N-2440 

  22-03-2024 05:11 PM   

ಸಮೂಹ ಮಾಧ್ಯಮ: ಸದ್ಬಳಕೆ ಮತ್ತು ದುರ್ಬಳಕೆ

 ಬಿಸಿಲು ಬೆಳದಿಂಗಳು 21.3.2024 ಸಂಚಿಕೆಯ *ದಡವಿರದ ಮಮತೆಯ ಕಡಲು ತಾಯಿ!* ಬಗ್ಗೆ ನನ್ನ ಪ್ರತಿಕ್ರಿಯೆ.

ಶ್ರೀಗಳ ಪಾದರವಿಂದಗಳಿಗೆ ನನ್ನ ಶಿರ ಸಾಷ್ಠಂಗ ನಮಸ್ಕಾರಗಳು. 🙏🏻🙏🏻🙏🏻

ಶ್ರೀಗಳ ಇಂದಿನ ಸಂಚಿಕೆಯನ್ನು ಓದುತ್ತಿದ್ದ ಹಾಗೆ ತನ್ನಿಂದ ತಾನೆ ಕಣ್ಣಿನಂಚಲ್ಲಿ ನೀರಿನ ಹನಿಗಳು ತುಂಬಿಕೊಂಡವು. ಕಾರಣ ವಿಷಯ ತಾಯಿಯ ಮಮತೆ.

ತಾಯಿಯ ವಿಷಯ ಪ್ರಸ್ತಾಪಿಸಿದ ಶ್ರೀಗಳ ಅಂಕಣ ನನಗೆ ಬಹಳ ವಿಶೇಷವಾಗಿದೆ. ಏಕೆಂದರೆ ಹುಟ್ಟಿದ ಪ್ರತಿಯೊಬ್ಬ ಮನುಷ್ಯನಿಗೆ ತಾಯಿಯೆ ಮೊದಲು ಕಾಣುವ ನಡೆದಾಡುವ ದೇವರು ಮತ್ತು ಅವಳ ಪ್ರೀತಿ ಮಮಕಾರ ಮತ್ತು ಕಾಳಜಿಯನ್ನ ಜಗತ್ತಿನ ಯಾವ ವ್ಯಕ್ತಿಯು ಸರಿದೂಗಿಸಲಾರ.ಗಣಿತ ಶಿಕ್ಷಕಿಯ ಪರಿಸ್ಥಿತಿಯ ತಿಳಿದ ಯುವತಿಯು ಸಾಮಾಜಿಕ ಜಾಲತಾಣ ಉಪಯೋಗಿಸಿ ಮಾಡಿದ ಕಾರ್ಯ ನಿಜಕ್ಕೂ ಶ್ಲಾಘನೀಯ. ಹಾಗೆಯೇ ತನ್ನನ್ನು ಎಷ್ಟು ಕೆಟ್ಟದಾಗಿ ನಡೆಸಿಕೊಂಡರೂ ಹೆತ್ತ ಮಗನಿಗೆ ಕೇಡು ಬಯಸದ ತಾಯಿಯ ಹ್ರದಯ ವೈಶಾಲ್ಯತೆಗೆ ನನ್ನದೊಂದು ದೊಡ್ಡ ಸಲಾಂ.
ಮತ್ತೊಮ್ಮೆ ಅಂಕಣಕ್ಕೆ ಪ್ರತಿಕ್ರಿಯೆ ಬರೆಯಲು ಅವಕಾಶ ನೀಡಿರುವ ಶ್ರೀಗಳಿಗೆ ನನ್ನ ಶಿರ ಸಾಷ್ಡಾಂಗ ನಮಸ್ಕಾರಗಳು 🙏🙏🙏
.
ಹಾಗೆಯೇ ತಮ್ಮ ಸಾಮಾಜಿಕ ಕಳಕಳಿಯ ಕಾರ್ಯವನ್ನ ಮುಂದುವರೆಸುತ್ತಾ ನಮ್ಮೆಲ್ಲರಿಗೂ ಜ್ಞಾನಸುಧೆಯನ್ನು ಉಣಬಡಿಸುತ್ತಿರುವ ಶ್ರೀ ವೆಂಕಟೇಶ ಶ್ರೇಷ್ಠಿಯವರಿಗೆ ನನ್ನ ಅನಂತ ವಂದನೆಗಳು.
*ಚನ್ನಬಸಯ್ಯ.ಪ.ಕೆಂಜೇಡಿಮಠ*
ಅಮರ ನಗರ, ಹುಬ್ಬಳ್ಳಿ

N-2440 

  22-03-2024 05:07 PM   

ಸಮೂಹ ಮಾಧ್ಯಮ: ಸದ್ಬಳಕೆ ಮತ್ತು ದುರ್ಬಳಕೆ

 *ದಡವಿರದ ಮಮತೆಯ ಕಡಲು ತಾಯಿ"*

ಈ ಲೇಖನ ಅದ್ಭುತವಾದ ಅರ್ಥಪೂರ್ಣವಾದ ವಾಸ್ತವವಾದ, ಓದುಗರ ಮನ ಮಿಡಿಯುವ ಲೇಖನ. ತಾಯಿ ಶಿಕ್ಷಕಿಯಾಗಿ ತನ್ನ ಮಕ್ಕಳ ವಿರುದ್ಧ *senior citizen act* ಕಾನೂನಿನ ಕ್ರಮ ಕೈಗೊಳ್ಳಲು ಬಯಸುವುದಿಲ್ಲ. ತಾಯಿಯ ವಿಶಿಷ್ಟವಾದ ಗುಣ ಇಲ್ಲಿ ಅವಿಸ್ಮರಣೀಯ. ಒಳ್ಳೆಯವರು ಮತ್ತು ಕೆಟ್ಟವರ ನಡುವೆ ಸಂಘರ್ಷ ನಿರಂತರವಾಗಿ ಸದಾ ನಡೆಯುತ್ತಲೇ ಬಂದಿದೆ. ಸದ್ಗುಣ ಮತ್ತು ದುರ್ಗುಣ - ಇವುಗಳಲ್ಲಿ ಪ್ರಬಲವಾದ ಒಂದು ಪ್ರಕಟಗೊಂಡು ವ್ಯಕ್ತಿಯು ಒಳ್ಳೆಯವನೋ ಅಥವಾ ಕೆಟ್ಟವನೋ‌ ಆಗುತ್ತಾನೆ‌. ಉಪಕಾರ ಪಡೆದ ಬಹುತೇಕರು ಅಪಕಾರ ಮಾಡಲು ಹೇಸುವುದಿಲ್ಲ. ಹೆತ್ತ ಮಗ ಹಾಗೂ ಗಂಡ ನಿವೃತ್ತ ಶಿಕ್ಷಕಿಯನ್ನು ತಾತ್ಸಾರ ರೀತಿಯ ಅನಾದರಣೆಗೆ ಗುರಿ ಮಾಡುತ್ತಾರೆ. ಹೆತ್ತ ಮಗನೇ ತನ್ನ ತಾಯಿಯೊಂದಿಗೆ ಜಗಳವಾಡಿ ಹೊರ ಹಾಕಿದ ಮೇಲೆ ಬಂಧು ಬಳಗದವರು ಯಾರೂ ನೆರವಿಗೆ ಬರಲಿಲ್ಲ. ತಾಯಿಯನ್ನು ಹೊರ ಹಾಕುವಾಗ ಮಗನ ಅಂತಃಕರಣ ಸ್ವಲ್ಪವೂ ಕರಗಲಿಲ್ಲ. ಅವನು ಮಾನವೀಯತೆಯನ್ನು ಮರೆತಿರುವುದು ವಿಪರ್ಯಾಸ..... ಹೆತ್ತ ತಾಯಿ ತನ್ನ ಮಗನ ವಿರುದ್ಧ ಕ್ರಮ ಕೈಗೊಳ್ಳಲು ಮುಂದಾಗಲಿಲ್ಲ. ಕರುಳಿನ ಕುಡಿಯ ಬಗ್ಗೆ ಕನಿಕರ. ಇಲ್ಲಿ ತಾಯಿಯ ಮಮತೆ ವಿಶಿಷ್ಟವಾದುದು. ಈ ಲೇಖನದ ಕರ್ತೃಗಳಾದ ಪರಮಪೂಜ್ಯರು ಇಂದಿನ ಯುವ ಜನಾಂಗದವರಿಗೆ ವಯೋವೃದ್ಧ ಅಪ್ಪ- ಅಮ್ಮನ ಲಾಲನೆ ಪಾಲನೆಯ ಮಹತ್ತರವಾದ ಜವಾಬ್ದಾರಿಯ ಸ್ಪಷ್ಟ ಸಂದೇಶ ನೀಡಿದ್ದಾರೆ. ಮಾನವೀಯತೆಯ ಅಂತಃಕರಣವನ್ನು ಮನುಕುಲಕ್ಕೆ ಸಾರಿದ್ದಾರೆ. *"ಏನಾದರೂ ಆಗು ಮೊದಲು ಮಾನವನಾಗು"* ಎನ್ನುವ ಖ್ಯಾತ ಸಾಹಿತಿಗಳಾದ ಶ್ರೀ ಸಿದ್ದಯ್ಯ ಪುರಾಣಿಕ ಅವರ ವಾಣಿಯನ್ನು ನೆನಪಿಸಿದ್ದಾರೆ.
ಜಿ.ಎ.ಜಗದೀಶ್* ಪೊಲೀಸ್ ಅಧೀಕ್ಷಕರು (ನಿವೃತ್ತ)
ಬೆಂಗಳೂರು

N-2440 

  22-03-2024 05:04 PM   

ಸಮೂಹ ಮಾಧ್ಯಮ: ಸದ್ಬಳಕೆ ಮತ್ತು ದುರ್ಬಳಕೆ

 ಪರಮಪೂಜ್ಯ ಗುರುಗಳ
ಚರಣಾರವಿಂದಗಳಿಗೆ ವಂದಿಸುತ್ತಾ,

ಬಿಸಿಲು ಬೆಳದಿಂಗಳು ೨೧/೩/೨೦೩೪ ರ ಲೇಖನ,”ದಡವಿರದ ಮಮತೆಯ ಕಡಲು ತಾಯಿ”, ಗೆ ನನ್ನ ಪ್ರತಿಕ್ರಿಯೆ.

ಈ ಲೇಖನ ಓದಿದಾಗ ನನಗನ್ನಿಸಿದ್ದು, ರಕ್ತ ಹಂಚಿಕೊಂಡು ಹುಟ್ಟಿದವರು ಬಂಧು ಬಾಂಧವರಾಗುವುದಿಲ್ಲ. ವ್ಯಕ್ತಿಯನ್ನು ಅರ್ಥ ಮಾಡಿಕೊಂಡು ಗೌರವಿಸಿ, ಪ್ರೀತಿಸುವವರೇ ನಮ್ಮ ನಿಜವಾದ ಬಂಧುಬಾಂಧವರೆಂದು. ಈ ಮಾತು ಎಷ್ಟೋ ಜನರ ಬದುಕಿನಲ್ಲಿ ಅನುಭವಕ್ಕೆ ಬಂದಿರುತ್ತದೆ.ವಿದ್ಯೆ ಗಳಿಸಿದ ವಿದ್ಯಾರ್ಥಿಗಳಿಗೆ, ತಮ್ಮ ಗುರುಗಳ ಮೇಲಿರುವ ಕಾಳಜಿ, ಆ ಒಡಲಿನಿಂದ ಜನ್ಮ ಪಡೆದು, ಮೊಲೆಯುಂಡ ಮಗನಿಗಿಲ್ಲದೆ ಹೋದದ್ದು ಆಕೆಯ ದುರ್ವಿಧಿಯೋ, ಇಲ್ಲಾ ಮಗನ ಕ್ರೂರ ನಡೆಯೋ….?

ಆದರೂ ಎಲ್ಲ ಸ್ತ್ರೀಯರನ್ನೂ ಮಾತೆಯಂತೆ ಗೌರವಿಸಬೇಕಾದ ಸಂಸ್ಕೃತಿ ನಮ್ಮದಾಗಿರುವಾಗ, ಜೀವನದುದ್ದಕ್ಕೂ ತನ್ನ ಸಂಸಾರಕ್ಕಾಗಿ ಒಳಗೂ, ಹೊರಗೂ ದುಡಿದ ಹೆತ್ತಮ್ಮನಿಗೆ ನಾಲ್ಕು ತುತ್ತಿಟ್ಟು ಸಾಕುವ ಯೋಗ್ಯತೆ ಇಲ್ಲದ ಇಂಥವರ ಕತೆ ಕೇಳಿದಾಗ ಕರುಳು ಚುರುಗುಟ್ಟುತ್ತದೆ.ಆ ತಾಯಿಯ ಹೀನಸ್ಥಿತಿ ಕಂಡು ಸಂಕಟವಾಗುತ್ತದೆ. ಅಮ್ಮನ ಪ್ರೀತಿ ಎಲ್ಲರಿಗೂ ಸಿಗುವುದಿಲ್ಲ. ಸಿಕ್ಕಿದ ಅದೇಷ್ಟೋ ಮಂದಿ ಆ ಪ್ರೀತಿಯನ್ನ ಉಳಿಸಿಕೊಳ್ಳುವುದಿಲ್ಲ. ಮಡದಿ, ಮಕ್ಕಳು, ಆಸ್ತಿ, ಹಣ ಎಂಬ ಆಮಿಷಕ್ಕೆ ಒಳಗಾಗಿ ಹೆತ್ತ ತಾಯಿಯನ್ನ ದೂರವಿರಿಸುವ, ಅವರನ್ನು ಪಶುಗಳಿಗಿಂತಲೂ ಕೀಳಾಗಿ ಕಾಣುವ ಕಟುಕರಂಥ, ಅನೇಕ ಉದಾಹರಣೆಗಳನ್ನ ಇಂದಿನ ಸಮಾಜದಲ್ಲಿ ನೋಡಬಹುದು. ಸ್ವಂತ ಮಗನಿಂದ ಪರಿತ್ಯಕ್ತಳಾಗಿ ರೈಲುನಿಲ್ದಾಣದ ಮೂಲೆಯೊಂದರಲ್ಲಿ ಕೂತರೂ ಅದೇ ಮಗನ ಬಾಲ್ಯವನ್ನು ನೆನಪಿಸಿಕೊಂಡು ನಸುನಗೆಬೀರುವ, ಆತನ ಭವಿಷ್ಯ ಚೆನ್ನಾಗಿರಲೆಂದು ಎರಡೂ ಕೈಯೆತ್ತಿ ಹಾರೈಸುವ ಆ ದೈವತ್ವದ ಸಾಕಾರ ಮೂರ್ತಿಯನ್ನು ಪುಟ್ಟ ಲೇಖನದಲ್ಲಿ ಕಟ್ಟಿಹಾಕೋಕೆ ಸಾಧ್ಯಾವಾ..?

ಸಾಮಾಜಿಕ ಜಾಲತಾಣಗಳು ಸಮಾಜಕ್ಕೆ, ಯುವಪೀಳಿಗೆಯ ಭವಿಷ್ಯಕ್ಕೆ ಏನೇ ಧಕ್ಕೆ ತಂದರೂ, ಇಂಥ ಮಾತೆಯರಿಂದ ಹಿಡಿದು ನನ್ನಂಥ ಪ್ರಪಂಚದ ಯಾವುದೋ ಮೂಲೆಯಲ್ಲಿ ಕೂತಿರುವವಳಿಗೂ ನಮಗೆ ಬೇಕಾದಂಥ, ನಮ್ಮನ್ನು ಕೈಹಿಡಿದು ಮೇಲಕ್ಕೆತ್ತುವ ಬಂಧುಬಾಂಧವರು ಸಿಕ್ಕಿರುವರೆಂದರೆ,ಅಂಥ ಜಾಲತಾಣಗಳ ಸೃಷ್ಟಿಕರ್ತರಿಗೆ ಸಾಷ್ಟಾಂಗ ವಂದನೆಗಳನ್ನ ಅರ್ಪಿಸುತ್ತೇನೆ
.
ಕನಿಷ್ಟ, ತಮ್ಮ ಹೆತ್ತವರನ್ನಾದರೂ ಆದರಿಸಿ, ಪೋಷಿಸುವ ಸಂಸ್ಕಾರ ಇಂದಿನ ಪೀಳಿಗೆಗೆ ದೊರೆತರೆ ಸಾಕು ಎಂದು ಆ ದೇವರಲ್ಲಿ ಪ್ರಾರ್ಥಿಸುತ್ತೇನೆ.

ನನ್ನ ಅನಿಸಿಕೆಯನ್ನು ಹಂಚಿಕೊಳ್ಳಲು ಅವಕಾಶ ಮಾಡಿಕೊಟ್ಟ ಗುರುಮಠಕ್ಕೆ, ಹಾಗೂ ಗುರುಗಳ ಸ್ಥಾನದಲ್ಲಿ ನಿಂತು, ಎಲ್ಲರಿಗೂ ಲೇಖನಗಳನ್ನು ಬರೆಯಲು ಉತ್ತೇಜಿಸುವ ಶ್ರೀವೆಂಕಟೇಶಣ್ಣನವರಿಗೆ ನ
ಶರಣುಶರಣಾರ್ಥಿ!
*ರೂಪ ಮಂಜುನಾಥ*
ಹೊಳೆನರಸೀಪುರ

N-2440 

  22-03-2024 05:01 PM   

ಸಮೂಹ ಮಾಧ್ಯಮ: ಸದ್ಬಳಕೆ ಮತ್ತು ದುರ್ಬಳಕೆ

 ಗುರುಗಳಿಗೆ ನಮಸ್ಕಾರ ಗಳು,
ಮಾರ್ಚ್ 21 ಗುರುವಾರ ದ ಬಿಸಿಲು ಬೆಳದಿಂಗಳು ಅಂಕಣದ ಶೀರ್ಷಿಕೆ
*ದಡವಿರದ ಮಮತೆಯ ಕಡಲು ತಾಯಿ*

ಇದರಲ್ಲಿ ಗುರುಗಳು ಸಾಮಾಜಿಕ ಜಾಲತಾಣಗಳ ಒಳಿತು ಕೆಡಕುಗಳ ಬಗ್ಗೆ ವರ್ಣಿಸಿದ್ದಾರೆ. ಹೌದು, ಸಮೂಹ ಮಾಧ್ಯಮಗಳಿಂದ ಬಹಳಷ್ಟು ಒಳಿತು ಇರುವುದು ಸತ್ಯ ಸಂಗತಿ; ಹಾಗೆಯೇ ಕೆಡಕುಗಳೂ ಬಹಳಷ್ಟು ಇವೆ. ತಂತ್ರಜ್ಞಾನವೆಂಬುದು ಶಸ್ತ್ರಚಿಕಿತ್ಸೆಯ ಪರಿಕರಗಳಿದ್ದಂತೆ . ಚಿಕಿತ್ಸೆಗಾಗಿಯೂ ಬಳಸಬಹುದು ಹಾಗೆಯೇ ಅಂತ್ಯಕೂ ಬಳಸಬಹುದು. ಚಾಕುವನ್ನು ಹಣ್ಣು ಹೆಚ್ಚಲಿಕ್ಕೆ ಬಳಸುತ್ತೇವೆ, ಹಾಗೆಯೇ ಕತ್ತು ಕೊಯ್ಯಲು ಉಪಯೋಗಿಸುತ್ತಾರೆ ಕೊಲೆಗಡಕರು.
ಇಂತಹ ತಂತ್ರಜ್ಞಾನದಿಂದ ಮನೋವಿಕಾಸ ಹಾಗೂ ಮನರಂಜನೆಯಂತಹ ಸಾಧಕ ಉಪಯೋಗಗಳು ಇವೆ. ಮನೋಖಿನ್ನತೆ ಹಾಗೂ ಮನೋವ್ಯಾಕುಲಗಳಂತಹ ಭಾಧಕಗಳಿಗೂ ಕಾರಣವಾಗಿವೆ.

ಕೆಲವು ಸಂಸ್ಥೆಗಳು ಹಾಗೂ ಕೇಂದ್ರಗಳು ಮಕ್ಕಳಿಗೆ ಬಾಲವೇಷ , ಏಕಪಾತ್ರಾಭಿನಯ ಮೊದಲಾದ ಸ್ಪರ್ಧೆಗಳನ್ನು ಆಯೋಜಿಸಿ ಲೈಕು ಕಮೆಂಟುಗಳ ಆಧಾರದ ಮೇಲೆ ತೀರ್ಪು ಹಾಗೂ ಬಹುಮಾನಗಳನ್ನು ನೀಡುವ ವ್ಯವಸ್ಥೆ ಮಾಡಿರುತ್ತಾರೆ. ಎಷ್ಟು ಲೈಕು ಕಮೆಂಟ್ ಬಂದಿದೆ ಎಂದು ಸಣ್ಣ ವಯಸ್ಸಿನ ಮಕ್ಕಳು ಚಾತಕ ಪಕ್ಷಿಯಂತೆ ಕಾಯುವುದನ್ನೆ ಕಾಯಕ ಮಾಡಿಕೊಂಡು ಬಿಡುತ್ತಾರೆ. ನಕಾರಾತ್ಮಕ ಫಲಿತಾಂಶದಿಂದ ಖಿನ್ನತೆಗೂ ಒಳಗಾಗುತ್ತಾರೆ.
ಜಾಲತಾಣಗಳಿಂದ ದೂರದಲ್ಲಿರುವ ಬಂಧು ಮಿತ್ರರ ಯೋಗ ಕ್ಷೇಮ ವಿಚಾರ ಬಹುಬೇಗನೆ ತಲುಪಲು ಸಾಧ್ಯವಾಗಿದೆ. ಜನನ ಮರಣದ ವಿಚಾರಗಳು, ಸಾವು ನೋವುಗಳ ಸಮಾಚಾರಗಳು, ಕ್ಷಣಾರ್ಧದಲ್ಲಿ ಸಾವಿರಾರು ಮೈಲಿಗಳ ಆಚೆ ಇರುವವರಿಗೆ ತಿಳಿಸಬಹುದಾಗಿದೆ. ಅನೇಕ ಶಸ್ತ್ರ ಚಿಕಿತ್ಸೆಗಳನ್ನು ರೋಗಿಗಳಿದ್ದಲ್ಲಿಯೇ, ಲ್ಯಾಪ್ಟಾಪ್ ನಲ್ಲಿ ಬರುವ ಸಂದೇಶಗಳ ನೆರವು ಪಡೆದು ಸಣ್ಣ ಊರುಗಳಲ್ಲಿರುವ ವೈದ್ಯರು ಯಶಸ್ವಿಯಾಗಿ ನಡೆಸಿರುತ್ತಾರೆ. ಹೃದಯ ಸಂಬಂಧಿ ರೋಗಿಗಳನ್ನು ಇದ್ದ ಸ್ಥಳದಲ್ಲಿಯೇ ಉಪಚರಿಸುವುದು ಒಳಿತಲ್ಲವೇ?

ಗುರುವರ್ಯರ ಈ ಲೇಖನದಲ್ಲಿ ಭಿಕ್ಷುಕಿಯಾಗಿದ್ದ ಶಿಕ್ಷಕಿಯೋರ್ವರ ಬಾಳು ಬೆಳಗಿದ್ದು ಇಂತಹ ಜಾಲತಾಣದಿಂದ ಎಂಬುದನ್ನು ತಿಳಿದು ಮನಸ್ಸು ಹಗುರಾಯಿತು. ಹೆತ್ತ ತಾಯಿಯನ್ನು ಈ ಮಟ್ಟಿಗೆ ನಿರ್ಲಕ್ಷಿಸುವ ಮಕ್ಕಳು ಇದ್ದಾರೆ ಎಂಬುದನ್ನು ತಿಳಿದು ಮನಸ್ಸಿಗೆ ನೋವಾಯಿತು.
*ತಾಯಿಯ ಮಡಿಲು ಮಮತೆಯ ಕಡಲು* ಎಂಬುದು ಸತ್ಯವಾದ ಮಾತು ಎನಿಸಿತು.
ಶಕುಂತಲಾ ಸಿದ್ದರಾಜು*
ಹೊಸದುರ್ಗ

N-2440 

  22-03-2024 04:58 PM   

ಸಮೂಹ ಮಾಧ್ಯಮ: ಸದ್ಬಳಕೆ ಮತ್ತು ದುರ್ಬಳಕೆ

 ಶ್ರೀಗುರು ಸಾನಿಧ್ಯಕ್ಕೆ ಸಾಷ್ಟಾಂಗ
ನಮನ ಸಲ್ಲಿಸಿ, 🙏🏻💐

ಪ್ರಸ್ತುತ ಬರಹದಲ್ಲಿ ಗುರುಗಳು
ಸಮೂಹ ಮಾಧ್ಯಮಗಳ ಸದುಪಯೋಗದ ಸಂದೇಶ ನೀಡಿದ್ದಾರೆ. ಮನೆ ಮನೆಗಳಲ್ಲಿ
ಹಿರಿಯರನ್ನು ರಕ್ಷಿಸುವ ಹೊಣೆಯ ಬಗ್ಗೆ ಎಚ್ಚರಿಕೆ ನೀಡುತ್ತಾರೆ. ಸಮಾಜದ ಸರ್ವರೂ ಸುಖವಾಗಿರಲಿ ಎಂಬ ಮಂತ್ರ ಜಪಿಸಿದರೆ ಸಾಲದು, ಎಲ್ಲರೂ ತಮ್ಮ ಕೈಲಾದಷ್ಟು ಸಹಾಯವನ್ನು ಅವಶ್ಯಕತೆ ಇದ್ದವರಿಗೆ ಸಲ್ಲಿಸಬೇಕು, ಸಮಾಜದ ಋಣ ತೀರಿಸುವದು ನಮ್ಮೆಲ್ಲರ ಜವಾಬ್ದಾರಿ ಆಗಿದೆ.
ಎಂದು ಗುರುಗಳು ನಮ್ಮನ್ನು ಎಚ್ಚರಿಸಿದ್ದಾರೆ.
ಶ್ರೀಗುರುಗಳ ಸಂದೇಶಗಳನ್ನು ನಮಗೆಲ್ಲ ತಲುಪಿಸುತ್ತಿರುವ ವೆಂಕಟೇಶ ಶೆಟ್ಟಿ ಅವರಿಗೆ ಶರಣು

ಮುಕ್ತಾ ಯಲ್ಲಣ್ಣ ಗುಜಮಾಗಡಿ
ನರಗುಂದ

N-2440 

  22-03-2024 04:47 PM   

ಸಮೂಹ ಮಾಧ್ಯಮ: ಸದ್ಬಳಕೆ ಮತ್ತು ದುರ್ಬಳಕೆ

 ದಡವಿರದ ಮಮತೆಯ ಕಡಲು ತಾಯಿ*

ಇದು ಇಂದಿನ ಬಿಸಿಲು ಬೆಳದಿಂಗಳು ಅಂಕಣದಲ್ಲಿ ಪೂಜ್ಯಶ್ರೀ ಡಾ. ಶಿವಮೂರ್ತಿ ಶಿವಾಚಾರ್ಯ ಮಹಾಸ್ವಾಮಿಗಳವರ ಲೇಖನ.
ನಿಮಗೆ ಒಂದು ಕಥೆ ಹೇಳುತ್ತೇನೆ. ಒಬ್ಬ ಹುಡುಗನಿದ್ದ. ಅವನ ತಂದೆ ತಾಯಿಗೆ ಒಬ್ಬನೇ ಮಗ. ಅವನ ತಂದೆ ಹೆಸರಾಂತ ಸಂಸ್ಥೆಯೊಂದರಲ್ಲಿ ಗುಮಾಸ್ತರಾಗಿ ಕೆಲಸ ಮಾಡುತ್ತಿದ್ದರು . ಆ ಹುಡುಗನ ವಿದ್ಯಾಭ್ಯಾಸ ಮುಗಿದ ನಂತರ ಎಷ್ಟೋ ವರ್ಷ ಕೆಲಸ ಸಿಗದೇ ವ್ಯವಸಾಯ ಮಾಡಿಕೊಂಡಿದ್ದ . ಒಂದು ದಿನ ಅವನ ತಂದೆ ಒಂದು ಸಲಹೆ ಕೊಟ್ಟರು. ತಾವು ಕೆಲಸ ಮಾಡುತ್ತಿರುವ ಸಂಸ್ಥೆಯ ಗುರುಗಳ ಬಳಿ ಒಂದು ನೌಕರಿ ಕೇಳು. ಅವರು ತಾಯಿಯ ಹೃದಯವುಳ್ಳವರು. ಖಂಡಿತ ನಿನಗೆ ಒಂದು ನೌಕರಿ ಕೊಟ್ಟೇ ಕೊಡುತ್ತಾರೆ ಎಂದು ಹೇಳಿದರು. ಅದರಂತೆ ಆ ಹುಡುಗನು ಗುರುಗಳ ಹತ್ತಿರ ಹೋಗಿ ಕಾಲಿಗೆ ಬಿದ್ದು ತನಗೆ ಇರುವ ಕಷ್ಟವನ್ನು ನಿವೇದಿಸಿಕೊಂಡ. ತಕ್ಷಣ ಗುರುಗಳು ಸಂಸ್ಥೆಯು ನಡೆಸುತ್ತಿರುವ ಒಂದು ಪ್ರಾಜೆಕ್ಟ್ ನಲ್ಲಿ ಆ ಹುಡುಗನಿಗೆ ಕೆಲಸ ಕೊಟ್ಟರು. ಮೂರು ವರ್ಷ ಕಳೆದು ಮೇಲೆ ಹುಡುಗನಿಗೆ ಮದುವೆ ಮಾಡಿದರು. ಮದುವೆಯಾದ ನಂತರ ಹುಡುಗ ತನ್ನ ಹೆಂಡತಿಯನ್ನು ತಾನು ಕೆಲಸ ಮಾಡುವ ಜಾಗದಲ್ಲಿ ಮನೆ ಮಾಡಿ ಕರೆದುಕೊಂಡು ಹೋಗುವ ಯೋಚನೆಯಲ್ಲಿದ್ದ . ಅದಕ್ಕಾಗಿ ಮನೆಯನ್ನು ಹುಡುಕಿದ್ದ . ಆದರೆ ತಾಯಿಗೆ ಸೊಸೆಯನ್ನು ಮಗನ ಜೊತೆ ಕಳುಹಿಸುವ ಆಸೆ ಸ್ವಲ್ಪವೂ ಇರಲಿಲ್ಲ . ಇದರ ವಿಚಾರವಾಗಿ ತಾಯಿ ಮಗನ ನಡುವೆ ಅವಾಗವಾಗ ಜಗಳ ನಡೆಯುತ್ತಿತ್ತು. ಹೀಗೆ ಆರು ತಿಂಗಳು ಕಳೆಯಿತು. ಆಗಲೂ ಸಹ ತಾಯಿಗೆ ಆ ಸೊಸೆಯನ್ನು ಕಳುಹಿಸುವ ಆಸೆ ಇರಲಿಲ್ಲ. ತಾಯಿಗೆ ತನ್ನ ಮನೆಗೆ ಅಡುಗೆ ಮಾಡಿ ಹಾಕುವ ಒಂದು ಆಳು ಬೇಕಿತ್ತು, ಅಷ್ಟೇ. ಮಗನ ಸುಖ ಸಂತೋಷ ಸ್ವಲ್ಪವೂ ಬೇಕಿರಲಿಲ್ಲ . ಅಲ್ಲಿಗೆ ಕಳುಹಿಸಿದರೆ ಇಲ್ಲಿ ಅಡುಗೆ ಮಾಡುವವರಾರು ಎಂದು ಮಗನನ್ನು ಪ್ರಶ್ನಿಸುತ್ತಿದ್ದಳು. ಕಾಲಕ್ರಮೇಣ ಮಗನಿಗೆ ತಾಯಿಯ ವರ್ತನೆ ಜಿಗುಪ್ಸೆ ತರತೊಡಗಿತು. ತನ್ನ ಕೆಲಸದಲ್ಲಿಯೂ ಸಹ ಆಸಕ್ತಿ ಕಳೆದುಕೊಂಡ . ಇದರ ಪರಿಣಾಮ ಒಮ್ಮೆ ಸಸ್ಪೆಂಡ್ ಆಗಿ ಮನೆಗೆ ಬಂದ . ಇದನ್ನು ಕೇಳಿದ ಕೆಲ ಹಿರಿಯರು ಹುಡುಗನ ತಂದೆಗೆ ಬುದ್ಧಿ ಹೇಳಿದರು . ಇದರ ನಂತರ ನಾಲ್ಕು ವರ್ಷ ಮನೆಯಲ್ಲಿದ್ದ .ಇಷ್ಟರಲ್ಲಿ ಹುಡುಗನಿಗೆ ಎರಡು ಗಂಡು ಮಕ್ಕಳಾದವು . ಹುಡುಗನಿಗೆ ಇನ್ನೊಂದು ಬಂಗಾರದಂತಹ ಕೆಲಸ ಸಿಕ್ಕಿತು . ಆಗ ಹುಡುಗನ ತಂದೆಗೆ ಒಂದು ಯೋಚನೆ ಹೊಳೆಯಿತು . ಮೊಮ್ಮಕ್ಕಳ ವಿದ್ಯಾಭ್ಯಾಸದ ನೆಪವಡ್ಡಿ ತಾನೇ ಒಂದು ಮನೆ ಮಾಡಿ ಮಗ ಸೊಸೆ ಮೊಮ್ಮಕ್ಕಳನ್ನು ತನ್ನ ಮಗ ಕೆಲಸ ಮಾಡುವ ಜಾಗದಲ್ಲಿ ಬಿಟ್ಟ . ಹೀಗೆ ಒಂದು ವರ್ಷ ಕಳೆಯಿತು . ಪ್ರತಿ ತಿಂಗಳು ಆ ತಾಯಿ ತನ್ನ ಮಗನ ಸಂಬಳವನ್ನು ಕಿತ್ತುಕೊಂಡು ಬರಲು ತನ್ನ ಗಂಡನನ್ನು ತಿಂಗಳ ಕೊನೆಯಲ್ಲಿ ಕಳುಹಿಸುತ್ತಿದ್ದಳು . ಸಂಬಳ ಕೊಡದಿದ್ದಲ್ಲಿ ಆ ಕೆಲಸಕ್ಕೆ ರಾಜೀನಾಮೆ ಕೊಟ್ಟು ಬಾ ಎಂದು ಬೆದರಿಸುತ್ತಿದ್ದಳು. ಮನೆ ಬಾಡಿಗೆ ಮತ್ತು ಇತರೆ ಖರ್ಚು ಮಾತ್ರ ಕೊಟ್ಟು ಉಳಿದ ಸಂಬಳವನ್ನು ಪೂರ್ತಿ ಕಿತ್ತುಕೊಂಡು ಹೋಗುತ್ತಿದ್ದರು . ಇದರಿಂದ ಹುಡುಗನಿಗೆ ಸ್ವಲ್ಪ ಸಮಸ್ಯೆ ಆಗತೊಡಗಿತು, ಯಾಕೆಂದರೆ ತನ್ನ ಹೆಂಡತಿಯ ಕನಿಷ್ಠ ಆಸೆಯನ್ನು ಪೂರೈಸುವ ಶಕ್ತಿ ಅವನಿಗೆ ಇಲ್ಲದಾಯಿತು. ಇದಾಗಿ ಒಂದು ವರ್ಷ ಕಳೆದ ಮೇಲೆ ಹುಡುಗನ ತಂದೆ ತೀರಿಕೊಂಡು ಹೋದರು. ಆಗ ತಾಯಿ ತನ್ನನ್ನು ನೋಡಿಕೊಳ್ಳುವರು ಯಾರು ಎಂಬ ಯೋಚನೆ ಬಂದಾಗ ಮಗನಿಗೆ ಕೆಲಸ ಬಿಟ್ಟು ಬರಲು ಹೇಳಿದರು ಆಗ ಮಗನು ಇಲ್ಲಮ್ಮ ನನ್ನ ಹೆಂಡತಿ ಮಕ್ಕಳನ್ನು ನಿನ್ನ ಜೊತೆಯೇ ಬಿಟ್ಟು ಹೋಗುತ್ತೇನೆ ಆದರೆ ಕೆಲಸ ಮಾತ್ರ ಬಿಡುವುದಿಲ್ಲ ಎಂದನು. ಆಗ ಸೊಸೆಯು ಅಮ್ಮ ನಿಮ್ಮ ಜೊತೆ ನಾನು ನನ್ನ ಮಕ್ಕಳು ಇದ್ದೇವಲ್ಲ ಅವರನ್ನು ಯಾಕೆ ತಡೆಯುತ್ತೀರಿ ಅವರು ಕೆಲಸಕ್ಕೆ ಹೋಗಲಿ ಬಿಡಿ ಎಂದಾಗ ಸೊಸೆ ಜೊತೆ ಸಿಕ್ಕಾಪಟ್ಟೆ ಹೊಡೆದಾಡೋ ರೀತಿಯಲ್ಲಿ ಜಗಳ ಆಡಿದರು . ಆಗ ಹುಡುಗನು ಇದನ್ನು ಮೀರಿ ನಾನು ಕೆಲಸಕ್ಕೆ ಹೋದರೆ ನಾನು ಇಲ್ಲದಿದ್ದಾಗ ಯಾವ ರೀತಿ ಜಗಳ ಆಗಿ ಏನು ಅನಾಹುತವಾಗುತ್ತದೆ ಎಂಬ ಯೋಚನೆ ಅವನಿಗೆ ಬಂದು ಹೆಂಡತಿಯನ್ನು ಸಮಾಧಾನ ಮಾಡಿ ಕೆಲಸವನ್ನು ಬಿಟ್ಟು ಬಂದನು. ಈಗ ವ್ಯವಸಾಯದಲ್ಲಿ ಸರಿಯಾದ ಆದಾಯವು ಇಲ್ಲದೆ ವರ್ಷ ವರ್ಷ ಸಾಲ ಜಾಸ್ತಿಯಾಗಿ ಈಗಲೂ ಆ ಹುಡುಗ ತೊಂದರೆ ಅನುಭವಿಸುತ್ತಿದ್ದಾನೆ. ಈಗ ಹೇಳಿ ದಡವಿರದ ಮಮತೆಯ ಕಡಲು ಆ ತಾಯಿನ? ಆ ಹುಡುಗಾನ? ಅಥವಾ ಸೊಸೆನಾ?
ರಘು ಜಿ
ಅನುವನಹಳ್ಳಿ

N-2466 

  22-03-2024 04:46 PM   

ಸಿರಿಗೆರೆಯಲ್ಲಿ ಗುರು ರೇವಣಸಿದ್ಧ ಜಯಂತಿ ಆಚರಣೆ

 ವಿಶ್ವ ಬಂಧು ಮರುಳಸಿದ್ಧರ ದೀಕ್ಷಾ ಗುರುಗಳಾದ ಮತ್ತು ಪಂಚಾಚಾರ್ಯರಲ್ಲಿ ಒಬ್ಬರೆಂದು ತಿಳಿಸಲಾಗಿರುವ ರೇವಣಸಿದ್ಧ /ರೇವಣಾರಾಧ್ಯ ಮತ್ತು ರೇಣುಕಾಚಾರ್ಯ ಇವರೆಲ್ಲರೂ ಒಂದೇ ಹೆಸರಿನವರೆಂದು ಕಾಣುತ್ತದೆ.ಇದರ ಬಗ್ಗೆ ಜಿಜ್ಞಾಸೆ ಇದ್ದು ದಯಮಾಡಿ ತಿಳಿಸಲು ಕೋರಿದೆ...
ಶರಣಾರ್ಥಿಗಳು... 🙏🏻🙏🏻🙏🏻
ಡಿ. ಪ್ರಸನ್ನಕುಮಾರ್
ಬೆಂಗಳೂರು

N-2466 

  22-03-2024 04:16 PM   

ಸಿರಿಗೆರೆಯಲ್ಲಿ ಗುರು ರೇವಣಸಿದ್ಧ ಜಯಂತಿ ಆಚರಣೆ

 ಉತ್ತಮ ಲೇಖನ 👍
ಚನ್ನಬಸಪ್ಪಬ್.ಬಿ. ಎಂ
Chitradurga

N-2466 

  22-03-2024 04:04 PM   

ಸಿರಿಗೆರೆಯಲ್ಲಿ ಗುರು ರೇವಣಸಿದ್ಧ ಜಯಂತಿ ಆಚರಣೆ

 ಗುರು ರೇವಣಸಿದ್ದರ ಬಗ್ಗೆ ನಿಜಕ್ಕೂ ಸಂಶೋಧನೆ ಆಗಬೇಕಾಗಿದೆ..ನಾವು ಪ್ರತಿಯೊಬ್ಬ ಸತ್ಪುರುಷರನ್ನು ಪೌರಾಣಿಕ ಹಿನ್ನೆಲೆ ಯಿಂದ ನೋಡಿ ಅವರ ನಿಜಜೀವನದ ತಾತ್ಪರ್ಯ,ತತ್ಪ, ಸಂದೇಶಗಳನ್ನು ತಿಳಿಯದೇ ಇರಲು ಕಾರಣವಾಗಿದೆ.ಹೀಗಾಗಿ ಗುರು ರೇವಣಸಿದ್ದರನ್ನು ತಿಳಿದುಕೊಳ್ಳಲು ನಾವು ಆಸಕ್ತಿ ವಹಿಸಿ,ಅಧ್ಯಯನಶೀಲರಾಗಬೇಕಾಗಿದೆ...ಶರಣು,ಶರಣಾರ್ಥಿ.
ಡಾ.ಗಂಗಾಧರಯ್ಯ ಹಿರೇಮಠ.
Davangere.04.

N-2441 

  22-03-2024 03:18 PM   

ಬಸವನ ಶಿವನಕೆರೆಯಲ್ಲಿ ಶ್ರೀ ಬಸವೇಶ್ವರ ರಥೋತ್ಸವಕ್ಕೆ ಚಾಲನೆ

 Super

Shivaprakash.V
Bangalore

N-2441 

  22-03-2024 12:00 PM   

ಬಸವನ ಶಿವನಕೆರೆಯಲ್ಲಿ ಶ್ರೀ ಬಸವೇಶ್ವರ ರಥೋತ್ಸವಕ್ಕೆ ಚಾಲನೆ

 ಪರಮಪೂಜ್ಯ ತರಳಬಾಳು ಜಗದ್ಗುರುಗಳಿಗೆ ಅನಂತ ಅನಂತ ಪ್ರಣಾಮಗಳು..ಆಧ್ಯಾತ್ಮಿಕ ಚಿಂತನೆಯಿಂದ ಜೀವನ ಶೈಲಿಯಲ್ಲಿ ಬದಲಾವಣೆ ಸಾಧ್ಯವಾಗುವುದರಿಂದ ಅನುಸರಿಸುವುದು ಒಳ್ಳೆಯದು.. ಜೈ ತರಳಬಾಳು...
ಮರುಳಸಿದ್ಧೇಶ್ವರ ಎ.ಜಿ.
ನಾಗೇನಹಳ್ಳಿ ,ಅರಸೀಕೆರೆ ತಾಲ್ಲೂಕು.

N-2441 

  22-03-2024 10:31 AM   

ಬಸವನ ಶಿವನಕೆರೆಯಲ್ಲಿ ಶ್ರೀ ಬಸವೇಶ್ವರ ರಥೋತ್ಸವಕ್ಕೆ ಚಾಲನೆ

 

B f meti
Sun city gardan Hublli karanatk India

N-2440 

  21-03-2024 07:49 PM   

ಸಮೂಹ ಮಾಧ್ಯಮ: ಸದ್ಬಳಕೆ ಮತ್ತು ದುರ್ಬಳಕೆ

 ನಮಸ್ತೆ ಗುರುಗಳೇ..
ಈ ಅಂಕಣ ಓದಿ ನನಗೆ ತುಂಬಾ ಬೇಸರವಾಯಿತು..
ಈಗಿನ ಸಮೂಹ ಮಾಧ್ಯಮಗಳ ಬಗ್ಗೆ ಒಳ್ಳೆಯದು ಕೆಟ್ಟದ್ದನ್ನು ತುಂಬಾ ಚೆನ್ನಾಗಿ ತಿಳಿಹೇಳಿದ್ದೀರಿ..
ಆದರೆ
ಕೆಟ್ಟ ಮಗ ಹುಟ್ಟಬಹುದು ಆದರೆ ಕೆಟ್ಟ ತಾಯಿ ಎಲ್ಲಿಯೂ ಇಲ್ಲವೆಂದು ಹೇಳಿದ್ದೀರಿ ಬುದ್ದಿಅವರೆ ..
ಹಾಗಂತ ನೀವು ಹೇಳಿರುವುದು ಸತ್ಯವೇ ಆದರೆ 100 ಕ್ಕೆ 99 ಜನರು ಒಳ್ಳೆಯ ತಾಯಂದಿರು ಇದ್ದಾರೆ..
ಆದರೆ
ನನ್ನ ಹಾಗೂ ನನ್ನ ಯಜಮಾನರ ಪಾಲಿಗೆ ನಮ್ಮ ಮನೆಯವರ ತಾಯಿಯಂತ ತಾಯಿ ಯಾರಿಗೂ ಬೇಡ ಬುದ್ದಿ..
ಅವರಿಗೆ ಮಗಳೇ ಹೆಚ್ಚು ಮಗ ಕಾಲಿನ ಕಸ ..
ಮಗಳ ಮಾತು ಕೇಳಿ ನನ್ನ ಹಿಂಸೆ ಕೊಟ್ಟು ಬದುಕೇ ಬೇಡ ಅನ್ನೋ ಸ್ಥಿತಿಗೆ ನನ್ನ ತಂದಿಟ್ಟರು ..
ಆದರೆ ಪಾಪ ನಮ್ಮ ಯಜಮಾನರು ಜೀವನಪೂರ ಕಷ್ಟಕ್ಕೆ ತಳ್ಳಿದ್ರು..
ಇಲ್ಲಿ ಹೆಣ್ಣು ಮಕ್ಕಳೇ ಎಲ್ಲಾ ಗಂಡು ಮಕ್ಕಳಿಗೆ ಯಾವುದೇ ತರದ ಬೆಲೆನೂ ಇಲ್ಲ..
ನನ್ನ ಗಂಡನನ್ನು ಮೂರು ಸಾರಿ ಠಾಣೆಯ ಮೆಟ್ಟಿಲನ್ನು ಹತ್ತಿಸಿದ್ದಾರೆ..
ಮಗಳಿಗೆ ದುರಾಸೆ ಇಲ್ಲಿಂದಲೇ ಅಕ್ಕಿ ಬೇಳೆ ಪ್ರತಿಯೊಂದು ತವರಿನಿಂದನೆ ಹೋಗಬೇಕು ಆಕೆ ತುಂಬಾ ಸ್ಥಿತಿವಂತಳು..
ಆದರೆ ನಾವು ಅಷ್ಟಕ್ಕಷ್ಟೇ ಆದ್ರೂ ನಾವು ಎಲ್ಲದು ಯಾವುದನ್ನು ಪ್ರಶ್ನೆ ಮಾಡದೇ ಇದ್ದೇವೆ ಆದ್ರೂ ನಮ್ಮನ್ನ ನೆಮ್ಮದಿಯಾಗಿ ಬದುಕುವುದಕ್ಕೆ ಬಿಡಲಿಲ್ಲ.. ಜಗಳ ದ್ವೇಷ ರಂಪಾಟ ಇವುಗಳಲ್ಲೇ ಆಕೆ ತನ್ನ ಬದುಕನ್ನ ಮುಗಿಸಿಕೊಂಡಳು..
ಅದು ಮಗಳ ಮನೆಯಲ್ಲಿ..
ದುಡ್ಡು ಬಂಗಾರ ಎಲ್ಲವೂ ಆಕೆಗೆ ಮಾಡಿದ್ರು ಚಿಕ್ಕ ವಯಸ್ಸಿಗೆ ನಾನು ಮದುವೆಯಾಗಿ ಬಂದೆ..
ಆಕೆ ಜೊತೆ ಇಲ್ಲಿ ಯಾರು ಬದುಕುವುದು ಸಾಧ್ಯವಿಲ್ಲವೆಂದು
ಎಲ್ಲ ಸೇರಿ ನಮ್ಮನ್ನ ಪಕ್ಕದ ಮನೆಯಲ್ಲಿ ಇಟ್ಟರು.. ಕೂತರು ನಿಂತ್ರು ನನಗೆ ಬೈಯುತ್ತಾ ಇದ್ದರು..
ಇವರಿಂದ ಜೀವನನೇ ಬೇಡ ಅನ್ನಿಸುತ್ತಾ ಇತ್ತು..
ಹೊಡೆತಾ , ಸುಳ್ಳು ಆಪಾದನೆ ಎಲ್ಲವನ್ನೂ ತಲೆಗೆ ಕಟ್ಟಿದರು..
ಈಗಲೂ ಕೂಡ ನಮಗೆ ಸೇರಬೇಕಾಗಿರುವ ಮನೆಯ ಬೀಗದ ಕೀ ಮಗಳ ಹತ್ತಿರ ಇದೆ..
ಎಲ್ಲವನ್ನೂ ಆಕೆಯೇ ಅನುಭವಿದಳು ನನ್ನ ಯಜಮಾನರಿಗೆ ತಾಯಿ , ತಂದೆ ಪ್ರೀತಿ ಎಂದರೆ ಏನು ಎಂದು ಗೊತ್ತೇ ಇಲ್ಲ ..
ಒಳ್ಳೆ ತಾಯಿಯರು ತುಂಬಾ ಅಪರೂಪ ಸಿಗುವುದು.. ಆದರೆ ನನ್ನ ಗಂಡ ತುಂಬಾ ದುರಾದೃಷ್ಟವಂತರು ಯಾವ ಜನ್ಮದ ಪಾಪವೋ ನಾನು ನನ್ನ ಮಗನು ಕೂಡ ಈಗಲೂ ಅನುಭವಿಸುತ್ತಿದ್ದೇವೆ.. ತಾಯಿ ಆದ್ರೆ ಸಾಲಲ್ಲ ತಾಯಿ ಅದ ಮೇಲೆ ತಾಯಿತನ ಬರಬೇಕು..
ಹೆತ್ತ ಎಲ್ಲಾ ಮಕ್ಕಳನ್ನು ಒಂದೇ ದೃಷ್ಟಿಯಿಂದ ನೋಡಿದರೆ ಯಾವ ಸಮಸ್ಯೆ ಕೂಡ ಇರುವುದಿಲ್ಲ..


ಹೆತ್ತ ಮಗನನ್ನೇ ಕೋರ್ಟಿನ ಕಟಕಟೆಯಲ್ಲಿ ನಿಲ್ಲಿಸಲು ಆ ಮಹಾತಾಯಿಗೆ ಮನಸ್ಸು ಬರಲಿಲ್ಲ. ಆಕೆಯ ಮಾತೃವಾತ್ಸಲ್ಯ ತನ್ನನ್ನು ತಾನೇ ದಂಡಿಸಿಕೊಳ್ಳುವಂತೆ ಮಾಡಿತು ಇದು ನಿಜವಾದ ತಾಯಂದಿರ ಲಕ್ಷಣಗಳು...
ಈ ಅಂಕಣವನ್ನು ಓದಿ ನನ್ನ ಬದುಕಿನ ಎಲ್ಲಾ ದುರಂತವು ಮತ್ತೆ ಕಣ್ಣಮುಂದೆ ಬಂದಂತೆ ಆಯ್ತು..

ನಿಜಕ್ಕೂ ಮನ ಮುಟ್ಟುವಂತ ಲೇಖನ .ಬುದ್ದಿಅವರೆ..
ನಿಮ್ಮ ಪಾದಗಳಿಗೆ ನಮಸ್ಕರಿಸುತ್ತಾ..
ಶ್ರೀ ಮಠದ ಭಕ್ತಳು

ಲೇಖಕಿ..
ಕೆ.ಜಿ.ಸರೋಜಾ ನಾಗರಾಜ್
ಪಾಂಡೋಮಟ್ಟಿ..
ಕೆ.ಜಿ.ಸರೋಜಾ ನಾಗರಾಜ್
ಪಾಂಡೋಮಟ್ಟಿ . ಚನ್ನಗಿರಿ ತಾಲ್ಲೂಕು

N-2437 

  21-03-2024 07:14 PM   

ತರಳಬಾಳು ತ್ರೈಮಾಸಿಕಕ್ಕೆ ಚಂದಾದಾರರಾಗಲು ಮನವಿ.

 ನಾನು ಶ್ರೀ ಮಠದ ಹಳೆಯ ವಿದ್ಯಾರ್ಥಿ ರಾಣಿಬೆನ್ನೂರ ತಾಲೂಕು ಸುಣಕಲ್ ಬಿದರಿಯಲ್ಲಿ 6 ವರ್ಷ ಓದಿರುವೆನು.

ನಾನು ಸರಕಾರಿ ಪ್ರೌಢ ಶಾಲೆ ಬಿಸಳಹಳ್ಳಿ ತಾಲ್ಲೂಕಿನಲ್ಲಿ ಮುಖ್ಯ ಶಿಕ್ಷಕನಾಗಿದ್ದೇನೆ

ನನ್ನ 18 ಪುಸ್ತಕಗಳು ಸಾರಸ್ವತ ಲೋಕಕ್ಕೆ ಬಿಡುಗಡೆ ಹೊಂದಿರುತ್ತವೆ

ಜೀವಣ್ಣನ ಆಧುನಿಕ ತ್ರಿಪದಿಗಳು ಎಂಬ ಪುಸ್ತಕವನ್ನು ಸಿರಿಗೆರೆ ಮಠದ ಪೂಜ್ಯರಿಗೆ ಅರ್ಪಿಸಿದ್ದೇನೆ
JEEVARAJA H CHATRAD
Byadagi karnataka India

N-2440 

  21-03-2024 05:50 PM   

ಸಮೂಹ ಮಾಧ್ಯಮ: ಸದ್ಬಳಕೆ ಮತ್ತು ದುರ್ಬಳಕೆ

 ಉತ್ತಮವಾದ ಸಂದೇಶ ಇದರಿಂದ ಮೊಬೈಲನ್ನು ಹೇಗೆ ಬಳಕೆ ಮಾಡಿಕೊಳ್ಳಬೇಕು. ಎಂಬುದರ ಬಗ್ಗೆ ಅರಿವಾಗುತ್ತದೆ ಮತ್ತು ತಂದೆ-ತಾಯಿಯವರ ಬಗ್ಗೆ ಇರುವ ಪ್ರೀತಿ ಹೆಚ್ಚಾಗುತ್ತದೆ
devaraj
hulupinakatte anagodu Post Davanagere tq

N-2440 

  21-03-2024 05:00 PM   

ಸಮೂಹ ಮಾಧ್ಯಮ: ಸದ್ಬಳಕೆ ಮತ್ತು ದುರ್ಬಳಕೆ

 ತುಂಬಾ ಅತ್ತ್ಯುತ್ತಮ ಸಂದೇಶ . ಜೈ ತರಳಬಾಳು
Shivanagouda Y Topanagoudar
Hubballi

N-2440 

  21-03-2024 03:29 PM   

ಸಮೂಹ ಮಾಧ್ಯಮ: ಸದ್ಬಳಕೆ ಮತ್ತು ದುರ್ಬಳಕೆ

 ಪೂಜ್ಯರು ಈ ಲೇಖನದಲ್ಲಿ ಏಕಕಾಲಕ್ಕೆ ಅನೇಕ ಸಂಗತಿಗಳನ್ನು ಪ್ರಸ್ತಾಪಿಸಿದ್ದಾರೆ. ಸಾಮಾಜಿಕ ಜಾಲತಾಣಗಳ ದುರುಪಯೋಗ ಮತ್ತು ಸದುಪಯೋಗ, ಶಿಕ್ಷಕಿಯೋರ್ವಳ ಚಿಂತಾಜನಕ ಸ್ಥಿತಿ; ಶಿಷ್ಯರು ತಮ್ಮ ವಿದ್ಯಾ ಗುರುಗಳಿಗೆ ನೆರವಾದ ರೀತಿ ಹಾಗೂ ತಾಯಿ ಮಗನ ಬಗ್ಗೆ ತಾಳಿದ ನಿಲುವು.
ಪೂಜ್ಯರು ಈ ಲೇಖನ ಬರೆದಿರುವ ಹಿನ್ನೆಲೆ ಗಮನಿಸಿದಾಗ, ಇತ್ತೀಚಿನ ದಿನಗಳಲ್ಲಿ ಸಾಮಾಜಿಕ ಜಾಲತಾಣಗಳ ದುರುಪಯೋಗವಾಗುತ್ತಿರುವುದರ ಬಗ್ಗೆ. ಹಾಗೆಯೇ ಈ ತಾಣಗಳನ್ನು ಹೇಗೆ ಸತ್ ಕಾರ್ಯಗಳಿಗೆ ಸದುಪಯೋಗ ಮಾಡಿ ಕೊಳ್ಳಬಹುದು ಎಂಬುದು ಇಲ್ಲಿ ಉದಾಹರಣೆ ಸಹಿತ ತಿಳಿಸಿದ್ದಾರೆ. ಶಿಕ್ಷಕಿಯೋರ್ವಳಿಗೆ ಭಿಕ್ಷಾಟನೆ ಮಾಡುವ ಸ್ಥಿತಿ ಬಂದೊದಗಿದ್ದು ಇಂದಿನ ಸಾಮಾಜಿಕ, ಕೌಟುಂಬಿಕ ವ್ಯವಸ್ಥೆಗೆ ಹಿಡಿದ ಕನ್ನಡಿ. ಭಿಕ್ಷಾಟನೆ ಮಾಡುತ್ತಿರುವವರು ಶಿಕ್ಷಕಿ ಎಂದು ಗೊತ್ತಾದ ತಕ್ಷಣ ಇದೇ ಸಾಮಾಜಿಕ ಜಾಲತಾಣದ ಮೂಲಕ ನೆರವಿಗೆ ನಿಂದ ದೇಶವಿದೇಶಗಳಲ್ಲಿರುವ ಶಿಷ್ಯ ಸಮೂಹ. ‌
ಜಾಲತಾಣದ ನೆರವಿನಿಂದ ನೊಂದವರಿಗೆ, ಸಂಕಟದಲ್ಲಿರುವವರಿಗೆ ಹೇಗೆ ಸ್ಪಂದಿಸಬಹುದು ಎಂಬುದನ್ನು ಪ್ರಸ್ತಾಪಿಸುತ್ತ ದುರುಪಯೋಗ ಮಾಡಿಕೊಂಡು ಉಂಡ ಮನೆಗೆ ದ್ರೋಹ ಬಗೆಯುವ ತೋರಾಟಗಾರರ (ತೋರಿಕೆಯ ಹೋರಾಟಗಾರರು) ಬಗ್ಗೆ ಸೂಚ್ಯವಾಗಿ ಇದೆ. ಶಿಕ್ಷಕಿ ಮತ್ತು ತಾಯಿ ಎರಡೂ ಆಗಿ ತನಗೆ ಒದಗಿದ ಸಂಕಟಕ್ಕೆ ಮಗನನ್ನು ಶಿಕ್ಷಿಸಲಾಗದ ಮಾತೃ ಹೃದಯ. ಇದಕ್ಕೆ ಪೂರಕವಾಗಿ ನಿಲ್ಲಬಲ್ಲ ಸಂಸ್ಕೃತದ ಶ್ಲೋಕ.
ಹೀಗೆ ಈ ಲೇಖನ ವಿವಿಧ ಆಯಾಮಗಳನ್ನು ಹೊಂದಿದೆ.
- ನಾಗರಾಜ ಸಿರಿಗೆರೆ







ನಾಗರಾಜ ಸಿರಿಗೆರೆ

N-2440 

  21-03-2024 03:29 PM   

ಸಮೂಹ ಮಾಧ್ಯಮ: ಸದ್ಬಳಕೆ ಮತ್ತು ದುರ್ಬಳಕೆ

 ಪೂಜ್ಯರು ಈ ಲೇಖನದಲ್ಲಿ ಏಕಕಾಲಕ್ಕೆ ಅನೇಕ ಸಂಗತಿಗಳನ್ನು ಪ್ರಸ್ತಾಪಿಸಿದ್ದಾರೆ. ಸಾಮಾಜಿಕ ಜಾಲತಾಣಗಳ ದುರುಪಯೋಗ ಮತ್ತು ಸದುಪಯೋಗ, ಶಿಕ್ಷಕಿಯೋರ್ವಳ ಚಿಂತಾಜನಕ ಸ್ಥಿತಿ; ಶಿಷ್ಯರು ತಮ್ಮ ವಿದ್ಯಾ ಗುರುಗಳಿಗೆ ನೆರವಾದ ರೀತಿ ಹಾಗೂ ತಾಯಿ ಮಗನ ಬಗ್ಗೆ ತಾಳಿದ ನಿಲುವು.
ಪೂಜ್ಯರು ಈ ಲೇಖನ ಬರೆದಿರುವ ಹಿನ್ನೆಲೆ ಗಮನಿಸಿದಾಗ, ಇತ್ತೀಚಿನ ದಿನಗಳಲ್ಲಿ ಸಾಮಾಜಿಕ ಜಾಲತಾಣಗಳ ದುರುಪಯೋಗವಾಗುತ್ತಿರುವುದರ ಬಗ್ಗೆ. ಹಾಗೆಯೇ ಈ ತಾಣಗಳನ್ನು ಹೇಗೆ ಸತ್ ಕಾರ್ಯಗಳಿಗೆ ಸದುಪಯೋಗ ಮಾಡಿ ಕೊಳ್ಳಬಹುದು ಎಂಬುದು ಇಲ್ಲಿ ಉದಾಹರಣೆ ಸಹಿತ ತಿಳಿಸಿದ್ದಾರೆ. ಶಿಕ್ಷಕಿಯೋರ್ವಳಿಗೆ ಭಿಕ್ಷಾಟನೆ ಮಾಡುವ ಸ್ಥಿತಿ ಬಂದೊದಗಿದ್ದು ಇಂದಿನ ಸಾಮಾಜಿಕ, ಕೌಟುಂಬಿಕ ವ್ಯವಸ್ಥೆಗೆ ಹಿಡಿದ ಕನ್ನಡಿ. ಭಿಕ್ಷಾಟನೆ ಮಾಡುತ್ತಿರುವವರು ಶಿಕ್ಷಕಿ ಎಂದು ಗೊತ್ತಾದ ತಕ್ಷಣ ಇದೇ ಸಾಮಾಜಿಕ ಜಾಲತಾಣದ ಮೂಲಕ ನೆರವಿಗೆ ನಿಂದ ದೇಶವಿದೇಶಗಳಲ್ಲಿರುವ ಶಿಷ್ಯ ಸಮೂಹ. ‌
ಜಾಲತಾಣದ ನೆರವಿನಿಂದ ನೊಂದವರಿಗೆ, ಸಂಕಟದಲ್ಲಿರುವವರಿಗೆ ಹೇಗೆ ಸ್ಪಂದಿಸಬಹುದು ಎಂಬುದನ್ನು ಪ್ರಸ್ತಾಪಿಸುತ್ತ ದುರುಪಯೋಗ ಮಾಡಿಕೊಂಡು ಉಂಡ ಮನೆಗೆ ದ್ರೋಹ ಬಗೆಯುವ ತೋರಾಟಗಾರರ (ತೋರಿಕೆಯ ಹೋರಾಟಗಾರರು) ಬಗ್ಗೆ ಸೂಚ್ಯವಾಗಿ ಇದೆ. ಶಿಕ್ಷಕಿ ಮತ್ತು ತಾಯಿ ಎರಡೂ ಆಗಿ ತನಗೆ ಒದಗಿದ ಸಂಕಟಕ್ಕೆ ಮಗನನ್ನು ಶಿಕ್ಷಿಸಲಾಗದ ಮಾತೃ ಹೃದಯ. ಇದಕ್ಕೆ ಪೂರಕವಾಗಿ ನಿಲ್ಲಬಲ್ಲ ಸಂಸ್ಕೃತದ ಶ್ಲೋಕ.
ಹೀಗೆ ಈ ಲೇಖನ ವಿವಿಧ ಆಯಾಮಗಳನ್ನು ಹೊಂದಿದೆ.
- ನಾಗರಾಜ ಸಿರಿಗೆರೆ







ನಾಗರಾಜ ಸಿರಿಗೆರೆ

N-2440 

  21-03-2024 02:24 PM   

ಸಮೂಹ ಮಾಧ್ಯಮ: ಸದ್ಬಳಕೆ ಮತ್ತು ದುರ್ಬಳಕೆ

 ಈ ಅಂಕಣ ಓದಿ ನನಗೆ ತುಂಬಾ ಬೇಸರವಾಯಿತು ಬುದ್ದಿ
ಚಿಕ್ಕ ವಯಸ್ಸಿನಲ್ಲೇ ನನ್ನ ತಂದೆ ತಾಯಿ ದೈವಾದೀನವಾದರು.
ಕಲಿಯುಗ ನೇ ಹಾಗೆ
`ಹಲ್ಲು ಇದ್ದವರಿಗೆ ಕಡ್ಲೆ ಇಲ್ಲ.
ಕಡ್ಲೆ ಇದ್ದವರಿಗೆ ಹಲ್ಲು ಇರುವುದಿಲ್ಲ`@.
ಆ ಮಗನಿಗೆ ಅವರ ಮಗನೇ ಪಾಠ ಕಲಿಸುತ್ತಾನೆ
ಮಂಜನಗೌಡ ಕೆ ಜಿ
ಭರಮಸಾಗರ

N-2440 

  21-03-2024 01:26 PM   

ಸಮೂಹ ಮಾಧ್ಯಮ: ಸದ್ಬಳಕೆ ಮತ್ತು ದುರ್ಬಳಕೆ

 Humanity over rides law. It is surprising to note that in many cases laws will not recognise the humanity. Humanity can`t be defined but can be assessed on the basis of the circumstances, relationship of the parties,and the ultimate motive of the parties. It cannot be said always humility will win. It is very good article Swamiji.....
Sadashiva Sultanpuri
Bangalore, Karnataka India