N-2572 

  04-07-2024 08:23 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಪೂಜ್ಯ ಗುರುಗಳ ಚರಣಾರವಿಂದಕ್ಕೆ ಶರಣು ಶರಣು.

ಬಿಸಿಲು ಬೆಳದಿಂಗಳು ಅಂಕಣ:
*ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ*

ನಡೆದಾಡುವ ದೇವ ಶ್ರೀಗಳ ಪಾದಕ್ಕೆ ನಮೋ ನಮಃ

ಕುಣಿಯುವ ಮನಸ್ಸಿಗೆ ಕುಣಿಕೆ
ಹಾಕುವುದೇ ಯೋಗ ಎಂಬುದು
ಬಹಳ ಅಚ್ಚುಕಟ್ಟಾದ ಮೌಲ್ಯಯುತವಾದ ಮಾತು.
(ಮಾನಸಿಕ ಮತ್ತು ದೈಹಿಕ )ಆರೋಗ್ಯದ ಬಗ್ಗೆ
ಗಮನ ಹರಿಸದೇ ಕೇವಲ ಭೋಗದ ಸುಳಿಯಲ್ಲಿ ಜಗತ್ತು ಗಿರಕಿ ಹೊಡೆಯುತ್ತಿದೆ. ಇದಕ್ಕೆ ಶಾಶ್ವತ ಪರಿಹಾರವೆಂದರೆ ಯೋಗವೆಂಬುದನ್ನು ಶ್ರೀಗಳವರು ಮನಂಬುಗುವಂತೆ ಪ್ರತಿಪಾದಿಸಿದ್ದಾರೆ. ಅಂಕಣವನ್ನು ಓದಿ ಬಹಳ ಸಂತೋಷ ಆಯಿತು. ಬಿಸಿಲು ಬೆಳದಿಂಗಳು ಅಂಕಣವನ್ನು ಕುರಿತು ನನಗೆ
ಬರೆಯಬೇಕೆನಿಸಿದ್ದನ್ನು ಈ ಕೆಳಗೆ ಬರೆದಿದ್ದೇನೆ:


*ಚಿಂತೆ ಮಾಡಬಾರದು*

ಚಿಂತೆ ಮಾಡಬಾರದು
ಡಾ:ಶಿವಮೂರ್ತಿ
ಶಿವಾಚಾರ್ಯ
ಮಹಾ ಸ್ವಾಮಿಗಳವರ
ಭಕ್ತರಾದ ಮೇಲೆ ಚಿಂತೆ
ಮಾಡಬಾರದು.
*ಬಿಸಿಲು ಬೆಳದಿಂಗಳು*
ಅಂಕಣ ಓದಬೇಕು.
ನಮ್ಮ ಮನದೊಳಗಿನ
ಕೊಳಕು ಚಿಂತೆಗಳನ್ನು
ಬಿಡಬೇಕು;
ಬಿಟ್ಟು ಸಾಗಬೇಕು
ಧ್ಯಾನ ಮಾಡಬೇಕು. ಕಣ್ಣಿಗೆ ಕಾಣುವ
ಪ್ರತ್ಯಕ್ಷ ದೇವರಾದಂತಹ ಸಿರಿಗೆರೆಯ
ಡಾ:ಶಿವಮೂರ್ತಿ ಶಿವಾಚಾರ್ಯ
ಮಹಾಸ್ವಾಮಿಗಳವರ
ಧ್ಯಾನ ಮಾಡಬೇಕು.
ನಮ್ಮ ನಿಂದಿಸುವ ಜನಗಳ
ಮುಂದೆ ಮೂಕ ನಂದಿಯ ಹಾಗಿರಬೇಕು.
ಜಾತಿ ಭೇದವೆಣಿಸದೆ
ಮಹಾಗುರುವಿನ ಪದಕಮಲದ ದುಂಬಿಯಾಗಿರಬೇಕು.
*ಸುವರ್ಣ ಎಸ್ ಪಾಟೀಲ, ವಳಗೆರಿ, ಹಾನಗಲ್ ತಾಲ್ಲೂಕು

N-2572 

  04-07-2024 06:53 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಗುರುಗಳ ಪಾದಾರವಿಂದಗಳಿಗೆ ನನ್ನ ಹೃದಯ ಪೂರ್ವಕ ನಮಸ್ಕಾರಗಳು*

ಬಿಸಿಲು ಬೆಳದಿಂಗಳು ಲೇಖನವನ್ನು ಓದಿದ ಮೇಲೆ ಪ್ರತಿದಿನ ಕಾಟಾಚಾರಕ್ಕಾಗಿ ಮಾಡುತ್ತಿದ್ದ ಯೋಗಾಭ್ಯಾಸವನ್ನು
ಈಗ ಮನಸ್ಸಿಟ್ಟು ಮಾಡುವಂತೆ ಮಾಡಿದೆ. ನನಗೀಗ 77 ವರ್ಷ ವಯಸ್ಸಾಗಿದ್ದರೂ
ಲವಲವಿಕೆಯಿಂದ ಇರುವುದನ್ನು ಗಮನಿಸಿ ನಮ್ಮ ಶ್ರೀಮತಿಯವರು ಈಗ ಅದರ ಮಹತ್ವವನ್ನು ಅರಿತು ಅವರೂ ಸಹಾ ಮಾಡಲಾರಂಭಿಸಿದ್ದಾರೆ . ಇದೇ ತರಹ ಅದೆಷ್ಟು ಜನಗಳಿಗೆ ಪ್ರೇರೇಪಣೆ ಆಗಿದೆಯೋ ಗೊತ್ತಿಲ್ಲ. ಒಟ್ಟಿನಲ್ಲಿ ಹೇಳುವುದಾದರೆ ಇದು ಒಂದು ಪ್ರಮುಖ ಜೀವನ ಶೈಲಿಯನ್ನು ಉತ್ತಮ ರೀತಿಯಲ್ಲಿ ಸಾಗಿಸುವ ಸಾಮರ್ಥ್ಯವನ್ನು ಹೊಂದಿದೆ. ನನ್ನ ನಮನಗಳನ್ನು ಶ್ರೀಯುತ ರಾ.ವೆಂಕಟೇಶ ಶೆಟ್ಟಿ ಯವರಿಗೆ ಸಲ್ಲಿಸುತ್ತೇನೆ ಇಂತೀ ನಮಸ್ಕಾರಗಳು.
S.N ಕಾಶಿ ವಿಶ್ವನಾಥ ಶೆಟ್ಟಿ, ಮಾಲೀಕರು, ಶ್ರೀ ಗುರುರಾಜ ಫರ್ನೀಚರ್ಸ್, ಚಿತ್ರದುರ್ಗ

N-2572 

  04-07-2024 06:46 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಕುಣಿಯುವ ಮನಕ್ಕೆ ಯೋಗ ಮದ್ದು*

ಈ ಅಂಕಣಕ್ಕೆ ನನ್ನ ಪ್ರತಿಕ್ರಿಯೆ. ವಿಶ್ವ ಯೋಗ ದಿನಾಚರಣೆ ಹೇಗೆ ಬಂತು, ಅದರ ಹಿನ್ನೆಲೆ ಏನು ಎಂಬುದನ್ನು ಸಂಕ್ಷಿಪ್ತವಾಗಿ ವಿವರಿಸಿದ್ದಾರೆ.ಯೋಗದ ಮೂಲ ನಮ್ಮ ಹೆಮ್ಮೆಯ ಭಾರತ ದೇಶ ಎಂಬುದನ್ನು ನಾವಿಲ್ಲಿ ಸ್ಮರಿಸಬೇಕಾಗಿದೆ. ಯೋಗ ಎನ್ನುವುದು ನಮ್ಮನ್ನು ಮಾನಸಿಕವಾಗಿ, ದೈಹಿಕವಾಗಿ, ಸಾಮಾಜಿಕ ವಾಗಿ ಎಲ್ಲಾ ರೀತಿಯಲ್ಲೂ ಸದೃಢವಾಗಿಸುತ್ತದೆ. ನಮ್ಮ ಪಂಚೇಂದ್ರಿಯಗಳನ್ನು ಹತೋಟಿಯಲ್ಲಿ ಇಟ್ಟುಕೊಳ್ಳಲು ಕೂಡ ಇದು ಸಹಕಾರಿ ಎಂದರೆ ತಪ್ಪಾಗಲಾರದು. ಕುಣಿಯುವ ಮನಕ್ಕೆ ಕುಣಿಕೆ ಹಾಕುವುದು ಯೋಗ ಎಂದು ಬಹಳ ಅರ್ಥ ಗರ್ಭಿತವಾಗಿ ವಿವರಿಸಿದ್ದಾರೆ.

ಗುರುಗಳ ಅಂಕಣವನ್ನು ನಮ್ಮಗಳವರೆಗೆ ತಲುಪಿಸುತ್ತ, ನಮಗೆ ಓದಲು ಬರೆಯಲು ಆಸಕ್ತಿ ಬರುವಂತೆ ಮಾಡುತ್ತಿರುವುದಲ್ಲದೆ, ನಮಗೆ ಪುಸ್ತಕ ತಾಂಬೂಲವನ್ನು ಕಳಿಸುತ್ತಿರುವ ವೆಂಕಟೇಶ ಶೆಟ್ಟಿ ಸರ್ ರವರಿಗೂ ನನ್ನ ಹೃತ್ಪೂರ್ವಕ ವಂದನೆಗಳು.
ಮಹಬೂಬಿ, ದೈಹಿಕ ಶಿಕ್ಷಣ ಶಿಕ್ಷಕಿ, ಸ ಹಿ ಪ್ರಾ ಶಾಲೆ, ಮದಕರಿಪುರ, ಚಿತ್ರದುರ್ಗ

N-2572 

  04-07-2024 06:41 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಪರಮಪೂಜ್ಯರ ಪಾದಕಮಲಗಳಿಗೆ ನಮಸ್ಕರಿಸುತ್ತಾ,

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ...
ಹೌದು ಮನಸ್ಸು ಚಂಚಲ ಸ್ಥಿತಿಯಲ್ಲಿದ್ದಾಗ ಕೆಲ ಯೋಗಮುದ್ರೆಗಳು ಹತೋಟಿ ತರುತ್ತವೆ. ಹಾಗೂ ದೇಹ ಸದೃಢವಾಗಿ ಆರೋಗ್ಯವಾಗಿ ಅಂದ ಚಂದವಾಗಿರಲು ಯೋಗ ಬಹುಮುಖ್ಯವಾಗುತ್ತದೆ. ಅಂತರಂಗ ಬಹಿರಂಗ ಶುದ್ಧಿಯಾಗಿರಲು ಯೋಗ ಸಹಕಾರಿ. ಇಂದಿನ ದಿನಗಳಲ್ಲಿ ಆರೋಗ್ಯವೇ ಭಾಗ್ಯವಾಗಿರುವಾಗ ಯೋಗವನ್ನು ಪ್ರತಿ ನಿತ್ಯ ಮಾಡಿದರೆ ಆರೋಗ್ಯವಂತ ದೇಹದೊಂದಿಗೆ ಮನಸ್ಸು ನಲಿಯುತ್ತದೆಂದು ತಿಳಿಸಿಕೊಟ್ಟ ಪೂಜ್ಯರಿಗೆ ಅನಂತ ನಮನಗಳು..
ರಂಜಿತ ಎಮ್, ಸಿರಿಗೆರೆ

N-2572 

  03-07-2024 04:36 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ..

ಶ್ರೀ ಗುರುಗಳ ಪಾದಾರವಿಂದಗಳಿಗೆ ನಮನಗಳು

ಹಾಗೂ ಪ್ರತಿ ಸಲವೂ ನಮಗೆ ಲೇಖನಗಳನ್ನು ತಲುಪಿಸುತ್ತಿರುವ ಹಾಗೂ ಅದನ್ನು ಬರೆಯಲು ನೆನಪಿಸುತ್ತಿರುವ ರಾ ವೆಂಕಟೇಶ ಶೆಟ್ಟಿ ಸರ್ ಅವರಿಗೂ ಕೂಡ ನಮನಗಳು..

ಯೋಗ ಇಂದು ನಿನ್ನಯದಲ್ಲ. ನಮ್ಮ ಭಾರತ ದೇಶದಲ್ಲಿ ತುಂಬಾ ಪ್ರಾಚೀನ ಕಾಲದಿಂದಲೂ ಹಾಸು ಹೊಕ್ಕಾಗಿರುವ ಒಂದು ಜೀವನ ವಿಧಾನ. ನಮ್ಮ ಋಷಿಮುನಿಗಳು ಅದನ್ನು ಯಾವಾಗಲೂ ಪಾಲಿಸಿಕೊಂಡು ತಮ್ಮ ದೈಹಿಕ ಹಾಗೂ ಮಾನಸಿಕ ಆರೋಗ್ಯವನ್ನು ತಮ್ಮ ನಿಯಂತ್ರಣದಲ್ಲಿ ಇಟ್ಟುಕೊಂಡಿದ್ದರು..

ಯೋಗ ಎಂದರೆ ಎಲ್ಲರಿಗೂ ತಟ್ಟನೆ ನೆನಪಾಗುವುದು ದೈಹಿಕ ಅಂದರೆ ಶಾರೀರಿಕ ವ್ಯಾಯಾಮಗಳು ಎನ್ನುವುದು ಮಾತ್ರ. ಆದರೆ ಗುರುಗಳು ಮನಸ್ಸನ್ನು ಹತೋಟಿಯಲ್ಲಿಟ್ಟುಕೊಳ್ಳುವುದು ಕೂಡ ಯೋಗ ಎಂದು ತಿಳಿಸಿದ್ದಾರೆ. ಯೋಗಾಸನ ಮಾಡಿ ಕೇವಲ ದೈಹಿಕವಾಗಿ ಸದೃಢರಾಗಿದ್ದರಷ್ಟೇ ಸಾಲದು, ಮಾನಸಿಕವಾಗಿ ಕೂಡ ಸದೃಢರಾಗಿರಬೇಕು; ಮನಸ್ಸು ಅತ್ತ ಇತ್ತ ಸದಾ ಚಲಿಸದಂತೆ ನೋಡಿಕೊಳ್ಳಬೇಕು ಎಂದು ತಿಳಿಸಿದ್ದಾರೆ. ಅದರ ಜೊತೆಗೆ ಜೂನ್ 21ರಂತೆ ಏಕೆ ಯೋಗ ದಿನವನ್ನು ಆಚರಿಸಬೇಕು ಎಂದು ವೈಜ್ಞಾನಿಕವಾಗಿ ಕೂಡ ಕಾರಣ ತಿಳಿಸಿದ್ದಾರೆ.
ಗುರುಗಳಿಗೆ ವಂದಿಸುತ್ತಾ....
ನಂದಿನಿ ವಿವೇಕ್. ಹೊಸದುರ್ಗ

N-2572 

  03-07-2024 12:58 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಶ್ರೀ ಗುರುಗಳ ಅಂಕಣ
ಶ್ರೀ ಗುರುಭ್ಯೋ ನಮಃ

ಎಲ್ಲರಿಗೂ ನಮಸ್ಕಾರ🙏

ರಾಷ್ಟ್ರೀಯ ಯೋಗ ದಿನದ ಶುಭಾಶಯಗಳು ಯೋಗ ದಿನವನ್ನು ಒಂದು ದಿನ ಆಚರಿಸುವ ಬದಲಾಗಿ ದಿನನಿತ್ಯ ಮಾಡುವ ಕೆಲಸಗಳಲ್ಲಿ ಮಾತನಾಡುವ ನುಡಿಗಳಲ್ಲಿ ನೋಡುವ ನೋಟಗಳಲ್ಲಿ ಯೋಗ ಜೀವನ ನಡೆಸಬೇಕು ಅಂತರಂಗದಲ್ಲಿ ಸದಾ ಸಮಾಧಾನದಿಂದ ಇರುವಂತಹ ಯೋಗವನ್ನು ರೂಡಿಸಿಕೊಂಡರೆ ಬಹಿರಂಗದ ಯೋಗ ಕಷ್ಟವಿಲ್ಲದೆ ಸರಾಗವಾಗಿ ಜರಗುತ್ತದೆ .ವಚನಗಳ ಮೂಲಕ ಗುರುಗಳು ಮನಮುಟ್ಟುವಂತೆ ತಿಳಿಸಿದ್ದಾರೆ.
ಧನ್ಯವಾದಗಳು
ಕೆ. ಶಾಂತ ಅನಿಲ್, ಬೆಂಗಳೂರು

N-2572 

  03-07-2024 12:51 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಬಿಸಿಲು ಬೆಳದಿಂಗಳು ಅಂಕಣ
ಕುಣಿವ ಮನಕೆ ಯೋಗದ ಕುಣಿಕೆ.
ಗುರುಭ್ಯೋ ನಮಃ.
ಈ ಅಂಕಣ ಬರೆಹವು ಎಲ್ಲ ಬರೆಹ ಗಳಿಗಿಂತ ವಿಶೇಷವಾಗಿದೆ. "ಯೋಗ "ದ
ಬಗ್ಗೆ ವಿವರಣೆ ನೀಡುತ್ತಾ ಗುರುಗಳು ಬರೆದ ಒಂದೊಂದು
ವಾಕ್ಯಗಳೂ ನಮಗೆ ವಿಶೇಷ ಜ್ಞಾನವನ್ನು ನೀಡುತ್ತವೆ.
ಮನವೇ ಮನುಜನ ಬಂಧನ ಮತ್ತು ಮೋಕ್ಷಕ್ಕೆ ಕಾರಣವಾಗಿದೆ
ಎಂಬ ಸತ್ಯವನ್ನು ಗುರುಗಳು
ಓದುಗರಿಗೆ ಮನವರಿಕೆ ಆಗುವಂತೆ ತಿಳಿಸಿದ್ದಾರೆ.
ಹಿರಿದಾದ ತತ್ವಗಳನ್ನು ತಮ್ಮ ಕಿರಿದಾದ ಅಂಕಣ ಬರೆಹಗಳ ಮೂಲಕ ತಿಳಿಸಿ ನಮ್ಮ ಆತ್ಮದ ಉನ್ನತಿ ಗೈಯುತ್ತಿರುವ ಗುರುಗಳಿಗೆ ಸಾಷ್ಟಾಂಗ ಪ್ರಣಾಮಗಳು. ಗುರುವಾಕ್ಯಗಳನ್ನು ವಿಮರ್ಶೆ ಗೈವ ಅಧಿಕಾರ ನಮಗಿಲ್ಲ.
ಸ್ವೀಕರಿಸಿ, ಮನನ ಮಾಡಿ ಧನ್ಯರಾಗೋಣ.🙏🏻

ಗುರುಸೇವಾ ನಿರತರಾದ
ವೆಂಕಟೇಶ ಶೆಟ್ಟಿ ಅವರಿಗೆ
ಧನ್ಯವಾದ ಪೂರ್ವಕ ವಂದನೆಗಳು. 🙏🏻

ಮುಕ್ತಾ ಗುಜಮಾಗಡಿ, ನರಗುಂದ.

N-2572 

  03-07-2024 12:47 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಶ್ರೀಗುರುಗಳವರ ಅಂಕಣ*
ಪರಮಪೂಜ್ಯ ಶ್ರೀಗುರುಗಳವರು ಈ ಸಲದ ಅಂಕಣದಲ್ಲಿ ಯೋಗ, ಅಷ್ಟಾಂಗಯೋಗದ ಕ್ಲಿಷ್ಟಕರ ನಿಜ ಅರ್ಥವನ್ನು ಸರಳವಾಗಿ ವಿವರಿಸಿದ್ದಾರೆ. ಕಾಣುವ ದೇಹವನ್ನು ಹುರಿಗೊಳಿಸುವ ಯೋಗಾಸನಗಳಾಚೆಗಿನ, ಕಾಣದ ಮನಸ್ಸನ್ನು ನಿಯಂತ್ರಿಸುವ, ದೇಹ ಮನಸ್ಸುಗಳೆರಡರ ಇರುವಿಕೆಯನ್ನು ತಿಳಿಸುವ ನಮ್ಮೊಳಗಿನ ಚೇತನವನ್ನರಿಯುವ ಪತಂಜಲಿ ಮಹರ್ಷಿಯ ಅಷ್ಟಾಂಗಯೋಗ ಕ್ರಿ.ಪೂ.ಎರಡನೇ ಶತಮಾನದಲ್ಲೇ ದಾಖಲಾಗಿರುವುದು ಭಾರತೀಯರ ಹೆಗ್ಗಳಿಕೆ.
ಬಸವಣ್ಣನವರ ವಚನಗಳಲ್ಲಿ ಮನುಷ್ಯನ ಅಂತರಂಗ ಮತ್ತು ಬಹಿರಂಗ ಶುದ್ದಿಗಳೆರಡನ್ನೂ ಬೋಧಿಸುವ ಯೋಗ ಜೀವನಕ್ಕೆ ತುಂಬ ಹತ್ತಿರವಾದ ವಚನಗಳ ಕೊಡುಗೆಯ ಮಹತ್ವವನ್ನು ನಿತ್ಯ ಜೀವನದಲ್ಲಿ ಅಳವಡಿಸಿಕೊಳ್ಳುವಲ್ಲಿ ತುಂಬಾ ಹಿಂದಿದ್ದೇವೆ ಎನಿಸುತ್ತದೆ.
ಶಿವಕುಮಾರ ಕೆ.ಎಂ, ಬೆಂಗಳೂರು.

N-2572 

  03-07-2024 12:44 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ*

*ಪೂಜ್ಯ ಗುರುಗಳ ಪಾದಗಳಿಗೆ ನಮಸ್ಕರಿಸುತ್ತ...*

ವಿಶ್ವಸಂಸ್ಥೆಯು ವಿಶಿಷ್ಟ ದಿನವಾದ `ಜೂನ್‌ 21` ರಂದು `ವಿಶ್ವ ಯೋಗ ದಿನ`ವನ್ನಾಗಿ ಆಚರಿಸುತ್ತಾ ಬಂದಿರುವುದು ಎಲ್ಲರಿಗೂ ತಿಳಿದಿರುವ ಸಂಗತಿ. ಶ್ರೀ ಗುರುಗಳು ಆ ಸಂಗತಿಯ ಜೊತೆಗೆ ವಿಶ್ವಸಂಸ್ಥೆಯು ಆ ದಿನವನ್ನು ಆಯ್ಕೆ ಮಾಡಿರುವ ಹಿನ್ನಲೆಯನ್ನು ಸೊಗಸಾಗಿ ತಿಳಿಸಿದ್ದಾರೆ.

ಅಲ್ಲದೇ ಶ್ರೀ ಗುರುಗಳು ಪ್ರಾಚೀನ ಕಾಲದ ಯೋಗ ಮಹರ್ಷಿ ಪತಂಜಲಿಯಿಂದ ರಚಿತವಾದ ` ಯೋಗ ಸೂತ್ರ`ದಲ್ಲಿರುವ ಅಂಶಗಳ ಬಗ್ಗೆ ಚಿಕ್ಕದಾಗಿ ಚೊಕ್ಕದಾಗಿ ಅರ್ಥೈಸಿದ್ದಾರೆ.ಅದರಲ್ಲೂ ಅಂತರಂಗ ಬಹಿರಂಗದ ಕುರಿತು ಬಸವಣ್ಣನವರ ವಚನದೊಂದಿಗೆ ಸಮೀಕರಿಸಿ ಸುಲಭವಾಗಿ ತಿಳಿಯುವ ರೀತಿ ಹೇಳಿದ್ದಾರೆ.

ಶ್ರೀ ಗುರುಗಳ ಲೇಖನವನ್ನು ಪ್ರೀತಿಯಿಂದ ಕಳುಹಿಸಿ,ನಮ್ಮಿಂದ ಪ್ರೀತಿಯ ಪ್ರತಿಕ್ರಿಯೆಗಳನ್ನು ನಿರೀಕ್ಷಿಸಿ ಪ್ರೋತ್ಸಾಹಿಸುವ ಪೂಜ್ಯ *ರಾ.ವೆಂಕಟೇಶ ಶೆಟ್ಟಿ* ಸರ್ ಅವರಿಗೆ ಅನಂತ ನಮನಗಳು.
ಪ್ರೀತಿ. ಎಸ್.ಗೊಬ್ಬಾಣಿ, ಧಾರವಾಡ

N-2572 

  03-07-2024 10:35 AM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ" ಶ್ರೀ ಗುರುಗಳ ಈ ಸಲದ ಬಿಸಿಲು ಬೆಳದಿಂಗಳು ಶೀರ್ಷಿಕೆಯಿಂದ ತಕ್ಷಣವೇ ಅಂಕಣದಲ್ಲಿ ಏನು ಹೂರಣವಿರಬಹುದು ಎಂಬುದು ಮನಸ್ಸಿನಲ್ಲಿ ಹೊಕ್ಕಿತು. ಯೋಗದ ಮಹತ್ವವನ್ನು ವಿವಿಧ ಆಯಾಮಗಳಿಗೆ ಕೊಂಡೊಯ್ದು ಮನುಷ್ಯರ ಜೀವಿತಾವಧಿಯಲ್ಲಿ ಬಾಲ್ಯದಿಂದ ಮಣ್ಣು ಸೇರುವವರೆಗೂ ಬದುಕಿನ ಆರೋಗ್ಯ ಸ್ತರಗಳನ್ನು ಹೇಗೆ ಆರೋಗ್ಯ ಪೂರ್ಣವಾಗಿ ಸವೆಸಬೇಕು ಎಂದು ಕ್ಲುಪ್ತವಾಗಿ ವಿವರಿಸುತ್ತದೆ. ಶ್ರೀ ಗುರುಗಳು ಅಂಕಣದಲ್ಲಿ, ಅಂಕಣಸಿದ್ದನ್ನು ಪುನರಾವರ್ತನೆ ಮಾಡುವುದಿಲ್ಲ. ಮನುಷ್ಯ ಈ ಜಗತ್ತಿನಲ್ಲಿ ತಾಯಿಯ ಗರ್ಭದಿಂದ ಹೊರಬಿದ್ದ ಕೂಡಲೇ ಯೋಗ ಆರಂಭ ಪ್ರಾರಂಭವಾಗುತ್ತದೆ. ಕಣ್ಣಿಗೆ ಹೊರಗಿನ ಪ್ರಪಂಚ ಕಾಣುವಾಗಲೇ ತನ್ನ ದೇಹದ ಎಲ್ಲಾ ಅಂಗಾಂಗಗಳನ್ನು ಎಚ್ಚರವಿರುವಾಗ ಪೂರ್ಣವಾಗಿ ಚಟುವಟಿಕೆಗಳಿಂದ ಇರಿಸಿರುತ್ತದೆ. ಬೆಳೆಯುತ್ತಾ ವಯಸ್ಸಿಗೆ ತಕ್ಕಂತೆ ತಾನೇ ತಾನಾಗಿ ಚಟುವಟಿಕೆಗಳಿಂದ ಕೂಡಿರುತ್ತದೆ. ಅನ್ನಪ್ರಾಶನ ನಂತರ Pre School ಮತ್ತು ಶಾಲಾ ಪ್ರಾರಂಭದ ಅವಧಿಯಲ್ಲಿ ಓದಿನ ಜೊತೆಗೆ ಆಟ ಪಾಠ ಮತ್ತು ಪ್ರಮುಖವಾಗಿ ಯೋಗಾಭ್ಯಾಸ. ಇದಕ್ಕಾಗಿ ಪಠ್ಯಕ್ರಮದಲ್ಲಿ ಯೋಗವನ್ನು ಕಲಿಕೆಯ ಎಲ್ಲಾ ಹಂತಗಳಲ್ಲಿ ಇರಿಸುವುದು ಯುವಜನರಲ್ಲಿ ಮಾನಸಿಕ ಮತ್ತು ದೇಹ ಬಲವನ್ನು ಹಾಸುಹೊಕ್ಕಾಗಿಸುವುದು.

*ಪ್ರಭುದೇವ್ ಮತ್ತು ಕುಟುಂಬದವರು*
ಶಿವಮೊಗ್ಗ.
Prabhudev M S
SHIVAMOGGA

N-2573 

  03-07-2024 10:22 AM   

ಬರದ ಬವಣೆ ನೀಗಿಸಿದ ಭರಮಸಾಗರ ಕೆರೆ

 Super
hanumantha k n
India

N-2572 

  28-06-2024 08:37 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಬಿಸಿಲು ಬೆಳದಿಂಗಳು*
*ಅಂಕಣ ೨೭.೦೬.೨೦೨೪*
*ಕುಣಿವ ಮನಕ್ಕೆ ಯೋಗ ಮದ್ದು*
ನನ್ನ ಪ್ರತಿಕ್ರಿಯೆ

ಶ್ರೀ ಗುರುಭ್ಯೋ ನಮಃ
ಇಂದಿನ ಅಂಕಣದಲ್ಲಿ ಗುರುಗಳು ವಿಶ್ವಯೋಗ ದಿನದ ಆಚರಣೆ ಪ್ರಾರಂಭವಾದ ವಿಚಾರ ಕುರಿತು ಪ್ರಸ್ತಾಪಿಸಿ ನಂತರ ಷಡ್ ದರ್ಶನಗಳನ್ನು, ಪತಂಜಲಿಯ ಅಷ್ಟಾಂಗ ಯೋಗದ ಹಂತಗಳನ್ನು ಕೂಡ ಚುಟುಕಾಗಿ ಪರಿಚಯಿಸಿ ಯೋಗ ಎಂದರೆ ಅನೇಕರು ತಿಳಿದಿರುವಂತೆ ಕೇವಲ ಆಸನಗಳಲ್ಲ ಎಂಬುದನ್ನು ಚೆನ್ನಾಗಿ ವಿವರಿಸಿದ್ದಾರೆ.

ಅಷ್ಟೇ ಅಲ್ಲದೆ ಕುಣಿವ ಮನಸ್ಸನ್ನು ಹಿಡಿತದಲ್ಲಿ ಇಟ್ಟುಕೊಳ್ಳಲು ಯೋಗದ ಸತತ ಅಭ್ಯಾಸ ಮತ್ತು ಸಾಧನೆಯ ಅವಶ್ಯಕತೆ ಮುಖ್ಯ ಎಂಬುದನ್ನು ಅಕ್ಕಮಹಾದೇವಿ ಹಾಗೂ ಬಸವಣ್ಣನವರ ನುಡಿಗಳ ಮೂಲಕ ಮನಮುಟ್ಟುವಂತೆ ತಿಳಿಸಿದ್ದಾರೆ. ಒಟ್ಟಿನಲ್ಲಿ ಈ ಚಿಕ್ಕ ಅಂಕಣದಲ್ಲಿ ಎಷ್ಟೊಂದು ವಿಷಯಗಳನ್ನು ತಿಳಿಸಿಕೊಟ್ಟ ಶ್ರೀಗಳಿಗೆ ಮತ್ತೊಮ್ಮೆ ವಂದನೆಗಳು.

ಗುರುಗಳ ಅಂಕಣವನ್ನು ನಸುಕಿನಲ್ಲಿಯೇ ನಮಗೆ ತಲುಪಿಸಿ ಪ್ರತಿಕ್ರಿಯೆಗಳನ್ನು ಬರೆಯಲು ಪ್ರೋತ್ಸಾಹಿಸುತ್ತಿರುವ ಶ್ರೀ ವೆಂಕಟೇಶ ಶೆಟ್ಟಿಯವರಿಗೆ ನಮಸ್ಕಾರಗಳು
ಸಿ.ಆರ್ ಕೃಷ್ಣ‌ಸ್ವಾಮಿ, ಬೆಂಗಳೂರು

N-2572 

  28-06-2024 07:24 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಕುಣಿವ ಮನಕ್ಕೆ ಯೋಗ ಮದ್ದು*

ಬಹಳ ಗಹನವಾದ ವಿಚಾರವನ್ನು ಮತ್ತೊಮ್ಮೆ ತಮ್ಮ ಜ್ಞಾನಭಂಡಾರದಿಂದ ಹೆಕ್ಕಿ ತೆಗೆದು ಗುರುಗಳು ನಮ್ಮ ಮುಂದಿಟ್ಟಿದ್ದಾರೆ. ಯೋಗ ಎನ್ನುವುದು ಕೇವಲ ದೇಹಕ್ಕಲ್ಲ ಮನಸ್ಸಿಗೂ ಅಷ್ಟೇ ಅವಶ್ಯಕ ಎನ್ನುವುದನ್ನು ತಮ್ಮ ಲೇಖನದ ಮೂಲಕ ವಿವರಿಸಿದ್ದಾರೆ. ನಮ್ಮ ಪೂರ್ವಜರು ದ್ರಷ್ಟಾರರು. ಅವರು ಎಷ್ಟು ಅದ್ಭುತ ವಿಚಾರಗಳನ್ನು ತಮ್ಮ ಮುಂದಿನ ಪೀಳಿಗೆಗಾಗಿ ದಾಖಲಿಸಿ ಹೋಗಿದ್ದಾರೆ! ನಮ್ಮ ಅರಿವಿಗೆ ಬಾರದ ಇನ್ನೂ ಎಷ್ಟೋ ಗ್ರಂಥಗಳು ನಳಂದ ವಿಶ್ವವಿದ್ಯಾಲಯದ ಜೊತೆ ಭಸ್ಮವಾಗಿ ಹೋಗಿವೆ ಎಂದು ಅರಿತಾಗ ನಾವು ಎಷ್ಟು ದುರದೃಷ್ಟವಂತರು ಎನ್ನುವ ಭಾವನೆ ಮೂಡದಿರದು. ಆದರೆ ನಮಗೆ ಲಭ್ಯವಿರುವ ಜ್ಞಾನವನ್ನು ನಾವು ಎಷ್ಟರಮಟ್ಟಿಗೆ ನಮ್ಮ ಜೀವನದಲ್ಲಿ ಅಳವಡಿಸಿಕೊಳ್ಳುತ್ತಿದ್ದೇವೆ ಎಂದು ನಮ್ಮನ್ನು ನಾವೇ ಪ್ರಶ್ನಿಸಿಕೊಂಡು, ಆ ತಪ್ಪನ್ನು ತಿದ್ದಿಕೊಳ್ಳಲು ಕಂಕಣಬದ್ಧರಾಗಬೇಕು. ಆಗಲೇ ನಮಗೆ ಈ ಜ್ಞಾನವನ್ನು ನೀಡಿದವರ ಆಶಯ ಪೂರ್ಣವಾಗುವುದು.


ಯೋಗದಾ ಸೂತ್ರಗಳು ಜೀವನಕೆ ಪಾಠಗಳು
ರಾಗಗಳ ಕಟ್ಟಿಡಲು, ದೇಹ ಸುಸ್ಥಿತಿಗೆ |
ಸಾಗುವುದು ಜೀವನವು ಆನಂದ, ಸ್ವಾಸ್ಥ್ಯದಲಿ
ಭೋಗಕ್ಕೆ ಕಡಿವಾಣ ~ ಪರಮಾತ್ಮನೆ ||


ಇಂತಹ ಅರಿವನ್ನು ನಮ್ಮೊಂದಿಗೆ ಹಂಚಿಕೊಂಡ ಗುರುಗಳಿಗೂ, ಅವರ ವಾಣಿಯನ್ನು ಆಲಿಸಲು ಪ್ರಚೋದಿಸುತ್ತಿರುವ ವೆಂಕಟೇಶ ಶೆಟ್ಟಿಯವರಿಗೂ ಅನಂತ ಪ್ರಣಾಮಗಳು
ಕೃಷ್ಣಕವಿ, ಬೆಂಗಳೂರು

N-2572 

  28-06-2024 04:51 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಗುರುಗಳ ಅಡಿದಾವರೆಗಳಿಗೆ ಭಕ್ತಿ ಪೂರ್ವಕ ನಮಸ್ಕಾರಗಳು,

ದಿನಾಂಕ 26--6 2024 ರ ಗುರುವಾರ ದ ಬಿಸಿಲು ಬೆಳದಿಂಗಳು ಲೇಖನ ದ ವಿಚಾರ " ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ " ಇದರ ಬಗ್ಗೆ ನನ್ನ ಅನಿಸಿಕೆಗಳು..

ಭಾರತೀಯ ಋಷಿಮುನಿಗಳು ವಿಶ್ವಕ್ಕೆ ನೀಡಿದ ಅಮೂಲ್ಯ ಕೊಡುಗೆ ಈ ಯೋಗಭ್ಯಾಸ.
ಯೋಗಭ್ಯಾಸ ಮಾಡುವುದರಿಂದ ಮನುಷ್ಯನ ಆರೋಗ್ಯದಲ್ಲಿ ತುಂಬಾ ಪ್ರಯೋಜನಗಳಿವೆ. " ಅನಾರೋಗ್ಯದ ಬಿಸಿಲು ಕಳೆದು ಸ್ವಸ್ಥತೆಯ ಬೆಳದಿಂಗಳು ಬಾಳನ್ನು ತುಂಬುತ್ತದೆ.

ಭರತವರ್ಷದ ಉದಯದೊಂದಿಗೆ ಯೋಗ ಶಾಸ್ತ್ರವು ಬೆಳೆದು ಬಂದಿದೆ. ಸಿಂಧೂ ನದಿಯ ನಾಗರೀಕತೆಯ ಸಂಸ್ಕೃತಿಯಲ್ಲಿ ಯೋಗ ಶಾಸ್ತ್ರವು ಪ್ರಚಲಿತದಲ್ಲಿತ್ತು ಎಂಬ ವಿಸ್ಮಯಕಾರಿ ಸಂಗತಿ ಬೆಳಕಿಗೆ ಬಂದಿದೆ. ಉತ್ಖನನ ವೇಳೆಯಲ್ಲಿ ಹಲವಾರು ಯೋಗ ಮುದ್ರೆ ಭಂಗಿಯಲ್ಲಿರುವ ಪ್ರತಿಮೆಗಳು ದೊರಕಿವೆ.

ನಾವು ಶಾಲಾ ದಿನಗಳಲ್ಲಿದ್ದಾಗ ದೈಹಿಕ ಶಿಕ್ಷಣದ ಮಾಸ್ತರು ಸಾಮಾನ್ಯ ವ್ಯಾಯಾಮ ಹೇಳಿಕೊಟ್ಟಿದ್ದರು. ಆಗ ಕಲಿಯಲು ಆಸಕ್ತಿ ಇರಲಿಲ್ಲ; ಮಾಡಲೂ ಸೋಮಾರಿತನ. ಇದರ ಬೆಲೆಯಾಗಲಿ ಅಗತ್ಯವಾಗಲಿ ತಿಳಿಯದ ವಯಸ್ಸು. ಬೇಕಾಬಿಟ್ಟಿಯಾಗಿ ಕಲಿತಿದ್ದೆವು. ಆ ಕಸರತ್ತುಗಳೇ ಈಗ ನನ್ನನ್ನು ಆರೋಗ್ಯವಂತಳಾಗಿ ಉಸಿರಾಡಿಕೊಂಡಿರುವುದಕ್ಕೆ ಕಾರಣವಾಗಿವೆ ಎನ್ನಬಹುದು. ಬೆಳಗ್ಗೆ ಎದ್ದ ಕೂಡಲೇ 15 ನಿಮಿಷ ಈ ಕಸರತ್ತು ಮಾಡಿದರೆನೇ ಹೊಟ್ಟೆ ಖಾಲಿಯಾಗುವುದು ಸುಲಭ. ಕಲಿಯುವಾಗ ನಿರ್ಲಕ್ಷಿಸಿಸಿದ್ದ ಈ ವಿದ್ಯೆ ಈಗ ನನ್ನ ಜೀವನವಾಗಿದೆ.

ಯೋಗವು ಯಾವುದೇ ಮತ ಧರ್ಮಗಳ ಚೌಕಟ್ಟಿಗೆ ಒಳಪಡುವುದಿಲ್ಲ. ಯೋಗದಿಂದ ಸಂಯಮ ಹಾಗೂ ಶಿಸ್ತುಬದ್ಧ ಜೀವನ ಸಾಧ್ಯ. ಯೋಗವು ಶರೀರ ಹಾಗೂ ಮನಸ್ಸನ್ನು ಸುಸ್ಥಿತಿಯಲ್ಲಿಡುವ ಒಂದು ಸಾಧನ ಎಂದಿದ್ದಾರೆ ಸ್ವಾಮೀಜಿಯವರು.

ಎಲ್ಲರೂ ಅವಶ್ಯವಾಗಿ ತಿಳಿಯಬೇಕಾದ ವಿಚಾರವಾಗಿದೆ. ಲೇಖನ ತುಂಬಾ ಅತ್ಯುತ್ತಮವಾಗಿ ಮೂಡಿ ಬಂದಿದೆ. ಶೀರ್ಷಿಕೆಯ ವಾಕ್ಯ ಸೊಗಸಾಗಿದ್ದು ತುಂಬಾ ಅರ್ಥಪೂರ್ಣವಾಗಿದೆ.
ಶಕುಂತಲಾ ಸಿದ್ದರಾಜು, ಹೊಸದುರ್ಗ

N-2572 

  28-06-2024 04:39 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಪರಮ ಪೂಜ್ಯ ಶ್ರೀ ಜಗದ್ಗುರುಗಳ ಲೇಖನಕ್ಕೆ ನನ್ನ ಪ್ರತಿಕ್ರಿಯೆ

*ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ*

ಪ್ರತಿ ವರ್ಷ ಜೂನ್ 21ರಂದು ವಿಶ್ವದಾದ್ಯಂತ `ವಿಶ್ವ ಯೋಗ ದಿನ` ವನ್ನಾಗಿ ಆಚರಿಸಲಾಗುತ್ತಿದ್ದು, ಪೂಜ್ಯರು ಅದರ ಹಿನ್ನೆಲೆಯನ್ನು ಹಲವಾರು ವಿವರಣೆಗಳೊಂದಿಗೆ ತಿಳಿಸಿದ್ದಾರೆ.

ಪತಂಜಲಿ ಮಹರ್ಷಿಯವರ ಅಷ್ಟಾಂಗ ಯೋಗಗಳ ಮಹತ್ವ ಹಾಗೂ ಅದರ ಆಚರಣೆಯಿಂದ ಹಲವಾರು ಪ್ರಯೋಜನಗಳು ಇವೆಯೆಂದು ಪರಮ ಪೂಜ್ಯರ ಲೇಖನದಲ್ಲಿ ಮೂಡಿ ಬಂದಿದ್ದು ನಮ್ಮ ಜೀವನದಲ್ಲಿ ಅವುಗಳನ್ನು ಅಳವಡಿಕೊಳ್ಳಲು ಅನುವು ಮಾಡಿದೆ.

ಶ್ರೀ ಗುರುಗಳಿಗೆ ನನ್ನ ಪ್ರಣಾಮಗಳು. ಮಿತ್ರರಾದ ವೆಂಕಟೇಶ ಶೆಟ್ಟರಿಗೆ ಧನ್ಯವಾದಗಳು
ಅಶೋಕ ಟಿ ಎನ್ (ಆರ್ ಬಿ ಐ), ಬೆಂಗಳೂರು

N-2572 

  28-06-2024 04:36 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ"*
ಪರಮಪೂಜ್ಯರ ಈ ಲೇಖನ ಸರ್ವಕಾಲಿಕವಾದ ಅತ್ಯುತ್ತಮ ಆರೋಗ್ಯದ ದಿಕ್ಸೂಚಿಯಾಗಿದೆ ಎಂದರೆ ಅತಿಶಯೋಕ್ತಿಯಾಗಲಾರದು. ಇದು ಅರ್ಥಪೂರ್ಣವಾಗಿದೆ. ಓದುಗರ ಮಾನಸಿಕ ಹಾಗೂ ಶಾರೀರಿಕ ಆರೋಗ್ಯದ ಬಗ್ಗೆ ಬೆಳಕು ಚೆಲ್ಲುವ ಲೇಖನವಾಗಿದೆ.

ಪರಮಪೂಜ್ಯರು ಪ್ರಸ್ತುತ ಒತ್ತಡ ಜೀವನದ ಕಾಲಮಾನದಲ್ಲಿ ಓದುಗರಿಗೆ ಯೋಗದ ಮಹತ್ವದ ಬಗ್ಗೆ ಪರಿಣಾಮಕಾರಿಯಾಗಿ ಸವಿವರವಾಗಿ ಮನವರಿಕೆ ಮಾಡಿದ್ದಾರೆ.

*"ಯೋಗದ ಪ್ರಾಮುಖ್ಯತೆ :"*

ಈ ಲೇಖನ ಇತ್ತೀಚಿಗೆ ಜರುಗಿದ *ಜೂನ್ -21 ಅಂತರರಾಷ್ಟ್ರೀಯ ಯೋಗ ದಿನದ* ಮಹತ್ವವನ್ನು ಸಾರಿದೆ.

1 ಇಲ್ಲಿ ಪತಂಜಲಿ ಮಹರ್ಷಿಗಳ ಯೋಗ ಸೂತ್ರ ನಿದರ್ಶನ ಸಮಯೋಚಿತವಾಗಿದೆ.

2 ಯೋಗ ಯಾವುದೇ ಮತ ಧರ್ಮದ ಚೌಕಟ್ಟಿಗೆ ಒಳಪಡುವುದಿಲ್ಲ.

3 ಯೋಗವು ಸಂಯಮ ಶಿಸ್ತುಬದ್ಧ ಜೀವನ ರೂಢಿಸುತ್ತದೆ.

4 ಯೋಗ ಶರೀರ ಮತ್ತು ಮನಸ್ಸನ್ನು ಸುಸ್ಥಿತಿಯಲ್ಲಿಡುವ ಸಾಧನವಾಗಿದೆ.

5 ಯೋಗ ಮನಸ್ಸಿನಲ್ಲಿ ಹರಿದಾಡುವ ಆಲೋಚನೆಗಳನ್ನು ನಿಯಂತ್ರಿಸುತ್ತದೆ.

6 ಪ್ರತಿನಿತ್ಯ ಕಟ್ಟುನಿಟ್ಟಿನ ಯೋಗ ಮಾಡುವುದು ವ್ಯಕ್ತಿಯ ಶಾರೀರಿಕ ಮಾನಸಿಕ ಆರೋಗ್ಯ ಸುಧಾರಣೆಗೆ ಅತ್ಯಂತ ಉಪಯುಕ್ತವಾಗಿದೆ.

ಹೀಗೆ ಯೋಗದ ಮಹತ್ವದ ಕುರಿತು ಹಲವಾರು ಸಾಂದರ್ಭಿಕ ನಿದರ್ಶನಗಳೊಂದಿಗೆ ಪರಮಪೂಜ್ಯರ ಈ ಲೇಖನ ಅತ್ಯಂತ ಉಪಯುಕ್ತವಾಗಿದೆ.
ಜಿ. ಎ.ಜಗದೀಶ್, ಎಸ್ ಪಿ ನಿವೃತ್ತ, ಬೆಂಗಳೂರು.

N-2572 

  28-06-2024 04:32 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ" ಶ್ರೀ ಗುರುಗಳ ಈ ಸಲದ ಬಿಸಿಲು ಬೆಳದಿಂಗಳು ಶೀರ್ಷಿಕೆಯಿಂದ ತಕ್ಷಣವೇ ಅಂಕಣದಲ್ಲಿ ಏನು ಹೂರಣವಿರಬಹುದು ಎಂಬುದು ಮನಸ್ಸಿನಲ್ಲಿ ಹೊಕ್ಕಿತು. ಯೋಗದ ಮಹತ್ವವನ್ನು ವಿವಿಧ ಆಯಾಮಗಳಿಗೆ ಕೊಂಡೊಯ್ದು ಮನುಷ್ಯರ ಜೀವಿತಾವಧಿಯಲ್ಲಿ ಬಾಲ್ಯದಿಂದ ಮಣ್ಣು ಸೇರುವವರೆಗೂ ಬದುಕಿನ ಆರೋಗ್ಯ ಸ್ತರಗಳನ್ನು ಹೇಗೆ ಆರೋಗ್ಯ ಪೂರ್ಣವಾಗಿ ಸವೆಸಬೇಕು ಎಂದು ಕ್ಲುಪ್ತವಾಗಿ ವಿವರಿಸುತ್ತದೆ. ಶ್ರೀ ಗುರುಗಳು ಅಂಕಣದಲ್ಲಿ, ಅಂಕಣಸಿದ್ದನ್ನು ಪುನರಾವರ್ತನೆ ಮಾಡುವುದಿಲ್ಲ. ಮನುಷ್ಯ ಈ ಜಗತ್ತಿನಲ್ಲಿ ತಾಯಿಯ ಗರ್ಭದಿಂದ ಹೊರಬಿದ್ದ ಕೂಡಲೇ ಯೋಗ ಆರಂಭ ಪ್ರಾರಂಭವಾಗುತ್ತದೆ. ಕಣ್ಣಿಗೆ ಹೊರಗಿನ ಪ್ರಪಂಚ ಕಾಣುವಾಗಲೇ ತನ್ನ ದೇಹದ ಎಲ್ಲಾ ಅಂಗಾಂಗಗಳನ್ನು ಎಚ್ಚರವಿರುವಾಗ ಪೂರ್ಣವಾಗಿ ಚಟುವಟಿಕೆಗಳಿಂದ ಇರಿಸಿರುತ್ತದೆ. ಬೆಳೆಯುತ್ತಾ ವಯಸ್ಸಿಗೆ ತಕ್ಕಂತೆ ತಾನೇ ತಾನಾಗಿ ಚಟುವಟಿಕೆಗಳಿಂದ ಕೂಡಿರುತ್ತದೆ. ಅನ್ನಪ್ರಾಶನ ನಂತರ Pre School ಮತ್ತು ಶಾಲಾ ಪ್ರಾರಂಭದ ಅವಧಿಯಲ್ಲಿ ಓದಿನ ಜೊತೆಗೆ ಆಟ ಪಾಠ ಮತ್ತು ಪ್ರಮುಖವಾಗಿ ಯೋಗಾಭ್ಯಾಸ. ಇದಕ್ಕಾಗಿ ಪಠ್ಯಕ್ರಮದಲ್ಲಿ ಯೋಗವನ್ನು ಕಲಿಕೆಯ ಎಲ್ಲಾ ಹಂತಗಳಲ್ಲಿ ಇರಿಸುವುದು ಯುವಜನರಲ್ಲಿ ಮಾನಸಿಕ ಮತ್ತು ದೇಹ ಬಲವನ್ನು ಹಾಸುಹೊಕ್ಕಾಗಿಸುವುದು.
ಪ್ರಭುದೇವ್ ಮತ್ತು ಕುಟುಂಬದವರು, ಶಿವಮೊಗ್ಗ.

N-2572 

  28-06-2024 04:23 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಕುಣಿವ ಮನಕ್ಕೆ ಯೋಗ ಮದ್ದು

ಶ್ರೀಗಳ ಅಂಕಣಕ್ಕೆ ಪ್ರತಿಕ್ರಿಯೆ.

ಶರೀರ ಮತ್ತು ಮನಸ್ಸನ್ನು ಸುಸ್ಥಿತಿಯಲ್ಲಿಡುವ ಸಾಧನವೇ ಯೋಗ. ಕ್ರಿ.ಪೂ. ಎರಡನೇ ಶತಮಾನದಲ್ಲಿ ಮಹರ್ಷಿ ಪತಂಜಲಿಯಿಂದ ರಚಿತವಾದ ಯೋಗ ಸೂತ್ರ ಗ್ರಂಥದಲ್ಲಿರುವ ಒಟ್ಟು ಸೂತ್ರಗಳ ಸಂಖ್ಯೆ ೧೯೬. 2014ರಲ್ಲಿ ವಿಶ್ವ ಯೋಗ ದಿನವೂ ಸೇರ್ಪಡೆಗೊಂಡು ಪ್ರತಿ ವರ್ಷ ಜೂನ್ 21ರಂದು ಭಾರತ ಸೇರಿದಂತೆ ಪ್ರಪಂಚದಾದ್ಯಂತ ಅನೇಕ ದೇಶಗಳಲ್ಲಿ ಯೋಗ ದಿನಾಚರಣೆಯನ್ನು ಆಚರಿಸುತ್ತಾರೆ. ಜೊತೆಗೆ ಪ್ರತಿ ದಿನವೂ ಸಹ ಯೋಗ ಅಭ್ಯಾಸ ಮಾಡುವ ಜನರಿದ್ದಾರೆ. ಯೋಗಕ್ಕೆ ಯಾವುದೇ ಮತ ಧರ್ಮದ ಚೌಕಟ್ಟಿಲ್ಲ ಎಂದು ಶ್ರೀಗಳು ತಮ್ಮ ಅಂಕಣದಲ್ಲಿ ವಿಶೇಷವಾಗಿ ವಿವರವಾಗಿ ತಿಳಿಸಿದ್ದಾರೆ.

ಶ್ರೀಗಳು ವಿಯೆನ್ನಾ ವಿ.ವಿಯಲ್ಲಿ ಓದುತ್ತಿದ್ದ ಸಂದರ್ಭದಲ್ಲಿ ಯೋಗ ಪಾಕ ಶಾಸ್ತ್ರ ಪುಸ್ತಕದ ವಿವರಗಳ ಜೊತೆಗೆ ಅಷ್ಟಾಂಗ ಯೋಗದ ಎಂಟು ಹಂತಗಳ ಬಗ್ಗೆ ತಿಳಿಸುತ್ತಾ ಬಸವಣ್ಣನವರು ತಮ್ಮ ವಚನಗಳಲ್ಲಿಯೇ ಯೋಗದ ಮಹತ್ವವನ್ನು ಸಾರಿರುವ ಅಂಶಗಳನ್ನು ತಿಳಿಸಿದ್ದಾರೆ. ದೈಹಿಕ ಮಾನಸಿಕ ಮತ್ತು ಆಧ್ಯಾತ್ಮಿಕ ಸಾಧನೆಯೇ ಯೋಗ. ಇಂದಿನ ಯುವಕರಲ್ಲಿ ಬೆರಳೆಣಿಕೆಯಷ್ಟು ಜನ ಮಾತ್ರ ಯೋಗದ ಮಹತ್ವವನ್ನು ಅರಿತು ಜೀವನದಲ್ಲಿ ಅಳವಡಿಸಿಕೊಳ್ಳುತ್ತಿದ್ದಾರೆ. ಆದರೆ ಇನ್ನೂ ಕೆಲವು ಯುವಕರು ಅಸಹಜ ಚಟುವಟಿಕೆಗಳಲ್ಲಿ ತೊಡಗಿ ದೇಹ, ಮನಸ್ಸು ಹಾಗೂ ಆರೋಗ್ಯವನ್ನು ಹತೋಟಿಯಲ್ಲಿ ಇಟ್ಟುಕೊಳ್ಳುವಲ್ಲಿ ವಿಫಲರಾಗುತ್ತಿದ್ದಾರೆ. ಮನಸ್ಸಿನ ಹತೋಟಿಗೆ ಮೂಲ ಸಾಧನವೇ ಯೋಗ. ಯೋಗದಿಂದ ಮನಸ್ಸು ನಮ್ಮ ಹತೋಟಿಗೆ ಬರುವುದರ ಜೊತೆಗೆ ತಾಳ್ಮೆಯೂ ಸಹ ಹೆಚ್ಚುತ್ತದೆ. ಆದ್ದರಿಂದ ಇಂದಿನ ಯುವಕರು ಶ್ರೀಗಳು ಹೇಳಿರುವ ಯೋಗದ ಮಹತ್ವವನ್ನು ಅರಿತು ತಮ್ಮ ಜೀವನದಲ್ಲಿ ಅಳವಡಿಸಿಕೊಳ್ಳಬೇಕಿದೆ. ನಿಜಕ್ಕೂ ಶ್ರೀಗಳ ಈ ಅಂಕಣವು ಮನಸ್ಸಿನ ವಿಕೃತ ಆಲೋಚನೆಗಳನ್ನು ಹತ್ತಿಕ್ಕಿ ಮನಸುಗಳನ್ನು ಸೂಕ್ಷ್ಮವಾಗಿ ಆರೋಗ್ಯಕರ ಜೀವನಕ್ಕೆ ಕರೆತರುವ ಸಾಧನವಾಗಿದೆ.


ಪ್ರತಿಕ್ರಿಯೆ ಬರೆಯಲು ಅವಕಾಶ ನೀಡುವ ರಾ. ವೆಂಕಟೇಶ್ ಶೆಟ್ಟಿ ಸರ್ ಅವರಿಗೆ ಅಭಿನಂದನೆಗಳು.
ಸುನೀಲ್ ಕುಮಾರ್ ಎಸ್.ಎಂ ಶಿಕ್ಷಕರು ಹಾಗೂ ಪತ್ರಕರ್ತರು, ವಿಜಯ ಕರ್ನಾಟಕ ದಿನಪತ್ರಿಕೆ. ಸಿರಿಗೆರೆ.

N-2572 

  28-06-2024 04:17 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಬಿಸಿಲು ಬೆಳದಿಂಗಳು
ಅಂಕಣ. 27-6-2024
ಶ್ರೀ ಗುರುಗಳವರ ಇಂದಿನ ಅಂಕಣ ಓದಿದೆ. ಮುಕ್ತಕಗಳನ್ನು ಬರೆಯುವ ಅಭ್ಯಾಸ ನನ್ನಲ್ಲಿದ್ದು ಆ ಮಾಧ್ಯಮದ ಮೂಲಕವೇ ನನ್ನ ಪ್ರತಿಕ್ರಿಯೆ ಬರೆಯಬೇಕಿನಿಸಿ, ಶ್ರೀ ಗುರುಗಳಿಗೆ ೭೦೫ ನೆಯ ಈ ಮುಕ್ತಕ ಸಮರ್ಪಣೆ:

.*ಬಂಗಾರ ಹರಿವಾಣದಲ್ಲಿರಿಸಿ ನೀಡಿಹುದು/*
*ಸಿಂಗಾರಗೊಂಡಿರುವ ಶ್ರೀನುಡಿಗಳಿಂದು/*
*ಮುಂಗೋಳಿ ಕೂಗುತಿಹ ವೇಳೆಯಲಿ ರಿಂಗಣಿಸಿ*/
*ತಂಗಾಳಿ ಬೀಸಿಹುದು..ವೆಂಕಟಸುತ*//

ಅನಾದಿ ಕಾಲದಿಂದಲೂ ಋಷಿಮುನಿಗಳ ಹಾಗೂ ಆರಾಧಕರ ಸಾಧನೆಯ ಕ್ರಮವಾಗಿದ್ದ ಯೋಗಾಸನಗಳ ಮಹತ್ವವನ್ನು ತಿಳಿಯಪಡಿಸಿರುವ ಇಂದಿನ ಅಂಕಣ ಹಲವು ವಿಶಿಷ್ಟತೆಗಳನ್ನು ಸಾರುತ್ತಿದೆ. ಯಾಂತ್ರೀಕರಣದ ಕೊಡುಗೆಯನ್ನು ಅಪ್ಪಿಕೊಂಡ ನಾವುಗಳು ವೇಗವಾಗಿ ಮುನ್ನಡೆಯನ್ನು ಸಾಧಿಸಿರುವೆವೆಂದು ಬೀಗಿದರೂ ಶಾರೀರಿಕ ಶ್ರಮಸಂಸ್ಕೃತಿಯಿಂದ ಬಹುದೂರ ಸಾಗಿಬಂದಿರುವುದನ್ನು ಮರುಪರಿಶೀಲನೆ ಮಾಡಬೇಕಾದ ಹಂತದಲ್ಲಿದ್ದೇವೆ. ಭಾರತದ ಅಮೂಲ್ಯ ಕೊಡುಗೆ ಎನಿಸಿರುವ ಯೋಗದ ಮಹತ್ವವನ್ನು ಜಗತ್ತಿಗೆ ಪರಿಚಯಿಸಿ, ಆ ಕ್ರಮವನ್ನು ಆಚರಣೆ ಮಾಡುವಂತೆ ಮನವೊಲಿಸಿದ ಖ್ಯಾತಿ ನಮ್ಮ ಪ್ರಧಾನಿಯವರಾದ ನರೇಂದ್ರ ಮೋದಿಯವರಿಗೆ ಸಲ್ಲುತ್ತದೆ. ವಿಶ್ವವೇ ಕಣ್ತೆರೆದು ಯೋಗದತ್ತ ಮನಸು ಹೊರಳಿಸಿದ ಯೋಗದಿನಾಚರಣೆಯ ದಶಮಾನೋತ್ಸವ ಸಂದರ್ಭದಲ್ಲಿ ಶ್ರೀ ಗಳವರ ಇಂದಿನ ಅಂಕಣವು ವಿವಿಧ ದೃಷ್ಟಿಕೋನದಿಂದ ಅರ್ಥಪೂರ್ಣವಾಗಿ ಅರಳಿದೆ. ಶ್ರೀ ಗಳಿಗೆ ನನ್ನ ನಮನಗಳು. ಜೊತೆಗೆ ಅಂಕಣವನ್ನು ಮನೆಮಾತಾಗಿಸಲು ನಿರಂತರ ಶ್ರಮಿಸುತ್ತಿರುವ ರಾ.ವೆಂಕಟೇಶ ಶೆಟ್ಟರಿಗೆ ಆತ್ಮೀಯ ಅಭಿನಂದನೆಗಳು.
ಟೀಕಾ. ಸುರೇಶ ಗುಪ್ತ, ಚಿತ್ರದುರ್ಗ

N-2572 

  28-06-2024 04:09 PM   

ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!

 ಸಿರಿಗೆರೆಯ ತರಳಬಾಳು ಜಗದ್ಗುರು *ಡಾ||ಶಿವಮೂರ್ತಿ ಶಿವಾಚಾರ್ಯ* ಮಹಾಸ್ವಾಮಿಗಳವರ
" *ಬಿಸಿಲು ಬೆಳದಿಂಗಳು* " ಸಂಚಿಕೆ
" *ಕುಣಿಯುವ ಮನಸ್ಸಿಗೆ ಕುಣಿಕೆ ಹಾಕುವುದೇ ಯೋಗ!* " ದ ಕುರಿತು ನನ್ನ ಅನಿಸಿಕೆ.

ಈ ಬಾರಿ ಜೂನ್ 21ರಂದು ನಡೆದ " *ವಿಶ್ವ ಯೋಗ ದಿನ* " ದ ಸಂದರ್ಭದಲ್ಲಿ ಮೂಡಿದ ಈ ಲೇಖನ ತಂಬಾ ಸಮಯೋಚಿತವಾಗಿದೆ. ಗುರುಗಳು ಸದಾ ತತ್ ಕ್ಷಣದ ವಿದ್ಯಮಾನಗಳ ಮೇಲೆ ಬೆಳಕು ಚೆಲ್ಲಿ ನಮ್ಮನ್ನು ಆ ವಿಷಯದ ಬಗ್ಗೆ ಜ್ಞಾನಾಸಕ್ತರನ್ನಾಗಿರುವಂತೆ ಪ್ರೇರೇಪಿಸುತ್ತಿದ್ದಾರೆ. ನಿಜಕ್ಕೂ ಇದು ಸಮಾಜವನ್ನು ಜಾಗೃತವನ್ನಾಗಿ ಮಾಡುತ್ತಿದೆ.

ಗುರುಗಳು ಜೂನ್ 21 ರಂದೇ ಯೋಗ ದಿನವೆಂದು ನಿರ್ಧಾರ ಮಾಡಿರುವುದರ ಔಚಿತ್ಯವನ್ನು ಮನದಟ್ಟು ಮಾಡಿಕೊಟ್ಟಿದ್ದಾರೆ; ಆ ದಿನ ವರ್ಷದ ಅತ್ಯಂತ ದೀರ್ಘಾವಧಿಯ ದಿನ. ಅಂದು ಹೆಚ್ಚಿನ ಬೆಳಕು ಇರುವಂತೆ ವ್ಯಕ್ತಿಯ ಬದುಕಿನಲ್ಲಿ ಹೊಸ ಬೆಳಕು ನವ ಚೈತನ್ಯ ಮೂಡಲಿ ಎಂಬ ಆಶಯ. ಈ ದಿನವನ್ನು ಅರ್ಥ ಪೂರ್ಣವಾಗಿ ಆಯ್ಕೆ ಮಾಡಿದವರು ನಿಜಕ್ಕೂ ಪ್ರಶಂಸಾರ್ಹರು.

ಯೋಗವು ಯಾವುದೇ ಜಾತಿ ಮತಕ್ಕೆ ಸಂಬಂಧಪಟ್ಟಿದ್ದಲ್ಲ. ಅದರ ಧ್ಯೇಯವೇನಿದ್ದರೂ ಜೀವ, ಜಗತ್ತು ಮತ್ತು ಚೈತನ್ಯದ ಉನ್ನತೀಕರಣವೇ ಆಗಿದೆ.

ಯೋಗದಿಂದ ದೈಹಿಕ, ಮಾನಸಿಕ ಮತ್ತು ಆಧ್ಯಾತ್ಮಿಕ ಆರೋಗ್ಯ ಲಭಿಸುತ್ತದೆ ಮತ್ತು ಸಂಯಮ ಹಾಗೂ ಶಿಸ್ತು ಬದ್ಧ ಜೀವನ ನಮ್ಮದಾಗುತ್ತದೆ ಎಂದು ವಿವರಿಸಿದ್ದಾರೆ.

ಗುರುಗಳು ಅಷ್ಟಾಂಗ ಯೋಗಗಳನ್ನು ವಿವರಿಸುತ್ತಾ ಅವು ಶರೀರ ಮತ್ತು ಮನಸ್ಸಿನ ಅಂತರಂಗ ಮತ್ತು ಬಹಿರಂಗ ಶುಚಿತ್ವವನ್ನು ನೀಡುವ ಸಾಧನಗಳು ಎಂದು ವಿವರಿಸಿದ್ದಾರೆ.

ಯೋಗಿಯಾದವನು ದೇಹಕ್ಕೆ ಸಂಬಂಧಿಸಿದ ಆಸನಗಳ ಪರಿಣಿತಿಯ ಜೊತೆಗೆ ಮಾನಸಿಕ ಆರೋಗ್ಯ ಪಡೆಯಲು ಅಜ್ಞಾನ,ಅಹಂಕಾರ,ರಾಗ,ದ್ವೇಷ ಮತ್ತು ಮೋಹ ಎಂಬ ಕ್ಲೇಶಕಾರಕಗಳನ್ನು ಮೆಟ್ಟಿ ನಿಲ್ಲ ಬೇಕಾಗುತ್ತದೆ. ಆಗ ಮಾತ್ರ ಅವನು ಯೋಗಿಯಾಗುತ್ತಾನೆ; ಇಲ್ಲದಿದ್ದರೆ ಕೇವಲ ಯೋಗ ಪಟುವಾಗಬಲ್ಲ ಎಂದು ಎಚ್ಚರಿಸಿದ್ದಾರೆ.

ಮನುಷ್ಯ ಲೌಕಿಕ ಆಕರ್ಷಣೆಗಳಿಂದಾಗುವ ತನ್ನ ಚಂಚಲ ಮನಸ್ಸಿಗೆ ತನ್ನ ಧೃಡ ನಿರ್ಧಾರದಿಂದ ಕುಣಿಕೆಯನ್ನು ಹಾಕಬೇಕು, ವಿಕೃತ ಆಲೋಚನೆಗಳನ್ನು ಹತ್ತಿಕ್ಕಬಲ್ಲ ಗಾರುಡಿಗನಾಗಬೇಕು ಎಂದು ಯೋಗದ ಬಗ್ಗೆ ನಮಗೆ ಮನವರಿಕೆ ಮಾಡಿಕೊಟ್ಟ ಮಹಾಗುರುಗಳಿಗೆ ಶಿರಸಾಷ್ಟಾಂಗ ಪ್ರಣಾಮಗಳು.

ಗುರುಗಳ ವಿಚಾರ ಧಾರೆಯನ್ನು ನಮಗೆಲ್ಲಾ ತಲುಪಿಸಿ ನಮ್ಮ ಅನಿಸಿಕೆಯನ್ನು ಪಡೆಯುತ್ತಿರುವ *ರಾ.ವೆಂಕಟೇಶ ಶ್ರೇಷ್ಠಿ* ಇವರಿಗೆ ಧನ್ಯವಾದಗಳು.
ನಾರಾಯಣ ದೊಂತಿ, ಚಿತ್ರದುರ್ಗ