N-2556 

  13-06-2024 02:55 PM   

ಮತ್ತೊಬ್ಬ ಟಿ.ಎನ್. ಶೇಷನ್ ಗಾಗಿ ಭಾರತ ದೇಶ ಕಾಯುತ್ತಿದೆ….!

 ಪೂಜ್ಯರ ಪಾದಗಳಿಗೆ ನಮಿಸುತ್ತ ಇಂದಿನ ಅಂಕಣ *ಮತ್ತೊಬ್ಬ T N ಶೇಷನ್ ಗಾಗಿ ಭಾರತ ಕಾಯುತ್ತಿದೆ*. ಎಂಬ ಅಂಕಣವನ್ನು ಓದುತ್ತಾ ನನ್ನ ಅಭಿಪ್ರಾಯದಲ್ಲಿ ಕಾಯುವ ಅವಶ್ಯಕತೆ ಇಲ್ಲ. ಏಕೆಂದರೆ ಚುನಾವಣೆ ಅಧಿಕಾರಿಯಾಗಿ ಪ್ರಾಮಾಣಿಕವಾಗಿ ಕಾರ್ಯ ನಿರ್ವಹಿಸಿ ನಿವೃತ್ತಿಯ ನಂತರ ಅವರು ಚುನಾವಣೆಗೆ ನಿಂತಾಗ ಅವರು ಸಹ ಸೋಲುತ್ತಾರೆ ಎಂದರೆ ಎಲ್ಲಿದೆ ನ್ಯಾಯ?. ಸಂವಿಧಾನ ಶಿಲ್ಪಿ ಅಂಬೇಡ್ಕರ್ ಅವರನ್ನು ಬಿಟ್ಟಿಲ್ಲ. ಈಗಿನ ಪರಿಸ್ಥಿತಿಯಲ್ಲಿ ನಿಯತ್ತಾಗಿ ಇದ್ದವನನ್ನು ಆರೋಪಿಯನ್ನಾಗಿ ಮಾಡುತ್ತಾರೆ. ಪ್ರಾಮಾಣಿಕವಾಗಿ ಚುಣಾವಣೆ ಮಾಡಬೇಕಂದರೆ 2 ಎಕರೆ ಜಮೀನು ಇರಬೇಕು ಬಿಪಿಎಲ್ ಕಾರ್ಡ್ ಹೊಂದಿರಬೇಕು, ತಂದೆ ತಾಯಿಗಳನ್ನು ಸಾಕಲು ಯೋಗ್ಯವಂತನು, ಡಿಗ್ರಿ ಪಾಸ್ ಆಗಿರಬೇಕು. ಇಷ್ಟು ಯೋಗ್ಯತೆ ಇರುವ ವ್ಯಕ್ತಿಯನ್ನು ಚುನಾವಣೆಗೆ ನಿಲ್ಲಿಸಿದರೆ ಟಿ,ಎನ್, ಶೇಷನ್ ರಂತ ಪ್ರಾಮಾಣಿಕ ವ್ಯಕ್ತಿಗಳು ಸಹ ಬೇಕಾಗಿಲ್ಲ. ನಮ್ಮ ಪೂಜ್ಯರು ಈ ಸಲಹೆ ಗಳನ್ನು ಕೊಡಬೇಕಾಗಿ ವಿನಂತಿ.
ಮಂಜನಗೌಡ ಕೆ. ಜಿ, ಭರಮಸಾಗರ

N-2556 

  13-06-2024 02:36 PM   

ಮತ್ತೊಬ್ಬ ಟಿ.ಎನ್. ಶೇಷನ್ ಗಾಗಿ ಭಾರತ ದೇಶ ಕಾಯುತ್ತಿದೆ….!

 ಪರಮ ಪೂಜ್ಯ ಜಗದ್ಗುರುಗಳವರ ಇಂದಿನ ಲೇಖನ ನಮ್ಮ ದೇಶದಲ್ಲಿ ಇಂದು ನಡೆಯುತ್ತಿರುವ ಚುನಾವಣೆಗಳ ಅವ್ಯವಸ್ಥೆ ಕುರಿತು ತಿಳಿಸುತ್ತಾ ಹೇಗೆ ಹಣ ಬಲ ಚುನಾವಣೆಯಲ್ಲಿ ಪ್ರಭಾವ ಬೀರಿ ಕಾನೂನು, ವ್ಯಕ್ತಿತ್ವ, ಒಳ್ಳೆಯತನ, ಪ್ರಾಮಾಣಿಕತೆ ಇವುಗಳನ್ನು ಮೀರಿ ರಾಜಕೀಯ ದುರುಳ ಶಕ್ತಿ ಬೆಳೆಯಲು ಕಾರಣವಾಗುತ್ತದೆಯೆಂಬುದನ್ನು ಇಂಗ್ಲೆಂಡ್ ದೇಶದ ಅಧ್ಯಕ್ಷ ಚರ್ಚಿಲ್ ಗೆ ಆದ ಅನುಭವ, ಸಂವಿಧಾನ ಕರ್ತೃ ಎಂದು ಕರೆಯಲ್ಪಡುವ ಅಂಬೇಡ್ಕರ್ ಮತ್ತು ಚುನಾವಣಾ ಆಯೋಗದ ಮುಖ್ಯ ಆಯುಕ್ತರಾಗಿ ಹಲವು ಸುಧಾರಣೆಗಳನ್ನು ತಂದು ದೇಶದ ಗಮನ ಸೆಳೆದ ಟಿ. ಎನ್. ಶೇಷನ್ ಅಂಥವರು ಸಹ ಸ್ವತ: ಚುನಾವಣೆಯಲ್ಲಿ ಸ್ಪರ್ಧಿಸಿ ಹೀನಾಯವಾಗಿ ಸೋಲು ಅನುಭವಿಸಿದ್ದನ್ನು ಉದಾಹರಣೆ ಸಹಿತ ಇಂದಿನ ಹತೋಟಿ ತಪ್ಪಿದ ಪರಿಸ್ಥಿಯ ಬಗ್ಗೆ ನಿರಾಶೆಯ ವ್ಯಥೆಯನ್ನು ಲೇಖನ ರೂಪದಲ್ಲಿ ವ್ಯಕ್ತ ಪಡಿಸಿದ್ದಾರೆ.

ಬಹುಷಃ ಈ ಅವ್ಯವಸ್ಥೆಯನ್ನು ಪರಿವರ್ತನೆ ಮಾಡಲು ಸಾಧ್ಯವಾಗದಂತಹ ಸ್ಥಿತಿಯನ್ನು ನಮ್ಮ ದೇಶದ ರಾಜಕೀಯ ಪರಿಸ್ಥಿತಿ ತಲುಪಿ, ಅತಂತ್ರ ವ್ಯವಸ್ಥೆ ನಿರ್ಮಾಣವಾಗಿದೆಯೆಂದರೆ
ಅದಕ್ಕೆ ಆಡಳಿತ ಚುಕ್ಕಾಣಿ ಹಿಡಿಯುವ ರಾಜಕಾರಣಿಗಳು,ಸರಕಾರಗಳೇ ಕಾರಣವಾಗುತ್ತವೆ.

ಕಾರಣವೇನೆಂದರೆ ಚುನಾವಣಾ ಆಯೋಗಕ್ಕೆ ಕಮಿಷನರುಗಳನ್ನು ನೇಮಕ ಮಾಡುವ ಅಧಿಕಾರವೂ ಸಹ ಸರಕಾರಕ್ಕೆ ಇದ್ದು ಈಗ ಕೇಂದ್ರದ ಹೊಸ ಸರಕಾರವು ಪರಮ ಪೂಜ್ಯ ಜಗದ್ಗುರುಗಳವರ ಮನದಾಳದ ಅಭಿಲಾಷೆ ಮತ್ತು ಅಪ್ಪಣೆಯಂತೆ ಶೇಷನ್ ಅವರಂತಹ ದಕ್ಷ, ಪ್ರಾಮಾಣಿಕ ವ್ಯಕ್ತಿತ್ವದ ಹಿನ್ನೆಲೆಯುಳ್ಳ ಅಧಿಕಾರಿಗಳನ್ನು ನೇಮಿಸುವ ದಿಟ್ಟ ನಿರ್ಧಾರವನ್ನು ತೆಗೆದುಕೊಳ್ಳುವುದು ಸಕಾಲಿಕವಾಗಿದೆ.

ಇದೆಲ್ಲವನ್ನು ನೋಡುತ್ತಿದ್ದರೆ ಪ್ರಜಾ ಪ್ರಭುತ್ವ ವ್ಯವಸ್ಥೆ ನಿಜವಾಗಿ ನಮ್ಮ ದೇಶದ ಸಾಮಾಜಿಕ ಪರಿಸ್ಥಿತಿಗೆ ಹೊಂದಿಕೊಳ್ಳುವುದೋ? ಅಥವಾ ಅಮೇರಿಕಾ ಸಂಯುಕ್ತ ಸಂಸ್ಥಾನಗಳಲ್ಲಿ ಇರುವಂತೆ ಅಧಿಕೃತ ಎರಡೇ ಪಕ್ಷಗಳ ಅಧ್ಯಕ್ಷೀಯ ಮಾದರಿ ಆಡಳಿತ ವ್ಯವಸ್ಥೆ ಸರಿಯಾಗಬಹುದೇ? ಎಂಬ ಚಿಂತನೆ ಉಂಟಾಗುತ್ತದೆ.
ಈ ವ್ಯವಸ್ಥೆ ಬಂದರೆ ಸ್ವಲ್ಪ ಮಟ್ಟಿಗೆ ಹಣ ಬಲ, ಛೋಟಾ ಮೋಟಾ ಪಕ್ಷಗಳ ಉಪದ್ರವ ನಿಯಂತ್ರಣಕ್ಕೆ ಬರಬಹುದೇನೋ.ಬಹಳ ಹಿಂದೆ ಆಗಿನ ಮುಖ್ಯಮಂತ್ರಿಗಳಾಗಿದ್ದ ರಾಮಕೃಷ್ಣ ಹೆಗಡೆ ಅವರು ಈ ರೀತಿಯ ಅಧ್ಯಕ್ಷಿಯಾ ಮಾದರಿ ಆಡಳಿತ ವ್ಯವಸ್ಥೆ ಕುರಿತು ಅಭಿಪ್ರಾಯ ವ್ಯಕ್ತ ಪಡಿಸಿದ್ದರು.

ಏಕೆಂದರೆ ಒಂದು ದೊಡ್ಡ ಪಕ್ಷ ಅಧಿಕಾರಕ್ಕೆ ಬರುವಷ್ಟು ಬಹುಮತ ಪಡೆಯದೇ ಇದ್ದಾಗ ಸಣ್ಣ ಪಕ್ಷಗಳಿಂದ ಗೆಲ್ಲುವ ಹತ್ತಾರು ಸದಸ್ಯರುಗಳು ಮೇಲುಗೈ ಸಾಧಿಸಿ ಅವರ ಬೆಂಬಲವಿಲ್ಲದೆ ಸರಕಾರ ರಚನೆಗೆ ಸಾಧ್ಯವಾಗದ ಮಟ್ಟಿಗೆ ತಮ್ಮ ಹಿಡಿತ ಸಾಧಿಸಿ ಆಡಳಿತದ ನಿಯಂತ್ರಣ ದುರ್ಬಲವಾಗಲು ಕಾರಣವಾಗಿ `ಬಾಲವೇ ನಾಯಿಯನ್ನು ಅಲುಗಾಡಿಸುವಂತಹ` ಪರಿಸ್ಥಿತಿ ನಿರ್ಮಾಣವಾಗುತ್ತದೆ.

ದೊಡ್ಡ ಪಕ್ಷಗಳಿಗೆ ಬಹುಮತ ಗಳಿಸುವ ವಿಶ್ವಾಸದ ಕೊರತೆಯಿಂದಲೋ,ಏನೋ
ಈಗ ಅನೇಕ ಪಕ್ಷಗಳು ಸೇರಿ `ಸಮಾನ ಮನಸ್ಕರು` ಎಂಬ ಹೆಸರಿನಲ್ಲಿ ಎನ್ ಡಿ ಎ ಮತ್ತು ಐ ಎನ್ ಡಿ ಐ ಎ ಗುಂಪುಗಳನ್ನು ಮಾಡಿಕೊಳ್ಳುವ ಪರಿಸ್ಥಿತಿ ನಿರ್ಮಾಣವಾಗಿದ್ದು ಅಧಿಕಾರಕ್ಕಾಗಿ ಮತ್ತೆ ಚೌಕಸಿ ರಾಜಕಾರಣ ಶುರುವಾಗಲು ಕಾರಣವಾಗಿದೆ.

ಈಗ ಒಂದು ದೊಡ್ಡ ಪಕ್ಷಕ್ಕೆ ಸಹಕಾರ ನೀಡಿದವರು ನಾಳೆ ಯಾವುದೋ ನೆಪವೊಡ್ಡಿ ಮತ್ತೊಂದು ದೊಡ್ಡ ಪಕ್ಷಕ್ಕೆ ತಮ್ಮ ಬೆಂಬಲವನ್ನು ನೀಡಿ ಸರಕಾರದ ಪತನಕ್ಕೆ ಕಾರಣವಾಗಬಹುದು.

ಇಂತಹ ಅತಂತ್ರ ಪರಿಸ್ಥಿತಿ
ದೇಶದ ಸುಭದ್ರ ಆಡಳಿತಕ್ಕೆ ಮಾರಕವಾಗಿ ಪ್ರಜಾಪ್ರಭುತ್ವಕ್ಕೆ ಧಕ್ಕೆ ಬಂದು ದುರ್ಬಲ ಶಾಸಕಾಂಗದಿಂದ ಆಡಳಿತಾಂಗ ಮೇಲುಗೈ ಸಾಧಿಸುವಂತಾಗುತ್ತದೆ.

ಇಂದಿನ ಲೇಖನ ಚಿಂತನೆಗೆ ಒಳಪಡಿಸುವಂತಿದ್ದು ಪ್ರಸಕ್ತ ಸನ್ನಿವೇಶದಲ್ಲಿ ಪರಮ ಪೂಜ್ಯ ಜಗದ್ಗುರುಗಳವರು ಮತದಾರರ ಮತ್ತು ಸುಭದ್ರ ಆಡಳಿತದ ಹಿತದೃಷ್ಟಿಯಿಂದ ಚುನಾವಣೆಗಳ ಸುಧಾರಣೆ ಕುರಿತಂತೆ ಕೇಂದ್ರ ಸರಕಾರಕ್ಕೆ ಸೂಕ್ತ ಮಾರ್ಗದರ್ಶನ ಮಾಡುವುದು ಸಮಂಜವೆಂದು ಭಾವಿಸುತ್ತೇನೆ...
ಪರಮ ಪೂಜ್ಯರ ಅರ್ಥಪೂರ್ಣ
ಮತ್ತು ಸಕಾಲಿಕ ಲೇಖನಕ್ಕಾಗಿ ಭಕ್ತಿ ಪೂರ್ವಕ ಪ್ರಣಾಮಗಳು...

🙏🏻🙏🏻🙏🏻
ಡಿ. ಪ್ರಸನ್ನಕುಮಾರ್
ಬೆಂಗಳೂರು

N-2556 

  13-06-2024 01:57 PM   

ಮತ್ತೊಬ್ಬ ಟಿ.ಎನ್. ಶೇಷನ್ ಗಾಗಿ ಭಾರತ ದೇಶ ಕಾಯುತ್ತಿದೆ….!

 ಪೂಜ್ಯ ಗುರುಗಳಿಗೆ ವಂದನೆಗಳು,
ಈ ದಿನದ ಅಂಕಣ ಸಮಯೋಚಿತವಾಗಿದೆ. ಮತ್ತೊಬ್ಬ ಶೇಷನ್ ಅನಿವಾರ್ಯ ಅನ್ನುವುದನ್ನು ಅಲ್ಲಗೆಳೆಯಲಾಗದು. ನಾವು ಚುನಾಯಿಸಿದವರು ಸರಿ ಇಲ್ಲದಿದ್ದರೆ ನಮ್ಮ ಮತವನ್ನು ವಾಪಸ್ ಪಡೆಯುವ ಹಕ್ಕೂ ನಮಗಿರಬೇಕಿತ್ತು. ಇದು ಅಸಾಧ್ಯ.

ಹಿಂದಿನ ಎರಡೂ ಅಂಕಣಗಳಲ್ಲಿ ಅರಬ್ ದೇಶಗಳ ಧಾರ್ಮಿಕ ಸಮಾನತೆಗಳ ಬಗ್ಗೆ ಬಹಳ ಸುಂದರವಾಗಿ ತಿಳಿಸಿಕೊಟ್ಟಿದ್ದೀರಿ. ಇಂದಿನ ಅಂಕಣದಲ್ಲಿ ಇಲ್ಲಿಯ ಮತಗಾರರ ಮಾನಸಿಕ ಸ್ಥಿತಿ ಬಗ್ಗೆ ತಿಳಿಸಿದ್ದೀರಿ. ಪ್ರಜ್ಞಾವಂತರೆಲ್ಲರೂ ಮತ ಚಲಾಯಿಸಿದರೆ ಒಳ್ಳೆಯ ಆಡಳಿತ ಸಿಗಬಹುದು.

ಪ್ರತಿಕ್ರಿಯೆಗೆ ಪ್ರೋತ್ಸಾಹ ನೀಡುತ್ತಿರುವ ವೆಂಕಟೇಶ್ ಶೆಟ್ಟಿ ಅಣ್ಣನವರಿಗೆ ವಂದನೆಗಳು.
ಸುಮ ವಸಂತ್. ಹೊಳೆನರಸೀಪುರ.

N-2556 

  13-06-2024 01:54 PM   

ಮತ್ತೊಬ್ಬ ಟಿ.ಎನ್. ಶೇಷನ್ ಗಾಗಿ ಭಾರತ ದೇಶ ಕಾಯುತ್ತಿದೆ….!

 ಮತ್ತೊಬ್ಬ ಶೇಷನ್ ಗಾಗಿ ದೇಶ ಕಾಯುತ್ತಿದೆ* ಎಂಬ ಅಂಕಣಕ್ಕೆ ಪ್ರತಿಕ್ರಿಯೆ

ಜಗತ್ತಿನ ಅತಿ ದೊಡ್ಡ ಪ್ರಜಾಪ್ರಭುತ್ವ ಹೊಂದಿರುವ ಭಾರತ ದೇಶದಲ್ಲಿ ಚುನಾವಣೆಗಳು ಯಾವುದೇ ರೀತಿಯ ಅಹಿತಕರ ಘಟನೆಗಳು ನಡೆಯದಂತೆ ಜರುಗಿರುವುದು ನಿಜಕ್ಕೂ ಶ್ಲಾಘನೀಯ. ಹಾಗೆಯೇ ಭ್ರಷ್ಟಾಚಾರ, ಅನ್ಯಾಯ, ಅಕ್ರಮಗಳು ಮೇರೆ ಮೀರಿರುವುದು ಖಂಡನೀಯ. ಚುನಾವಣೆ ಮುಗಿದು ಫಲಿತಾಂಶ ಪ್ರಕಟವಾಗುತ್ತಿದ್ದಂತೆ ಚುನಾವಣಾ ಸಮೀಕ್ಷಾ ವರದಿ ತಪ್ಪಾಗಿರುವುದು ಎಲ್ಲರಿಗೂ ಗೊತ್ತು. ಮಾಧ್ಯಮಗಳವರು ಟಿ. ಆರ್. ಪಿ. ಗಾಗಿ ಜನರ ಗಮನ ಸೆಳೆಯುವ ಕುತಂತ್ರವಿದು. ಕೋಟ್ಯಂತರ ಜನರಿರುವೆಡೆ ಕೆಲವೇ ಜನರ ಸಂದರ್ಶನ ಮಾಡಿ ವಾಸ್ತವಿಕತೆ ಅರಿಯಲು /ತಿಳಿಸಲು ಹೇಗೆ ಸಾಧ್ಯ! ಕೆಲವೊಮ್ಮೆ ಕಾಕತಾಳೀಯವೆಂಬಂತೆ ಸರಿಯಾಗಿರಲೂಬಹುದು. ರಾಜಕೀಯ ದೊಂಬರಾಟ ಹೊಸದೇನಲ್ಲ. ಏಕಪಕ್ಷವು ಅತಿ ಹೆಚ್ಚು ಮತಗಳನ್ನು ಪಡೆದು ಅಧಿಕಾರಕ್ಕೆ ಬಂದರೆ ದೊಂಬರಾಟ ಸ್ವಲ್ಪ ಮಟ್ಟಿಗೆ ಕಡಿಮೆಯಾಗಿರುತ್ತದೆ. ಗೆದ್ದವರು ಬೀಗದೆ, ಸೋತವರು ಕುಗ್ಗದೆ ತಮ್ಮ ತಮ್ಮ ಲೆಕ್ಕಾಚಾರ ಮಾಡುವ ಸಂಧರ್ಭ ಒದಗಿ ಬಂದಿದೆ. ಇಂದಿನ ಪರಿಸ್ಥಿತಿಯಲ್ಲಿ ಎರಡನೇ ಮಹಾಯುದ್ಧದ ಸಮಯದಲ್ಲಿ ನಡೆದ ಇಂಗ್ಲೆಂಡಿನ ವಿನ್ಸ್ಟನ್ ಚರ್ಚಿಲ್ ರವರ ಚುನಾವಣಾ ಸಂದರ್ಭವನ್ನು ನೆನಪಿಸಿಕೊಂಡಿದ್ದಾರೆ. ಇಂದಿನ ರಾಜಕೀಯ ನಾಯಕರು *ಕತ್ತಿಯ ಅಲಗಿನ ಮೇಲೆ ನಡೆದಂತೆ* ಬಹಳ ಜೋಪಾನವಾಗಿ ಎಚ್ಚರಿಕೆಯಿಂದ ಮುನ್ನಡೆಯಬೇಕು.

ಇಂದಿನ ಹದಗೆಟ್ಟ ಪರಿಸ್ಥಿತಿಯನ್ನು ಸರಿಮಾಡಲು ದಕ್ಷ, ಪ್ರಾಮಾಣಿಕ ಚುನಾವಣಾಧಿಕಾರಿ ಟಿ. ಎನ್. ಶೇಷನ್ ರವರಂತಹ ಒಬ್ಬ ಅಧಿಕಾರಿಯಿಂದ ಸಾಧ್ಯವಾಗುವುದಿಲ್ಲ. ಶೇಷನ್ ರವರಂತಹ ಜನರ ಸಂತತಿ ಲಕ್ಷ ಲಕ್ಷ ಆಗಬೇಕು. ಪರಿಸ್ಥಿತಿಯ ಸುಧಾರಣೆಗೆ ಮತಬಾಂಧವರೂ ಕೈ ಜೋಡಿಸಬೇಕು. ಹಾಗಾದಾಗ ಮಾತ್ರ ಬದಲಾವಣೆ ಸಾಧ್ಯ. ಟಿ. ಎನ್. ಶೇಷನ್ ರವರಂತಹ ಪಾರದರ್ಶಕತೆಯನ್ನು ಮೆರೆಯುವ ಅಧಿಕಾರಿಗಳ ಸಂಖ್ಯೆ ವರ್ಧಿಸಲಿ. ರಾಜಕೀಯ ಅಕ್ರಮಗಳು ಕಡಿಮೆಯಾಗಿ ಹಂತ ಹಂತವಾಗಿ ಸುಧಾರಣೆ ಜರುಗಲೆಂಬ ಆಶಯ. ಗುರುಗಳಿಗೆ ಪ್ರಣಾಮ. ವೆಂಕಟೇಶ ಶೆಟ್ಟಿಯವರಿಗೂ ಧನ್ಯವಾದಗಳು.
ಪೂರ್ಣಿಮ ಭಗವಾನ್, ಬೆಂಗಳೂರು

N-2556 

  13-06-2024 01:48 PM   

ಮತ್ತೊಬ್ಬ ಟಿ.ಎನ್. ಶೇಷನ್ ಗಾಗಿ ಭಾರತ ದೇಶ ಕಾಯುತ್ತಿದೆ….!

 ಪೂಜ್ಯ ಗುರುಗಳ ಪಾದ ಪದ್ಮಾoಗಗಳಲ್ಲಿ ನಮಸ್ಕರಿಸುತ್ತಾ,
ಗುರುಗಳವರ ಈ ವಿಚಾರ ಬರಹ ಕೇವಲ ಒಬ್ಬ ಅಧಿಕಾರಿಯ ಕಾರ್ಯ ಲೋಚನೆ ಬಗ್ಗೆ ಅವರು ಆ ಕಾಲಘಟ್ಟದಲ್ಲಿ ಕೈಗೊಂಡ ಕಠಿಣ ನಿರ್ಧಾರವನ್ನು ಗುರುಗಳು ಶ್ಲಾಘನೆ ಮಾತ್ರವಲ್ಲದೆ ನಮ್ಮ ಭವ್ಯ ಭಾರತದ ಉಜ್ವಲ ಕನಸು ಹಾಗೂ ಇತ್ತೀಚಿಗೆ ನಡೆದ ಸಾರ್ವತ್ರಿಕಾ ಚುನಾವಣೆ ಬಗ್ಗೆ ಹಾಗೂ ನಮ್ಮ ಜನರು ಪುಕ್ಕಟೆಯಾಗಿ (ಯಾವುದೇ )ಸಿಗುವ ಒಂದು ದಿನದ ಖರ್ಚಿಗಾಗಿ ಏನನ್ನು ಬೇಕಾದರೂ ಮಾಡುವ ಈ ಮನಸ್ಥಿತಿಗೆ ಒಳಗಾಗಿರುವುದು ನಿಜಕ್ಕೂ ನಮ್ಮ ದುರ್ದೈವ.
ನಾನು ಇತ್ತೀಚಿಗೆ ನಡೆದ ಚುನಾವಣೆ ಮುಗಿದ ನಂತರ ನಮ್ಮ ಪಾರ್ಕಿನಲ್ಲೊಬ್ಬರು (ಒಂದು ಪಾರ್ಟಿ ಗೆಲುವಿಗಾಗಿಗಾಗಿ ಕೆಲಸ ಮಾಡಿದವರು ) ಮಾತನಾಡುತ್ತಾ ಸುಮಾರು ಹಣವನ್ನು ಜನರಿಗೆ ಹಂಚಿದ್ದು... ಇತರೆ.ಕೆಲವರು ಸುಮಾರು ವರ್ಷ ಸರ್ಕಾರಿ ಅಧಿಕಾರಿಗಳು /ನೌಕರರಿಗೆ ಹಣದ ಬೇಡಿಕೆ ಬದಲಾಗಿ ಓಟಿಗಾಗಿ ರಾತ್ರಿ ಎಣ್ಣೆ ಪಾರ್ಟಿ ಮಾಡುವುದಕ್ಕೆ ಅವರು ಹಣ ಪಡೆಕೊಂಡಿದ್ದುದಾಗಿ ನಮಗೆ ಹೇಳಿದಾಗ ನನಗೆ ಅತ್ಯಂತ ಆಶ್ಚರ್ಯ ಹಾಗೂ ದುಃಖವಾಯಿತು. ಕೊನೆಗೆ ಅವರು ಬೆಂಬಲಿಸಿದವರೇ ಗೆದ್ದು ಬೀಗಿದರು ಅನ್ನೋ ಮಾತು ಬೇರೆ. ಇದನ್ನೆಲ್ಲ ಬಹಳ ಹತ್ತಿರದಿಂದ ನೋಡುವದು /ಕೇಳುವುದು ಆ ಸಂದರ್ಭದಲ್ಲಿ ಒದಗಿ ಬಂದು ಇನ್ನೂ ಮನಸ್ಸಿಗೆ ಬಹಳ ಖೇದವಾಯಿತು. ಮಾನ್ಯ ಶೇಷ ನ್ನರoತಹವರು ಇನ್ನೂ ಎಷ್ಟೇ ಒಬ್ಬ ಪ್ರಾಮಾಣಿಕ ಅಧಿಕಾರಿ ಆ ಸ್ಥಾನಕ್ಕೆ ಬಂದು ಎಷ್ಟೇ ದಷ್ಟವಾಗಿ ಕಾನೂನಿನ ಪ್ರಕಾರ ಕೆಲಸ ಮಾಡಿದರೂ ಸಹ ನಮ್ಮ ಜನರ ಮನಸ್ಥಿತಿ ಬದಲಾಗದ ಹೊರತು ಏನೂ ಮಾಡಲು ಸಾಧ್ಯವಿಲ್ಲ. ನಾವು ನಮ್ಮ ಜನರು ವಿಚಾರ ಮಾಡಿ ಸ್ವಂತ ಬುದ್ದಿಯಿಂದ ಓಟು ಹಾಕಿದರೆ ಮಾತ್ರ ನಮ್ಮ ದೇಶ ಈ ಹತ್ತು ವರ್ಷಗಳ ಸಾಧನೆಯoತೆ ಇನ್ನೂ ಸೂರ್ಯ ಚಂದ್ರ ಇರುವರೆಗೂ ಮುಂದುವರೆಯಲು ಸಾಧ್ಯವೇ ಹೊರತು ಮತ್ತು ಬೇರೆ ನಮ್ಮ ಪೂಜ್ಯ ಡಾ!! ಗುರುಗಳoತಹವರ ಇನ್ನೂ ಅನೇಕ ಮಾಗದರ್ಶಕರವರ ಮಾತನ್ನು ಕೇವಲ ಕೇಳಿಸಿಕೊಳ್ಳದೆ ನಿಜ ಜೀವನದಲ್ಲಿ ನೂರಕ್ಕೆ ನೂರು ಪಾಲಿಸದೇ ಹೋದರೂ ಅದರಲ್ಲಿ ಕೆಲವು ಕನಿಷ್ಠ ಶೇಕಡಾ 80 ರಷ್ಟು ಪಾಲಿಸಿದರೆ ಸತ್ಯವಾಗಿವೂ ಭವ್ಯ ಭಾರತದ ಕನಸು ನೆನಸಾಗುವುದರಲ್ಲಿ ಸಂಶಯವೇ ಇಲ್ಲ ಎಂಬುದು ನನ್ನ ಧೃಡವಾದ ನಂಬಿಕೆ. ಎಲ್ಲರಿಗೂ ನನ್ನ ಆದರ ಪೂರ್ವಕ ನಮಸ್ಕಾರಗಳು. 🙏
homanna ramappa
ಬೆಂಗಳೂರು

N-2556 

  13-06-2024 01:47 PM   

ಮತ್ತೊಬ್ಬ ಟಿ.ಎನ್. ಶೇಷನ್ ಗಾಗಿ ಭಾರತ ದೇಶ ಕಾಯುತ್ತಿದೆ….!

 *ಬಿಸಿಲು ಬೆಳದಿಂಗಳು*
ಅಂಕಣ 13-6-2024
ಅಚಲ ನಿರ್ಧಾರ, ನಿರ್ಧಾರ ಮಾಡಿದ ವಿಚಾರಗಳು ನ್ಯಾಯ ಹಾಗೂ ಜನಪರ ಕಾಳಜಿಯಿದ್ದಾಗ ಕಾರ್ಯರೂಪಕ್ಕೆ ತರಲು ಬಿಗಿ ನಿಲುವಿನ ಧೋರಣೆ, ಅದರ ಮಧ್ಯೆ ಬರಬಹುದಾದ ನೂರಾರು ಅಡೆತಡೆಗಳನ್ನು ಮೀರಿ ನಡೆಯುವ ಛಾತಿ, ವ್ಯವಸ್ಥೆಯನ್ನು ಆಮೂಲಾಗ್ರ ಬದಲಾಯಿಸಿ, ಚುನಾವಣೆಯ ಪ್ರಕ್ರಿಯೆಗೆ ಹೊಸ ಭಾಷ್ಯ ಬರೆದ ಟಿ.ಎನ್. ಶೇಷನ್ ರವರನ್ನು ಕುರಿತು ಶ್ರೀಗಳವರು ಇಂದಿನ ಅಂಕಣದಲ್ಲಿ ಮೆಚ್ಚುನುಡಿಗಳ ಮಣಿಹಾರ ತೊಡಿಸಿರುವರು. ಹಣದ ಝಣತ್ಕಾರದ ನಡುವೆ ಆಸೆ ಆಮಿಷಗಳ ಪ್ರಲೋಭನೆಗಳ ವಶವಾಗಿ ಮತ್ತಷ್ಟು ಸುಧಾರಣೆಗಳನ್ನು ಕಟ್ಟುನಿಟ್ಟಾಗಿ ತರಲು ಭಾರತ ಮತ್ತೊಬ್ಬ ಶೇಷನ್ ಗಾಗಿ ಕಾಯುತ್ತಿದೆ ಎನ್ನುವ ಶೀರ್ಷಿಕೆಯೇ ಶೇಷನ್ ರವರ ಹೆಗ್ಗಳಿಕೆಗೆ ಸಾಕ್ಷಿಯಾಗಿದೆ. ಅಂತಹ ಧೀರನಡೆಯ ಶೇಷನ್ ರವರು ಚುನಾವಣೆಯಲ್ಲಿ ಸೋಲುತ್ತಾರೆ ಎನ್ನುವುದೇ ಕಟುವಾಸ್ತವದ ಸಂಗತಿ. ಅವರ ಆತ್ಮಚರಿತ್ರೆಯಲ್ಲಿ ಉಲ್ಲೇಖ ಮಾಡಿರುವ ಪ್ರಸಂಗವು ಇನ್ನೂ ಉಳಿದಿರಬಹುದಾದ ಮಾನವೀಯ ಮೌಲ್ಯಗಳ ಸಂಕೇತ. ಘನತೆ ಗೌರವಗಳನ್ನು ಉಳಿಸಿಕೊಂಡು ಬೆಳೆದವರ ವಿಚಾರಗಳನ್ನು ಸಾಂದರ್ಭಿಕ ಸಂಗತಿಗಳ ಜೊತೆಯಲ್ಲಿ ವಿವರಿಸಿರುವ ಶ್ರೀ ಗಳವರ ಅಂಕಣ ಸಮಾಜಮುಖಿ ಅಂಶಗಳ ಪ್ರತಿಪಾದನೆಯಂತಿದೆ. ಅವರಿಗೆ ನನ್ನ ನಮನಗಳು. ಅಂಕಣ ಕುರಿತು ಸದಾ ಸಂವಹನಕ್ಕೆ ದಾರಿಮಾಡಿಕೊಡಲು ಪ್ರಯತ್ನಪಡುತ್ತಿರುವ ಮಿತ್ರರಾದ ರಾ.ವೆಂಕಟೇಶ ಶೆಟ್ಟರಿಗೆ ಶುಭೋದಯದೊಂದಿಗೆ ಅಭಿನಂದನೆಗಳು.
ಟೀಕಾ. ಸುರೇಶ ಗುಪ್ತ, ಚಿತ್ರದುರ್ಗ

N-2556 

  13-06-2024 01:23 PM   

ಮತ್ತೊಬ್ಬ ಟಿ.ಎನ್. ಶೇಷನ್ ಗಾಗಿ ಭಾರತ ದೇಶ ಕಾಯುತ್ತಿದೆ….!

 ಶ್ರೀ ಗುರುಗಳು ಬರೆದಿರುವ ಅಂಕಣ ಬಹಳ ಸೊಗಸಾಗಿದೆ. ಎಂತಹವರಿಗೂ ಮೈ ಜುಂ ಎನ್ನುವ ಸಂದೇಶವನ್ನು ನೀಡುತ್ತದೆ. ಈಗ ನಡೆಯುತ್ತಿರುವ ಚುನಾವಣೆಗಳನ್ನು ನೆನೆಸಿಕೊಂಡರೆ ಆಸೆಗಳಿಗಾಗಿ ದೇಶದ ರಕ್ಷಣೆ ಧರ್ಮದ ಪ್ರಮುಖ ಅಂಶಗಳಿಗೆ ಬೆಲೆ ಕೊಡದೆ ಮತ ಚಲಾವಣೆ ಮಾಡುವ ಗೀಳನ್ನು ಮತದಾರರು ಅಭ್ಯಾಸ ಮಾಡಿಕೊಂಡಿದ್ದಾರೆ. ನಾವುಗಳು, ಅಂದರೆ ವ್ಯಾಪಾರಸ್ಥರು ಕಟ್ಟುವ ತೆರಿಗೆ ಹಣಕಾಸು ದೇಶದ ಅಭಿವೃದ್ಧಿ ಯೋಜನೆಗಳಿಗೆ ಬಳಕೆಯಾಗುತ್ತಿಲ್ಲವಲ್ಲಾ ಎನ್ನುವ ಕೊರಗು ಕಾಡುತ್ತಿದೆ. ನಮ್ಮಂತಹ ಸಾಮಾನ್ಯ ಪ್ರಜೆಗಳ ಗೋಳನ್ನು ಕೇಳುವವರಾರು!
S. N.ಕಾಶಿ ವಿಶ್ವನಾಥ ಶೆಟ್ಟಿ ನಿ.ಪೂ.ಅದ್ಯಕ್ಷರು, ಆರ್ಯ ವೈಶ್ಯ ಸಂಘ ಚಿತ್ರದುರ್ಗ.

N-2556 

  13-06-2024 01:16 PM   

ಮತ್ತೊಬ್ಬ ಟಿ.ಎನ್. ಶೇಷನ್ ಗಾಗಿ ಭಾರತ ದೇಶ ಕಾಯುತ್ತಿದೆ….!

 ಶ್ರೀಗಳವರ ಲೇಖನವನ್ನು ಓದಿದೆ. ಶ್ರೀಗಳು ಹೇಳಿದಂತೆ ಈ ದೇಶ ಮತ್ತೊಬ್ಬ ಟಿ. ಎನ್ ಶೇಷನ್ ಗಾಗಿ ಕಾಯುತ್ತಿದೆ. ಅವನು ಬಂದೇ ಬರುತ್ತಾನೆ. ದೇಶ ಸಮೃದ್ಧಿಯಾಗುತ್ತದೆ. ಇದಕ್ಕೆ ಸಂಶಯವೇ ಇಲ್ಲ. ಚರ್ಚಿಲ್ ಭಾರತಕ್ಕೆ ಸ್ವಾತಂತ್ರ್ಯ ಕೊಡುವಾಗ ತೀರಾ ಚೌಕಾಸಿ ಮಾಡಿದ್ದ. ಅವನು ಇನ್ನಷ್ಟು ದಿನ ಅಧಿಕಾರದಲ್ಲಿದ್ದರೆ ನಮಗೆ ಸುಲಭವಾಗಿ ಸ್ವಾತಂತ್ರ್ಯ ಸಿಗುತ್ತಿರಲಿಲ್ಲ. ಮಹಾನುಭಾವ ಪ್ರಜಾಪ್ರಭುತ್ವವಾದಿ ಅಟ್ಲಿ ಬಂದಿದ್ದಕ್ಕೆ ಸ್ವಾತಂತ್ರ್ಯ ಸಿಕ್ಕಿತು ಚರ್ಚಿಲ್ ಈ ರೀತಿ ಹೇಳುತ್ತಿದ್ದ. *ಭಾರಶ್ರೀಗಳವರ ಲೇಖನವನ್ನು ಓದಿದೆ. ಶ್ರೀಗಳು ಹೇಳಿದಂತೆ ಈ ದೇಶ ಮತ್ತೊಬ್ಬ ಟಿಎನ್ ಶೇಷನಗಾಗಿ ಕಾಯುತ್ತಿದೆ. ಅವನು ಬಂದೇ ಬರುತ್ತಾನೆ. ದೇಶ ಸಮೃದ್ಧಿಯಾಗುತ್ತದೆ. ಇದಕ್ಕೆ ಸಂಶಯವೇ ಇಲ್ಲ. ಚೆಚ್ಚಿಲ್ಲೋ ಭಾರತಕ್ಕೆ ಸ್ವಾತಂತ್ರ್ಯ ಕೊಡುವಾಗ ತೀರಾ ಚೌಕಾಸಿ ಮಾಡಿದ್ದ. ಅವನು ಇನ್ನಷ್ಟು ದಿನ ಅಧಿಕಾರದಲ್ಲಿದ್ದರೆ ನಮಗೆ ಸುಲಭವಾಗಿ ಸ್ವಾತಂತ್ರ್ಯ ಸಿಗುತ್ತಿರಲಿಲ್ಲ. ಮಹಾನುಭಾವ ಪ್ರಜಾಪ್ರಭುತ್ವವಾದಿ ಅಟ್ಲಿ ಬಂದಿದ್ದಕ್ಕೆ ಸ್ವಾತಂತ್ರ್ಯ ಸಿಕ್ಕಿತು ಚರ್ಚಿಲ್ ಈ ರೀತಿ ಹೇಳುತ್ತಿದ್ದ. *ಭಾರತೀಯರು ಆಳ್ವಿಸಿಕೊಳ್ಳಲಿಕ್ಕೆ ಅರ್ಹರು. Indians are fit to be ruled* ಎಂದು ಹೇಳುತ್ತಿದ್ದ. ಪ್ರಸ್ತುತ ಭಾರತ ದೇಶದಲ್ಲಿ ಹಣ ಚೆಲ್ಲಿ ರಾಜಕಾರಣಗಳು ಗೆದ್ದು ಬಂದು ಇನ್ನಷ್ಟು ಹಣ ಬಾಚಿಕೊಳ್ಳುತ್ತಿದ್ದಾರೆ. ಭಾರತ ದೇಶದ ಅರ್ಧ ಹಣ ರಾಜಕಾರಣಿಗಳ ಮತ್ತು ಅಧಿಕಾರಿಗಳ ಮತ್ತು ಮಾಪಿಯಗಳ ಕೈಯಲ್ಲಿ ಇದೆ. ಹತ್ತು ಜನರಿದ್ದಾರೆ, 10 ರೊಟ್ಟಿಗಳಿವೆ. ಒಬ್ಬೊಬ್ಬರಿಗೆ ಒಂದು ರೊಟ್ಟಿ ಕೊಟ್ಟರೆ ಸಾಕು. ಆದರೆ ಒಬ್ಬನು ಒಂಬತ್ತು ರೊಟ್ಟಿ ತಿಂದು ಒಂದು ರೊಟ್ಟಿಯನ್ನು ಒಂಬತ್ತು ಜನರಿಗೆ ಹಂಚಿಕೆ ಮಾಡುತ್ತಿದ್ದಾನೆ. ಇದು ನಿಲ್ಲಬೇಕು . ಒಬ್ಬ ರಾಜಕಾರಣಿ ಎರಡು ಕಡೆ ಸ್ಪರ್ಧೆ ಮಾಡಬಹುದು. ಇದು ನಿಲ್ಲಬೇಕು. ಒಬ್ಬ ಜೈಲಿದ್ದರೂ ಚುನಾವಣೆಗೆ ಸ್ಪರ್ಧಿಸಿ ಗೆಲ್ಲುತ್ತಾನೆ. ಸಾಮಾನ್ಯರು ಜೈಲಿಗೆ ಹೋಗಿ ಬಂದರೆ ನೌಕರಿ ಸಿಗೋದಿಲ್ಲ. ಇದು ನಿಲ್ಲಬೇಕು. ಐದು ವರ್ಷ ಶಾಸಕರಾಗಿ ಅಥವಾ ಲೋಕಸಭೆ ಸದಸ್ಯರಾದರೆ ಪಿಂಚಿಣಿ ಸೌಲಭ್ಯ? ಎಕರೆಗಟ್ಟಲೆ ಭೂಮಿ, ಕೋಟಿ ಕೋಟಿ ಹಣ, ಮಹಲುಗಳು ಇದ್ದರೂ ಪಿಂಚಣಿ. ಒಬ್ಬ ಶಾಸಕ ಒಂದು ಪಕ್ಷದಿಂದ ಇನ್ನೊಂದು ಪಕ್ಷಕ್ಕೆ ಜಿಗಿಯುವುದು ನಿಲ್ಲಬೇಕು. ಇದಕ್ಕೆ ಜನರೇ ಉತ್ತರ ಕೊಡುತ್ತಾರೆ. ಆಸೆಬುರುಕನಿಗೆ ರಾಮನು ಬೇಡ ಶಿವನೂ ಬೇಡ, ಮೌಲ್ಯಗಳು ಬೇಡ. ಯಥಾ ರಾಜ ತಥಾ ಪ್ರಜೆ ಎಂಬಂತೆ ನಮ್ಮ ಆಳ್ವಿಕೆ ನಡೆಸುವವರು ಅಧ್ವಾನ; ಜನರು ಇನ್ನೂ ಅಧ್ವಾನ. 15 ಸಾವಿರ ಬ್ರಿಟಿಷರು 32 ಕೋಟಿ ಜನರನ್ನು 200 ವರ್ಷ ಆಳಿದರು. ಇದೇ ರೀತಿ ಮುಂದುವರೆದರೆ ಮತ್ತೊಮ್ಮೆ ಗುಲಾಮಗಿರಿಗೆ ಹೋಗುವ ಪ್ರಸಂಗ ಬರುತ್ತದೆ. ಆ ರೀತಿ ಆಗಬಾರದು. ಮತ್ತೊಬ್ಬ ಶೇಷನ್ ಬರಬೇಕು. ಚುನಾವಣೆಗಳು ಚೆನ್ನಾಗಿ ನಡೆಯಬೇಕು. ಜನ ಬುದ್ಧಿವಂತರಾಗಿ ಮತದಾನ ಮಾಡಬೇಕು. ಈಗ 50% ಅಥವಾ 60% ಮತದಾನವಾಗುತ್ತದೆ ಅದು 80 - 90 ಪರ್ಸೆಂಟಿಗೆ ಸೇರಬೇಕು. ಆಗ ಮಾತ್ರ ನೈಜ ಸರ್ಕಾರ ಬರುತ್ತದೆ. ಜೈ ಪ್ರಜಾಪ್ರಭುತ್ವ. ಜೈ ಟಿಎನ್ ಶೇಷನ್.
ಸಿದ್ದನಗೌಡ ಉಜ್ಜಯಿನಿ, ದಾವಣಗೆರೆ

N-2556 

  13-06-2024 01:14 PM   

ಮತ್ತೊಬ್ಬ ಟಿ.ಎನ್. ಶೇಷನ್ ಗಾಗಿ ಭಾರತ ದೇಶ ಕಾಯುತ್ತಿದೆ….!

 ಪರಮಪೂಜ್ಯ ಗುರುಗಳು ಅಡಿದಾವರೆಗಳಲ್ಲಿ ನಮಸ್ಕರಿಸಿ,
ಇಂದಿನ ಅಂಕಣದ ಮೂಲಕ ಆಶೀರ್ವಾದ ದಯಪಾಲಿಸಿದ್ದು,ಓದಿ ನನಗೆ ತಮ್ಮ ಜ್ಙಾಪಕಾ ಶಕ್ತಿಯು ವರ್ಣಿಸದಳ ಎನಿಸುತ್ತದೆ.ಸಂದರ್ಭೊಚಿತವಾಗಿ ಭಕ್ತರ ಮತ್ತು ರಾಜಕೀಯ ನೇತಾರರ ಮನಕ್ಕೆ ಸಾಣೆ ಹಿಡಿದರೂ ,ಹರಿಯುತ್ತೆ ಬಾರಲಾರದದ್ದಕ್ಕೆ ಬೇಜಾರು ಪಡೆದೆ ಪ್ರಚಲಿತ ಬೆಳವಣಿಗೆಗೆ ಅನುಸಾರ ತಿಳುವಳಿಕೆಯ ಆಶೀರ್ವಾದ ದಯಪಾಲಿಸುತ್ತಿರುವದರಲ್ಲಿ ಭಕ್ತಂದಿರುಗಳು ಚಾಚು ತಪ್ಪದೆ ಪಾಲಿಸುವತ್ತಾ ಕಂಕಣಬದ್ದರಾಗೋಣ.
ಶೇಖರಗೌಡ ಪಾಟೀಲ
ಹರಪನಹಳ್ಳಿ

N-2556 

  13-06-2024 01:14 PM   

ಮತ್ತೊಬ್ಬ ಟಿ.ಎನ್. ಶೇಷನ್ ಗಾಗಿ ಭಾರತ ದೇಶ ಕಾಯುತ್ತಿದೆ….!

 ಪರಮಪೂಜ್ಯ ಗುರುಗಳು ಅಡಿದಾವರೆಗಳಲ್ಲಿ ನಮಸ್ಕರಿಸಿ,
ಇಂದಿನ ಅಂಕಣದ ಮೂಲಕ ಆಶೀರ್ವಾದ ದಯಪಾಲಿಸಿದ್ದು,ಓದಿ ನನಗೆ ತಮ್ಮ ಜ್ಙಾಪಕಾ ಶಕ್ತಿಯು ವರ್ಣಿಸದಳ ಎನಿಸುತ್ತದೆ.ಸಂದರ್ಭೊಚಿತವಾಗಿ ಭಕ್ತರ ಮತ್ತು ರಾಜಕೀಯ ನೇತಾರರ ಮನಕ್ಕೆ ಸಾಣೆ ಹಿಡಿದರೂ ,ಹರಿಯುತ್ತೆ ಬಾರಲಾರದದ್ದಕ್ಕೆ ಬೇಜಾರು ಪಡೆದೆ ಪ್ರಚಲಿತ ಬೆಳವಣಿಗೆಗೆ ಅನುಸಾರ ತಿಳುವಳಿಕೆಯ ಆಶೀರ್ವಾದ ದಯಪಾಲಿಸುತ್ತಿರುವದರಲ್ಲಿ ಭಕ್ತಂದಿರುಗಳು ಚಾಚು ತಪ್ಪದೆ ಪಾಲಿಸುವತ್ತಾ ಕಂಕಣಬದ್ದರಾಗೋಣ.
ಶೇಖರಗೌಡ ಪಾಟೀಲ
ಹರಪನಹಳ್ಳಿ

N-2556 

  13-06-2024 01:00 PM   

ಮತ್ತೊಬ್ಬ ಟಿ.ಎನ್. ಶೇಷನ್ ಗಾಗಿ ಭಾರತ ದೇಶ ಕಾಯುತ್ತಿದೆ….!

 ಗುರುಗಳಿಗೆ ಶಿರಸಾಷ್ಟಾಂಗ ನಮಸ್ಕಾರಗಳು.
ಜಾತ್ಯಾತೀತ ರಾಷ್ಟ್ರದಲ್ಲಿ ಜಾತಿ ಜಾತಿಗಳ ನಡುವಿನ ಬಲಾಬಲ ಹಾಗೂ ಸಂಘರ್ಷ, ಮತದಾನವೆಂದರೆ ಮತಗಳನ್ನು ದಾನ ಮಾಡದೇ ಕೊಳ್ಳುವವನಿಗೆ ಮಾಡುವ ಮಾರಾಟ, ಹೀಗೆ ಗುರುಗಳ ಇಂದಿನ ಲೇಖನ ದೇಶದಲ್ಲಿ ನಡೆದ,ನಡೆಯುತ್ತಿರುವ ಚುನಾವಣೆಗಳ ಅನೈತಿಕತೆಯನ್ನು, ಅವ್ಯವಹಾರವನ್ನು ಎತ್ತಿ ತೋರಿಸಿ ಮತದಾರ ಪ್ರಭುವನ್ನು ಬಡಿದೆಬ್ಬಿಸುವ ಲೇಖನ.
ಚುನಾವಣೆಯಲ್ಲಿ ನೈಜವಾಗಿ ಕಂಡಿದ್ದು ದೇಶದ ನಾಡಿಮಿಡಿತವಲ್ಲ, ಆಯಾ ಕ್ಷೇತ್ರಗಳ ರಾಜಕೀಯ ದೊಂಬರಾಟ ಎನ್ನುವ ತಮ್ಮ ವಿಶ್ಲೇಷಣೆ ಅಭಿನಂದನಾರ್ಹ.
ಚುನಾವಣೆಯಲ್ಲಿ ಸಂವಿಧಾನ ಶಿಲ್ಪಿಯ ಸೋಲು, ಚುನಾವಣೆಯ ಮಾನದಂಡಗಳನ್ನು ಗಂಭೀರವಾಗಿ ಕಾರ್ಯ ರೂಪಕ್ಕೆ ತರಲು ಯತ್ನಿಸಿದ ಶೇಷನ್ ಸೋಲು, ಮಹಾಯುದ್ಧವನ್ನು ಗೆದ್ದುಕೊಟ್ಟ ಚರ್ಚಿಲ್ ರನ್ನು ಸೋಲಿಸಿದ ಇಂಗ್ಲೆಂಡಿನ ಪ್ರಬುದ್ಧ ಮತದಾರ ಇವೆಲ್ಲವನ್ನೂ ಗಮನಿಸಿದಾಗ "Principles are modified against money " ಎನ್ನುವ ಚರ್ಚಿಲ್ ಮಾತು ನಮ್ಮ ಚುನಾವಣೆಗಳ ಪ್ರತಿಬಿಂಬ.
ಕೇವಲ ಹತ್ತು ಪೌಂಡ್ ಹಣ ಕೈಗೆ ಬಂದ ಕೂಡಲೇ "Let Churchill go to hell " ಎನ್ನುವ ವಾಹನ ಚಾಲಕ ಭಾರತೀಯ ಮತದಾರರ ಪ್ರತಿನಿಧಿಯಾಗಿ ನಿಲ್ಲುತ್ತಾನೆ
ಪ್ರಣಾಮಗಳು .
ಬೆಂಗಳೂರು ಮಹಾದೇವಪ್ಪ ಬೋಲಿ
ಮಹಾದೇವಪ್ಪ. ಬೋಲಿ
ಬೆಂಗಳೂರು

N-2556 

  13-06-2024 12:59 PM   

ಮತ್ತೊಬ್ಬ ಟಿ.ಎನ್. ಶೇಷನ್ ಗಾಗಿ ಭಾರತ ದೇಶ ಕಾಯುತ್ತಿದೆ….!

 ಪರಮ ಪೂಜ್ಯ ಗುರುಗಳಿಗೆ ‌ಸಾಷ್ಟಾಂಗ ನಮಸ್ಕಾರಗಳು

ಈ ದಿನದ ಬಿಸಿಲು ಬೆಳದಿಂಗಳು ಲೇಖನದಲ್ಲಿ ನಮ್ಮ ದೇಶದಲ್ಲಿ ಚುನಾವಣೆ ಪ್ರಕ್ರಿಯೆಯಲ್ಲಿ ಸುಧಾರಣೆ ತಂದ, ಭ್ರಷ್ಟ ರಾಜಕಾರಣಿಗಳಿಗೆ ಸಿಂಹ ಸ್ವಪ್ನವಾಗಿದ್ದ ಚುನಾವಣೆ ಆಯುಕ್ತರಾಗಿದ್ದ ಶ್ರೀ ಟಿ.ಎನ್.ಶೇಶನ್ ರವರ ಬಗ್ಗೆ ಪ್ರಸ್ತಾಪಿಸಿದ್ದಾರೆ. ಅಂಥ ಮಹನೀಯರನ್ನು ಚುನಾವಣೆಯಲ್ಲಿ ಹೀನಾಯವಾಗಿ ಸೋಲಿಸಿದರು ನಮ್ಮ ಪ್ರಜ್ಞಾವಂತ ಮತದಾರರು!

ನಾಯಿ ಬಾಲಕ್ಕೆ ದೆಬ್ಬೆ ಕಟ್ಟಿದರೆ ಅದು ಇರುವವರೆಗೆ ನೆಟ್ಟಗೆ ಇರುತ್ತದೆ.ಅದನ್ನು ತೆಗೆದರೆ ಮತ್ತೆ ಅದು ಡೊಂಕೇ. ಹಾಗಾಗಿದೆ ನಮ್ಮ ಚುನಾವಣೆ ಪದ್ಧತಿ. ಇದಕ್ಕೆ ನಮ್ಮ ಮತದಾರರ ಮನಸ್ಥಿತಿ. ಅವರಿಗೆ ಬೇಕಾಗಿರುವುದು ತಾತ್ಕಾಲಿಕ ಲಾಭ. ಮುಂದಿನ ಭವಿಷ್ಯ ನಗಣ್ಯ. ಇದು ಸುಶಿಕ್ಷಿತ ಮತದಾರರ ಮನಸ್ಸಿನಲ್ಲಿಯೂ ಇದೆಯೆಂದಮೇಲೆ ಎಷ್ಟೇ ಸುಧಾರಣೆಗಳನ್ನು ತಂದರೂ ಅದು ತಾತ್ಕಾಲಿಕ. ಮತದಾರರ ಮನಸ್ಸನ್ನು ಪರಿವರ್ತಿಸಲು ಕ್ರಮ ಕೈಗೊಳ್ಳಬೇಕು.ಆಗ ಚುನಾವಣೆಯಲ್ಲಿ ಸುಧಾರಣೆ ತಾನಾಗಿ ಆಗುತ್ತದೆ.

ಇದಕ್ಕೆ ಚುನಾವಣೆ ಅಕ್ರಮಗಳನು ತಡೆಗಟ್ಟಲು ಟಿ.ಎನ್.ಶೇಷನ್ ರಂಥವರು ಬೇಕಾದರೆ ಅವರ ಜೊತೆಗೆ ‌ಸಮಾಜದ ಮನಸ್ಸನ್ನು ಪರಿವರ್ತಿಸುವವರೂ ಬೇಕೆಂದು ನನ್ನ ಅಭಿಪ್ರಾಯ.
ದೇಶದಲ್ಲಿ ಮುಂದೆ ನಡೆಯುವ ಚುನಾವಣೆಗಳು ನಿಷ್ಕಳಂಕವಾಗಿ ನಡೆಯಲೆಂದು ಹಾರೈಸೋಣ.

ಈ ದಿನದ ಲೇಖನಕ್ಕೆ ನನ್ನ ಪ್ರತಿಕ್ರಿಯೆ ವ್ಯಕ್ತಪಡಿಸಲು ಅವಕಾಶ ಮಾಡಿಕೊಟ್ಟ ಪೂಜ್ಯ ಗುರುಗಳಿಗೆ ಶರಣು ಶರಣಾರ್ಥಿಗಳು.

ಮಾರ್ಗದರ್ಶಕ ಗುರುಗಳಾದ ಶ್ರೀ ವೆಂಕಟೇಶ ಶೆಟ್ಟಿಯವರಿಗೆ ಹೃತ್ಪೂರ್ವಕ ನಮನಗಳು
ಸದಾನಂದ ಶೆಟ್ಟಿ ವೈ, ಚಿತ್ರದುರ್ಗ

N-2556 

  13-06-2024 12:53 PM   

ಮತ್ತೊಬ್ಬ ಟಿ.ಎನ್. ಶೇಷನ್ ಗಾಗಿ ಭಾರತ ದೇಶ ಕಾಯುತ್ತಿದೆ….!

 ಶ್ರೀ ಗುರುಗಳಿಗೆ ಮುಂಜಾನೆಯ ದೀರ್ಘ ದಂಡ ನಮಸ್ಕಾರಗಳು. ಇಂದಿನ ಗುರುವಾರದ ಬಿಸಿಲು ಬೆಳದಿಂಗಳು ಅಂಕಣ ನಾನು ಊಹಿಸಿದ ಹಾಗೆ ಚುನಾವಣಾ ಸಂಬಂಧಿಸಿದ ಲೇಖನವಾಗಿದೆ. "ಮತ್ತೊಬ್ಬ ಶೇಷನ್ ಗಾಗಿ ಕಾಯುತಿದೆ" ಅಂಕಣ, ರಾಜಕಾರಣಿಗಳ ಅಧಿಕಾರ ಲೋಭ - ಪ್ರಜೆಗಳಲ್ಲಿ ಹಾಸುಹೊಕ್ಕಾಗಿರುವ ಜಾತಿ ಮತ - ಲಾಲಸೆ - ಸ್ವಾರ್ಥ - ಸೋಂಬೇರಿ ಮತ್ತು ಸಂಕುಚಿತ ಮನೋಭಾವನೆಯ ಪ್ರತಿಬಿಂಬ. ಚುನಾವಣೆ ಪಾರದರ್ಶಕವಾಗಿರಬೇಕು ಎಂದು ಸಂವಿಧಾನದಲ್ಲಿ ಶುದ್ಧವಾಗಿ ಹೇಳಲಾಗಿದ್ದರೂ ಅದರ ಅಡಿಯಲ್ಲಿ ಜರುಗುವ ಅನ್ಯಾಯದ ಪರಮಾವಧಿ ಮಾತ್ರ ಪಾರದರ್ಶಕವಾಗಿದೆ. ಸ್ವಜನ ಪಕ್ಷಪಾತ - ಕುಟುಂಬ ದ್ವೇಷ - ಕುಟುಂಬದ ಒಲವು, ಗ್ರಾಮ ಪಂಚಾಯತಿಯಿಂದ ಹಿಡಿದು ಕೇಂದ್ರದ ವರೆಗೂ ಇರುವುದು ನಿಚ್ಚಳವಾಗಿ ಕಂಡುಬರುತ್ತದೆ. ಚುಕ್ಕಾಣಿ ಹಿಡಿದಿರುವ ಪಕ್ಷ ಅತಂತ್ರವಾಗಿದೆ. ದೇಶದ ಸುರಕ್ಷತೆ ಪ್ರಥಮ ಆದ್ಯತೆ. ಚುನಾವಣಾ ನಂತರ ಸಮೀಕ್ಷೆ ಗೆದ್ದು ಬಂದ ಹೆಚ್ಚಿನ ಅಭ್ಯರ್ಥಿಗಳು ಬಹಳ ಕಡಿಮೆ ಅಂತರದಲ್ಲಿ ಆಯ್ಕೆಯಾಗಿರುವರು. ಮುಖ್ಯ ನಿರ್ಧಾರಗಳನ್ನು ತೆಗೆದುಕೊಳ್ಳಲು ಸೂಕ್ತವಾದ ಬಲವನ್ನು ಹೊಂದಿಲ್ಲದೇ ಇರುವುದರಿಂದ ಬರುವ ದಿನಗಳನ್ನು ಕಾತುರದಿಂದ ಕಾಯುವ ಪರಿಸ್ಥಿತಿ ನಿಚ್ಚಳವಾಗಿದೆ. ಪರಿಸ್ಥಿತಿ ವಿಕೋಪಕ್ಕೆ ಹೋಗುವ ಸಂಧರ್ಭದಲ್ಲಿ ಮತ್ತೊಮ್ಮೆ ಚುನಾವಣೆ ಬರುವ ಸನ್ನಿವೇಶ ಬರಬಹುದಲ್ಲವೇ ?. ಪ್ರಜಾಪ್ರಭುತ್ವದಲ್ಲಿ ಚುನಾವಣೆ ಮಹತ್ತರವಾದ ಸ್ಥಾನ ಹೊಂದಿದೆ. ಪ್ರಜೆಗಳು ಈಗಲಾದರೂ ಎಚ್ಚರಿಕೆಯಿಂದ ಇದ್ದು ಹೆಚ್ಚಿನ ಸಂಖ್ಯೆಯಲ್ಲಿ ಮತದಾನ ಮಾಡುವುದು ಅಗತ್ಯ.
ಪ್ರಭುದೇವ್ ಎಮ್ ಎಸ್ ಮತ್ತು ಕುಟುಂಬದವರು, ಶಿವಮೊಗ್ಗ.👏

N-2556 

  13-06-2024 11:58 AM   

ಮತ್ತೊಬ್ಬ ಟಿ.ಎನ್. ಶೇಷನ್ ಗಾಗಿ ಭಾರತ ದೇಶ ಕಾಯುತ್ತಿದೆ….!

 ಪರಮಪೂಜ್ಯರ ದಿನಾಂಕ 13.6.24 ರ ಇಂದಿನ ಲೇಖನ ಅದ್ಭುತವಾಗಿದೆ, ಅರ್ಥಪೂರ್ಣವಾಗಿದೆ, ವಾಸ್ತವತೆಯಿಂದ ಕೂಡಿದೆ; ವೈಶಿಷ್ಟ್ಯಪೂರ್ಣವಾಗಿದೆ.

ಲೋಕಸಭಾ ಚುನಾವಣೆ ಫಲಿತಾಂಶದ ನಂತರ *ಮತ್ತೊಬ್ಬ ಟಿ.ಎನ್. ಶೇಷನ್ ಗಾಗಿ ಭಾರತ‌ ಕಾಯುತ್ತಿದೆ* ಅತ್ಯಂತ ಸಮಯೋಚಿತವಾಗಿದೆ. ಬಹುತೇಕ ಶೇಷನ್ ಅಂತಹವರನ್ನು ಮತ್ತೊಮ್ಮೆ ಕಾಣಲು ಖಂಡಿತಾ ಸಾಧ್ಯವಿಲ್ಲ ಎಂಬುದು ನನ್ನ ವೈಯಕ್ತಿಕ ಅಭಿಪ್ರಾಯವಾಗಿದೆ. ಪರಮಪೂಜ್ಯರು ಈ ಲೇಖನದ ಮೂಲಕ ಟಿ.ಎನ್. ಶೇಷನ್ ಅವರ ಅಗತ್ಯತೆ ಹಾಗೂ ಅನಿವಾರ್ಯತೆಯ ಬಗ್ಗೆ ತಿಳಿಸಿದ್ದಾರೆ. ಪರಮಪೂಜ್ಯರ ಈ ಲೇಖನದಲ್ಲಿರುವ ಚುನಾವಣೆಯೋತ್ತರ ಫಲಿತಾಂಶದ ಸಮೀಕ್ಷೆಯ ವಿಶ್ಲೇಷಣೆ ಅತ್ಯಂತ ನೈಜವಾಗಿದೆ. ಶೇಷನ್ ಅವರ ಆಡಳಿತ ವೈಖರಿ - ಕಠಿಣ ನಿಲುವು ಇನ್ನು ಮುಂದೆ ಕಲ್ಪಿಸಲು ಕೊಳ್ಳಲೂ ಸಾಧ್ಯವಿಲ್ಲ.
ಜಗದೀಶ್ ಜಿ.ಎ, ಬೆಂಗಳೂರು

N-2556 

  13-06-2024 11:55 AM   

ಮತ್ತೊಬ್ಬ ಟಿ.ಎನ್. ಶೇಷನ್ ಗಾಗಿ ಭಾರತ ದೇಶ ಕಾಯುತ್ತಿದೆ….!

 ಗುರುಗಳ ಅಂಕಣ ಅಕ್ಷರಶಃ ಸತ್ಯವಾಗಿದೆ. ಮತವನ್ನು ಮಾರಿಕೊಳ್ಳುವುದು ನಮ್ಮನ್ನೇ ನಾವು ಮಾರಿಕೊಂಡಂತೆ ಎಂಬುದು ನನ್ನ ಅಭಿಪ್ರಾಯ. ಹಣಕ್ಕಾಗಿ ಮತ ಚಲಾಯಿಸಿದಾಗ ಮುಂದೆ ಅವರು ಕೆಲಸ ಸರಿಯಾಗಿ ನಿರ್ವಹಿಸದಿದ್ದಾಗ ಅದನ್ನು ಕೇಳುವ ಅಧಿಕಾರ ನಮಗೂ ಇರುವುದಿಲ್ಲ. ಹಾಗಾಗಿ ಅವರ ಕೆಲಸ ಕಾರ್ಯಗಳನ್ನು ಗಮನಿಸಿ, ಅದರ ಪ್ರಕಾರ ಮತ ಹಾಕುವುದು ಒಳ್ಳೆಯದು. ನಮ್ಮ ಹಕ್ಕನ್ನು ನಾವು ಎಂದಿಗೂ ಬಿಟ್ಟುಕೊಡಬಾರದು.
ಶ್ರೀ ಗುರುಗಳಿಗೆ ನನ್ನ ನಮನಗಳು. ಅಂಕಣಕ್ಕೆ ಪ್ರತಿಕ್ರಿಯೆ ಬರೆಯಲು ಅನುವು ಮಾಡಿಕೊಟ್ಟ ರಾ ವೆಂಕಟೇಶ ಶೆಟ್ಟಿ ಇವರಿಗೆ ಹೃತ್ಪೂರ್ವಕ ಧನ್ಯವಾದಗಳು.
ವೈಷ್ಣವಿ ನಾಣ್ಯಪುರ, ಹಗರಿಬೊಮ್ಮನಹಳ್ಳಿ

N-2556 

  13-06-2024 11:21 AM   

ಮತ್ತೊಬ್ಬ ಟಿ.ಎನ್. ಶೇಷನ್ ಗಾಗಿ ಭಾರತ ದೇಶ ಕಾಯುತ್ತಿದೆ….!

 Respected Sir

It is wonderful to read your thoughts and its even more joyful to know you are the man who not just speaks but takes action for the welfare of the masses. May god bestow all his goodness and authority to you so that there can be many more wonders from you.

Harish.N.S.
Bsc.MBA
Divisional Manager
Food Corporation of India
Shaktinagar, Delhi -110007
9820316053, harishns.fci@gov.in
HARISH N S
Working at New Delhi (Native of Shivamogaa, Karnataka)

N-2556 

  13-06-2024 11:08 AM   

ಮತ್ತೊಬ್ಬ ಟಿ.ಎನ್. ಶೇಷನ್ ಗಾಗಿ ಭಾರತ ದೇಶ ಕಾಯುತ್ತಿದೆ….!

 This article is very thinkable by everyone citizen of india. Now a days maximum voter including educators r sold their valuable vote for their own benifits & they don`t think to elected clean & healthy government. No body can doing work r think to the state. If it is to be continued it is highly impossible to search or found equivalent to the sheshan as the entire world becomes polluted.
Virupakshaiah H M
India Bangalore

N-2556 

  13-06-2024 10:31 AM   

ಮತ್ತೊಬ್ಬ ಟಿ.ಎನ್. ಶೇಷನ್ ಗಾಗಿ ಭಾರತ ದೇಶ ಕಾಯುತ್ತಿದೆ….!

 ನಮ್ಮ ಗುರುಗಳಿಗೆ ಕೋಟಿ ಕೋಟಿ ನಮಸ್ಕಾರಗಳು
ಕ ಲ್ಲೇ ಶ್ ತು ರು ವೇ ಕೆ ರೆ
ತುರು ವೇ ಕೆ ರೆ

N-2556 

  13-06-2024 09:48 AM   

ಮತ್ತೊಬ್ಬ ಟಿ.ಎನ್. ಶೇಷನ್ ಗಾಗಿ ಭಾರತ ದೇಶ ಕಾಯುತ್ತಿದೆ….!

 ಶ್ರೀ ತರಳಬಾಳು ಜಗದ್ಗುರು ಶ್ರೀ ಶಿವಮೂರ್ತಿ ಶಿವಾಚಾರ್ಯ ಸ್ವಾಮಿಯವರಿಗೆ ಸ್ರಾಷ್ಟಾಂಗ ನಮಸ್ಕಾರಗಳು.
ತಾವುಗಳು ಬರೆದ ಲೇಖನ ತು೦ಬಾ ಚೆನ್ನಾಗಿದೆ ಧನ್ಯವಾದಗಳು
ನಮ್ಮ ದೇಶದಲ್ಲಿ ಚುನಾವಣೆಗಳು ಜೂಜಿನ ಅಡ್ಡೆಗಳು ಆಗಿರುವುದು ಸತ್ಯ. ಆಗಿನ ರಾಜಕಾರಣಿ ಗಳು ಜನರ ಅನುಕೂಲಕ್ಕಾಗಿ ಕಾನೂನು ರಚನೆ ಮಾಡುತ್ತಿದ್ದರು. ಈಗಿನ ರಾಜಕಾರಣಿಗಳು ಅವರ ಅನುಕೂಲಕ್ಕೆ ತಕ್ಕಂತೆ ಕಾನೂನುಗಳನ್ನ ಮಾಡಿಕೊಳ್ಳುವುದಂತು ಸತ್ಯ. ಕಾನೂನನ್ನ ಬಿಗಿಗೊಳಿಸಲು ಹೊದರೆ, ಟಿ ಯನ್ ,ಷೇಷನ್ ಅಲ್ಲ ದೇವರನ್ನೂ ಸೊಲಿಸುತ್ತಾರೆ ನಮ್ಮ ಜನ.
ಕಾನೂನನ್ನ ಬಿಗಿಗೊಳಿಸಲು ಹೊದರೆ ಮೋದಿ ಮತ್ತು ಯೋಗಿಯಂತವರನ್ನ ನಮ್ಮ ರಾಜಕೀಯ ಪಕ್ಷಗಳೇ ಸೊಲಿಲು ಸಿದ್ದವಾಗ್ತವೆ. ಇದಕ್ಕೊಂದು ಪರಿಯಾರವೆಂದರೆ ಕಡ್ಡಾಯವಾಗಿ ಮತದಾನ ಜಾರಿಯಾದರೆ ಚುನಾವಣೆಯಲ್ಲಿ ಹಣ ಯಂಡ ಗ್ರುಹುಪಯೊಗ ವಸ್ತುಗಳು ಆಮಿಷಗಳು ನಿಲ್ಲುತ್ತವೆ. ಮತದಾನ ಮಡದವರಿಗೆ ಸರಕಾರದ
ಸವಲತ್ತುಗಳನ್ನು ನಿಲ್ಲಿಸಬೇಕು. ಸರಕಾರದ ಸವಲತ್ತುಗಳನ್ನು ಪಡೆಯಲು ದಿನಗಟ್ಟಲೇ ತಿಂಗಳು ಗಟ್ಟಲೆ ಬ್ಯಾಂಕ್ ಮತ್ತು ಆಪೀಸ್ಗಳಿಗೆ ಅಲೆಯುತ್ತಾರೆ ಒಂದು ದಿನ ಮತದಾನ ಮಾಡಲು ಜನಗಳಿಗೆ ಆಗೊದಿಲ್ಲ.ಈ ದೇಶದಲ್ಲಿ ದೇಶಾಭಿಮಾನ ಇರೋದು ಸೈನಿಕರಿಗೆ ಹೆಚ್ಚು ,ಉಳಿದ ಇಪ್ಪತ್ತು ಪರ್ಸಂಸೆಟ್ಘ ಸಂಸ್ಥೆಗಳು
ಇವೆ. ಇನ್ನು ಯಂಬತ್ತು ಪರ್ಸೆಂಟ್ ಜನರಿಗೆ ದೇಶ ಅನ್ನೊ ಅರಿವೇ ಇಲ್ಲ. 🙏🙏 ವಂದನೆಗಳು
ಗುರುಶಾಂತಪ್ಪ ಎಸ್
ಅಳಗವಾಡಿ.



ಗುರುಶಾಂತಪ್ಪ ಎಸ್
ಅಳಗವಾಡಿ ಚಿತ್ರದುರ್ಗ ಕರ್ನಾಟಕ

N-2556 

  13-06-2024 09:13 AM   

ಮತ್ತೊಬ್ಬ ಟಿ.ಎನ್. ಶೇಷನ್ ಗಾಗಿ ಭಾರತ ದೇಶ ಕಾಯುತ್ತಿದೆ….!

 ಶ್ರೀ ಗುರುಗಳಿಗೆ ವಂದನೆಗಳು. ಬಿಸಿಲು ಬೆಳದಿಂಗಳು ಈ ವಾರದ ತಮ್ಮ ಅಂಕಣಕ್ಕೆ ನನಗೆ ತೋಚಿದ ಪ್ರತಿಕ್ರಿಯೆಯನ್ನು ಇದಕ್ಕೂ ಮುನ್ನ ಪೋಸ್ಟ್ ಮಾಡಿರುವೆ. ಶಿರ್ಷಿಕೆಯ ಮೇಲ್ಬಾಗದಲ್ಲಿ NEET - SCAM ಸುದ್ದಿ ನನ್ನ ಗಮನ ಸೆಳೆಯಿತು. ದೇಶದ ಉದ್ದಗಲ ಸುಮಾರು 24 ಲಕ್ಷ್ಮ ಮೆಡಿಸಿನ್ / ಮೆಡಿಕಲ್ ಓದಲು ಬಯಸುವ ವಿದ್ಯಾರ್ಥಿಗಳು ಪರೀಕ್ಷೆಯನ್ನು ಎದುರಿಸಿ - ಚೆನ್ನಾಗಿ ಉತ್ತರ ಬರೆದವರು ನಪಾಸಾಗಿರುವರು. ಪುನಃ ಉತ್ತರಗಳನ್ನು ಪರಿಶೀಲಿಸಲು ನ್ಯಾಯಾಲಯದ ಮೊರೆ ಹೋದವರು ತೇರ್ಗಡೆಯಾಗಿರುವರು. ಇಲ್ಲಿ ಮೇಲ್ಬಾಗದಲ್ಲಿ ಕಾಣುವ ನೋಟದಲ್ಲಿ ಸಾಕಷ್ಟು ಗೋಲ್ ಮಾಲ್ ಆಗಿರುವುದು ಕಂಡುಬರುತ್ತದೆ. ಮೆಡಿಕಲ್ ಓದಲು ಈ ರೀತಿಯಲ್ಲಿ ಪ್ರವೇಶ ಪಡೆದವರು ಹೇಗೆ ನುರಿತ ಡಾಕ್ಟರ್ ಆಗುವರು ಎನ್ನುವುದು ಯಕ್ಷ ಪ್ರಶ್ನೆ. ಶೇಷನ್ ಸಾಹೇಬರಂತವರು ಲಕ್ಷ್ಮಕ್ಕೆ ಒಬ್ಬರು ಸಿಗುವುದಿಲ್ಲ - ಸಿಕ್ಕರೂ ಅವರನ್ನು ಬದುಕಲು ಬಿಡುವುದಿಲ್ಲ. ಈ ಪರಿಸ್ಥಿತಿಯನ್ನು ಸರಿಪಡಿಸವುದು ಹೇಗೆ - ಮತ್ತೊಂದು ಹಿಡಿಂಬ ಪ್ರಶ್ನೆ. ನಿಮ್ಮ ಪ್ರಭುದೇವ್ ಎಮ್ ಎಸ್ .
Prabhudev M S
SHIVAMOGGA