ತಮ್ಮ ರಾಣಿಯರ ವಡವೆಗಳನ್ನು ಅಡವಿಟ್ಟು
ಹಣ ಹೊಂದಿಸಿದರಂತೆ , ಪ್ರಜಾವಾತ್ಸಲ್ಯ ಅಂಥದ್ದು. ಹಾಗೆಯೇ ವಿಜಯನಗರ ಅರಸರು ತುಂಗಭದ್ರಾ ನದಿಯಿಂದ ಕೆರೆಗಳಿಗೆ ನೀರು ಹರಿಸಿ ಬೇಸಾಯಕ್ಕೆ ಅನುವು ಮಾಡಿಕೊಟ್ಟಿದ್ದರು..
ಹರನೀವ ಕಾಲಕ್ಕೆ ಸಿರಿಯು ಬೆನ್ನಲಿ ಬರ್ಕು ,ಹರಿದು ಹೆದ್ದಾರೆಯು ಕೆರೆ ತುಂಬಿದಂತಯ್ಯ ಎಂದು ಬಸವಣ್ಣನವರು ಹೇಳಿದ್ದಾರೆ. ದೇವರ ಆಶೀರ್ವಾದದಿಂದ ಮಳೆಯಾಗಿ ಬೆಳೆಗಳು ಬೆಳೆದು ದುಡಿಮೆಗೆ ತಕ್ಕ ಪ್ರತಿಫಲ ಪಡೆಯುತ್ತಾರೆ. ಅದರೆ ಈ ಈಗಿನ ಕಾಲಕ್ಕೆ ಮಳೆ ಸರಿಯಾಗಿ ಆಗದೆ ರೈತರಿಗೆ ಫಸಲು ಕೈಗೆ ಸಿಗುತ್ತಿಲ್ಲ, ರೈತರು ಬೀಜ ಹಾಗೂ ಗೊಬ್ಬರಕ್ಕೆ ಖರ್ಚು ಮಾಡದ ಹಣ್ಣ ಕೂಡ ದೊರಕುತ್ತಿಲ್ಲ, ಹಾಗಾಗಿ ಎಷ್ಟು ರೈತರು ಆತ್ಮಹತ್ಯೆ ಮಾಡಿಕೊಳ್ಳುತ್ತಿದ್ದಾರೆ.
ಈಗಿನ ಸರ್ಕಾರ ಕೂಡ ರೈತರಿಗೆ ಸಹಾಯವಾಗಿಲಿ ಎಂದು ಅನೇಕ ಅನುಕೂಲವನ್ನು ಮಾಡಿದೆ, ಬೆಳೆ ವಿಮೆ ಯೋಜನೆ, ಬೆಳೆ ಮೇಲಿನ ಸಾಲ ಮನ್ನಾ ಹೀಗೆ ಅನೇಕ ರೀತಿಯ ಸಹಾಯ ಮಾಡುತ್ತಿದೆ.
ಈ ರೀತಿಯಾಗಿ ಎಲ್ಲಾ ರೀತಿಯ ವಿಚಾರಗಳನ್ನು ಗುರುಗಳು ತಿಳಿಸಿದಾರೆ.

ಗುರುಗಳಿಗೆ ವಂದಿಸುತಾ.....
ವೈಷ್ಣವಿ ನವೀನ್, ಹರಪನಹಳ್ಳಿ

N-0 

  16-07-2024 02:32 PM   

 

N-2580 

  12-07-2024 01:18 PM   

ನಾಡಿನ ರೈತರ ಜೀವನಾಡಿ ಕೆರೆ!

 ಪರಮ ಪೂಜ್ಯರಿಗೆ ದಂಢವತ್ ಪ್ರಾಣಾಮಗಳು ಏತಾವರಿಯ ರಾಜನಹಳ್ಳಿ ಯ 22 ಕೆರೆಗೆ ನೀರು ಬರುತ್ತಿಲ್ಲ
ಬಸವರಾಜಪ್ಪ ಸಿದ್ದನೂರು
ಸಿದ್ದನೂರು

N-2580 

  12-07-2024 11:52 AM   

ನಾಡಿನ ರೈತರ ಜೀವನಾಡಿ ಕೆರೆ!

 ಪೂಜ್ಯರಿಗೆ ಶಿರಸಾಷ್ಗಾಂಗ ಪ್ರಣಾಮಗಳು.ಗುರುಗಳ ಪಾದ ಚರಣಗಳಿಗೆ ಭಕ್ತಿ ಪೂರ್ವಕ ನಮಸ್ಕಾರಗಳು

Excellent effort initiated by Guruji and completed the task with the support of respective governments
Such efforts are commendable and laudable
May our Jagadguru bless us with such a wonderful social upliftment works
Further I request Guruji to take up the task to educate and modernize agriculture so that income may increase many fold and make them progressive RAITA.


Prof.Parameswarappa S Byadgi
Varanasi

N-2580 

  12-07-2024 11:14 AM   

ನಾಡಿನ ರೈತರ ಜೀವನಾಡಿ ಕೆರೆ!

 *ನಾಡಿನ ರೈತರ ಜೀವನಾಡಿ ಕೆರೆ* ..

ಶ್ರೀ ಗುರುಗಳ ಪಾದಾರವಿಂದಗಳಿಗೆ ನಮನಗಳು .. ಈ ಬಾರಿ ಗುರುಗಳು ಮಳೆ ಹಾಗೂ ಅದನ್ನೇ ಕಾಯುತ್ತಾ ಕುಳಿತಿರುವ ರೈತನ ಬಗ್ಗೆ ಬರೆದಿರುವುದು ತುಂಬಾ ಸಂತೋಷವಾಯಿತು. ಏಕೆಂದರೆ ಎಲ್ಲರಿಗೂ ಜೀವನದಲ್ಲಿ ಮೊದಲು ಬೇಕಾಗಿರುವುದು ಆಹಾರ. ಆದರೆ ಅದನ್ನು ಬೆಳೆಯುವ ರೈತರ ಬಗ್ಗೆ ಮಾತ್ರ ಅಸಡ್ಡೆ ಇರುತ್ತದೆ. ಅವರ ಬಗ್ಗೆ ಕೆಲವೊಬ್ಬರು ಜಾಸ್ತಿ ಯೋಚನೆ ಮಾಡುವುದಿಲ್ಲ. ಇದು ಆಗಾಗಬಾರದು. ಏಕೆಂದರೆ ರೈತನೇ ದೇಶದ ಬೆನ್ನೆಲುಬು, ರೈತ ಬೆಳೆದ ಬೆಳೆ ಚೆನ್ನಾಗಿ ಬಂದಾಗ ಅವನು ಹಾಕಿದ ದುಡ್ಡೆಲ್ಲ ತನ್ನ ಕೈ ಸೇರಿ ಸುಖ ಸಂತೋಷದಿಂದಿರುತ್ತಾನೆ. ಆಗ ದೇಶದ ಪ್ರಗತಿಯೂ ಕೂಡ ಆಗುತ್ತದೆ, ನಾವು ಸುತ್ತಮುತ್ತಲಿನ ರೈತರ ಕಷ್ಟಗಳನ್ನು ಕೇಳಿದಾಗ ದುಃಖವಾಗುತ್ತದೆ. ಏಕೆಂದರೆ ಎಲ್ಲರಿಗೂ ಪ್ರತಿ ತಿಂಗಳು ಒಂದು ರೀತಿಯ ನಿರ್ದಿಷ್ಟ ಆದಾಯ ತಿಳಿದಿರುತ್ತದೆ., ಹಾಗೂ ಬಂದೇ ಬರುತ್ತದೆ ಎನ್ನುವ ಖಾತರಿ ಇರುತ್ತದೆ. ಆದರೆ ರೈತನ ಜೀವನ ಹಾಗಲ್ಲ. ಮಳೆ ಚೆನ್ನಾಗಿದ್ದರೆ ಮಾತ್ರ ಎಲ್ಲವೂ ಚೆನ್ನಾಗಿರುತ್ತೆ. ಕೆಲವೊಮ್ಮೆ ಅತಿವೃಷ್ಟಿಯಿಂದ ಬೆಳೆಯ ಹಾನಿ ಯಾದರೆ ಇನ್ನು ಕೆಲವೊಮ್ಮೆ ಅನಾವೃಷ್ಟಿಯಿಂದ ಬೆಳೆ ಹಾನಿಯಾಗುತ್ತದೆ..
ಹಿಂದಿನ ಕಾಲದಲ್ಲಿ ರಾಜರುಗಳು ಅಣೆಕಟ್ಟು ನಿರ್ಮಾಣದಲ್ಲಿ ಯಶಸ್ವಿಯಾಗಿ ಅದಕ್ಕೋಸ್ಕರ ತಮ್ಮಲ್ಲ ಒಡವೆಗಳನ್ನು ರಾಣಿಯವರು ಕೊಟ್ಟಿದ್ದು ಹೆಮ್ಮೆಯ ವಿಷಯ.. ಬಾವಿ ಹಾಗೂ ಕೆರೆಗಳಲ್ಲಿ ನೀರು ಶೇಖರಣೆ ಯಾದರೆ ತುಂಬಾ ಒಳ್ಳೆಯದು..

ಗುರುಗಳು ಕೊಳವೆ ಬಾವಿಯ ಬಗ್ಗೆ ಹಾಗೂ ರೈತರಿಗೆ ವಿದ್ಯುತ್ ಚೆನ್ನಾಗಿ ದೊರೆತರೆ ಅವರ ಏಳಿಗೆಗೆ ಉಪಕಾರ ವಾಗುತ್ತದೆ ಎನ್ನುವುದನ್ನು ತಿಳಿಸಿದ್ದಾರೆ. ಅದರ ಜೊತೆಗೆ ನಾವು ದುರ್ಗದವರೇ ಆದರೂ ಕೂಡ ಕೆರೆ ಎನ್ನುವ ಪದದಿಂದ ಕೊನೆಗೊಳ್ಳುವ ಊರುಗಳು ನೂರಾರು ಇವೆ ಎಂದು ತಿಳಿದಿರಲಿಲ್ಲ, ಈಗ ಅವು ಯಾವುವು ಇರಬಹುದು ಎಂದು ಯೋಚನೆ ಬರುತ್ತಿದೆ..
ಅದರ ಜೊತೆಗೆ ಪ್ರತಿ ವರ್ಷವೂ ಕೊಳವೆ ಬಾವಿಯೊಳಗೆ ಬಿದ್ದು ಮಕ್ಕಳು ಯಾತನೆ ಪಡುವುದನ್ನು ನೋಡಿದರೆ ಬೇಸರವಾಗುತ್ತದೆ. ಅದರ ಬಗ್ಗೆಯೂ ಕೂಡ ಗುರುಗಳು ಪ್ರಸ್ತಾಪಿಸುವುದು ಸಂತೋಷದ ವಿಷಯ..
ಪ್ರತಿಬಾರಿಯಂತೆ ಈ ಬಾರಿಯೂ ಕೂಡ ನಮಗೆ ಲೇಖನವನ್ನು ತಲುಪಿಸಿರುವ ವೆಂಕಟೇಶ್ ಶೆಟ್ಟಿ ಸರ್ ಅವರಿಗೆ ಅನಂತ ಧನ್ಯವಾದಗಳು..
ನಂದಿನಿ ವಿವೇಕ್. ಹೊಸದುರ್ಗ..

N-2580 

  12-07-2024 11:07 AM   

ನಾಡಿನ ರೈತರ ಜೀವನಾಡಿ ಕೆರೆ!

 *ನಾಡಿನ ರೈತನ ಜೀವನಾಡಿ ಕೆರೆ* ಅಂಕಣಕ್ಕೆ ಪ್ರತಿಕ್ರಿಯೆ

ರೈತರ ಜೀವನಾಡಿಯಷ್ಟೇ ಅಲ್ಲ, ಇಡೀ ದೇಶದ ಜೀವನಾಡಿಗಳು ಕೆರೆಗಳು. ಮಳೆಯಾಧಾರಿತ ಹಲವಾರು ಉದ್ಯಮಗಳು ವರ್ಧನೆಗೆ ಬರಬೇಕಾದರೆ ಮಳೆ, ಬೆಳೆ ಚೆನ್ನಾಗಿ ಆಗಬೇಕು. ಹಿಂದಿನ ಕಾಲದ ಅರಸರುಗಳ ಮುಂದಾಲೋಚನೆ, ಮುನ್ನೋಟ, ಅದ್ಭುತ. ಒಂದುಕೆರೆ ತುಂಬಿದರೆ ಅದರ ನೀರು ಮತ್ತೊಂದು ಕೆರೆಗೆ ಹರಿದು ಹೋಗಲು ಸಂಪರ್ಕ ಕಲ್ಪಿಸಿರುವ ಕೆಲಸ ನಿಜಕ್ಕೂ ಶ್ಲಾಘನೀಯ. ತಮಿಳುನಾಡಿನಲ್ಲಿರುವ ಕಲ್ಲಣೈ ಅಣೆಕಟ್ಟಿನ ಪರಿಚಯವನ್ನು ಮಾಡಿಕೊಟ್ಟಿದ್ದಾರೆ. ಕಾವೇರಿ ನದಿಗೆ ಅಡ್ಡಲಾಗಿ ತಮಿಳು ನಾಡಿನಲ್ಲಿ ಕಲ್ಲಣೈ ಅಣೆಕಟ್ಟನ್ನು ಕ್ರಿಸ್ತಶಕ 150 ರಲ್ಲಿ ಕರಿಕಾಲ ಚೋಳರು ಕಟ್ಟಿಸಿದ್ದು ಈಗಲೂ ಬಳಕೆಯಲ್ಲಿ ಇರುವುದು ಅಂದಿನ ತಾಂತ್ರಿಕತೆಯ ಮತ್ತು ಕೆಲಸದ ಗುಣಮಟ್ಟವನ್ನು ತೋರಿಸುತ್ತದೆ. ದೇಶದ ಮೊಟ್ಟ ಮೊದಲನೆಯ ಅಣೆಕಟ್ಟು ಇಂದಿಗೂ ಕೆಲಸ ಮಾಡುತ್ತಿರುವುದು ಮತ್ತು ಪ್ರವಾಸಿಗರನ್ನು ಕೈಬಿಸಿ ಕರೆಯುತ್ತಿರುವುದು ದೇಶದ ಹೆಮ್ಮೆ. ಇಂದು ಪರಿಸರನಾಶದಿಂದ ಪ್ರಕೃತಿ ವಿಕೋಪಗಳು ಹೆಚ್ಚಾಗಿ
ಸಕಾಲದಲ್ಲಿ ಮಳೆ ಬಾರದೆ ಅಕಾಲದಲ್ಲಿ ಮಳೆ ಸುರಿದು ಬೆಳೆ ಹಾನಿ ಆಗುತ್ತಿರುವುದನ್ನು ಅಲ್ಲಲ್ಲಿ ಕೇಳುತ್ತಿರುತ್ತೇವೆ. ಗುರುಗಳು ಸರ್ಕಾರದೊಂದಿಗೆ ಕಳೆದ ಹತ್ತಾರು ವರ್ಷಗಳಿಂದ ವ್ಯವಹರಿಸಿ ಏತ ನೀರಾವರಿ ಯೋಜನೆಗಳನ್ನು ಜಾರಿಗೆ ತಂದು ಅನುಷ್ಠಾನಗೊಳಿಸಿರುವುದು ರೈತರ ಮಂದಹಾಸಕ್ಕೆ ಕಾರಣವಾಗಿದೆ. ನೀರು ಮತ್ತು ವಿದ್ಯುತ್ ಶಕ್ತಿ ಎರಡರ ಪೂರೈಕೆ ಸರಿಯಾಗಿದ್ದರೆ ಅದು ರೈತರಿಗೆ ವರದಾನ ಎನ್ನುವುದು ಸತ್ಯ.

ವೈಚಾರಿಕ ಚಿಂತನೆಗಳನ್ನು ಬೆಳೆಸುವುದರ ಜೊತೆ ಜೊತೆಗೆ ಸಾಮಾಜಿಕ ಜವಾಬ್ದಾರಿಯನ್ನೂ ನಿರ್ವಹಿಸುತ್ತಿರುವ ಗುರುಗಳಿಗೆ ವಂದನೆಗಳು.
ಪೂರ್ಣಿಮ ಭಗವಾನ್. ಬೆಂಗಳೂರು

N-2580 

  12-07-2024 11:03 AM   

ನಾಡಿನ ರೈತರ ಜೀವನಾಡಿ ಕೆರೆ!

 ಶ್ರೀ ಗುರುಗಳ ಪಾದ ಕಮಲಗಳಿಗೆ ವಂದಿಸುತ್ತಾ*
*ನಾಡಿನ ರೈತರ ಜೀವನಾಡಿ ಕೆರೆ*

ಶ್ರೀ ಗುರುಗಳು ಹೇಳಿರುವಂತೆ ರೈತರ ಜೀವನಾಡಿ ಕೆರೆ. ಈ ಮಾತು ಮೊದಲು ಪ್ರಚಲಿತದಲ್ಲಿತ್ತು.ಆದರೆ ಬರಬರುತ್ತಾ ಕೆರೆಗಳ ನಿರ್ವಹಣೆ ಸರಿಯಾಗಿ ಆಗದೆ ಮುಚ್ಚುವಂತಹ ಪರಿಸ್ಥಿತಿ ನಿರ್ಮಾಣವಾಗಿದೆ. ಮೊದಲೆಲ್ಲ ರಾಜ ಮಹಾರಾಜರು ಹೆಚ್ಚು ಹೆಚ್ಚು ಕೆರೆಗಳನ್ನು ನಿರ್ಮಿಸುತ್ತಿದ್ದರು.ಜನ -ಜಾನುವಾರುಗಳ ದಾಹ ನೀಗಿಸಲು,ಹೊಲ ಗದ್ದೆಗಳಿಗೆ ನೀರುಣಿಸಲು,ಹಾಗೂ ಇನ್ನಿತರ ಕೆಲಸಗಳಿಗೆಲ್ಲ ಕೆರೆಯೇ ಆಧಾರವಾಗಿತ್ತು.ಆಧುನಿಕತೆ ಹೆಚ್ಚಿದಂತೆ ಕೆರೆ ಕಟ್ಟೆಗಳೆಲ್ಲ ಮಾಯವಾಗಿವೆ.ಮಳೆಯನ್ನೇ ನಂಬಿ, ಬೆಳೆಯನ್ನು ಬೆಳೆದು ಬದುಕುತ್ತಿರುವ ರೈತರ ಭವಣೆ ಹೇಳತೀರದಾಗಿದೆ.ಅತಿಯಾದರೆ ಎಲ್ಲವೂ ವಿಷ ಎನ್ನುವಂತೆ ಮಳೆಯಾಗದೆ ಹೋದರೆ ಅನಾವೃಷ್ಠಿ,ಅತಿಯಾದರೆ ಅತಿವೃಷ್ಟಿ.ಇದಕ್ಕೆಲ್ಲ ಯಾರು ಹೊಣೆ? ಎಂಬುದು ಯಕ್ಷ ಪ್ರಶ್ನೆಯಾಗಿದೆ. ಮುಂದಿನ ದಿನಮಾನಗಳು ಹೇಗಿವೆಯೆಂದು ಯಾರಿಗೂ ಗೊತ್ತಿಲ್ಲ.ಸಕಾಲಕ್ಕೆ ಮಳೆಯಾಗದೆ,ಬೆಳೆಬರದೆ,ಸಾಲದ ಹೊರೆ ಹೆಚ್ಚಾಗಿ ರೈತರು ತಮ್ಮ ಜೀವವನ್ನೇ ಕಳೆದುಕೊಳ್ಳತ್ತಿದ್ದಾರೆ.ಸರಿಯಾಗಿ ಬೆಳೆ ಬಾರದೆ ಇದ್ದ ಆಹಾರ ಪದಾರ್ಥಗಳ,ತರಕಾರಿಗಳ ಬೆಲೆ ಗಗನಕ್ಕೇರಿವೆ.ಇದರಿಂದ ಜನಸಾಮಾನ್ಯರು ಜೀವನ ನಡೆಸುವುದೇ ಕಷ್ಟವಾಗಿದೆ.ಪ್ರಜ್ಞಾವಂತ ಸಮಾದಲ್ಲಿನ ಜನನಾಯಕರು ಮುಚ್ಚಿ ಹೋಗುವಂತಹ,ನಿರ್ವಹಣೆ ಇಲ್ಲದ ಕೆರೆಗಳನ್ನು ಪುನಶ್ಚೇತನಗೊಳಿಸಿ ರೈತರ ಬದುಕನ್ನು ಹಸನಾಗಿಸಬೇಕು.
*ರೈತರೇ ದೇಶದ ಬೆನ್ನೆಲುಬು* ಅವರಿಲ್ಲದೆ ನಾವಿಲ್ಲ ಎನ್ನುವುದನ್ನು ಮನಗಂಡು ,ಇನ್ನಾದರೂ ಕೆರೆಗಳಿಗೆ ಜೀವಕಳೆ ಬರುವಂತಾಗಲಿ,ರೈತರ ಮೊಗದಲ್ಲಿ ಮಂದಹಾಸ ಮೂಡಲಿ.

ಜಯಶ್ರೀ ಕಿಣಗಿ, ಹಿಡಕಲ್ ಡ್ಯಾಮ್

N-2580 

  12-07-2024 10:52 AM   

ನಾಡಿನ ರೈತರ ಜೀವನಾಡಿ ಕೆರೆ!

 ಬಿಸಿಲು ಬೆಳದಿಂಗಳು ಅಂಕಣ*
ದಿನಾಂಕ 11-7-2024

ಇಂದಿನ ಅಂಕಣ ಸಕಾಲಿಕ ಜೊತೆಗೆ ಸಾರ್ವಕಾಲಿಕ ಸತ್ಯವನ್ನು ಸಾರುವ ಸಂದೇಶದ ರೀತಿಯಲ್ಲಿ ಅರಳಿದೆ. ಜನರ ಜೀವನಾಡಿಗಳಂತೆ ಭಾವಿಸಿ ಹಿಂದೆ ಕೆರೆ ಕಟ್ಟೆ ಬಾವಿಗಳನ್ನು ನಿರ್ಮಾಣ ಮಾಡಿ ಶಾಶ್ವತವಾದ ಕೆಲಸಗಳನ್ನು ಮಾಡುತ್ತಿದ್ದ ಕಾಲವಿತ್ತು.‌ ಈಗ ಎಲ್ಲಾ ಬದಲಾದ ಧೋರಣೆಗಳು. ಸ್ವಾರ್ಥದ ಜೊತೆಯಲ್ಲಿ ಸಾಗಿ, ಕೆರೆಗಳೆಲ್ಲಾ ವಾಣಿಜ್ಯ ಸಂಕೀರ್ಣ ಆಗಿವೆ. ಅದರ ಪರಿಣಾಮವಾಗಿ ಆಗುತ್ತಿರುವ ಘೋರವಾದ ಅಡ್ಡ ಪರಿಣಾಮಗಳನ್ನು ಅನುಭವಿಸುತ್ತಿದ್ದೇವೆ. ‌ಲಾಭ ಪಡೆದವರು ಒಬ್ಬರಾದರೆ ಸಂಕಷ್ಟ ಅಮಾಯಕ ಬಹುಜನರಿಗೆ ಆಗುತ್ತಿದೆ. ಚಿತ್ರದುರ್ಗ ಹಾಗೂ ಇತರ ಕಡೆಗಳಲ್ಲಿ ಕೆರೆನೀರು ತುಂಬಿಸಿ ಕೃಷಿಕ್ಷೇತ್ರಕ್ಕೆ ಅಮೂಲ್ಯ ಕೊಡುಗೆ ನೀಡಿರುವ ಶ್ರೀಗಳವರ ಪ್ರಯತ್ನ ಫಲಕಂಡಿದೆ. ಇಂತಹ ಜನೋಪಯೋಗಿ ಕಾರ್ಯಗಳು ಎಲ್ಲೆಡೆ ಸಾಗಿಬರಲಿ ಎನ್ನುವ ಆಶಯದ ಇಂದಿನ ಅಂಕಣ ಸ್ವಾರ್ಥಿಗಳ ಕಣ್ತೆರೆಸಲಿ.

ಹಿಂದಿನ ದಿನವಷ್ಟೆ ಮಳೆ ಇಲ್ಲ ಎಂದು ಮುಗಿಲಕಡೆ ಕಣ್ಣು ಹಾಯಿಸಿದ್ದ ಜನರು ಒಂದೆಡೆಯ ದೃಶ್ಯವಾದರೆ, ಸುರಿದ ಸಣ್ಣಮಳೆಯಿಂದ ಮನೆಗೆ ನೀರು ನುಗ್ಗಿ ಪರದಾಡಿ ತಲೆ ತಗ್ಗಿಸಿ ನೀರು ಹೊರಹಾಕುವ ಸ್ಥಿತಿಯ ಇಂದಿನ ವಿಡಂಬನೆಯ ಚಿತ್ರಣ ಮತ್ತೊಂದು ಕಡೆ ಕಾಣಬರುತ್ತಿದೆ. ಸ್ವಯಂಕೃತ ಅಪರಾಧದ ಫಲಿತವಿದಲ್ಲವೆ? ಶ್ರೀ ಗಳವರ ಅಂಕಣ ಓದಿದ ನಂತರ ಉಂಟಾದ ಮನಸ್ಪಂದನದ ಒಂದೆರಡು ನುಡಿಗಳಿವು. ಇಂತಹ ಸ್ಪಂದನಕ್ಕೆ ಅನುವು ಮಾಡಿಕೊಡುತ್ತಿರುವ ರಾ.ವೆಂಕಟೇಶ ಶೆಟ್ಟರಿಗೆ ಬೆಳಗಿನ ಶುಭೋದಯದೊಂದಿಗೆ
ಟೀಕಾ. ಸುರೇಶ ಗುಪ್ತ, ಚಿತ್ರದುರ್ಗ

N-0 

  12-07-2024 08:13 AM   

 

N-2580 

  11-07-2024 09:20 PM   

ನಾಡಿನ ರೈತರ ಜೀವನಾಡಿ ಕೆರೆ!

 ಬಿಸಿಲು ಬೆಳದಿಂಗಳು*

*ನಾಡಿನ ರೈತರ ಜೀವನಾಡಿ ಕೆರೆ!*

ಸಂಸ್ಕೃತ ಸೂಕ್ತಿಯಿಂದ ಪ್ರಾರಂಭವಾಗುವುದು ಈ ಲೇಖನ. ಕೃಷಿಯ ಮಹತ್ವವನ್ನು ಹಲವಾರು ಉದಾಹರಣೆಗಳಿಂದ ವಿವರಿಸಿದ್ದಾರೆ. ಕುವೆಂಪುರವರ `ನೇಗಿಲ ಯೋಗಿ`ಯ ಸಾಲುಗಳನ್ನು ರೈತರ ಇಂದಿನ ಪರಿಸ್ಥಿತಿ ಗೆ ಬದಲಾಯಿಸಿ ಹೇಳಿರುವ ರೀತಿಗೆ ಮನ ಮರುಗುವುದು. ರೈತರ ಜೀವನಾಡಿ ಕೆರೆ ಇಡೀ ದೇಶದ ಜೀವನಾಡಿ ಎಂಬುದು ಸತ್ಯವಾದ ಸಂಗತಿ.
ಹಳೆಯ ಮೈಸೂರು ಪ್ರಾಂತ್ಯದಲ್ಲಿ ಹಳ್ಳಿಗಳ ಹೆಸರು ಕೆರೆ ಎಂಬ ಶಬ್ದದಿಂದ ಕೊನೆಗೊಳ್ಳುವುದನ್ನು ಗಮನಿಸಿದಾಗ ಹಿರಿಯರು ಕೆರೆಗಳಿಗೆ ಎಷ್ಟು ಮಹತ್ವವನ್ನು ಕೊಟ್ಟಿರುವ ವಿಚಾರ ತಿಳಿಯುವುದು.
ಹಿಂದಿನಿಂದಲೂ ರಾಜ ಮಹರಾಜರು ನೀರಿಗೆ ಕೊಟ್ಟ ಮಹತ್ವವನ್ನು ಓದಿದಾಗ ಇಂದಿನ ಪ್ರಜೆಗಳು ಕೆರಯನ್ನೇ ಒತ್ತುವರಿ ಮಾಡಿ ಕೆರೆಗಳೇ ಇಲ್ಲದಂತೆ ಮಾಡುತ್ತಿರುವುದು ಒಂದು ವಿಪರ್ಯಾಸವೇ ಸರಿ.ಮನುಷ್ಯ ಎಷ್ಟು ಸ್ವಾರ್ಥಿಯಾಗಿದ್ದಾನಲ್ಲವೇ?
ಇಂದಿನ ದಿನಗಳಲ್ಲಿ ಇರುವ ಟೆಕ್ನಾಲಜಿ ಇಲ್ಲದ ಕಾಲದಲ್ಲಿ ಕ್ರಿ.ಶ.150 ಚೋಳರು ಕಟ್ಟಿಸಿದ ಕೆರೆ ಇಂದಿಗೂ ಉತ್ತಮ ಸ್ಥಿತಿಯಲ್ಲಿರುವುದನ್ನು ಓದಿದಾಗ ಬಹಳ ಆಶ್ಚರ್ಯವಾಯಿತು.
ಇಂದಿಗೂ ಕೆರೆಗಳನ್ನು ಪುನಶ್ಚೇತನಗೊಳಿಸಲು ಸರಕಾರ ಹಾಗೂ ಕೆಲವಾರು ಸಂಸ್ಥೆಗಳು ಕಾರ್ಯನಿರ್ವಾಹಿಸುತ್ತಿವೆ. ಆದರೆ ಈ ಪ್ರಯತ್ನಗಳು ಸಾಲದೆಂದೆನಿಸುವುದು.

ಗುರುಗಳಿಗೆ ರೈತರ ಬಗ್ಗೆ, ನಾಡಿನ ಏಳ್ಗೆಯ ವಿಚಾರವಾಗಿ, ಪ್ರಜೆಗಳ ಬಗ್ಗೆ ಇರುವ ಕಾಳಜಿ ತಿಳಿದಾಗ ಇವರ ಬಗ್ಗೆ ಬಹಳ ಹೆಮ್ಮೆ ಹಾಗೂ ಗೌರವ ವೆನಿಸುವುದು.

`ನಾಡಿನ ರೈತರ ಜೀವನಾಡಿ ಕೆರೆ` ಯಾದರೆ ಸಮಾಜದ ಜೀವನಾಡಿ ಸಿರಿಗೆರೆ ಗುರುಗಳು ಎನ್ನಬಹುದು‌.ಇವರ ಮಾರ್ಗದರ್ಶನದಲ್ಲಿ,ನೇತ್ರತ್ವದಲ್ಲಿ ತುಂಗಭದ್ರಾ ಏತ ನೀರಾವರಿ,ಭರಮಸಾಗರಕ್ಕೆ ಪೈಪ್ ಗಳ ನೀರು ಹರಿಸುವಲ್ಲಿ ಯಶಸ್ವಿಯಾಗಿದ್ದು ರೈತರ ಆತಂಕ ಕಡಿಮೆ ಮಾಡಿದ್ದು ಬಹಳ ಪ್ರಶಂಸನೀಯ ಹಾಗೂ ಆದರ್ಶಣಿಯವಾದ ಮಹತ್ ಕಾರ್ಯಗಳು.
ಶ್ರೀ ಗುರುಗಳು ಪ್ರತಿ ಲೇಖನದಲ್ಲಿ ಹಲವಾರು ಸಂತರು,ಕವಿಗಳನ್ನು ಉದಾಹರಿಸಿ,ಹಲವಾರು ಹೊಸ ವಿಚಾರಗಳನ್ನು ತಿಳಿಸುತ್ತಿರುವರು. ಅವರಿಗೆ ಹೃತ್ಪೂರ್ವಕ ಪ್ರಣಾಮಗಳು.
ಇಂದಿನ ದಿನಗಳಲ್ಲಿ ಸಹಾ ಹಲವಾರು ಸಂಸ್ಥೆಗಳು ಕೆರೆಗಳ ಪುನಶ್ಚೇತನಕ್ಕೆ ಕೈಗೂಡಿಸುತ್ತಿರುವರು.ನಮ್ಮ ಯಜಮಾನರು ವೃತ್ತಿಯಲ್ಲಿ ನೀರಾವರಿ ಇಲಾಖೆಯಲ್ಲಿ ಇಂಜಿನಿಯರ್ ಆಗಿದ್ದರು.ವೃತ್ತಿಯಿಂದ ನಿವೃತ್ತರಾದ ನಂತರ ಇಂತಹ ಸಂಸ್ಥೆಗಳಲ್ಲಿ ( ಶ್ರೀ ಶ್ರೀ ರವಿಶಂಕರ್ ಗುರೂಜಿಯವರ ಏ.ಓ.ಎಲ್. ಸಂಸ್ಥೆ) ಸ್ವಯಂಪ್ರೇರಿತ ಸೇವೆ ಸಲ್ಲಿಸುವ ಅವಕಾಶ ಸಿಕ್ಕಿತ್ತು.
ಈ ಅವಕಾಶವನ್ನು ಮಾಡಿಕೊಡುತ್ತಿರುವ ಅಣ್ಣನ ಸಮಾನರಾದ ಶ್ರೀ.ವೆಂಕಟೇಶ ಶೆಟ್ಟಿ ಯವರಿಗೂ ಧನ್ಯವಾದಗಳು.

ನೇಗಿಲೊಳು ಉತ್ತಿಹೆವು
ಜಗಭಾರ ಹೊತ್ತಿಹೆವು;
ಬಾಗಿಲೊಳು ಕೈ ಮುಗಿದು
ಉಣ ಬಾರ ಎಂದಿಹೆವು;
ಒಕ್ಕಲಿಗರು ನಾವು ಒಕ್ಕಲಿಗರು..!

ಅಕ್ಕರೆಯ ನಗುವಲ್ಲಿ ಸಕ್ಕರೆಯ ಕರೆಯೋಲೆ;
ಬಿಕ್ಕಳಿಕೆ ಬರದಿಲ್ಲಿ ಹೆಗ್ಗಳಿಕೆ ನೋಡಲ್ಲೇ;
ದಾಸೋಹ ಜಾತ್ರೆಯಲಿ ಚೊಚ್ಚಲಿಗರು..!

ಮೆಕ್ಕಲುತನ ನಂಬುಗೆಯ
ಒಕ್ಕಲುತನದವರು..!!2!!

ಒಕ್ಕಲಿಗರು ನಾವು ಒಕ್ಕಲಿಗರು
ದಾಸೋಹ ಜಾತ್ರೆಯಲಿ ಚೊಚ್ಚಲಿಗರು
ಮೆಕ್ಕಲುತನ ನಂಬುಗೆಯ
ಒಕ್ಕಲುತನ ನಮದು..!!

ದಾತರಿಗೆ ದಾತರು ನಾವನ್ನದಾತರು
ಜೀತದಲಿ ಬದುಕುವುದನೆಂದಿಗೂ ಬಯಸೆವು;
ಆಳಾಗಿ ದುಡಿವೆವು ಅರಸಾಗಿ ಉಣ್ಣುವೆವು,
ಕೀಳಾಗಿ ಕಾಣದೆಯೆ ಮೇಲಾಗಿ ಮೆರೆಸುವೆವು..!

ಒಕ್ಕಲಿಗರು..ನಾವು ಒಕ್ಕಲಿಗರು

ಆಸರೆಯಾಗುವವರು ಹೆಸರೆಮ್ಮ ರೈತರು,
ಉಸಿರಿಗೆ ಉಸಿರು ನಾವ್ ಹಸಿರಿನವರು;
ಹೆಸರಿರದ ಉಸಿರಿಗೂ ಹಸಿರಮ್ಮ ರೈತರು,
ಮೆಕ್ಕಲುತನ ನಂಬುಗೆಯ ಒಕ್ಕಲುತನದವರು..!!

ಒಕ್ಕಲಿಗರು ನಾವು ಒಕ್ಕಲಿಗರು
ದಾಸೋಹ ಜಾತ್ರೆಯಲಿ ಚೊಚ್ಚಲಿಗರು
ಮೆಕ್ಕಲುತನ ನಂಬುಗೆಯ ಒಕ್ಕಲುತನದವರು..!!

ದಿಕ್ಕೆಟ್ಟ ಧರೆಗೆ ದಿಕ್ಕಾಗಿ ನಿಂತವರು
ಕಂಗೆಟ್ಟ ದೊರೆಗೆ ಬೆನ್ನಾಗಿ ಬಂದವರು;
ಸುಗ್ಗಿಯ ಸಮಯದಿ ಹುಗ್ಗಿಯನಿಡುವವರು
ಕುಗ್ಗಿದ ಸಮಯದಿ ಹಿಗ್ಗನು ನೆಡುವವರು..;

ಕಟ್ಟುವೆವು ನಾಡ, ಕಟ್ಟಿಹೆವು ನೋಡಾ,
ಬಿತ್ತಿಹೆವು ಕಾಡ, ಬಿಕ್ಕಿರಲು ಮೋಡ;
ಅಟ್ಟದಲಿ ಹಿಡಿ ಕಾಳು ಮಿಕ್ಕಿರದೆ ಕೂಡ
ಬಟ್ಟಲಲ್ಲಿ ಜಗಕನ್ನ, ಇಟ್ಟಿಹೆವು ನೋಡಾ..!

ಒಕ್ಕಲಿಗರು ನಾವು ಒಕ್ಕಲಿಗರು,
ದಾಸೋಹ ಜಾತ್ರೆಯಲಿ ಚೊಚ್ಚಲಿಗರು;
ಮೆಕ್ಕಲುತನ ನಂಬುಗೆಯ ಒಕ್ಕಲುತನದವರು..!!

ಉಪ್ಪಿನ ಕೊಳಗದಿ ಉಪ್ಪನ್ನಿಕ್ಕುವೆವು
ಉಪ್ಪಿಟ್ಟ ಮನೆಗೆ ತಂಪನೆರೆಯುವೆವು;
ಹಾಲನ್ನವಿಕ್ಕುವೆವು ಹಾಲಕ್ಕಿ ಒಕ್ಕಲಿಗರು
ಹಾಲಿಟ್ಟ ಎದೆಗೆ ಜೇನನ್ನೇ ಉಣಿಸುವೆವು..!

ಬೆಡಗುಂಟು ನಮ್ಮಲಿ ಹಲವಾರು ತೆರದಲ್ಲಿ
ಅರೆಭಾಷೆ, ಹೊಸದೇವ, ದಾಸರಿಹರಿಲ್ಲಿ;
ಹೆಸರುಗಳು ಗುರುತುಗಳು ಹತ್ತಿರಲಿ ನೂರಿರಲಿ
ಗೌಡ ಕುಲ ಸಂಕುಲಗಳು ಒಟ್ಟೊಟ್ಟಿಗಿರಲಿ..!!

ಒಕ್ಕಲಿಗ ಒಕ್ಕಿದರೆ ಉಕ್ಕುವುದು ಸಿಹಿಬೆಲ್ಲ,
ಒಕ್ಕಲಿಗ ಒಕ್ಕದಿರೆ ಬಿಕ್ಕುವುದು ಜಗವೆಲ್ಲ;
ಒಕ್ಕಲಿಗರ ಒಕ್ಕಲೆಬ್ಬಿಸಿದರೆ ತರವಲ್ಲ,
ಒಕ್ಕಣಿಸಿ, ರೈತ ದೇಶದ ಬೆನ್ನೆಲುಬು..!!

ಹರುಷವಿದೆ ಗರ್ವವಿದೆ ಹೆಮ್ಮೆಯಿದೆ ನಮಗೆ
ಒಕ್ಕಲಿಗರು..ನಾವು ಒಕ್ಕಲಿಗರು
ವರುಷವಿಡಿ ಬಡಿಸುವೆವು ಅನ್ನವನು ನಿಮಗೆ
ಒಕ್ಕಲಿಗರು..ನಾವು ಒಕ್ಕಲಿಗರು
ದಾಸೋಹ ಜಾತ್ರೆಯಲಿ ಚೊಚ್ಚಲಿಗರು..!

ಮೆಕ್ಕಲುತನ ನಂಬುಗೆಯ ಒಕ್ಕಲುತನದವರು..!!2!!

ಒಕ್ಕಲಿಗರು.. ನಾವು ಒಕ್ಕಲಿಗರು
ದಾಸೋಹ ಜಾತ್ರೆಯಲಿ ಚೊಚ್ಚಲಿಗರು

ವೇಣುಗೋಪಾಲ್ ಎಂ ಎನ್

ಅನಿತಾ ಶೆಟ್ಟರ್, ಬೆಂಗಳೂರು

N-2580 

  11-07-2024 08:10 PM   

ನಾಡಿನ ರೈತರ ಜೀವನಾಡಿ ಕೆರೆ!

 ಪೂಜ್ಯರಿಗೆ ಶಿರಸಾಷ್ಗಾಂಗ ಪ್ರಣಾಮಗಳು. ನೀರಿನಿಂದ ಸಕಲ ಜೀವಾತ್ಮರಿಗೆ ಒಳಿತಾಗುತ್ತದೆ. ಅಂತಹ ಕಾರ್ಯವನ್ನು ಪೂಜ್ಯರು ಎಲ್ಲಾ ಸರಕಾರಗಳಿಂದ ಮಾಡಿಸುತ್ತಾ ಬರುತ್ತಿದ್ದಾರೆ. ನೀರು ಒಂದು ಕುಟುಂಬದ, ಒಂದು ಊರಿನ, ಒಂದು ಪ್ರದೇಶದ ಆರ್ಥಿಕ, ಸಾಮಾಜಿಕ, ಶೈಕ್ಷಣಿಕ ಮತ್ತು ಸಾಂಸ್ಕೃತಿಕ ವಾತಾವರಣವನ್ನೇ ಬದಲು ಮಾಡುತ್ತದೆ. ಇಂತಹ ವಾತಾವರಣವನ್ನು ಅಖಂಡ ಬಳ್ಳಾರಿ ಜಿಲ್ಲೆಯ ಅತಿ ಹಿಂದುಳಿದ ತಾಲೂಕುಗಳಾದ ಕೂಡ್ಲಿಗಿ, ಕೊಟ್ಟೂರು, ಸಂಡೂರು ಇವುಗಳ ಕೆರೆಗಳನ್ನು ತುಂಗಭದ್ರಾ ನದಿಯಿಂದ ತುಂಬಿಸುವ ಕಾರ್ಯವನ್ನು ಸರಕಾರದ ವತಿಯಿಂದ ಮಾಡಿಸಬೇಕೆಂದು ವಿನಮ್ರವಾಗಿ ಕೋರುತ್ತೇನೆ.
ಜಿ ಕೆ ನಾಗರಾಜ್
Narasapura,Sandur, Ballary Dist. Karanataka, India