N-2572 

  28-06-2024 11:58 AM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 *"ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ"*
ಪರಮಪೂಜ್ಯರ ಈ ಲೇಖನ ಸರ್ವಕಾಲಿಕ ಅತ್ಯುತ್ತಮ ಆರೋಗ್ಯದ ದಿಕ್ಸೂಚಿಯಾಗಿದೆ ಎಂದರೆ ಅತಿಶಯೋಕ್ತಿಯಾಗಲಾರದು. ಇದು ಅರ್ಥಪೂರ್ಣವಾಗಿದೆ. ಓದುಗರ ಮಾನಸಿಕ ಶಾರೀರಿಕ ಆರೋಗ್ಯದ ಬಗ್ಗೆ ಬೆಳಕು ಚೆಲ್ಲುವ ಲೇಖನವಾಗಿದೆ.
ಪರಮಪೂಜ್ಯರು ಪ್ರಸ್ತುತ ಒತ್ತಡ ಜೀವನದ ಕಾಲಮಾನದಲ್ಲಿ ಓದುಗರಿಗೆ ಯೋಗದ ಮಹತ್ವದ ಬಗ್ಗೆ ಪರಿಣಾಮಕಾರಿಯಾಗಿ ಸವಿವರವಾಗಿ ಮನವರಿಕೆ ಮಾಡಿದ್ದಾರೆ.

*"ಯೋಗದ ಪ್ರಾಮುಖ್ಯತೆ :"*

ಈ ಲೇಖನ ಇತ್ತೀಚಿಗೆ ಜರುಗಿದ *ಜೂನ್ -21 ಅಂತರರಾಷ್ಟ್ರೀಯ ಯೋಗ ದಿನದ* ಮಹತ್ವವನ್ನು ಸಾರಿದೆ.

1 ಇಲ್ಲಿ ಪತಂಜಲಿ ಮಹರ್ಷಿಗಳ ಯೋಗ ಸೂತ್ರ ನಿದರ್ಶನ ಸಮಯೋಚಿತವಾಗಿದೆ.

2 ಯೋಗಯಾವುದೇ ಮತ ಧರ್ಮದ ಚೌಕಟ್ಟಿಗೆ ಒಳಪಡುವುದಿಲ್ಲ.

3 ಯೋಗವು ಸಂಯಮ ಶಿಸ್ತುಬದ್ಧ ಜೀವನ ರೂಢಿಸುತ್ತದೆ.

4 ಯೋಗ ಶರೀರ ಮತ್ತು ಮನಸ್ಸನ್ನು ಸುಸ್ಥಿತಿಯಲ್ಲಿಡುವ ಸಾಧನವಾಗಿದೆ.

5 ಯೋಗ ಮನಸ್ಸಿನಲ್ಲಿ ಹರಿದಾಡುವ ಆಲೋಚನೆಗಳನ್ನು ನಿಯಂತ್ರಿಸುತ್ತದೆ.

6 ಪ್ರತಿನಿತ್ಯ ಕಟ್ಟುನಿಟ್ಟಿನ ಯೋಗ ಮಾಡುವುದು ವ್ಯಕ್ತಿಯ ಶಾರೀರಿಕ ಮಾನಸಿಕ ಆರೋಗ್ಯ ಸುಧಾರಣೆಗೆ ಅತ್ಯಂತ ಉಪಯುಕ್ತವಾಗಿದೆ.

ಹೀಗೆ ಯೋಗದ ಮಹತ್ವದ ಕುರಿತು ಹಲವಾರು ಸಾಂದರ್ಭಿಕ ನಿದರ್ಶನಗಳೊಂದಿಗೆ ಪರಮಪೂಜ್ಯರ ಈ ಲೇಖನ ಅತ್ಯಂತ ಉಪಯುಕ್ತವಾಗಿದೆ.

ಜಿ.ಎ.ಜಗದೀಶ್,
ಎಸ್ ಪಿ ನಿವೃತ್ತ,
ಬೆಂಗಳೂರು.
G.A.Jagadeesh, SP Retd
Bengaluru City.

N-2572 

  28-06-2024 09:29 AM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 Valuable information , Thank you so much Buddi
Shivadeepa Bathi
Davangere , teacher at ABM

N-2572 

  27-06-2024 09:15 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಪರಮ ಪೂಜ್ಯ ಶ್ರೀಗಳ ಅಡಿದಾವರೆಗಳಿಗೆ ಭಕ್ತಿ ಪೂರ್ವಕ ಪ್ರಣಾಮಗಳು.

ಅಂತರ ರಾಷ್ಟ್ರೀಯ ಯೋಗದಿನದ ಮಹತ್ವದೊಂದಿಗೆ ಆರಂಭಗೊಳ್ಳುವ ಪೂಜ್ಯರ ಲೇಖನವು ಕುಣಿವ ಮನಸ್ಸಿಗೆ ಯೋಗವು ಕುಣಿಕೆಹಾಕ ಬಲ್ಲುದು ಎಂಬುದನ್ನು ಪತಂಜಲಿ ಮಹರ್ಷಿಗಳ ಯೋಗ ಸೂತ್ರದ ನಿದರ್ಶನದೊಂದಿಗೆ ಸುವ್ಯಕ್ತಗೊಳಿದುತ್ತದೆ. ಇಡೀ ಜಗತ್ತು ಒಂದು ಕಾಲಕ್ಕೆ ಹೇಗೆ ಯೋಗದ ಮಹಿಮೆಯನ್ನು ಮನಗಂಡಿತ್ತು ಎಂಬುದನ್ನು ಸಹ ತಿಳಿಸಿದ್ದಾರೆ. ಮನವು ಮರ್ಕಟನಂತೆ ಚೇಷ್ಟೆ ಮಾಡುವುದು.ಇಂದ್ರಿಯಗಳನ್ನು ತನ್ನ ಗುಲಾಮರನ್ನಾಗಿಸಿಕೊಂಡು ತನ್ನಿಷ್ಟದಂತೆ ಥಕಥೈ ಎಂದು ಕುಣಿಸಬಲ್ಲುದು.ಮಾನಾವಮಾನಗಳಿಗೆ ಹೇತುವಾಗುವುದು. ಮನಯೇವ ಮನುಷ್ಯಾಣಾಂ ಕಾರಣಂ ಬಂಧ ಮೋಕ್ಷಯೋಃ ಎಂಬ ಸೂತ್ರಪ್ರಾಯವಾದ ಉಕ್ತಿ ನಮ್ಮ ಹಿರಿಯರಿಂದ ತಿಳಿದು ಬಂದಿದೆ.ಲೋಕದ ಚೇಷ್ಟೆಗೆ ರವಿ ಬೀಜ ವಾದಂತೆ ಕರಣಂಗಳ ಚೇಷ್ಟೆಗೆ ಮನವೇ ಬೀಜ ಎಂಬ ಅಕ್ಕನ ವಚನೋಕ್ತಿಯ ಮೂಲಕ ಮನದ ವಿಕೃತ ನಡೆಯನ್ನು ಪುಷ್ಟೀಕರಿಸುತ್ತದೆ.

ಪೂಜ್ಯರ ಲೇಖನದಲ್ಲಿ ಅಲ್ಲಲ್ಲಿ ಸೋದಾಹರಣವಾಗಿ ಬಳಸಿರುವ ವಚನಗಳು ಲೇಖನದ ಮಹತ್ವವನ್ನು ಸಾರುತ್ತವೆ.ಮನವೆಂಬ ಮರ್ಕಟನು ತನುವೆಂಬ ಮರವನೇರಿ ಮಾಡುವ ಕಿತಾಪತಿಗೆ ಕಡಿವಾಣ ಹಾಕುವ ಸೂತ್ರವೇ ಯೋಗವೆಂಬುದನ್ನ ಪೂಜ್ಯರ ಲೇಖನವು ತಿಳಿಸುತ್ತದೆ.

ಪೂಜ್ಯರಿಗೆ ಮತ್ತೊಮ್ಮೆ ಪ್ರಣಾಮಗಳು.
ಲೋಕೇಶ್ವರಯ್ಯ ಎಂ. ಆರ್, ಚನ್ನಗಿರಿ

N-2572 

  27-06-2024 07:11 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

  *ಕುಣಿಯುವ ಮನಕೆ ಯೋಗಮದ್ದು**
-ಅದ್ಭುತ,ಹೆಮ್ಮರವಾಗಿದೆ ನಮ್ಮಗುರುಗಳ ಯೋಗ, ಆದ್ಯಾತ್ಮ ಜ್ಞಾನ
ಬಸವಣ್ಣನವರ ವಚನಗಳಲ್ಲೇ ಇರುವುದನ್ನು
ಕಾಣಬಹುದು ಎಂಬುವುದನ್ನು ತಿಳಿಸಿರುವ ನಮ್ಮ ಗುರುವಿಗೆ ಸಾಷ್ಟಾoಗ ನಮಸ್ಕಾರಗಳು 🙏🙏
K. Karibasappa ಹೊಸಕೋಟೆ
ಇಂಡಿಯಾ

N-2572 

  27-06-2024 05:43 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಗುರುಗಳ ಪಾದಗಳಿಗೆ ವಂದಿಸುತ್ತಾ..

ಒಂದು ವೇಳೆ
ನಿಮ್ಮ ಕೈಯಲ್ಲಿ
ಲೇಖನಿ ಇಲ್ಲದೆ ಹೋಗಿದ್ದರೆ..!
ಬಹುಶಃ ನಮಗೆ ಹೊಸ ಹೊಸ ವಿಚಾರಗಳನ್ನು ತಿಳಿದುಕೊಳ್ಳುವ ಅವಕಾಶವನ್ನು ಕಳೆದುಕೊಳ್ಳುತ್ತಾ ಇದ್ದೆವು ಅನ್ನಿಸುತ್ತಾ ಇದೆ..

*ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!*
*ಈ ಬೆಳದಿಂಗಳ ನವಿರಾದ ಬಿಸಿಲೇ*
*ಹೇಳುತ್ತಿದೆ ಇದೊಂದು ವಿಶೇಷವಾದ* *ಲೇಖನವೆಂದು..*
*ಯೋಗ ದಿನಾಚರಣೆ ಶುಭಾಶಯಗಳೊಂದಿಗೆ..*
ಯೋಗದ ಬಗ್ಗೆ ಅತ್ಯಂತ ವಿವರವಾಗಿ ವಿವರಿಸಿರುವಿರಿ ಗುರುಗಳೇ..
ನಮಗೆ ತಿಳಿಯದೆ ಇರುವ ಸಂಗತಿಗಳನ್ನು ತಿಳಿಸಿಕೊಟ್ಟಿರುವಿರಿ..
ಬಿಡುವಿಲ್ಲದೇ ಇದ್ದರೂ ಕೂಡ ಓದುಗರಿಗೆ ವಿಶೇಷವಾಗಿ ನಾವು ಏನಾದರೂ ಹೊಸ ರುಚಿಯನ್ನು ಉಣಬಡಿಸಲೇಬೇಕೆಂದು , ಸಮಯ ಮಾಡಿಕೊಂಡು ನಮಗಾಗಿ ಬಿಸಿಲಿನಲ್ಲಿ ಕೂಡ ಬೆಳದಿಂಗಳನ್ನೇ ಹೊತ್ತು ಪ್ರತಿ ಗುರುವಾರವು ನಮ್ಮ ಮುಂದೆ ಪ್ರತ್ಯಕ್ಷವಾಗುತ್ತಾ ಇದ್ದೀರಿ..
ವ್ಯಕ್ತಿಗಿಂತ ವ್ಯಕ್ತಿತ್ವ ಮುಖ್ಯ ಎಂದು ಪ್ರತಿ ಬಾರಿಯೂ ನಿಮ್ಮ ಲೇಖನಗಳಿಂದ ಸಾಬೀತು ಮಾಡುತ್ತಲೇ ಬಂದಿರುವಿರಿ..
ನಿಮ್ಮ ಬಗ್ಗೆ ಅದೆಷ್ಟು ಮಾತನಾಡಿದರು ಕಡಿಮೆ ನೀವು ನಮ್ಮ ಗುರುಗಳು ಎಂದು ಹೇಳಿಕೊಳ್ಳಲು ನಮಗಂತೂ ಅತ್ಯಂತ ಹೆಮ್ಮೆ ಇದೆ..

ಯೋಗವು `ಯುಜ್` ಎಂಬ ಸಂಸ್ಕೃತ ಪದದಿಂದ ಬಂದಿದೆ, ಇದರರ್ಥ `ಯುನಿಯನ್`. ಯೋಗದ ಅಭ್ಯಾಸವು `ದೇಹ` ಮತ್ತು `ಮನಸ್ಸು` ಶಿಸ್ತು ಅಥವಾ ತರಬೇತಿಯನ್ನು ಒಳಗೊಂಡಿರುತ್ತದೆ ಎಂದು ಓದಿದ ನೆನಪಿದೆ..

ಫಿಟ್‌ನೆಸ್‌ ಕಾಯ್ದುಕೊಳ್ಳಲು ನಮಗೆ ಬೆಸ್ಟ್‌ ಆಯ್ಕೆಯಾಗಿರುವ ಯೋಗವನ್ನು ಸಂಭ್ರಮಿಸುವ
ದಿನವಿದು..

ಯೋಗವು ದೇಹದ ಲಯ, ಮನಸ್ಸಿನ ಮಧುರ, ಆತ್ಮದ ಸಾಮರಸ್ಯ ಮತ್ತು ಜೀವನದ ಸ್ವರಮೇಳವಾಗಿದೆ.

ಯೋಗವು ಆರೋಗ್ಯ ಮತ್ತು ಯೋಗಕ್ಷೇಮದ ಸಾರ್ವತ್ರಿಕ ಆಕಾಂಕ್ಷೆಯ ಸಂಕೇತವಾಗಿದೆ..
*ಇದು ಶೂನ್ಯ ಬಜೆಟ್‌ನಲ್ಲಿ ಒದಗುವ ಆರೋಗ್ಯದ ಭರವಸೆಯಾಗಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಅವರು ಹೇಳಿದ್ದಾರೆ..*
ನಿಮ್ಮ ಲೇಖನದಿಂದ ಹಲವಾರು ವಿಚಾರಗಳನ್ನು ತಿಳಿದುಕೊಳ್ಳುವಂತಯಿತು..
ಮನುಷ್ಯ ತನ್ನ ಮನಸ್ಸನ್ನು ಹೇಗೆ ನಿಗ್ರಹಿಸಿಕೊಂಡಿರಬೇಕೆಂದು ಬಸವಣ್ಣನವರ ವಚನದ ಮೂಲಕ ತಿಳಿಸಿಕೊಟ್ಟಿರುವಿರಿ ..

ಮನುಷ್ಯನು ತನ್ನ ಮನಸ್ಸನ್ನು ಬುದ್ದಿಯ ಅಂಕೆಯಲ್ಲಿಟ್ಟುಕೊಳ್ಳಬೇಕು. ಚಂಚಲತೆಯಿಂದ ಕುಣಿದಾಡುವ ಮನಸ್ಸಿಗೆ ನಿಶ್ಚಲತೆಯ ಕುಣಿಕೆಯನ್ನು ಹಾಕಬೇಕು. ನಾಯಿಯು ಬಾಲವನ್ನು ಅಲ್ಲಾಡಿಸಬೇಕೇ ಹೊರತು ಬಾಲವೇ ನಾಯಿಯನ್ನು ಅಲ್ಲಾಡಿಸುವಂತಾಗಬಾರದು!
ಇದಿಷ್ಟೇ ಸಾಕಲ್ವಾ ಬುದ್ಧಿ ನಾನು ನಾನೇ ಎಂಬುವರಿಗೆ..

ಧನ್ಯವಾದಗಳು ..
ಶ್ರೀಮಠದ ಭಕ್ತಳು..
ಕೆ.ಜಿ.ಸರೋಜಾ ನಾಗರಾಜ್
ಪಾಂಡೋಮಟ್ಟಿ..
ಕೆ.ಜಿ.ಸರೋಜಾ ನಾಗರಾಜ್
ಕರ್ನಾಟಕ. ದಾವಣಗೆರೆ ಜಿಲ್ಲೆ .ಚನ್ನಗಿರಿ. ಪಾಂಡೋಮಟ್ಟಿ

N-2572 

  27-06-2024 05:17 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಶ್ರೀಗಳ ಇಂದಿನ ಅಂಕಣದ ಸಾರವು ಸಾರಸ್ವತ ಲೋಕದಲ್ಲಿ ವಿಶಿಷ್ಟ ಸ್ಥಾನ ಪಡೆದಿದೆ. "ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ" ಅತ್ಯಂತ ‌ಸೂಕ್ತ ಶೀರ್ಷಿಕೆಯಲ್ಲಿ ಯೋಗದ ಕುರಿತು ಮಾಹಿತಿ ನೀಡಿದ್ದಾರೆ. ಜೂನ್ ೨೧ ರಂದು ಹಗಲು ಅಧಿಕವಾಗಿದ್ದು ಆ ದಿನವೇ ಯೋಗ ದಿನವೆಂದು ಪರಿಗಣಿಸಿ ಯೋಗವನ್ನು ಪರಿಣಾಮಕಾರಿಯಾಗಿ ಮಾಡಿದಲ್ಲಿ ಜೀವನದ ಪಯಣವೂ ಅಧಿಕವಾಗಿರ ಬಹುದೆಂಬ ಸಾಂಕೇತಿಕ ಆಶಾವಾದ ಇದಾಗಿದೆ. ಭಾರತದ ಯೋಗದಿಂದ ಸಂಯಮ, ಶಿಸ್ತು, ಸುಸ್ಥಿತಿಯ ಸಧೃಡ ಮನಸ್ಸನ್ನು ಹೊಂದಲು ಸಾಧ್ಯವೆಂದು ಸಾಧಿಸಿದ ಕಾರಣಕ್ಕೆ ಭಾರತದ ಯೋಗಿಗಳು ವಿಶ್ವ ಮಾನ್ಯ ರಾಗಿದ್ದಾರೆ. ಯೋಗದ ವಿಧಾನದಲ್ಲಿ ಅಂತರಂಗ ಮತ್ತು ಬಹಿರಂಗ ಶುದ್ಧಿಗೆ ಬೇಕಾದ ಅಂಶಗಳಿವೆ. ಕರಣಂಗಗಳ ಚೇಷ್ಟೆಗೆ ಮನ ಬೀಜವಾಗಿದ್ದು ಆ ಮನವನ್ನು ವಿಕಾರವಾಗ ದಂತೆ ಮಾಡುವುದೇ ಯೋಗ ಎಂಬ ವಿಷಯವನ್ನು ಸಾಮಾನ್ಯರಿಗೂ ಮನಮುಟ್ಟುವಂತೆ ಗುರುಗಳು ಲೇಖನದಲ್ಲಿ ರೂಪಿಸಿದ್ದಾರೆ. ಗುರುಗಳಿಗೆ ಶರಣು ಶರಣಾರ್ಥಿ.🙏
ವೆಂಕಟೇಶ ಜನಾದ್ರಿ, ಕಲಬುರ್ಗಿ.

N-2572 

  27-06-2024 04:39 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಪರಮಪೂಜ್ಯ ಗುರುಗಳ ಅಡಿದಾವರೆಗಳಲ್ಲಿ ವಂದಿಸುತ್ತಾ, ತಮ್ಮ ಇಂದಿನ ಸುಂದರ ಲೇಖನ “ಕುಣಿವ ಮನಕ್ಕೆ ಯೋಗ ಮದ್ದು” ಗಾಗಿ ನನ್ನ ಒಂದೆರೆಡು ಅನಿಸಿಕೆಗಳು.

ಮನುಷ್ಯನ ಜೀವನದಲ್ಲಿ, ಆತನಿಗೆ ಮನಸ್ಸಿನ ಹಾಗೂ ದೇಹದ ಆರೋಗ್ಯ ಪ್ರಾಪ್ತವಾಗಿದೇಂದ್ರೆ,”ಅದು ಅವನು ಪಡೆದುಕೊಂಡು ಬಂದ ಯೋಗ!” ಎಂದೇ ಸಾಮಾನ್ಯವಾಗಿ ಹೇಳುತ್ತಾರೆ.ಅದರಲ್ಲಿ ಎಳ್ಳಷ್ಟೂ ಸುಳ್ಳಿಲ್ಲ.ಯೋಗ ಎಂದರೆ ಅದೃಷ್ಟ ಎನ್ನುವ ಅರ್ಥವೂ ಬರುತ್ತದೆ. ಹೌದು, ಆರೋಗ್ಯಕ್ಕಿಂತಲೂ ದೊಡ್ಡ ಭಾಗ್ಯವಾದರೂ ಏನಿದೇ? ಈ ಭಾಗ್ಯದ ಫಲಾನುಭವಿಗಳು ನಾವಾಗಲು ಯಾವ ಸರಕಾರವೂ ಅಧಿಕಾರಕ್ಕೆ ಬರಬೇಕಾಗಿಲ್ಲ ಕಣ್ರೀ; ಯೋಗವಿದ್ರೆ ಸಾಕು! ಅಂದ್ರೆ ಯೋಗವನ್ನ ನಿತ್ಯ ನಮ್ ಜೀವನದಲ್ಲಿ ಅಳವಡಿಸಿಕೊಂಡ್ರೆ ಸಾಕು, ಯೋಗ ತಾನಾಗಿಯೇ ಕೂಡಿಕೊಂಡು ಬರುತ್ತದೆ. ನಿಜ ತಾನೇ?
ಭಾರತದ ಸಂಸ್ಕೃತಿಯಲ್ಲಿ ಸಹಸ್ರಾರು ವರ್ಷಗಳಿಂದ ಯೋಗ ಬಹುಪಾಲು ಸಾಧುಸಂತರ ಸ್ವತ್ತಾಗಿತ್ತು. ಕಾರಣ ಜನಸಾಮಾನ್ಯರ ಜೀವನಶೈಲಿಯಲ್ಲಿ ದಿನನಿತ್ಯ ಸಾಕಷ್ಟು ಕೆಲಸ ಕಸರತ್ತುಗಳಿರುತ್ತಿದ್ದವು. ನಾನೂ ಕೂಡಾ ಚಿಕ್ಕಂದಿನಲ್ಲಿ ಬಾವಿಯಿಂದ ನೀರು ಸೇದಿದ್ದೀನಿ, ಬೀದಿ ಆಚೆಯಲ್ಲಿದ್ದ ಬೋರ್ವೆಲ್ ನಿಂದ ನೀರು ಹೊಡೆದು ಬಿಂದಿಗೆ ಹೊತ್ತಿದ್ದೀನಿ, ಒರಳು ಕಲ್ಲಿನಲ್ಲಿ ರುಬ್ಬಿದ್ದೀನಿ, ನಿತ್ಯ ಹಂಡೆಗೆ ಉರಿ ಹಾಕಿದ್ದೀನಿ, ಬೀಸುವ ಕಲ್ಲಿನಲ್ಲೂ ಬೀಸಿದ್ದೀನಿ. ಇನ್ನು ಬಟ್ಟೆ ಒಗೆಯುವುದು, ಇಸ್ತ್ರಿ ಮಾಡುವುದು, ಶಾಲಾಕಾಲೇಜುಗಳಿಗೆ ಮೈಲುಗಟ್ಟಲೆ ನಡೆಯುವುದು, ಕ್ರೀಡೆಗಳಲ್ಲಿ ಭಾಗವಹಿಸುವುದು. ಇಷ್ಟು ಮಾಡುವವರಿಗೆ ಯೋಗ ಪ್ರಾಣಾಯಾಮದ ಅಗತ್ಯವಾದರೂ ಏನಿತ್ತೂ? ನಾಲ್ಕು ಹೊತ್ತು ಗಡದ್ದಾಗಿ ತಿಂದರೂ ಅರಗಿಯೇ ಹೋಗುತ್ತಿತ್ತು. ಆದರೆ ಈಗಾ……!”ಕೂತು ತಿಂದರೆ ಕುಡಿಕೆ ಹೊನ್ನು ಸಾಲದು”, ಮಾತ್ರವೇ ಅಲ್ಲದೆ,”ಕೂತು ತಿಂದರೆ ದೇಹಕೆ ರೋಗಬಾಧೆ ತಪ್ಪದು”ಏನಂತೀರಾ?

ಲೋಕದಲ್ಲಿ ವೈಜ್ಞಾನಿಕ ಆವಿಷ್ಕಾರಗಳು ಅನುಕೂಲದ ಜೊತೆಜೊತೆಗೆ ಅತಿಯಾದ ಯಾತನೆಗಳನ್ನೂ ಕೊಡುಗೆಯಾಗಿ ಕೊಡುತ್ತಿವೆ. ವಿಧಿಯಿಲ್ಲದೆ ಒಂದರ ಜೊತೆ ಮತ್ತೊಂದು ಉಚಿತ ಆಫರ್ ತಗೊಳ್ಳಲೇಬೇಕು. ಹೀಗಾಗಿ, ಈಗಂತೂ ಹುಟ್ಟಿದ ಮಕ್ಕಳಿನಿಂದ ಸಾಯುವ ಮುದುಕರವರೆಗೂ,”ನಾನು ಯಾವ ತೊಂದರೆಯೂ ಇಲ್ಲದೆ, ಶೇಕಡ ನೂರರಷ್ಟು ಆರೋಗ್ಯವಾಗಿದ್ದೀನಿ”, ಎಂದು ಹೇಳಿಕೊಳ್ಳುವವರನ್ನು ಬೂದುಗಾಜು ಹಾಕಿ ಹುಡುಕಿದರೂ ಸಿಗುತ್ತಾರೋ, ಇಲ್‌ವೋ ನಾಕಾಣೆ! ಪೂರಾ ಹದಿನಾರಾಣೆಯಷ್ಟೂ ಎಲ್ಲರ ದೇಹಗಳು ಟೊಳ್ಳೇ!

ದೇಶವನ್ನಾಳುವ ದೊರೆ, ಕೇವಲ ಆಡಳಿತ ನೋಡಿಕೊಂಡರಷ್ಟೇ ಸಾಲದು. ತನ್ನ ಸ್ವಂತ ಮಕ್ಕಳಂತಿರುವ ಪ್ರಜೆಗಳ ಆರೋಗ್ಯವನ್ನು ಗಮನಿಸುವುದೂ ಅವನ ಧರ್ಮವಾಗುತ್ತದೆ. ಇಂಥ ಮಹತ್ತರವಾದ ಧ್ಯೇಯೋದ್ದೇಶದಿಂದ ನಮ್ಮ ಪ್ರಧಾನಮಂತ್ರಿಗಳಾದ ಶ್ರೀನರೇಂದ್ರ ಮೋದಿಯವರು,ಇಂದಿನ ಪೀಳಿಗೆಯ ಜೀವನಶೈಲಿಗೆ,ಯೋಗದ ಮಹತ್ವ ಎಷ್ಟಿದೆ ಎಂಬ ಅರಿವಿನಿಂದ ಜನರಲ್ಲಿ ಯೋಗದ ಬಗ್ಗೆ ಜಾಗೃತಿ ಹುಟ್ಟಿಸಲು ಬಹಳವೇ ಪ್ರಯತ್ನಗಳನ್ನು ನಡೆಸುತ್ತಿದ್ದಾರೆ. ನಾಯಕ ಏನೇ ಪ್ರಜೆಗಳಿಗೆ ಹೇಳಬಯಸಿದರೂ, ತಾನು ಮಾಡಿ ತೋರಿಸಿ, ತನ್ನನ್ನು ಹಿಂಬಾಲಿಸಲು ಹೇಳಿದರೆ, ಆ ಮಾತಿಗೂ ಒಂದು ತೂಕ! ಇಲ್ಲದಿದ್ದರೆ, ಕೇವಲ ಪೊಳ್ಳಿನ ಆಶ್ವಾಸನೆ, ಬೊಗಳೆಯಾಗುತ್ತದೆ. ಹೀಗಾಗಿ ಸ್ವತಃ ತಾವೇ ಯೋಗಾಭ್ಯಾಸದಲ್ಲಿ ಹಲವಾರು ವರುಷಗಳಿಂದ ತೊಡಗಿಕೊಂಡಿದ್ದಾರೆ. ಪ್ರಾಣಾಯಾಮದ ಪರಿಶ್ರಮವೂ ಇದೆ. ಇದೆಲ್ಲಕ್ಕೂ ಮಿಗಿಲಾಗಿ ಬಹುಶ್ರದ್ದೆಯಿಂದ ದಿನಗಟ್ಟಲೆ ಕೂತು ಧ್ಯಾನ ಮಾಡುತ್ತಾರೆ.ಯೋಗದ ಮಹತ್ವವನ್ನು ಸಾರಲು ಜೂನ್ ೨೧ರಂದು ವಿಶ್ವಯೋಗ ದಿನವೆಂದು ಘೋಷಣೆ ಮಾಡಿದ್ದಾರೆ.ಇತ್ತೀಚಿನ ದಿನಗಳಲ್ಲಿ ಯೋಗದ ಮಹತ್ವ ಅರಿತ ನೂರಾರು ದೇಶದ ನಾಗರೀಕರು, ಈ ವಿದ್ಯೆಯ ಲಾಭಗಳನ್ನು ಪಡೆದುಕೊಳ್ಳುತ್ತಿರುವಾಗ, ಈ ಭಾಗ್ಯದ ಫಲಾನುಭವಿಗಳಾಗಲು ನಮ್ಮವರು ಹಿಂಜರಿಯುತ್ತಿದ್ದಾರಲ್ಲಾ….ಇದು ನಮ್ಮ ದೌರ್ಭಾಗ್ಯವಲ್ಲದೆ ಮತ್ತೇನೂ?
ಒಂದೆರೆಡು ಅನಿಸಿಕೆಗಳನ್ನು ಹಂಚಿಕೊಳ್ಳಲು ಅವಕಾಶವಿತ್ತ ಗುರುಗಳಿಗೆ ಹಾಗೂ ಗುರುಪೀಠಕ್ಕೆ ಶರಣು ಶರಣಾರ್ಥಿ.
ರೂಪ ಮಂಜುನಾಥ, ಹೊಳೆನರಸೀಪುರ

N-2572 

  27-06-2024 04:39 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಪರಮಪೂಜ್ಯ ಗುರುಗಳ ಅಡಿದಾವರೆಗಳಲ್ಲಿ ವಂದಿಸುತ್ತಾ, ತಮ್ಮ ಇಂದಿನ ಸುಂದರ ಲೇಖನ “ಕುಣಿವ ಮನಕ್ಕೆ ಯೋಗ ಮದ್ದು” ಗಾಗಿ ನನ್ನ ಒಂದೆರೆಡು ಅನಿಸಿಕೆಗಳು.

ಮನುಷ್ಯನ ಜೀವನದಲ್ಲಿ, ಆತನಿಗೆ ಮನಸ್ಸಿನ ಹಾಗೂ ದೇಹದ ಆರೋಗ್ಯ ಪ್ರಾಪ್ತವಾಗಿದೇಂದ್ರೆ,”ಅದು ಅವನು ಪಡೆದುಕೊಂಡು ಬಂದ ಯೋಗ!” ಎಂದೇ ಸಾಮಾನ್ಯವಾಗಿ ಹೇಳುತ್ತಾರೆ.ಅದರಲ್ಲಿ ಎಳ್ಳಷ್ಟೂ ಸುಳ್ಳಿಲ್ಲ.ಯೋಗ ಎಂದರೆ ಅದೃಷ್ಟ ಎನ್ನುವ ಅರ್ಥವೂ ಬರುತ್ತದೆ. ಹೌದು, ಆರೋಗ್ಯಕ್ಕಿಂತಲೂ ದೊಡ್ಡ ಭಾಗ್ಯವಾದರೂ ಏನಿದೇ? ಈ ಭಾಗ್ಯದ ಫಲಾನುಭವಿಗಳು ನಾವಾಗಲು ಯಾವ ಸರಕಾರವೂ ಅಧಿಕಾರಕ್ಕೆ ಬರಬೇಕಾಗಿಲ್ಲ ಕಣ್ರೀ; ಯೋಗವಿದ್ರೆ ಸಾಕು! ಅಂದ್ರೆ ಯೋಗವನ್ನ ನಿತ್ಯ ನಮ್ ಜೀವನದಲ್ಲಿ ಅಳವಡಿಸಿಕೊಂಡ್ರೆ ಸಾಕು, ಯೋಗ ತಾನಾಗಿಯೇ ಕೂಡಿಕೊಂಡು ಬರುತ್ತದೆ. ನಿಜ ತಾನೇ?
ಭಾರತದ ಸಂಸ್ಕೃತಿಯಲ್ಲಿ ಸಹಸ್ರಾರು ವರ್ಷಗಳಿಂದ ಯೋಗ ಬಹುಪಾಲು ಸಾಧುಸಂತರ ಸ್ವತ್ತಾಗಿತ್ತು. ಕಾರಣ ಜನಸಾಮಾನ್ಯರ ಜೀವನಶೈಲಿಯಲ್ಲಿ ದಿನನಿತ್ಯ ಸಾಕಷ್ಟು ಕೆಲಸ ಕಸರತ್ತುಗಳಿರುತ್ತಿದ್ದವು. ನಾನೂ ಕೂಡಾ ಚಿಕ್ಕಂದಿನಲ್ಲಿ ಬಾವಿಯಿಂದ ನೀರು ಸೇದಿದ್ದೀನಿ, ಬೀದಿ ಆಚೆಯಲ್ಲಿದ್ದ ಬೋರ್ವೆಲ್ ನಿಂದ ನೀರು ಹೊಡೆದು ಬಿಂದಿಗೆ ಹೊತ್ತಿದ್ದೀನಿ, ಒರಳು ಕಲ್ಲಿನಲ್ಲಿ ರುಬ್ಬಿದ್ದೀನಿ, ನಿತ್ಯ ಹಂಡೆಗೆ ಉರಿ ಹಾಕಿದ್ದೀನಿ, ಬೀಸುವ ಕಲ್ಲಿನಲ್ಲೂ ಬೀಸಿದ್ದೀನಿ. ಇನ್ನು ಬಟ್ಟೆ ಒಗೆಯುವುದು, ಇಸ್ತ್ರಿ ಮಾಡುವುದು, ಶಾಲಾಕಾಲೇಜುಗಳಿಗೆ ಮೈಲುಗಟ್ಟಲೆ ನಡೆಯುವುದು, ಕ್ರೀಡೆಗಳಲ್ಲಿ ಭಾಗವಹಿಸುವುದು. ಇಷ್ಟು ಮಾಡುವವರಿಗೆ ಯೋಗ ಪ್ರಾಣಾಯಾಮದ ಅಗತ್ಯವಾದರೂ ಏನಿತ್ತೂ? ನಾಲ್ಕು ಹೊತ್ತು ಗಡದ್ದಾಗಿ ತಿಂದರೂ ಅರಗಿಯೇ ಹೋಗುತ್ತಿತ್ತು. ಆದರೆ ಈಗಾ……!”ಕೂತು ತಿಂದರೆ ಕುಡಿಕೆ ಹೊನ್ನು ಸಾಲದು”, ಮಾತ್ರವೇ ಅಲ್ಲದೆ,”ಕೂತು ತಿಂದರೆ ದೇಹಕೆ ರೋಗಬಾಧೆ ತಪ್ಪದು”ಏನಂತೀರಾ?

ಲೋಕದಲ್ಲಿ ವೈಜ್ಞಾನಿಕ ಆವಿಷ್ಕಾರಗಳು ಅನುಕೂಲದ ಜೊತೆಜೊತೆಗೆ ಅತಿಯಾದ ಯಾತನೆಗಳನ್ನೂ ಕೊಡುಗೆಯಾಗಿ ಕೊಡುತ್ತಿವೆ. ವಿಧಿಯಿಲ್ಲದೆ ಒಂದರ ಜೊತೆ ಮತ್ತೊಂದು ಉಚಿತ ಆಫರ್ ತಗೊಳ್ಳಲೇಬೇಕು. ಹೀಗಾಗಿ, ಈಗಂತೂ ಹುಟ್ಟಿದ ಮಕ್ಕಳಿನಿಂದ ಸಾಯುವ ಮುದುಕರವರೆಗೂ,”ನಾನು ಯಾವ ತೊಂದರೆಯೂ ಇಲ್ಲದೆ, ಶೇಕಡ ನೂರರಷ್ಟು ಆರೋಗ್ಯವಾಗಿದ್ದೀನಿ”, ಎಂದು ಹೇಳಿಕೊಳ್ಳುವವರನ್ನು ಬೂದುಗಾಜು ಹಾಕಿ ಹುಡುಕಿದರೂ ಸಿಗುತ್ತಾರೋ, ಇಲ್‌ವೋ ನಾಕಾಣೆ! ಪೂರಾ ಹದಿನಾರಾಣೆಯಷ್ಟೂ ಎಲ್ಲರ ದೇಹಗಳು ಟೊಳ್ಳೇ!

ದೇಶವನ್ನಾಳುವ ದೊರೆ, ಕೇವಲ ಆಡಳಿತ ನೋಡಿಕೊಂಡರಷ್ಟೇ ಸಾಲದು. ತನ್ನ ಸ್ವಂತ ಮಕ್ಕಳಂತಿರುವ ಪ್ರಜೆಗಳ ಆರೋಗ್ಯವನ್ನು ಗಮನಿಸುವುದೂ ಅವನ ಧರ್ಮವಾಗುತ್ತದೆ. ಇಂಥ ಮಹತ್ತರವಾದ ಧ್ಯೇಯೋದ್ದೇಶದಿಂದ ನಮ್ಮ ಪ್ರಧಾನಮಂತ್ರಿಗಳಾದ ಶ್ರೀನರೇಂದ್ರ ಮೋದಿಯವರು,ಇಂದಿನ ಪೀಳಿಗೆಯ ಜೀವನಶೈಲಿಗೆ,ಯೋಗದ ಮಹತ್ವ ಎಷ್ಟಿದೆ ಎಂಬ ಅರಿವಿನಿಂದ ಜನರಲ್ಲಿ ಯೋಗದ ಬಗ್ಗೆ ಜಾಗೃತಿ ಹುಟ್ಟಿಸಲು ಬಹಳವೇ ಪ್ರಯತ್ನಗಳನ್ನು ನಡೆಸುತ್ತಿದ್ದಾರೆ. ನಾಯಕ ಏನೇ ಪ್ರಜೆಗಳಿಗೆ ಹೇಳಬಯಸಿದರೂ, ತಾನು ಮಾಡಿ ತೋರಿಸಿ, ತನ್ನನ್ನು ಹಿಂಬಾಲಿಸಲು ಹೇಳಿದರೆ, ಆ ಮಾತಿಗೂ ಒಂದು ತೂಕ! ಇಲ್ಲದಿದ್ದರೆ, ಕೇವಲ ಪೊಳ್ಳಿನ ಆಶ್ವಾಸನೆ, ಬೊಗಳೆಯಾಗುತ್ತದೆ. ಹೀಗಾಗಿ ಸ್ವತಃ ತಾವೇ ಯೋಗಾಭ್ಯಾಸದಲ್ಲಿ ಹಲವಾರು ವರುಷಗಳಿಂದ ತೊಡಗಿಕೊಂಡಿದ್ದಾರೆ. ಪ್ರಾಣಾಯಾಮದ ಪರಿಶ್ರಮವೂ ಇದೆ. ಇದೆಲ್ಲಕ್ಕೂ ಮಿಗಿಲಾಗಿ ಬಹುಶ್ರದ್ದೆಯಿಂದ ದಿನಗಟ್ಟಲೆ ಕೂತು ಧ್ಯಾನ ಮಾಡುತ್ತಾರೆ.ಯೋಗದ ಮಹತ್ವವನ್ನು ಸಾರಲು ಜೂನ್ ೨೧ರಂದು ವಿಶ್ವಯೋಗ ದಿನವೆಂದು ಘೋಷಣೆ ಮಾಡಿದ್ದಾರೆ.ಇತ್ತೀಚಿನ ದಿನಗಳಲ್ಲಿ ಯೋಗದ ಮಹತ್ವ ಅರಿತ ನೂರಾರು ದೇಶದ ನಾಗರೀಕರು, ಈ ವಿದ್ಯೆಯ ಲಾಭಗಳನ್ನು ಪಡೆದುಕೊಳ್ಳುತ್ತಿರುವಾಗ, ಈ ಭಾಗ್ಯದ ಫಲಾನುಭವಿಗಳಾಗಲು ನಮ್ಮವರು ಹಿಂಜರಿಯುತ್ತಿದ್ದಾರಲ್ಲಾ….ಇದು ನಮ್ಮ ದೌರ್ಭಾಗ್ಯವಲ್ಲದೆ ಮತ್ತೇನೂ?
ಒಂದೆರೆಡು ಅನಿಸಿಕೆಗಳನ್ನು ಹಂಚಿಕೊಳ್ಳಲು ಅವಕಾಶವಿತ್ತ ಗುರುಗಳಿಗೆ ಹಾಗೂ ಗುರುಪೀಠಕ್ಕೆ ಶರಣು ಶರಣಾರ್ಥಿ.
ರೂಪ ಮಂಜುನಾಥ, ಹೊಳೆನರಸೀಪುರ

N-2572 

  27-06-2024 04:39 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಪರಮಪೂಜ್ಯ ಗುರುಗಳ ಅಡಿದಾವರೆಗಳಲ್ಲಿ ವಂದಿಸುತ್ತಾ, ತಮ್ಮ ಇಂದಿನ ಸುಂದರ ಲೇಖನ “ಕುಣಿವ ಮನಕ್ಕೆ ಯೋಗ ಮದ್ದು” ಗಾಗಿ ನನ್ನ ಒಂದೆರೆಡು ಅನಿಸಿಕೆಗಳು.

ಮನುಷ್ಯನ ಜೀವನದಲ್ಲಿ, ಆತನಿಗೆ ಮನಸ್ಸಿನ ಹಾಗೂ ದೇಹದ ಆರೋಗ್ಯ ಪ್ರಾಪ್ತವಾಗಿದೇಂದ್ರೆ,”ಅದು ಅವನು ಪಡೆದುಕೊಂಡು ಬಂದ ಯೋಗ!” ಎಂದೇ ಸಾಮಾನ್ಯವಾಗಿ ಹೇಳುತ್ತಾರೆ.ಅದರಲ್ಲಿ ಎಳ್ಳಷ್ಟೂ ಸುಳ್ಳಿಲ್ಲ.ಯೋಗ ಎಂದರೆ ಅದೃಷ್ಟ ಎನ್ನುವ ಅರ್ಥವೂ ಬರುತ್ತದೆ. ಹೌದು, ಆರೋಗ್ಯಕ್ಕಿಂತಲೂ ದೊಡ್ಡ ಭಾಗ್ಯವಾದರೂ ಏನಿದೇ? ಈ ಭಾಗ್ಯದ ಫಲಾನುಭವಿಗಳು ನಾವಾಗಲು ಯಾವ ಸರಕಾರವೂ ಅಧಿಕಾರಕ್ಕೆ ಬರಬೇಕಾಗಿಲ್ಲ ಕಣ್ರೀ; ಯೋಗವಿದ್ರೆ ಸಾಕು! ಅಂದ್ರೆ ಯೋಗವನ್ನ ನಿತ್ಯ ನಮ್ ಜೀವನದಲ್ಲಿ ಅಳವಡಿಸಿಕೊಂಡ್ರೆ ಸಾಕು, ಯೋಗ ತಾನಾಗಿಯೇ ಕೂಡಿಕೊಂಡು ಬರುತ್ತದೆ. ನಿಜ ತಾನೇ?
ಭಾರತದ ಸಂಸ್ಕೃತಿಯಲ್ಲಿ ಸಹಸ್ರಾರು ವರ್ಷಗಳಿಂದ ಯೋಗ ಬಹುಪಾಲು ಸಾಧುಸಂತರ ಸ್ವತ್ತಾಗಿತ್ತು. ಕಾರಣ ಜನಸಾಮಾನ್ಯರ ಜೀವನಶೈಲಿಯಲ್ಲಿ ದಿನನಿತ್ಯ ಸಾಕಷ್ಟು ಕೆಲಸ ಕಸರತ್ತುಗಳಿರುತ್ತಿದ್ದವು. ನಾನೂ ಕೂಡಾ ಚಿಕ್ಕಂದಿನಲ್ಲಿ ಬಾವಿಯಿಂದ ನೀರು ಸೇದಿದ್ದೀನಿ, ಬೀದಿ ಆಚೆಯಲ್ಲಿದ್ದ ಬೋರ್ವೆಲ್ ನಿಂದ ನೀರು ಹೊಡೆದು ಬಿಂದಿಗೆ ಹೊತ್ತಿದ್ದೀನಿ, ಒರಳು ಕಲ್ಲಿನಲ್ಲಿ ರುಬ್ಬಿದ್ದೀನಿ, ನಿತ್ಯ ಹಂಡೆಗೆ ಉರಿ ಹಾಕಿದ್ದೀನಿ, ಬೀಸುವ ಕಲ್ಲಿನಲ್ಲೂ ಬೀಸಿದ್ದೀನಿ. ಇನ್ನು ಬಟ್ಟೆ ಒಗೆಯುವುದು, ಇಸ್ತ್ರಿ ಮಾಡುವುದು, ಶಾಲಾಕಾಲೇಜುಗಳಿಗೆ ಮೈಲುಗಟ್ಟಲೆ ನಡೆಯುವುದು, ಕ್ರೀಡೆಗಳಲ್ಲಿ ಭಾಗವಹಿಸುವುದು. ಇಷ್ಟು ಮಾಡುವವರಿಗೆ ಯೋಗ ಪ್ರಾಣಾಯಾಮದ ಅಗತ್ಯವಾದರೂ ಏನಿತ್ತೂ? ನಾಲ್ಕು ಹೊತ್ತು ಗಡದ್ದಾಗಿ ತಿಂದರೂ ಅರಗಿಯೇ ಹೋಗುತ್ತಿತ್ತು. ಆದರೆ ಈಗಾ……!”ಕೂತು ತಿಂದರೆ ಕುಡಿಕೆ ಹೊನ್ನು ಸಾಲದು”, ಮಾತ್ರವೇ ಅಲ್ಲದೆ,”ಕೂತು ತಿಂದರೆ ದೇಹಕೆ ರೋಗಬಾಧೆ ತಪ್ಪದು”ಏನಂತೀರಾ?

ಲೋಕದಲ್ಲಿ ವೈಜ್ಞಾನಿಕ ಆವಿಷ್ಕಾರಗಳು ಅನುಕೂಲದ ಜೊತೆಜೊತೆಗೆ ಅತಿಯಾದ ಯಾತನೆಗಳನ್ನೂ ಕೊಡುಗೆಯಾಗಿ ಕೊಡುತ್ತಿವೆ. ವಿಧಿಯಿಲ್ಲದೆ ಒಂದರ ಜೊತೆ ಮತ್ತೊಂದು ಉಚಿತ ಆಫರ್ ತಗೊಳ್ಳಲೇಬೇಕು. ಹೀಗಾಗಿ, ಈಗಂತೂ ಹುಟ್ಟಿದ ಮಕ್ಕಳಿನಿಂದ ಸಾಯುವ ಮುದುಕರವರೆಗೂ,”ನಾನು ಯಾವ ತೊಂದರೆಯೂ ಇಲ್ಲದೆ, ಶೇಕಡ ನೂರರಷ್ಟು ಆರೋಗ್ಯವಾಗಿದ್ದೀನಿ”, ಎಂದು ಹೇಳಿಕೊಳ್ಳುವವರನ್ನು ಬೂದುಗಾಜು ಹಾಕಿ ಹುಡುಕಿದರೂ ಸಿಗುತ್ತಾರೋ, ಇಲ್‌ವೋ ನಾಕಾಣೆ! ಪೂರಾ ಹದಿನಾರಾಣೆಯಷ್ಟೂ ಎಲ್ಲರ ದೇಹಗಳು ಟೊಳ್ಳೇ!

ದೇಶವನ್ನಾಳುವ ದೊರೆ, ಕೇವಲ ಆಡಳಿತ ನೋಡಿಕೊಂಡರಷ್ಟೇ ಸಾಲದು. ತನ್ನ ಸ್ವಂತ ಮಕ್ಕಳಂತಿರುವ ಪ್ರಜೆಗಳ ಆರೋಗ್ಯವನ್ನು ಗಮನಿಸುವುದೂ ಅವನ ಧರ್ಮವಾಗುತ್ತದೆ. ಇಂಥ ಮಹತ್ತರವಾದ ಧ್ಯೇಯೋದ್ದೇಶದಿಂದ ನಮ್ಮ ಪ್ರಧಾನಮಂತ್ರಿಗಳಾದ ಶ್ರೀನರೇಂದ್ರ ಮೋದಿಯವರು,ಇಂದಿನ ಪೀಳಿಗೆಯ ಜೀವನಶೈಲಿಗೆ,ಯೋಗದ ಮಹತ್ವ ಎಷ್ಟಿದೆ ಎಂಬ ಅರಿವಿನಿಂದ ಜನರಲ್ಲಿ ಯೋಗದ ಬಗ್ಗೆ ಜಾಗೃತಿ ಹುಟ್ಟಿಸಲು ಬಹಳವೇ ಪ್ರಯತ್ನಗಳನ್ನು ನಡೆಸುತ್ತಿದ್ದಾರೆ. ನಾಯಕ ಏನೇ ಪ್ರಜೆಗಳಿಗೆ ಹೇಳಬಯಸಿದರೂ, ತಾನು ಮಾಡಿ ತೋರಿಸಿ, ತನ್ನನ್ನು ಹಿಂಬಾಲಿಸಲು ಹೇಳಿದರೆ, ಆ ಮಾತಿಗೂ ಒಂದು ತೂಕ! ಇಲ್ಲದಿದ್ದರೆ, ಕೇವಲ ಪೊಳ್ಳಿನ ಆಶ್ವಾಸನೆ, ಬೊಗಳೆಯಾಗುತ್ತದೆ. ಹೀಗಾಗಿ ಸ್ವತಃ ತಾವೇ ಯೋಗಾಭ್ಯಾಸದಲ್ಲಿ ಹಲವಾರು ವರುಷಗಳಿಂದ ತೊಡಗಿಕೊಂಡಿದ್ದಾರೆ. ಪ್ರಾಣಾಯಾಮದ ಪರಿಶ್ರಮವೂ ಇದೆ. ಇದೆಲ್ಲಕ್ಕೂ ಮಿಗಿಲಾಗಿ ಬಹುಶ್ರದ್ದೆಯಿಂದ ದಿನಗಟ್ಟಲೆ ಕೂತು ಧ್ಯಾನ ಮಾಡುತ್ತಾರೆ.ಯೋಗದ ಮಹತ್ವವನ್ನು ಸಾರಲು ಜೂನ್ ೨೧ರಂದು ವಿಶ್ವಯೋಗ ದಿನವೆಂದು ಘೋಷಣೆ ಮಾಡಿದ್ದಾರೆ.ಇತ್ತೀಚಿನ ದಿನಗಳಲ್ಲಿ ಯೋಗದ ಮಹತ್ವ ಅರಿತ ನೂರಾರು ದೇಶದ ನಾಗರೀಕರು, ಈ ವಿದ್ಯೆಯ ಲಾಭಗಳನ್ನು ಪಡೆದುಕೊಳ್ಳುತ್ತಿರುವಾಗ, ಈ ಭಾಗ್ಯದ ಫಲಾನುಭವಿಗಳಾಗಲು ನಮ್ಮವರು ಹಿಂಜರಿಯುತ್ತಿದ್ದಾರಲ್ಲಾ….ಇದು ನಮ್ಮ ದೌರ್ಭಾಗ್ಯವಲ್ಲದೆ ಮತ್ತೇನೂ?
ಒಂದೆರೆಡು ಅನಿಸಿಕೆಗಳನ್ನು ಹಂಚಿಕೊಳ್ಳಲು ಅವಕಾಶವಿತ್ತ ಗುರುಗಳಿಗೆ ಹಾಗೂ ಗುರುಪೀಠಕ್ಕೆ ಶರಣು ಶರಣಾರ್ಥಿ.
ರೂಪ ಮಂಜುನಾಥ, ಹೊಳೆನರಸೀಪುರ

N-2572 

  27-06-2024 04:31 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಪರಮ ಪೂಜ್ಯ ಗುರುಗಳಿಗೆ ಶರಣು ಶರಣಾರ್ಥಿಗಳು.
ಪೂಜ್ಯ ಗುರುಗಳು ಈ ದಿನದ ಬಿಸಿಲು ಬೆಳದಿಂಗಳು ಲೇಖನದಲ್ಲಿ ವಿಶ್ವ ಯೋಗ ದಿನಾಚರಣೆ ಅಂಗವಾಗಿ ಯೋಗದ ಇತಿಹಾಸ , ಅದರ ಮಹತ್ವವನ್ನು ಸವಿಸ್ತಾರವಾಗಿ ತಿಳಿಸಿರುತ್ತಾರೆ.

ಯೋಗವು ಮೊದಲಿನಿಂದಲೂ ಪ್ರಪಂಚದ ಲ್ಲಿ ಪ್ರಚಲಿತದಲ್ಲಿದೆಯೆಂಬುದು ಅಭಿಮಾನದ ವಿಚಾರ . ವಿಶ್ವಕ್ಕೆ ಭಾರತ ನೀಡಿರುವ ಅಮೂಲ್ಯ ಕೊಡುಗೆ ಇದಾಗಿದೆ. ಇಂಥಾ ಮಹತ್ವದ ಕಾರಣ ವಿಶ್ವ ದಿನಾಚರಣೆಯನ್ನು ಆಚರಿಸುವಂತೆ ಪ್ರಯತ್ನಿಸಿ ಸಫಲರಾದವರು ನಮ್ಮ ಹೆಮ್ಮೆಯ ಪ್ರಧಾನಿ ಶ್ರೀ ನರೇಂದ್ರ ಮೋದಿಯವರು. ಯೋಗವನ್ನು ನಾವು ದಿನ ನಿತ್ಯವೂ ಮಾಡುವುದರಿಂದ. ನಮ್ಮ ದೇಹ ಮತ್ತು ಮನಸ್ಸು ಆರೋಗ್ಯಕರವಾಗುವುದರಿಂದ ಅದನ್ನು ಅನುಸರಿಸೋಣ.

ಇಂದಿನ ಲೇಖನಕ್ಕೆ ಪ್ರತಿಕ್ರಿಯೆ ವ್ಯಕ್ತಪಡಿಸಲು ಅವಕಾಶ ಮಾಡಿಕೊಟ್ಟ ಪೂಜ್ಯ ಗುರುಗಳಿಗೆ ಶರಣು ಶರಣಾರ್ಥಿಗಳು.

ಮಾರ್ಗದರ್ಶನ ನೀಡುವ ಗುರುಗಳಾದ ಶ್ರೀ ವೆಂಕಟೇಶ ಶೆಟ್ಟಿಯವರಿಗೆ ಹೃತ್ಪೂರ್ವಕ ನಮನಗಳು.
ಸದಾನಂದ ಶೆಟ್ಟಿ ವೈ, ಚಿತ್ರದುರ್ಗ

N-2572 

  27-06-2024 04:26 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಶ್ರೀ ಗಳವರ ಲೇಖನವನ್ನು ಓದಿದೆ. ಈ ಸಲ ಶ್ರೀಗಳು ಯೋಗದ ಬಗ್ಗೆ ಬರೆಯುತ್ತಾರೆ ಎಂದು ತಿಳಿದಿದ್ದೆ. ಅದರಂತೆ ವಿಚಾರಪೂರಿತ ಲೇಖನವನ್ನು ಬರೆದಿದ್ದಾರೆ. ಕುಣಿಯುವ ಮನಸ್ಸಿಗೆ ಕಡಿವಾಣ ಹಾಕಬೇಕಾದರೆ ಯೋಗ ಅಗತ್ಯವಾಗಿದೆ. ಯುವಕರು ಕರ್ಣ ಪಿಶಾಚಿ, ಕುಡಿತ, ಗಾಂಜ ಇತ್ಯಾದಿಗಳಲ್ಲಿ ಮುಳುಗಿ ಹೋಗಿದ್ದಾರೆ. ಇದಕ್ಕೆ ಮುದ್ದು ಯೋಗ ಅಭ್ಯಾಸ. ಪಾಕಿಸ್ತಾನ, ಅಫ್ಘಾನಿಸ್ತಾನ, ಚೀನಾ ಈ ದೇಶಗಳು ಭಾರತದಲ್ಲಿ ಆಪಿಮು ಗಾಂಜಾ ಇನ್ನು ಮುಂತಾದವುಗಳನ್ನು ನೀಡಿ ಭಾರತದ ಯುವಕರನ್ನು ದುರ್ಬಲರನ್ನಾಗಿ ಮಾಡಿ ದೇಶವನ್ನು ಕಬಳಿಸುವ ಯತ್ನ ಮಾಡುತ್ತಿವೆ. ಬ್ರಿಟಿಷರು ಚೀನವನ್ನು ಆಕ್ರಮಿಸಿದ್ದು ಆಫೀಮು ನೀಡಿ. ಚೈನಾ ದೇಶದ ಇತಿಹಾಸದಲ್ಲಿ ಆಫೀಮು ಯುದ್ಧಗಳು ಎಂದೇ ಪ್ರಸಿದ್ಧಿ. ಈಗ ಚೀನಾ ಸಾವಿರಾರು ಯೋಗ ಶಿಕ್ಷಕರನ್ನು ಭಾರತದಿಂದ ಕರೆಸಿಕೊಂಡು ಯೋಗ ಶಿಕ್ಷಣ ನೀಡುತ್ತಿದೆ. ಇನ್ನೊಂದು ಕಡೆ ಭಾರತದ ಯುವಕರಿಗೆ ಗಾಂಜಾ ನೀಡಿ ದುರ್ಬಲರನ್ನಾಗಿ ಮಾಡುತ್ತಿದೆ. ಇದು ನಿಲ್ಲಬೇಕು. ಭಾರತದ ಯುವಕರು ಸದೃಢರಾಗಿ ದೇಶ ಕಾಪಾಡಬೇಕು. ಈ ದಿಶೆಯಲ್ಲಿ ಶ್ರೀಗಳರ ಲೇಖನ ಸಮಯೋಚಿತವಾಗಿದೆ.
ಸಿದ್ದನಗೌಡ ಉಜ್ಜಯಿನಿ. ದಾವಣಗೆರೆ

N-2572 

  27-06-2024 04:16 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಬಿಸಿಲು ಬೆಳದಿಂಗಳು 26.6.2024 ಸಂಚಿಕೆಯ *ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವದೇ ಯೋಗ* ಬಗ್ಗೆ ನನ್ನ ಪ್ರತಿಕ್ರಿಯೆ.

ಶ್ರೀಗಳ ಪಾದಾರವಿಂದಗಳಿಗೆ ನನ್ನ ಶಿರಸಾಷ್ಟಾಂಗ ನಮಸ್ಕಾರಗಳು. 🙏🏻🙏🏻🙏🏻

ಶ್ರೀಗಳ ಇಂದಿನ ಅಂಕಣ ಬಹಳ ವಿಶೇಷವಾಗಿರುವುದು. ಕಾರಣ ವಿಷಯ ನಮ್ಮ ಬಾರತದ ಪ್ರಾಚಿನ ಕಲೆ ಯೋಗ ಮತ್ತು ಮಹತ್ವ ಹಾಗೂ ಅದರ ಇತಿಹಾಸ ಕುರಿತಾಗಿರುವುದು. ಶ್ರೀಗಳು ಷಡ್ ದರ್ಶನ,ಅಷ್ಟಾಂಗ ಯೋಗದ ಹಂತಗಳ ಬಗ್ಗೆ ಬಹಳ ಸೊಗಸಾಗಿ ತಿಳಿಸಿದ್ದಾರೆ.ನಮ್ಮ ನಿತ್ಯ ದಿನಚರಿಯ ಚಟುವಟಿಕೆಯಗಳಲ್ಲಿ ಯೋಗದ ಮಹತ್ವದ ಸಂಗತಿಯನ್ನ ಬಹಳ ಚೆನ್ನಾಗಿ ವ್ಯಕ್ತಪಡಿಸಿದ್ದಾರೆ.

ದೈಹಿಕ,‌ ಮಾನಸಿಕ ಮತ್ತು ಅಧ್ಯಾತ್ಮಿಕ ಸಾಧನೆಯೇ ಯೋಗ ಅಂತ ಎಷ್ಟು ಸೊಗಸಾಗಿ ಶ್ರೀಗಳು ಬಹಳ ಸರಳ ಉದಾಹರಣೆಯ ಮೂಲಕ ತಿಳಿಪಡಿಸಿದ್ದಾರೆ.
ಯೋಗದ ಮಹತ್ವದ ಅಂಶಗಳನ್ನೊಳಗೊಂಡ ಬಸವಣ್ಣನವರ ಹಾಗೂ ಅಕ್ಕಮಹಾದೇವಿಯ ವಚನಸಾಹಿತ್ಯದ ಬಗ್ಗೆಯಿರುವ ನಂಟನ್ನು ಬಹಳ ಸೊಗಸಾಗಿ ತಿಳಿಸಿದ್ದಾರೆ.

ಮತ್ತೊಮ್ಮೆ ಅಂಕಣಕ್ಕೆ ಪ್ರತಿಕ್ರಿಯೆ ಬರೆಯಲು ಅವಕಾಶ ನೀಡಿರುವ ಶ್ರೀಗಳಿಗೆ ನನ್ನ ಶಿರಸಾಷ್ಟಾಂಗ ನಮಸ್ಕಾರಗಳು 🙏🙏🙏
.

ಹಾಗೆಯೇ ಈ ಸಲದ ವಿಶೇಷವೆಂದರೆ ನನ್ನ ಕಾರ್ಯದ ನಿಮಿತ್ತ ನನಗೆ ಪ್ರತಿಕ್ರಿಯೆ ಬರೆಯುವುದು ತಡವಾಗಿತ್ತು. ಸ್ವತಃ ಶ್ರೀ ವೆಂಕಟೇಶ ಶ್ರೇಷ್ಠಿಯವರು ದೂರವಾಣಿಯ ಮೂಲಕ ಪ್ರತಿಕ್ರಿಯೆ ಬರೆಯುವುದರ ಬಗ್ಗೆ ವಿಚಾರಿಸಿದ್ದು ತುಂಬಾ ಸಂತಸ ಉಂಟುಮಾಡಿದೆ. ಹೀಗೆಯೇ ಸಾಮಾಜಿಕ ಕಳಕಳಿಯ ಕಾರ್ಯವನ್ನ ಮುಂದುವರೆಸುತ್ತಾ ನಮ್ಮೆಲ್ಲರಿಗೂ ಜ್ಞಾನಸುದೆಯನ್ನು ಉಣಬಡಿಸುತ್ತಿರುವ ಅವರಿಗೆ ಮತ್ತೊಮ್ಮೆ ಅನಂತ ವಂದನೆಗಳು.🙏🏻🙏🏻🙏🏻
ಚನ್ನಬಸಯ್ಯ.ಪ.ಕೆಂಜೇಡಿಮಠ ಅಮರನಗರ ಹುಬ್ಬಳ್ಳಿ..

N-2572 

  27-06-2024 04:08 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಯೋಗೇನ ಚಿತ್ತಸ್ಯ ಪದೇನ ವಾಚಂ, ಮಲಂ ಶರೀರಸ್ಯ ಚ ವ್ಯೆದ್ಯಕೇನ, ಯೋಪಾಕರೋತ್ತಂ ಪ್ರವರಂ ಮುನೀನಾಂ, ಪತಂಜಲಿಂ ಪ್ರಾಂಜಲಿರಾನ ತೋಸ್ಮಿನ್‌*

ಜಗತ್ತಿಗೆ ಭಾರತ ನೀಡಿದ ಉನ್ನತ ಕೊಡುಗೆಯೆಂದರೆ ಪತಂಜಲಿ ಯೋಗ. ಪತಂಜಲಿ ಯೋಗ ಇಂದು ಭಾರತಕ್ಕಷ್ಟೇ ಸೀಮಿತವಾಗಿಲ್ಲ. ಅತ್ತ ಆಸ್ಟ್ರೇಲಿಯಾ, ಇತ್ತ ಯುರೋಪ್‌ ಸೇರಿದಂತೆ ಸಪ್ತಸಾಗರದಾಚೆಗಿನ ಅಮೆರಿಕದಲ್ಲಿ ಯೋಗಾಭ್ಯಾಸ ಮಾಡಲಾಗುತ್ತಿದೆ. ಭಾರತದಲ್ಲಿ ಯೋಗವನ್ನು ಕಲಿತು, ವಿದೇಶಗಳಲ್ಲಿ ಅದೆಷ್ಟೋ ಮಂದಿ ಯೋಗ ಶಿಕ್ಷಕರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಯೋಗವು ದೈಹಿಕ ಆರೋಗ್ಯ ಮಾತ್ರವಲ್ಲದೆ, ಮಾನಸಿಕ ಆರೋಗ್ಯಕ್ಕೂ ಮದ್ದು. ಪ್ರಾಣಾಯಾಮ, ಸೂರ್ಯ ನಮಸ್ಕಾರ, ಧ್ಯಾನ ಹಾಗೂ ಸರಳ ಆಸನಗಳನ್ನು ಮಾಡುವುದರ ಮೂಲಕವೂ ದೇಹ ಹಾಗೂ ಮಾನಸಿಕ ಆರೋಗ್ಯವನ್ನು ವೃದ್ಧಿಸಬಹುದು. ಕೋಪ, ಏಕಾಗ್ರತೆಯ ಕೊರತೆ, ಒತ್ತಡ ಈ ರೀತಿಯ ಮಾನಸಿಕ ಸಮಸ್ಯೆಗಳಿಗೆ ದಿನನಿತ್ಯ ಯೋಗ ಮಾಡುವ ಮೂಲಕ ಪರಿಹಾರ ಕಂಡುಕೊಳ್ಳಬಹುದು. ಹೀಗಾಗಿ ನಾವೆಲ್ಲರೂ ನಿತ್ಯ ಯೋಗ ಹಾಗೂ ಪ್ರಾಣಾಯಾಮ ಅಭ್ಯಾಸ ಮಾಡೋಣ.

ಶ್ರೀ ಗುರುಗಳಿಗೆ ನನ್ನ ನಮನಗಳು. ಅಂಕಣಕ್ಕೆ ಪ್ರತಿಕ್ರಿಯೆ ಬರೆಯಲು ಅನುವು ಮಾಡಿಕೊಟ್ಟ ರಾ ವೆಂಕಟೇಶ ಶೆಟ್ಟಿ ಇವರಿಗೆ ಹೃತ್ಪೂರ್ವಕ ಧನ್ಯವಾದಗಳು.
ವೈಷ್ಣವಿ ನಾಣ್ಯಾಪುರ, ಹಗರಿಬೊಮ್ಮನಹಳ್ಳಿ

N-2572 

  27-06-2024 02:50 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಪರಮಪೂಜ್ಯರು ಈ ಲೇಖನದಲ್ಲಿ ಯೋಗದ ಬಗ್ಗೆ ಬೆಳಕು ಚೆಲ್ಲಿದ್ದಾರೆ ದೇಹ ಆತ್ಮ ಶಾಂತಿ ನೆಮ್ಮದಿ ಸುಖ ಸಂತೋಷಕ್ಕೆ ಯೋಗವು ಒಂದು ಪರಿಪಾಠ ಅದರಲ್ಲೂ ಈ ಲೇಖನದಲ್ಲಿ ತುಂಬಾನೇ ಆತ್ಮಶುದ್ಧಿ ಮಾಡುವ ವಿಚಾರಗಳು ಮನಸ್ಸಿಗೆ ತಾಕುವಂತೆ ಮೊದಲು ಭಾರತ ದೇಶದಲ್ಲಿದ್ದ ಯೋಗ ಈಗ ಪ್ರಪಂಚದ ನಾನಾ ಕಡೆ ವಿದೇಶಗಳಲ್ಲಿ ಅರಳಿದೆ ಅದುವೇ ಭಾರತದ ಶಕ್ತಿ ಮತ್ತು ನಮ್ಮ ಗುರುಗಳು ವಿಶ್ವಕ್ಕೆ ವಚನಗಳು ಮತ್ತು ಬಸವ ತತ್ವಗಳನ್ನು ಪರಿಚಯ ಮಾಡುತ್ತಾರೆ
Siddharth
Bistuvalli

N-2572 

  27-06-2024 02:16 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಪರಮ ಪೂಜ್ಯ ಗುರುಗಳ ಲೇಖನ ಓದುವಾಗ ಸ್ವತ: ಗುರುಗಳ ಚಿತ್ರಣ ಅನುಭವಕ್ಕೆಬಂದು ಎಲ್ಲೋ ಒಂದು ಕಡೆಯಿಂದ ಅವರ ದ್ವನಿಯಲ್ಲಿಯೇ ಲೇಖನವನ್ನು ಕೇಳಿಸಿಕೊಂಡಂತೆ ಅನುಭವ
ಉಂಟಾಗುತ್ತದೆ...!!

ಧನ್ಯವಾದಗಳು.
🙏🏻🙏🏻🙏🏻
ಡಿ ಪ್ರಸನ್ನಕುಮಾರ್ ಬೆಂಗಳೂರು

N-2572 

  27-06-2024 01:45 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೆ ಯೋಗ*

ವಿಶ್ವ ಗುರುವಾಗುವ ಕನಸಿನೊಂದಿಗೆ ಯೋಗದ ಮಹತ್ವವನ್ನು ವಿಶ್ವಕ್ಕೆ ತೋರಿಸಿಕೊಟ್ಟಿದೆ ಭಾರತ. ಯೋಗ ದಿನಾಚರಣೆಯ ಮಹತ್ವದೊಂದಿಗೆ ಜೂನ್ 21 ರಂದು ಅತ್ಯಂತ ಹೆಚ್ಚಿನ ಹಗಲು ಇರುವುದರಿಂದ ಆ ದಿನವನ್ನು ಯೋಗ ದಿನಾಚರಣೆ ಆಚರಿಸಲು ಆರಿಸಿಕೊಂಡಿದ್ದಾರೆ ಎನ್ನುವ ವೈಜ್ಞಾನಿಕ ಕಾರಣ ಸಹ ತಿಳಿಸಿದ್ದಾರೆ. ಪತಂಜಲಿ ಮಹರ್ಷಿಗಳ ಅಷ್ಟಾಂಗ ಯೋಗದ ಜೊತೆಗೆ ಆರೋಗ್ಯಭರಿತ ದೇಹಕ್ಕೆ ಪೂರಕವಾದ ಆಹಾರಗಳು ಭಾರತೀಯ ಮೂಲದ ಇಡ್ಲಿ, ದೋಸೆಗಳೂ ಇರುವುದು ನಮ್ಮ ಪಾರಂಪರಿಕ ಅಡುಗೆಗಳ ಮಹತ್ವವನ್ನು ಜಗದಲ್ಲಿ ಸಾಬೀತು ಪಡಿಸುತ್ತದೆ.

ಮುಕ್ತಕಗಳು
*ಜೂನ್ 21*
*ಅಂತರಾಷ್ಟ್ರೀಯ ಯೋಗ ದಿನ*

ಭಾರತದ ಉದ್ದಗಲ ಸಂಚರಿಸಿ ಯೋಗವದು
ಸಾರಸತ್ವವ ತೋರಿ ಪಸರಿಸಿದೆ ಜಗದಿ
ತೋರಿಕೆಯ ಮಾತಲ್ಲ ಎನ್ನುತಲಿ ಸಾಬೀತು
ಬೇರು ನೆಲೆಸಿದೆ ಇಲ್ಲಿ ನೇತ್ರತನಯೆ.

ಮನೆಗೆಲಸ ಧಾರಾಳ ಮಾಡುತಲಿ ಅಂದೆಲ್ಲಾ
ಸನಿಹ ಸುಳಿಯದು ರೋಗ ಎಂದರಿತ ಜನರು
ಇನಿತಿನಿತು ಕೆಲಸಕ್ಕೆ ಯಂತ್ರಗಳ ಬಳಸುತ್ತ
ಕನಲಿ ಬಳಲಿಹರಿಂದು ನೇತ್ರತನಯೆ.

ಯೋಗದಿಂದ ಮಹಿಳೆಯರ ಸಬಲೀಕರಣವೆನುತ
ರೋಗಗಳ ದೂರಿಡುವ ಸರಳ ಸಾಧನವು
ತ್ಯಾಗ ಬಯಸದು, ಯೋಗ ಅಭ್ಯಾಸ ಸಾಕದಕೆ
ಭೋಗವದು ಆರೋಗ್ಯ ನೇತ್ರತನಯೆ.

ಯೋಗವನು ಮಾಡುತಿರೆ ಅನುದಿನವು ಆರೋಗ್ಯ
ರೋಗಗಳು ದೂರವೇ ಉಳಿಯುವುವು ಎಂಬ
ಯೋಗಿಗಳ ಅನುಭವದ ಪಾಠವನು ಅರಿಯುತಲಿ
ಭೋಗಭಾಗ್ಯವ ಪಡೆವ ನೇತ್ರತನಯೆ.

ಸಾವಿರಕು ಮೀರಿರುವ ತರತರಹ ಇಡ್ಲಿಗಳು
ವೈವಿಧ್ಯಮಯ ರಚನೆ ಎನಿಯವನರದ್ದು
ಕೋವಿದರ ಕರದಲ್ಲಿ ನಳಪಾಕ ಅರಳಿಹುದು
ಆವರಿಸಿ ವಿಶ್ವವನೆ ನೇತ್ರತನಯೆ.

ಜಾಗತಿಕ ಹಂತದಲಿ ಇಡ್ಲಿಯದೆ ನರ್ತನವು
ಸಾಗುವಿನ ಜೊತೆ ಚಟ್ನಿ ಸಾಂಬಾರುಗಳಿರೆ
ವೇಗದಲಿ ಸಾಗುವುದು ವಂದೇ ಭಾರತದಂತೆ
ಜಾಗವಿರದುದರದೊಳು ನೇತ್ರತನಯೆ.

ವಂದನೆಗಳೊಂದಿಗೆ
ಪೂರ್ಣಿಮ ಭಗವಾನ್, ಬೆಂಗಳೂರು.

N-2572 

  27-06-2024 12:27 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ನಮ್ಮೆಲ್ಲರ ಹೆಮ್ಮೆಯ ಪರಮಪೂಜ್ಯ ತರಳಬಾಳು ಜಗದ್ಗುರುಗಳು ಬರೆದಿರುವ ಈ ಅಂಕಣ ಅತ್ಯುತ್ತಮವಾಗಿದೆ,ಯೋಗ ಎಲ್ಲಾ ರೀತಿಯ ಸಮಸ್ಯೆಗಳನ್ನು ಪರಿಹರಿಸಲು ಅತ್ಯಂತ ಉತ್ತಮ ಸಾಧನವಾಗಿದೆ ಎಂಬುದನ್ನು ಪರಮಪೂಜ್ಯ ಶ್ರೀ ಗಳು ತಿಳಿಸಿದ್ದಾರೆ.ಪರಮಪೂಜ್ಯ ತರಳಬಾಳು ಜಗದ್ಗುರು ಗಳಿಗೆ ಅನಂತ ಅನಂತ ಪ್ರಣಾಮಗಳು...
ಮರುಳಸಿದ್ಧೇಶ್ವರ ಎ.ಜಿ.
ನಾಗೇನಹಳ್ಳಿ ಅರಸೀಕೆರೆ ತಾಲ್ಲೂಕು.ಭಾರತ.

N-2572 

  27-06-2024 10:06 AM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಪರಮಪೂಜ್ಯರು ಈ ಲೇಖನದಲ್ಲಿ ಯೋಗದ ಬಗ್ಗೆ ಬೆಳಕು ಚೆಲ್ಲಿದ್ದಾರೆ ದೇಹ ಆತ್ಮ ಶಾಂತಿ ನೆಮ್ಮದಿ ಸುಖ ಸಂತೋಷಕ್ಕೆ ಯೋಗವು ಒಂದು ಪರಿಪಾಠ ಅದರಲ್ಲೂ ಈ ಲೇಖನದಲ್ಲಿ ತುಂಬಾನೇ ಆತ್ಮಶುದ್ಧಿ ಮಾಡುವ ವಿಚಾರಗಳು ಮನಸ್ಸಿಗೆ ತಾಕುವಂತೆ ಮೊದಲು ಭಾರತ ದೇಶದಲ್ಲಿದ್ದ ಯೋಗ ಈಗ ಪ್ರಪಂಚದ ನಾನಾ ಕಡೆ ವಿದೇಶಗಳಲ್ಲಿ ಅರಳಿದೆ ಅದುವೇ ಭಾರತದ ಶಕ್ತಿ ಮತ್ತು ನಮ್ಮ ಗುರುಗಳು ವಿಶ್ವಕ್ಕೆ ವಚನಗಳು ಮತ್ತು ಬಸವ ತತ್ವಗಳನ್ನು ಪರಿಚಯ ಮಾಡುತ್ತಾರೆ
ಸಿದ್ದೇಶ್ ಹಳೇಬಾತಿ
Indiaಹಳೇಬಾತಿ

N-2572 

  27-06-2024 10:04 AM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಪರಮ ಪೂಜ್ಯ ಶ್ರೀ ಜಗದ್ಗುರುಗಳವರ ಇಂದಿನ ಲೇಖನ `ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ`
ಮೊನ್ನೆ ತಾನೇ ವಿಶ್ವಾದ್ಯಂತ ಜರುಗಿದ `ವಿಶ್ವ ಯೋಗ ದಿನ` ಮನಸ್ಸಿನಲ್ಲಿ ಹಸಿರಾಗಿರುವಾಗಲೇ `ಯೋಗ`ದ ಕುರಿತು ವ್ಯಾಪಕವಾದ ಹಿನ್ನೆಲೆಯನ್ನು ಅತ್ಯಂತ ಅರ್ಥಗರ್ಭಿತವಾಗಿ ವಿವರಣೆ ರೂಪದಲ್ಲಿ ಜ್ಞಾನ ದಾಸೋಹವನ್ನು ಸಕಾಲಿಕವಾಗಿ ಕರುಣಿಸಿದ್ದಾರೆ.

ಜಗತ್ತಿನ ನಾನಾ ಸಮಸ್ಯೆಗಳನ್ನು ಜಾಗೃತಗೊಳಿಸಿ ಅವುಗಳನ್ನು ಎದುರಿಸಿ ಅನುಷ್ಠಾನಗೊಳಿಸಲು ಸಹಕಾರಿಯಾಗುವ ನಿಟ್ಟಿನಲ್ಲಿ ವಿಶ್ವಸಂಸ್ಥೆ ಅನೇಕ `ವಿಶೇಷ ದಿನ` ಗಳನ್ನು ಸಾಂಕೇತಿಕವಾಗಿ ರೂಪಿಸಿದ್ದು ಅದರಂತೆ 2014 ರಿಂದ ಜೂನ್ 21 ರಂದೇ `ವಿಶ್ವ ಯೋಗ` ದಿನವನ್ನಾಗಿ ಆಚರಣೆಗೆ ತಂದಿರುವ ಉದ್ದೇಶವು ಪೂಜ್ಯರ ಲೇಖನದಿಂದ ತಿಳಿಯಿತು.

ಜೀವ, ಜಗತ್ತು ಮತ್ತು ಅವುಗಳನ್ನು ಮೀರಿದ ನಾಮ ರೂಪ ರಹಿತವಾದ ಅಗೋಚರ ಶಕ್ತಿ, ಷಡ್ಡರ್ಶನಗಳು,ಪತಂಜಲಿ ಮಹರ್ಷಿಯವರ ಅಷ್ಟಾಂಗ ಯೋಗಗಳ ತಿರುಳನ್ನು ವಿಶ್ವ ಗುರು ಬಸವಣ್ಣನವರು ಸಕಲ ಜೀವಾತ್ಮರಿಗೆ ಅಂತರಂಗ ಮತ್ತು ಬಹಿರಂಗ ಶುದ್ಧಿಯನ್ನು ಹೇಗೆ ಸಪ್ತ ಶೀಲಗಳ ಆಚರಣೆಗಳ ಮೂಲಕ ಮಾಡಿಕೊಳ್ಳಬಹುದೆಂದು ಜನ ಸಾಮಾನ್ಯರಿಗೆ ಅರ್ಥವಾಗುವಂತೆ ತಿಳಿಸಿರುವುದನ್ನು ಈ
ಆಧುನಿಕ ತಂತ್ರ ಜ್ಞಾನದ ಮಾಯಾ ಪ್ರಪಂಚದಲ್ಲಿ ಕುಣಿಯುತ್ತಿರುವ ನಮ್ಮಗಳ ಮನಸ್ಸನ್ನು ಪಳಗಿಸಲು `ಕರಿ ಘನ ಅಂಕುಶ ಕಿರಿದೆನ್ನಬಹುದೇ... ಅಯ್ಯಾ?` ಎಂಬ ವಚನದಂತೆ ಪರಮ ಪೂಜ್ಯರ ಲೇಖನದಿಂದ ಅನೇಕ ಮಹತ್ವಪೂರ್ಣ ವಿಚಾರಗಳು ಮೂಡಿ ಬಂದಿದ್ದು ಜೀವನದಲ್ಲಿ ಅಳವಡಿಕೊಳ್ಳಲು ಪ್ರೇರಣೆಯುಂಟಾಗಿ ಅರ್ಥಪೂರ್ಣ ಲೇಖನದ ಮೂಲಕ ಕುಣಿಕೆ ಹಾಕಿ ಬಿಗಿದಂತಾಗಿದೆ...!

ಭಕ್ತಿ ಪೂರ್ವಕ ಪ್ರಣಾಮಗಳು...
🙏🏻🙏🏻🙏🏻
ಡಿ. ಪ್ರಸನ್ನಕುಮಾರ್
ಬೆಂಗಳೂರು

N-2572 

  27-06-2024 09:10 AM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಶುಭೋದಯ ಬುದ್ಧಿ.ಯೋಗದ ಬಗ್ಗೆ ತಾವು ಬೆಳಕು ಚೆಲ್ಲಿರುವ ಲೇಖನವು ತುಂಬಾ ಅದ್ಭುತ ವಾಗಿ ಮೂಡಿ ಬಂದಿದೆ ಬುದ್ಧಿ.. ಯೋಗವು ದೇಹದ ಜೊತೆಗೆ ಆತ್ಮ ವನ್ನು ಶುದ್ದಿ ಮಾಡುವ ಪರಿ ಮತ್ತು ಅದರ ಪ್ರಸ್ತುತತೆ ತುಂಬಾ ಅಗತ್ಯ ಇದೆ ಬುದ್ಧಿ..
DR MALLAPPA K YARAGOL
At post :Yaragol, TQ /District :Yadagiri, Karnataka.