N-2466 

  23-03-2024 10:08 PM   

ಸಿರಿಗೆರೆಯಲ್ಲಿ ಗುರು ರೇವಣಸಿದ್ಧ ಜಯಂತಿ ಆಚರಣೆ

 ಗುರು ರೇವಣಸಿದ್ಧರು ಮಹಾನ್ ಸಿದ್ಧಿ ಪುರುಷರು. ಇವರು ಸಮಾಜದ ಅ ಕಾಲದ ಸ್ಥಿತಿ-ಗತಿಯನ್ನು ಚೆನ್ನಾಗಿ ತಿಳಿದಿದ್ದರು. ಬಸವಣ್ಣನವರ ತತ್ವಗಳು ಮತ್ತು ಸಿದ್ಧಾಂತಗಳನ್ನು ಪಾಲಿಸುತ್ತಾ ಬಂದವರು. ಇಂತಹ ಕಾಯಕ ಪುರುಷರ ಜೀವನ ಚರಿತ್ರೆ ತಿಳಿದುಕೊಳ್ಳುವುದು ನಮ್ಮ ಕರ್ತವ್ಯ. ಇದಕ್ಕಾಗಿ ಕನ್ನಡ ಸಾಹಿತ್ಯ ಸಂಶೋಧಕರು ಇವರ ಬಗ್ಗೆ ಅಧ್ಯಯನ ನಡೆಸಬೇಕು.🙏🙏🙏
ರಂಗಸ್ವಾಮಿ
ಎಮ್ಮೆಹಟ್ಟಿ, ಚಿತ್ರದುರ್ಗ ತಾಲ್ಲೂಕು ಮತ್ತು ಜಿಲ್ಲೆ.

N-2466 

  23-03-2024 07:47 PM   

ಸಿರಿಗೆರೆಯಲ್ಲಿ ಗುರು ರೇವಣಸಿದ್ಧ ಜಯಂತಿ ಆಚರಣೆ

 ಶ್ರೀ ಗುರು ರೇವಣಸಿದ್ಧರು

ಕುರುಬ ಸಮುದಾಯದಲ್ಲಿ ಹುಟ್ಟಿ ಆ ಕಾಲದಲ್ಲಿ ಬಹುದೊಡ್ಡ ವಿದ್ವಾಂಸರು ಜ್ಞಾನಿಗಳು ಐತಿಹಾಸಿಕ ಪುರುಷರು ಆದ ರೇವಣಸಿದ್ಧರು ಬಸವಾದಿ ಶರಣರ ಹಿರಿಯ ಶರಣರು

ರೇವಣಸಿದ್ಧರು ತರಳಬಾಳು ಜಗದ್ಗುರು ಬೃಹನ್ಮಠದ ಮೂಲಪುರುಷ ಮಾದಿಗರಾಗಿ ಹುಟ್ಟಿ ಮಹಾಮಾನವನಾದ ವಿಶ್ವ ಬಂಧು ಮರುಳಸಿದ್ಧರ ವಿದ್ಯಾ ಗುರುಗಳು

ರೇವಣಸಿದ್ಧರು ಜನಾನು ರಾಗಿಗಳು ಆಗಿದ್ದರು ಬಹುತೇಕ ಕೆಳವರ್ಗದ ಜನರನ್ನು ಪ್ರೀತಿಸುತಿದ್ದರು
ಇವರ ಜನಪ್ರಿಯತೆಯ ಲಾಭ ಪಡೆಯುವ ಉದ್ದೇಶದಿಂದ ಇವರನ್ನು ಹೈಜಾಕ್ ಮಾಡಿದ ಪಟ್ಟಭದ್ರರು ಇವರ ಹೆಸರಿನಲ್ಲಿ ಕಪೋಲ ಕಲ್ಪನೆಯ ಕಥೆಗಳನ್ನು ಕಟ್ಟಿದ್ದಾರೆ

ನೈಸರ್ಗಿಕ ನಿಯಮಕ್ಕೆ ವಿರುದ್ಧ ವಾಗಿ ಇವರು ಲಿಂಗದಿಂದ ಉದ್ಭವವಾಗಿದ್ದಾರೆಂದೂ ಇವರು ಸನ್ಯಾಸಿಳು ಎಂದು ರಾವಣನಿಗೂ ದೀಕ್ಷೆ ಕೊಟ್ಟಿದ್ದಾರೆ ಎಂದು ಬಿಜ್ಜಳನಿಗೆ ದೀಕ್ಷೆ ಕೊಟ್ಟಿದ್ದಾರೆ ಎಂದು ಯಾವುದೇ ತಳಬುಡ ಇಲ್ಲದ ಕಥೆಗಳನ್ನು ಹರಿಬಿಟ್ಟಿದ್ದಾರೆ

ರೇವಣಸಿದ್ಧರನ್ನು ಕುರುಬ ಜನಾಂಗದವರು ಎಂದರೆ ಎಲ್ಲಿ ತಮ್ಮ ಶ್ರೇಷ್ಠತೆ ನಾಶ ಆಗುತ್ತದೆ ಎಂದು ಬಗೆದು ರೇಣುಕಾಚಾರ್ಯ ಎಂದು ಕಲ್ಪನೆಯ ಲೋಕದಲ್ಲಿ ಕನವರಿಸಿದ್ದಾರೆ

ರೇವಣಸಿದ್ಧರು ವಿವಾಹವಾಗಿ ಅವರಿಗೆ ರುದ್ರಮುನಿ ಎಂಬ ಮಗನಿದ್ದನು
ರುದ್ರಮುನಿ ಎಂಬ ಶರಣರಿಗೆ ಮುಕ್ತಿಮುನಿ ಎಂಬ ಮಗನಿದ್ದನು

ಈ ಮುಕ್ತಿಮುನಿಗೆ ಬಸವಣ್ಣನವರ ಅಕ್ಕ ಅಕ್ಕ ನಾಗಮ್ಮ ಬಾಳೆಹೊನ್ನೂರಿನಲ್ಲಿ ಪಟ್ಟಕಟ್ಟಿದ್ದಾರೆ

ಕಲ್ಯಾಣ ಕ್ರಾಂತಿಯ ನಂತರ ವಚನಗಳ ಉಳಿವಿಗಾಗಿ ಅಕ್ಕ ನಾಗಮ್ಮನ ನೇತೃತ್ವದಲ್ಲಿ ನಡೆದ ಹೋರಾಟದ ಸಂದರ್ಭದಲ್ಲಿ
ಅಕ್ಕ ನಾಗಮ್ಮನಿಗೆ ಈ ರುದ್ರಮುನಿ ಮುಕ್ತಿಮುನಿ ನೆರವಾಗಿದ್ದಾರೆ

ಪಾ ಗು ಹಳಕಟ್ಟಿ ಶರಣರು ವಚನಗಳನ್ನು ಸಂಶೋಧನೆ ಮಾಡುವ ಸಂದರ್ಭದಲ್ಲಿ ಬಾಳೆಹೊನ್ನೂರಿನಲ್ಲಿ ಅತೀ ಹೆಚ್ಚು ವಚನಗಳು ಸಿಕ್ಕಿರುವುದು ಇದಕ್ಕೆ ಸಾಕ್ಷಿ ಆಗಬಹುದು

ಬಾಳೆಹೊನ್ನೂರಿನಲ್ಲಿ ಮುಕ್ತಿಮುನಿಗೆ ಪಟ್ಟ ಕಟ್ಟಿದ ಅಕ್ಕ ನಾಗಮ್ಮ ನಂತರ ತರಿಕೆರೆಯ ಬಳಿ ಇರುವ ಎಣ್ಣೆಹೊಳೆ ಎಂಬಲ್ಲಿ ಲಿಂಗೈಕ್ಯ ಆಗಿದ್ದಾರೆ ಅಲ್ಲಿಯೇ ಅವರ ಸಮಾಧಿ ಇರುವುದನ್ನು ಗಮನಿಸಬಹುದು

ಹೀಗೆ ಮಹಾನ್ ಚೇತನ ಆದ ರೇವಣಸಿದ್ಧರು ಕೆಲವು ಪಟ್ಟಭದ್ರರ ಹಿತಾಸಕ್ತಿಗೆ ಕಪೋಲ ಕಲ್ಪಿತರಾಗಿದ್ದಾರೆ

ರೇವಣಸಿದ್ಧರನ್ನು ಅಕ್ಕ ನಾಗಮ್ಮ ತಮ್ಮ ಒಂದು ವಚನದಲ್ಲಿ ಈ ರೀತಿಯಲ್ಲಿ ಸ್ಮರಿಸಿದ್ದಾರೆ

ಅಂಗದಿಂದುದಯವಾದಾತ ಮಡಿವಾಳಯ್ಯ. ಲಿಂಗದಿಂದುದಯವಾದಾತ ರೇವಣಸಿದ್ಧಯ್ಯ. ಭಸ್ಮದಿಂದುದಯವಾದಾತ ಸಿದ್ಧರಾಮಯ್ಯ. ಪಾದೋದಕದಿಂದ ಉದಯವಾದವಳು ಅಕ್ಕಮಹಾದೇವಿ. ಮಂತ್ರದಿಂದುದಯವಾದಾತ ನಿಮ್ಮ ಸೋದರಮಾವ ಬಸವಯ್ಯ. ಪ್ರಸಾದದಿಂದುದಯವಾದಾತ ನೀನಲ್ಲವೆ ಚೆನ್ನಬಸವಯ್ಯ. ಬಸವಣ್ಣಪ್ರಿಯ ಚೆನ್ನಸಂಗಯ್ಯ.
-
ಮಂಜನಗೌಡ ಕೆ ಜಿ
ಭರಮಸಾಗರ

N-2440 

  23-03-2024 02:43 PM   

ಸಮೂಹ ಮಾಧ್ಯಮ: ಸದ್ಬಳಕೆ ಮತ್ತು ದುರ್ಬಳಕೆ

 ಶ್ರೀ ಗುರುಗಳ ಅಂಕಣ ಅಕ್ಷರಶಃ ಸತ್ಯವಾಗಿದೆ. ಹೆತ್ತವರಿಗೆ ಹೆಗ್ಗಣ ಮುದ್ದು ಅನ್ನುವ ಹಾಗೆ ಮಕ್ಕಳು ಹೇಗೇ ಇರಲಿ ಏನೇ ಆಗಿರಲಿ ತಾಯಿಗೆ ಅವರ ಮೇಲೆ ಪ್ರೀತಿ ಎಂದಿಗೂ ಕಡಿಮೆ ಆಗುವುದಿಲ್ಲ. ಏಳೇಳು ಜನ್ಮಕ್ಕೂ ಹೆತ್ತವರ ಋಣ ತೀರಿಸುವುದು ಅಸಾಧ್ಯ. ತಂದೆ ತಾಯಿಯರನ್ನು ಎಂದಿಗೂ ನೋಯಿಸದೆ ಗೌರವ ಪ್ರೀತಿಯಿಂದ ಕಾಣೋಣ.

ಶ್ರೀ ಗುರುಗಳಿಗೆ ನನ್ನ ನಮನಗಳು.
ಗುರುಗಳ ಅಂಕಣಕ್ಕೆ ಪ್ರತಿಕ್ರಿಯೆ ಬರೆಯಲು ಅನುವು ಮಾಡಿಕೊಟ್ಟ ರಾ ವೆಂಕಟೇಶ ಶೆಟ್ಟಿ ಅವರಿಗೆ ಹೃತ್ಪೂರ್ವಕ ಧನ್ಯವಾದಗಳು.

ವೈಷ್ಣವಿ ನಾಣ್ಯಾಪುರ*
ಹಗರಿಬೊಮ್ಮನಹಳ್ಳಿ

N-2440 

  23-03-2024 02:39 PM   

ಸಮೂಹ ಮಾಧ್ಯಮ: ಸದ್ಬಳಕೆ ಮತ್ತು ದುರ್ಬಳಕೆ

 ಬಿಸಿಲು ಬೆಳದಿಂಗಳು
ಅಂಕಣ..೨೧-೩-೨೦೨೪

ಶ್ರೀ ಗುರುಗಳ ಇಂದಿನ ಅಂಕಣ ಇಬ್ಬಾಯ ಅಲಗಿನಂತಿರುವ ನಮ್ಮ ಆವಿಷ್ಕಾರಗಳ ಕೈಗನ್ನಡಿ ಎನಿಸಿತು. ಒಮ್ಮೆ ಗಮನಿಸಿದರೆ ನಕಾರಾತ್ಮಕ ಉದ್ದೇಶಗಳ ಅರಮನೆ ಎಂಬಂತೆ ಕಾಣುವ ಸಮೂಹ ಮಾಧ್ಯಮ. ಅದು ಸಕಾರಾತ್ಮಕ ಭಾವನೆಗಳ ಸೂಕ್ತ ಉಪಕರಣವಾಗಿಯೂ ಯಶಸ್ವಿ ಎಂಬುದನ್ನು ನೈಜ ಘಟನೆಯ ಪ್ರಸ್ತಾಪದ ಮೂಲಕ ವಿಷದಪಡಿಸಿರುವ ಕ್ರಮ ಪರಿಣಾಮಕಾರಿ ಆಗಿದೆ. ನಮ್ಮ ಸಮಾಜ ದಾಪುಗಾಲಿಟ್ಟು ಓಡುತ್ತಿರುವ ರೀತಿಯ ಭಯಾನಕ ಪರಿಸ್ಥಿತಿಯನ್ನು ಓರ್ವ ಶಿಕ್ಷಕಿಯೇ ಅನುಭವಿಸುವಂತೆ ಆಗಿರುವುದು ವಿಷಾದ ಹಾಗೂ ದುರಂತದ ಸಂಕೇತವಾಗಿದೆ. ಮಾನವೀಯತೆಯ ಪ್ರತೀಕದಂತೆ ಒಬ್ಬ ಅಪರಿಚಿತ ಮಹಿಳೆ ತೋರಿದ ಪ್ರೀತಿ, ಜೊತೆಗೆ ಆ ಶಿಕ್ಷಕಿಯ ಶಿಷ್ಯರ ಪೋಟೋ ಹಂಚಿಕೊಂಡಾಗ ಆದ ಪರಿಣಾಮ ಮಾನವೀಯತೆ ಇನ್ನೂ ಉಳಿದಿದೆ ಎಂಬ ಸನಾಧಾನವನ್ನು ತಂದಿದೆ. ನಮ್ಮ ಕಾನೂನು ಬಳಸಿ ಈ ದಯನೀಯ ಸ್ಥಿತಿಗೆ ತಂದವರನ್ನು ಶಿಕ್ಷೆಗೆ ಒಳಪಡಿಸುವ ಸಲಹೆಯನ್ನು ಒಪ್ಪದ ಕಷ್ಟಸಹಿಷ್ಣು ಮಹಿಳೆಯ ಕ್ರಮ ನಮ್ಮ ಸಂಸ್ಕೃತಿಯ ಗಟ್ಟಿತನದ ಪ್ರತೀಕ ಎನಿಸಿತು. ಯಾರಾದರೂ ಕೆಟ್ಟವರಾಗಬಹುದು. ತಾಯಿ ಎಂದಿಗೂ ಕೆಟ್ಟವಳಾಗಳು. ಆಕೆ ಸಹಿಷ್ಣು ಮನೋಭಾವದವಳು. ತನಗೆ ಒಳಿತು ಮಾಡದ ಮಕ್ಕಳ ಕ್ಷೇಮ ಬಯಸುವಳೇ ಹೊರತು ಶಿಕ್ಷಿಸುವ ಅವಕಾಶ ಇದ್ದರೂ ಶಿಕ್ಷೆ ಎಂಬ ಅಸ್ತ್ರ ಬಳಸಲಾರಳು. ಹಲವು ದೃಷ್ಟಿಕೋನಗಳ ವೈಚಾರಿಕ ಚಿಂತನೆಗೆ ದಾರಿಮಾಡಿಕೊಡುವ ಇಂದಿನ ಅಂಕಣ ನಡವಳಿಕೆಯ ದಾರಿದೀಪ ಎನಿಸಿತು. ಶ್ರೀ ಗುರುಗಳಿಗೆ ನಮನಗಳು.

ಎಂದಿನಂತೆ ಅಂಕಣವನ್ನು ಓದುಗರ ಮನೆಗೆ ತಲುಪಿಸುವ ಶ್ರದ್ದಾಳು ರಾ.ವೆಂಕಟೇಶ ಶೆಟ್ಟಿಯವರಿಗೆ ಆತ್ಮೀಯ ಅಭಿನಂದನೆಗಳು.
*ಟೀಕಾ. ಸುರೇಶ ಗುಪ್ತ*
ಚಿತ್ರದುರ್ಗ

N-2439 

  23-03-2024 11:11 AM   

ಶ್ರೀ ರೇವಣಸಿದ್ಧ ಜಯಂತಿ ಹಾಗೂ 67 ನೇ ಸರ್ವಶರಣ ಸಮ್ಮೇಳನ ಸಮಾರಂಭ ಆಹ್ವಾನ ಪತ್ರಿಕೆ

 💐🙏
GP manju

N-2437 

  23-03-2024 09:18 AM   

ತರಳಬಾಳು ತ್ರೈಮಾಸಿಕಕ್ಕೆ ಚಂದಾದಾರರಾಗಲು ಮನವಿ.

 Plz add and send
Parameswarappa ks.
Sirisampada nilaya.1905#30.Vidyanagara new extension.Davanagere -05

N-2439 

  23-03-2024 08:30 AM   

ಶ್ರೀ ರೇವಣಸಿದ್ಧ ಜಯಂತಿ ಹಾಗೂ 67 ನೇ ಸರ್ವಶರಣ ಸಮ್ಮೇಳನ ಸಮಾರಂಭ ಆಹ್ವಾನ ಪತ್ರಿಕೆ

 ಪೂಜ್ಯ ಶ್ರೀಗಳವರ ಪಾದಾರವಿಂದಗಳಲ್ಲಿ ಶಿರಸಾಷ್ಠಾಂಗ ನಮಸ್ಕಾರಗಳು. ಶ್ರೀಗಳವರ ಜಯಂತಿಗೆ ಶುಭಾಶಯಗಳು. ಸಕಲ ಜೀವಾತ್ಮರಿಗೆ ಲೇಸನು ಬಯಸಲಿ ಎಂದು ಪೂಜ್ಯರಲ್ಲಿ ಬೇಡಿಕೊಳ್ಳುತ್ತೇನೆ.
ಕ. ನಾ. ಹಾಲಪ್ಪ.
ದಾವಣಗೆರೆ (ಹುಲಿಕಟ್ಟೆ)

N-2439 

  23-03-2024 08:27 AM   

ಶ್ರೀ ರೇವಣಸಿದ್ಧ ಜಯಂತಿ ಹಾಗೂ 67 ನೇ ಸರ್ವಶರಣ ಸಮ್ಮೇಳನ ಸಮಾರಂಭ ಆಹ್ವಾನ ಪತ್ರಿಕೆ

 ಪೂಜ್ಯ ಶ್ರೀಗಳವರ ಜಯಂತಿಗೆ ಶುಭಾಶಯಗಳು. ಸಕಲ ಜೀವಾತ್ಮರಿಗೆ ಲೇಸನು ಬಯಸಲಿ ಎಂದು ಪೂಜ್ಯರಲ್ಲಿ ಬೇಡಿಕೊಳ್ಳುತ್ತೇನೆ.
ಕ. ನಾ. ಹಾಲಪ್ಪ.
ದಾವಣಗೆರೆ (ಹುಲಿಕಟ್ಟೆ)

N-2439 

  23-03-2024 08:02 AM   

ಶ್ರೀ ರೇವಣಸಿದ್ಧ ಜಯಂತಿ ಹಾಗೂ 67 ನೇ ಸರ್ವಶರಣ ಸಮ್ಮೇಳನ ಸಮಾರಂಭ ಆಹ್ವಾನ ಪತ್ರಿಕೆ

 ಪೂಜ್ಯರು ಪಾದಾರವಿಂದ್ಯೆಗಳಿಗೆ ಪೊಡಮಟ್ಟು ,
ಜ್ಞಾನದ ದಾಹದ ಆಳ ಹರಿವು ಊಹಿಸಲಸದಳ.ಶರಣ ಪರಂಪರೆಯ ಕುರಿತು ಸಮಾವೇಶ ವಾರ್ಷಿಕವಾಗಿ ಸಮಾವೇಶ ಗೊಂಡು ,ಮಾನವೀಯತೆಯ ಚಿಂತನೆಯನ್ನು ,ಕಾಯಕ ಪರಂಪರೆಯನ್ನು,ಶರಣರು ಮೈಗೂಡಿಸಿಕೊಂಡಿದ್ದರ ಬಗ್ಗೆ ಅನುಭವಗಳಿಂದ ತಿಳಿಯಲು ಭಾಗವಹಿಸುವುದರ ಜೊತೆಗೆ ,ನಮ್ಮ ದೈನಂದಿನಬದುಕಿನಲ್ಲಿ ಅಳವಡಿಸಿಕೊಂಡು ಪುನೀತರಾಗೋಣ .

ಶೇಖರಗೌಡ ಪಾಟೀಲ
ಹರಪನಹಳ್ಳಿ

N-2439 

  23-03-2024 07:31 AM   

ಶ್ರೀ ರೇವಣಸಿದ್ಧ ಜಯಂತಿ ಹಾಗೂ 67 ನೇ ಸರ್ವಶರಣ ಸಮ್ಮೇಳನ ಸಮಾರಂಭ ಆಹ್ವಾನ ಪತ್ರಿಕೆ

 ಪರಮಪೂಜ್ಯ ರೇವಣಸಿದ್ಧರ ಜಯಂತಿಗೆ ಶುಭಾಶಯಗಳು, ನಾಡಿನ ಜನತೆಗೆ ಪೂಜ್ಯರ ಶುಭಾಶೀರ್ವಾದ ದೊರೆಯಲಿ...ಜೈ ತರಳಬಾಳು...
ಮರುಳಸಿದ್ಧೇಶ್ವರ ಎ.ಜಿ.
ನಾಗೇನಹಳ್ಳಿ ಅರಸೀಕೆರೆ ತಾಲ್ಲೂಕು.

N-2466 

  23-03-2024 07:28 AM   

ಸಿರಿಗೆರೆಯಲ್ಲಿ ಗುರು ರೇವಣಸಿದ್ಧ ಜಯಂತಿ ಆಚರಣೆ

  ಯೋಗಿಗಳು,ವಿದ್ವಾಂಸರು, ವೈದ್ಯರು,ಪವಾಡಪುರುಷರು,ತರಳಬಾಳು ಸಂಸ್ಥಾನದ ಸ್ಥಾಪಕರಾದ ವಿಶ್ವ ಬಂಧು ಮರುಳಸಿದ್ಧರ ದೀಕ್ಷಾಗುರುಗಳಾದ ಬಹುಮುಖ ಪ್ರತಿಭೆಯಾಗಿದ್ದ ರೇವಣಸಿದ್ಧರ ಶುಭಾಶೀರ್ವಾದ ನಾಡಿನ ಎಲ್ಲರಿಗೂ ಲಭಿಸಲಿ..ಪರಮಪೂಜ್ಯರ ಜಯಂತಿಗೆ ಶುಭವಾಗಲಿ..ಜೈ ತರಳಬಾಳು...
ಮರುಳಸಿದ್ಧೇಶ್ವರ ಎ.ಜಿ.
ನಾಗೇನಹಳ್ಳಿ ಅರಸೀಕೆರೆ ತಾಲ್ಲೂಕು.

N-2466 

  23-03-2024 07:04 AM   

ಸಿರಿಗೆರೆಯಲ್ಲಿ ಗುರು ರೇವಣಸಿದ್ಧ ಜಯಂತಿ ಆಚರಣೆ

 ರೇವಮಸಿದ್ದರು ಮರುಳಸಿದ್ದರ ಧೀಕ್ಷಾ ಗುರುಗಳು ಇವರ ಐಕ್ಯಸ್ಥಳ ಆಂದ್ರಪ್ರದೇಶದ ವಾರಂಗಲ್ ಹತ್ತಿರ ಕೂಲ್ಲೀಪಾಕಿಯಲಿ ಚಂಡಿಕಾ ಲಿಂಗವಿರ್ಭೂತ ಸೋಮನಾಥ ಎನ್ನುವ ಹೆಸರಿನ ಐತಿಹಾಸಿಕ ದೇವಸ್ಥಾನ ವಿದೆ .ಇದರ ನಿರ್ವಹಣೆ ಬಾಳೇಹೂನ್ನೂರು ರೇಣುಕಾ ಚಾರ್ಯ ಗುರುಪರಂಪರೆಯವರು.
ಹೆಚ್ ಎಸ್ ಸಿದ್ದಲಿಂಗಮೂರ್ತಿ
ಸಿರಿಗೆರೆ

N-2466 

  23-03-2024 06:46 AM   

ಸಿರಿಗೆರೆಯಲ್ಲಿ ಗುರು ರೇವಣಸಿದ್ಧ ಜಯಂತಿ ಆಚರಣೆ

 ಸಿದ್ದರ ಜಯಂತಿಗಳು ಮನೋನರ್ಮದ ವಿಕಾಸತನಕೆ ಹಿಡಿದ ಕನ್ನಡಿ..`ಗುರುವಿನ ಗುಲಾಮನಾಗುವ ತನಕದೂರೆಯದಂತೆ ಮೂಕುತಿ.`!!!!???
ಹೆಚ್ ಎಸ್ ಸಿದ್ದಲಿಂಗಮೂರ್ತಿ
ಸಿರಿಗೆರೆ

N-2440 

  22-03-2024 09:50 PM   

ಸಮೂಹ ಮಾಧ್ಯಮ: ಸದ್ಬಳಕೆ ಮತ್ತು ದುರ್ಬಳಕೆ

 ಶ್ರೀ ಗುರುಭ್ಯೋನಮ:
ಬಿಸಿಲು ಬೆಳದಿಂಗಳು ಅಂಕಣ
*ದಡವಿರದ ಮಮತೆಯ ಕಡಲು ತಾಯಿ*

ನಮ್ಮ ಹಿಂದೂ ದೇಶದಲ್ಲಿ ತಾಯಿ ಋಣ, ಪಿತೃ ಋಣ ಆಚಾರ್ಯ ಋಣ ಎನ್ನುವುದು ತಿಳಿದಿದ್ದೇವೆ. ಇದನ್ನು ಎಂದಿಗೂ ತೀರಿಸಲಾಗದು.
ಇಂದಿನ ಅಂಕಣ ಪಾಠ ಕಲಿಸುವ ಮತ್ತು ಕಣ್ತೆರೆಸುವ ಅಂಕಣವಾಗಿದೆ .ಇಂದಿನ ಯುವ ಪೀಳಿಗೆಯವರು ತಿಳಿಯಲೇಬೇಕಾದ ವಿಷಯವಾಗಿದೆ. ತಾಯಿಯು ಮಕ್ಕಳ ಹಿತಕ್ಕಾಗಿ ಜೀವನವೆಲ್ಲ ಹೋರಾಟ ನಡೆಸಿ ತನ್ನ ಸುಖ ಸಂತೋಷವನ್ನು ಕಡೆಗಣಿಸಿ ಮಕ್ಕಳನ್ನು ಪೋಷಿಸುತ್ತಾಳೆ. ಆದರೆ ಇಂದಿನ ಯುವ ಪೀಳಿಗೆಯವರು ತಾನು ಮಾತ್ರ ಮುಖ್ಯ ಇನ್ಯಾರ ಜವಾಬ್ದಾರಿ ಬೇಡ ಎನ್ನುವ ಮನೋಭಾವ ಉಳ್ಳವರಾಗಿದ್ದಾರೆ. ಇಂದಿನ ದೃಷ್ಟಾಂತದಲ್ಲಿ ಶಿಕ್ಷಕಿಯ ಉದಾತ್ತ ಮಾನವಿಯತೆಯು ಮಕ್ಕಳ ಅಮಾನವೀಯತೆಗಿಂತ ದೊಡ್ಡದು.
ಸಮೂಹ ಮಾಧ್ಯಮದವರ ಕಣ್ಣಿಗೆ ಬಿದ್ದು ಅವರ ಪ್ರಭಾವದಿಂದ ಅನೇಕ ವಿದ್ಯಾರ್ಥಿಗಳು ತಮ್ಮ ಶಿಕ್ಷಕಿಯನ್ನು ಕಂಡುಹಿಡಿದು ತಮ್ಮ ಗುರುಗಳೆಂದು ತಿಳಿದು ಮಾನವೀಯತೆ ತೋರಿ ಅವಳ ಬಾಳಿಗೆ ಬೆಳಕಾಗಿ ನಿಂತು ತಮ್ಮ ಗುರು ಋಣವನ್ನು ಹೆಮ್ಮೆಯಿಂದ ತೀರಿಸಬಬಹುದೆಂದು ಭಾವಿಸಿದರು. ನಾವು ಎಂದಾದರೂ ಯಾರಿಗಾದರೂ ಉಪಕಾರ ಸೇವೆ ಮಾಡಿದರೆ ಅದು ಎಂದೂ ನಮಗೆ ಒಳ್ಳೆಯದನ್ನೇ ತೋರಿಸುತ್ತದೆ ಎನ್ನುವ ಸತ್ಯಾಂಶ ಇದರಿಂದ ತಿಳಿಯುತ್ತದೆ ಸತ್ಕರ್ಮಗಳು ಅಂತ್ಯದಲ್ಲಿ ಸುಖವನ್ನೇ ಕೊಡುತ್ತವೆ ಎಂಬುದನ್ನು ಇದರಿಂದ ತಿಳಿಯಬಹುದು.

ಶ್ರೀಗಳ ಬರಹಗಳು ಒಳ್ಳೆಯ ಪಾಠವನ್ನು ಕಲಿಸುತ್ತದೆ ಎಂದು ಹೇಳಬಹುದು. ನನ್ನ ಭಾವನೆಗಳನ್ನು ತಿಳಿಸಲು ಅವಕಾಶ ಕಲ್ಪಿಸಿದ ವೆಂಕಟೇಶ ಶೆಟ್ಟಿಯವರಿಗೆ ಧನ್ಯವಾದಗಳು.🙏🙏
*ಕಾಂತಾರಾಮುಲು*
ಬೆಂಗಳೂರು

N-2437 

  22-03-2024 06:01 PM   

ತರಳಬಾಳು ತ್ರೈಮಾಸಿಕಕ್ಕೆ ಚಂದಾದಾರರಾಗಲು ಮನವಿ.

 ಚಂದಾ ವಿವರ ಕಳಿಸಲು ಮನವಿ
H.Mallikarjuna Mallikarjuna
ಹರಪನಹಳ್ಳಿ

N-2440 

  22-03-2024 05:30 PM   

ಸಮೂಹ ಮಾಧ್ಯಮ: ಸದ್ಬಳಕೆ ಮತ್ತು ದುರ್ಬಳಕೆ

 ಪರಮಪೂಜ್ಯ ಶ್ರೀ ತರಳಬಾಳು ಜಗದ್ಗುರುಗಳ ಪಾದಾರವಿಂದಗಳಿಗೆ ಭಕ್ತಿಪೂರ್ವಕ ನಮನಗಳು.

*ದಡವಿರದ ಮಮತೆಯ ಕಡಲು ತಾಯಿ* ಹೃದಯಸ್ಪರ್ಶಿಲೇಖನ.

ಮೊಬೈಲು ಒಬ್ಬ ಹೃದಯವಂತೆಯ ಕೈಲಿದ್ದುದರಿಂದ ಸಂದೇಶಗಳನ್ನು ದೂರ ದೂರದವರೆಗೆ ಕೊಂಡೊಯ್ದು ಉತ್ತಮ ಕೆಲಸ ಮಾಡಿದೆ.
ವಸ್ತುವನ್ನು ಹೇಗೆ ಬಳಸಬೇಕೆಂಬ ಅರಿವು ಮನುಷ್ಯರಿಗಿದ್ದರೆ ಆ ವಸ್ತುವಿಗೂ ಬೆಲೆ; ಉಪಯೋಗಿಸಿದವನಿಗೂ ಬೆಲೆ.

ಮೌಲ್ಯ ತಿಳಿಯದ ಅವಿವೇಕಿ ತಾಯನ್ನೂ ತಿರಸ್ಕಾರ ಮಾಡಿದ.

ಗುರುವಿನ ಮೌಲ್ಯ ತಿಳಿದ ಶಿಷ್ಯರು ಓಡೋಡಿ ನೆರವಿಗೆ ಬಂದರು.

ಒಂದುದಿನ ಬಿಟ್ಟು ಹೋಗುವ ಈ ಜಡ‌ವಸ್ತುಗಳ ಆಸೆಯಿಂದ ಮಾನವ ಪಶುವಿನಂತೆ ವರ್ತಿಸುತ್ತಾನೆ.
ಒಮ್ಮೊಮ್ಮೆ ಪಶುಗಳೂ ನಿರುಪದ್ರವಿಗಳೆನ್ನಿಸುತ್ತವೆ.
ಹಸಿವಿಲ್ಲ ಎಂದರೆ ಯಾರನ್ನೂ ಕೊಲ್ಲದ ಮೃಗಕ್ಕಿಂತಾ ಕೀಳು ದುಷ್ಟ ಮಾನವ ಎಂದು ಅರ್ಥ ಮಾಡಿಸುವ ಲೇಖನ.
🙏
ಮಕ್ಕಳ ಮೇಲೆ ಪ್ರೀತಿ ಇರುವುದು ತಪ್ಪಲ್ಲ. ಆದರೆ ತನ್ನ ಸಂರಕ್ಷಣೆಯ ಕಡೆಯೂ ಗಮನ ಹರಿಸುವುದು, ತನ್ನ ದುಡಿಮೆಯ ಹಣದಿಂದ ವೃದ್ದಾಪ್ಯ ಜೀವನವನ್ನು ಸುಗಮವಾಗಿ ಸಾಗಿಸುವುದೂ ಬುದ್ದಿವಂತಿಕೆ ಎಂಬ ಅರಿವು ಮೂಡಿಸುವ ಲೇಖನ.

ವಸ್ತುಗಳನ್ನು ಹೇಗೆ ಉಪಯೋಗಿಸಬೇಕೆಂಬ ಜಾಣ್ಮೆ ಇರಬೇಕು ಎಂದು ತಿಳಿಸುವ ಲೇಖನ.👍
ಸಮಯೋಚಿತ ಸಲಹೆಯ ಲೇಖನ🙏

ವಂದನೆಗಳು ಗುರೂಜಿ.

ಬಿಸಿಲು ಬೆಳದಿಂಗಳಿನ ಪ್ರಸಾರದಲ್ಲಿ ಶ್ರಮಿಸಿದವರಿಗೆಲ್ಲಾ🙏.
ಸತ್ಯಪ್ರಭಾ ವಸಂತಕುಮಾರ್*
ಚಿತ್ರ ದುರ್ಗ

N-2440 

  22-03-2024 05:27 PM   

ಸಮೂಹ ಮಾಧ್ಯಮ: ಸದ್ಬಳಕೆ ಮತ್ತು ದುರ್ಬಳಕೆ

 ಸಮೂಹ ಮಾಧ್ಯಮಗಳ, ಸದ್ಬಳಕೆ -ದುರ್ಬಳಕೆ*

ವಿಜ್ಞಾನದ ಆವಿಷ್ಕಾರಗಳು ಮನುಷ್ಯನಿಗೆ ಅನೇಕ ಸೌಲಭ್ಯಗಳನ್ನು, ಸವಲತ್ತುಗಳನ್ನು ನೀಡಿವೆ. ಅವುಗಳಲ್ಲಿ ಜಂಗಮವಾಣಿ/ಚರವಾಣಿಯೂ ಒಂದು. ನಿಂತಲ್ಲಿ ಕುಂತಲ್ಲಿ ನಡೆದಾಡುವೆಡೆಯಲೆಲ್ಲ ವಿಷಯ ವಿನಿಮಯ ಮಾಡಿಕೊಳ್ಳುವ ಅವಕಾಶ ಕರಸ್ಥಲಕ್ಕೆ ಬಂದು ಕೂತಿದೆ. ಲಿಂಗ ಕರಸ್ಥಲದಲ್ಲಿ ಇದೆಯೋ ಇಲ್ಲವೋ ಅದು ಬೇರೆ ವಿಷಯ. ಮೊಬೈಲ್ ಮಾತ್ರ ಕೈ ಬಿಡದ ಪಿಶಾಚಿಯಂತೆ ಜೋತುಕೊಂಡಿದೆ.

ಮಾತು ಜ್ಯೋತಿರ್ಲಿಂಗ ಎಂದರು ಮಹಾತ್ಮರು. ಮಾತಿನಿಂದ ಜ್ಯೋತಿ ಬೆಳಗದೇ ಒಮ್ಮೊಮ್ಮೆ ಬೆಂಕಿಹತ್ತಿಕೊಳ್ಳಲೂ ಸಾಧ್ಯ. ತುಪಾಕಿಯಿಂದ ಸಿಡಿದ ಗುಂಡು, ಬಾಯಿಂದ ಬಂದ ಮಾತು ಎರಡೂ ಪುನಃ ಒಳ ಸೇರವು. ವಿವೇಕದಿಂದ ಈ ಸಮೂಹ ಮಾಧ್ಯಮಗಳ ಬಳಕೆ ಆದಲ್ಲಿ ವ್ಯಷ್ಟಿ ಹಿತ ಮತ್ತು ಸಮಷ್ಟಿ ಹಿತ ಎರಡನ್ನೂ ಸೃಜಿಸಬಹುದು. ಅದಕ್ಕೆ ಉದಾಹರಣೆ ಪೂಜ್ಯರ ಲೇಖನಿಯಿಂದ ಅಂಕಣದಲ್ಲಿ ಮೂಡಿಬಂದ ಲೇಖನವೇ ಸಾಕ್ಷಿ. ಅವಿವೇಕದಿಂದ ಸಮೂಹ ಮಾಧ್ಯಮಗಳ ಬಳಕೆ ಆದಲ್ಲಿ ಅಮಾಯಕರು ಸಂಕಷ್ಟಕ್ಕೆ ಸಿಲುಕುವರು;‌ ಸಾಮಾಜಿಕ ಕ್ಷೋಭೆಗೂ ಹೇತುವಾದೀತು. ತಾಯಿಕರುಳು ತನಗೆ ನೋವಾದರೂ ಮಗನೆಂತಹವನಾದರೂ ಅವನಿಗೆ ತೊಂದರೆ ಕೊಡಬಾರದೆನ್ನುವ ಗುಣ ತಾಯಿಯಲ್ಲಿರುವ ಸ್ಥಾಯೀ ಭಾವವನ್ನು ಪ್ರತಿಫಲಿಸಿದೆ.
ನವಮಾಸ ಹೊತ್ತು, ತುತ್ತು ಮುತ್ತು ಎಲ್ಲವನ್ನು ಸಮಾನವಾಗಿ ಇತ್ತು ಪೊರೆದ ತಾಯನ್ನು ತೊರೆದ ಮಗ
ಹೇಗಿದ್ದರೇನು, ಎಂತಿದ್ದರೇನು? ಧಿಕ್ಕಾರಕ್ಕವ ಅರ್ಹನು.
*ಲೋಕೇಶ್ವರಯ್ಯ ಎಂ.ಆರ್*
ಚನ್ನಗಿರಿ

N-2440 

  22-03-2024 05:20 PM   

ಸಮೂಹ ಮಾಧ್ಯಮ: ಸದ್ಬಳಕೆ ಮತ್ತು ದುರ್ಬಳಕೆ

 *ಸಮೂಹ ಮಾಧ್ಯಮ ಸದ್ಬಳಕೆ ಮತ್ತು ದುರ್ಬಳಕೆ* ಅಂಕಣಕ್ಕೆ ಪ್ರತಿಕ್ರಿಯೆ.

ಮನುಷ್ಯ ತನ್ನ ಸಂಸ್ಕಾರ, ವಿಚಾರಧಾರೆ, ಆಯ್ಕೆಗಳು, ನಡೆನುಡಿಗಳಿಂದ ಒಳ್ಳೆಯ/ಕೆಟ್ಟ ವ್ಯಕ್ತಿಯಾಗಿ ರೂಪುಗೊಳ್ಳುತ್ತಾನೆ ಎಂಬುದು ಸತ್ಯವಾದ ಮಾತು. ಯಾರೂ ಸಹ ಹುಟ್ಟಿನಿಂದಲೇ ಒಳ್ಳೆಯವರು ಅಥವಾ ಕೆಟ್ಟವರಾಗಿ ಇರುವುದಿಲ್ಲ.

ಸಮೂಹ ಮಾಧ್ಯಮಗಳು ಸಾಮಾಜಿಕ ಜನ ಜೀವನದಲ್ಲಿ ಹಾಸು ಹೊಕ್ಕಾಗಿವೆ. ಅವುಗಳಿಂದ ಒಳ್ಳೆಯದೂ ಆಗಬಹುದು ಅಥವಾ ಕೆಟ್ಟದ್ದೂ ಆಗಬಹುದು. ಒಳ್ಳೆಯದಕ್ಕಿಂತ ಕೆಟ್ಟದ್ದೇ ಹೆಚ್ಚಾಗುತ್ತಿರುವುದು ಇಂದಿನ ಸಮಾಜದಲ್ಲಿ ಎಲ್ಲರನ್ನೂ ಖೇದಕ್ಕೆ ಗುರಿ ಮಾಡುತ್ತಿರುವ ಸಂಗತಿ. ವಿದ್ಯಾವಂತ, ಹೆಸರಾಂತ ಗಣಿತ ಶಿಕ್ಷಕಿಯೋರ್ವರು ಮನೆಯವರ ತಿರಸ್ಕಾರಕ್ಕೆ ಗುರಿಯಾಗಿ ಭಿಕ್ಷುಕರಾಗಿ ಪರಿವರ್ತನೆ ಹೊಂದಿದ್ದು ನಿಜಕ್ಕೂ ಶೋಚನೀಯ ಸಂಗತಿ. ಇಲ್ಲಿ ನನ್ನ ಮನಸ್ಸಿಗೆ ಅನ್ನಿಸಿದ್ದು ಹಾಗೂ ಮೂಡಿದ ಪ್ರಶ್ನೆ: ಹೆಸರಾಂತ ಗಣಿತ ಶಿಕ್ಷಕಿಯಾಗಿದ್ದವರು ಮುಂದೆ ನಿವೃತ್ತಿಯ ನಂತರವೂ ತಮ್ಮದೇ ಆದ ಒಂದು ಚಿಕ್ಕಮನೆ ಮಾಡಿ ತಮ್ಮ ಖಾಸಗಿ ಪಾಠವನ್ನು ಮುಂದುವರೆಸಿ ಜೀವನ ನಡೆಸಬಹುದಿತ್ತಲ್ಲವೇ? ಎಲ್ಲರಿಗೂ ಮಾರ್ಗದರ್ಶಿಯಾಗಿ ವಿದ್ಯಾರ್ಥಿಗಳ ಜೀವನವನ್ನು ರೂಪಿಸಿಕೊಳ್ಳಲು ನೆರವಾದ ಶಿಕ್ಷಕಿ ತಮ್ಮ ನಿವೃತ್ತಿಯ ನಂತರದ ಜೀವನವನ್ನು ರೂಪಿಸಿಕೊಳ್ಳಲಾಗದೆ ಹೋದದ್ದು ವಿಪರ್ಯಾಸವೇ ಸರಿ. ತಮಗೆ ಎಷ್ಟೇ ವಯಸ್ಸಾಗಿದ್ದರೂ ತಮ್ಮ ದುಡಿಮೆಯ ಹಣವನ್ನು, ಆಸ್ತಿಯನ್ನು ತಮ್ಮ ಜೀವಿತಾವಧಿಯಲ್ಲಿ ಇತರರ ಹೆಸರಿಗೆ ಮಾಡದೆ ವಿಲ್ ಬರೆದಿಡುವುದು ವೃದ್ಧರು ವಹಿಸಬೇಕಾದ ಮುನ್ನೆಚ್ಚರಿಕೆ. ಅವರ ಜೀವನದ ಮುಂದಿನ ದಿನಗಳಿಗೆ ಅದು ಸಹಾಯವಾಗುತ್ತದೆ. ಪರಿಸ್ಥಿತಿಯ ಕೈಗೊಂಬೆಯಂತೆ ವರ್ತಿಸದೆ, ಗಂಡ, ಮಕ್ಕಳು ಎನ್ನುವ ಮಮಕಾರ ಮೀರಿ ಸ್ವಾಭಿಮಾನ, ಸ್ವಾತಂತ್ರ್ಯ ಉಳಿಸಿಕೊಳ್ಳುವುದು ಇಂದಿನ ದಿನಗಳಲ್ಲಿ ಹೆಚ್ಚು ವಿವೇಕಯುತ.
*ಪೂರ್ಣಿಮ ಭಗವಾನ್*
ಬೆಂಗಳೂರು

N-2440 

  22-03-2024 05:17 PM   

ಸಮೂಹ ಮಾಧ್ಯಮ: ಸದ್ಬಳಕೆ ಮತ್ತು ದುರ್ಬಳಕೆ

 ಪೂಜ್ಯ ಗುರುಗಳ *ʻದಡವಿರದ ಮಮತೆಯ ಕಡಲು ತಾಯಿʼ* ಎನ್ನುವ ಅಂಕಣಕ್ಕೆ ಪ್ರತಿಕ್ರಿಯೆ:

ಗುರುಗಳು ಈ ಅಂಕಣದಲ್ಲಿ ಶಿಕ್ಷಕಿಯೋರ್ವಳ ಶೋಚನೀಯ ಬದುಕಿನ ಬಗ್ಗೆ ಬರೆದಿದ್ದಾರೆ. ಆಕೆಯ ಮಕ್ಕಳೇ ಆಕೆಯನ್ನು ಭಿಕ್ಷಾಟನೆಗೆ ದೂಡಿದ ಶೋಚನೀಯ ಸ್ಥಿತಿ! ಇಂದಿನ ಸಮಾಜದಲ್ಲಿ ಇದು ಅಪರೂಪವೇನಲ್ಲ, ಇಂತಹ ನೂರಾರು ಉದಾಹರಣೆಗಳು ನಮ್ಮ ಕಣ್ಣಮುಂದಿವೆ. ಬಹುಶಃ ಇಂತಹ ಪರಿಸ್ಥಿತಿನ್ನು ತಪ್ಪಿಸಲೆಂದೇ ನಮ್ಮ ಪೂರ್ವಿಕರು ವಾನಪ್ರಸ್ಥಾಶ್ರಮ ಪದ್ಧತಿಯನ್ನು ಜಾರಿಗೆ ತಂದಿರಬಹುದು. ಆದರೆ ಇಂದಿನ ವಾಸ್ತವದಲ್ಲಿ, ಜೀವನ ನಿರ್ವಹಣೆಗೆ ಧನವೇ ಮುಖ್ಯ ಆಧಾರವಾಗಿರುವಾಗ, ಇಂಚು ಇಂಚು ನೆಲಕ್ಕೂ ಒಡೆಯರಿರುವಾಗ, ಹಿಂದಿನ ವಾನಪ್ರಸ್ಥ ಇಂದು ವ್ಯಾವಹಾರಿಕವಾಗಿ ಸೂಕ್ತವಲ್ಲ. ಆದ್ದರಿಂದ ಇಂತಹ ಪರಿಸ್ಥಿತಿಗಳು ಹುಟ್ಟಿಕೊಳ್ಳುವುದರಲ್ಲಿ ಆಶ್ಚರ್ಯವೇನಿಲ್ಲ. ಇಂದು ಪ್ರತಿ ವ್ಯಕ್ತಿಯೂ ಕೊನೆಯವರೆಗೂ ತನ್ನ ಜೀವನ ನಿರ್ವಹಣೆಯ ಬಾಧ್ಯತೆಯನ್ನು ಇತರರಿಗೆ ಒಪ್ಪಿಸುವಂತೆಯೇ ಇಲ್ಲ. ಒಪ್ಪಿಸಿದರೆ ಇಂತಹ ಸಮಸ್ಯೆಗಳು ತಪ್ಪುವುದಿಲ್ಲ.


ಗುರುಗಳು ಸಮೂಹ ಮಾಧ್ಯಮಗಳ ಸಾಧಕ ಬಾಧಕಗಳ ಬಗ್ಗೆ ತಿಳಿಸಿದ್ದಾರೆ. ಹೌದು ಯಾವುದೇ ಸಾಧನವನ್ನು ಒಳ್ಳೆಯ ಹಾಗೂ ಕೆಟ್ಟ ರೀತಿಯಲ್ಲಿ ಬಳಸುವ ಚಾತುರ್ಯ ಮಾನವನಿಗಿದೆ. ಒಂದು ಶಸ್ತ್ರಚಿಕಿತ್ಸೆಯನ್ನು ಮಾಡಿ ಜೀವವೊಂದನ್ನು ಉಳಿಸುವ ಚಾಕುವಿನಿಂದಲೇ ಇನ್ನೊಬ್ಬರ ಕತ್ತು ಕೊಯ್ದು ಪ್ರಾಣಹರಣ ಮಾಡಬಹುದು. ಇದು ಚಾಕುವಿನ ತಪ್ಪೇ ಅಥವಾ ಚಾಕು ಹಿಡಿದ ಕೈಗಳ ತಪ್ಪೇ? ಆದ್ದರಿಂದ ನಾವು ಸಮೂಹ ಮಾಧ್ಯಮಗಳನ್ನು ಶಪಿಸುವುದರಲ್ಲಿ ಯಾವ ಅರ್ಥವೂ ಇಲ್ಲ. ಈ ಶಿಕ್ಷಕಿಯ ಉದಾಹರಣೆಯಲ್ಲೇ ಸಮೂಹ ಮಾಧ್ಯಮದ ಅದ್ಭುತ ಉಪಯೋಗವಾಗಿದೆ. ಕೆಲವೇ ಕ್ಷಣಗಳಲ್ಲಿ ಆ ಶಿಕ್ಷಕಿಯ ದಾರುಣ ಸ್ಥಿತಿಯ ಚಿತ್ರಣ ಆಕೆಯ ವಿದ್ಯಾರ್ಥಿಗಳನ್ನು ತಲುಪಿ ತಕ್ಷಣವೇ ಅವರು ಸ್ಪಂದಿಸಿ ಆ ಶಿಕ್ಷಕಿಯ ಜೀವನದಲ್ಲಿ ಗೌರವ, ನೆಮ್ಮದಿಗಳನ್ನು ಸ್ಥಾಪಿಸುವ ಕೆಲಸ ಮಾಡಿದ್ದು ಸಮೂಹ ಮಾಧ್ಯಮದ ಮೂಲಕವೇ ಅಲ್ಲವೇ?


ಆದರೆ ಹಿಂದಿಗೂ, ಇಂದಿಗೂ ಬದಲಾಗದೆ ಉಳಿದಿರುವುದು ಮಕ್ಕಳ ಮೇಲೆ ತಾಯಿಗಿರುವ ಮಮತೆ, ಅಕ್ಕರೆ, ಅನನ್ಯವಾದ ಪ್ರೀತಿ. ತನ್ನನ್ನು ಭಿಕ್ಷಾಟನೆಗೆ ತಳ್ಳಿದ ಮಕ್ಕಳ ಮೇಲೆ ಯಾವುದೇ ರೀತಿಯ ಕಾನೂನು ಕ್ರಮವನ್ನು ತೆಗೆದುಕೊಳ್ಳಲು ನಿರಾಕರಿಸಿದ ಆಕೆಯ ಪುತ್ರಪ್ರೇಮ ಅಕಳಂಕಿತವಾದದ್ದು. ಗುರುಗಳ ಅಂಕಣದ ಶೀರ್ಷಿಕೆಯೂ ಇದನ್ನೇ ಹೇಳುತ್ತಿದೆ.


ನಮ್ಮನ್ನು ಚಿಂತನೆಗೆ ಒಳಪಡಿಸುವಂತಹ ಪ್ರಸಂಗವೊಂದನ್ನು ನಮ್ಮ ಮುಂದೆ ತೆರೆದಿಟ್ಟ ಗುರುಗಳಿಗೆ ಹಾಗೂ ನಮ್ಮ ಹಾಗೂ ಗುರುಗಳ ನಡುವೆ ಸೇತುವೆಯಾಗಿ ಕೆಲಸಮಾಡುತ್ತಿರುವ ರಾ. ವೆಂಕಟೇಶ ಶೆಟ್ಟಿಯವರಿಗೂ ಹೃತ್ಪೂರ್ವಕ ನಮನಗಳು.
ಎಸ್.‌ ಕೃಷ್ಣಮೂರ್ತಿ (ಕೃಷ್ಣಕವಿ),*
ಬೆಂಗಳೂರು

N-2440 

  22-03-2024 05:14 PM   

ಸಮೂಹ ಮಾಧ್ಯಮ: ಸದ್ಬಳಕೆ ಮತ್ತು ದುರ್ಬಳಕೆ

 ಗುರು ಕಾರುಣ್ಯಕ್ಕೆ ದೊರಕದ ವಸ್ತುವೇ ಇಲ್ಲ ಎನ್ನಬಹುದು. ತಮ್ಮ ಬಿಡುವಿಲ್ಲದ ಕಾರ್ಯ ಬಾಹುಳ್ಯದಲ್ಲೂ ಎಂದೋ ಒಮ್ಮೆ ಆಲಿಸಿದ ಸಂಗತಿ ಅವರ ಮನಕ್ಕೆ ತಟ್ಟಿತು.

ಈ ಆಧುನಿಕ ಯುಗದಲ್ಲಿ ಗುರು ಹಿರಿಯರ ಅನಾದರಣೆ ಸಾಮಾನ್ಯ ಎಂಬಂತಾಗಿದೆ.
ಓರ್ವ ವಿದ್ಯಾವಂತೆ,ಬುದ್ಧಿವಂತ ಮಹಿಳೆಗೆ ಎಂಥಾ ಸ್ಥಿತಿ ಬಂತೆಂದರೆ, ಇನ್ನೂ ಎಷ್ಟು ಲಕ್ಷಾಂತರ ಮಂದಿ ನರಳುತ್ತಿರುವರೋ ಕಾಣೆ. ಸಾವಿರಾರು ಮಕ್ಕಳಿಗೆ ಬೋಧನೆ ಮಾಡಿದ ಗುರುವಿಗೆ ಭಿಕ್ಷೆ ಬೇಡುವ ಯೋಗ.
ಮತ್ತೊಬ್ಬ ಮಮತಾಮಯಿ ಕಣ್ಣು ತೆರೆದು ಕರುಣಿಸಿದ ಕಥನ ರೋಚಕ. ಹೀಗೆ ಎಲ್ಲ ನಾಗರಿಕರಿಗೆ ಸುತ್ತಲಿನ ಪರಿಸರದ ಅರಿವು ಉಂಟಾಗಲಿ ಎನ್ನುವ ಇರಾದೆ ನನ್ನದು.

ಯಾವ ಆಧುನಿಕ ಸಾಧನೆಗಳು ಮಾನವನ ಭಾವನೆಗಳನ್ನು ಹತ್ತಿಕ್ಕಿತೋ ಅಂಥದೇ ತಂತ್ರಜ್ಞಾನ ಈ ಮಹಾತಾಯಿಗೆ ಒಂದು ಒಳ್ಳೆಯ ಬದುಕು ನಡೆಸಲೂ ಉಪಯುಕ್ತ ಆಯಿತು. ಶ್ರೀ ಗಳು ವಿವರಿಸಿದಂತೆ ಈ ಒಳ್ಳೆಯ/ಕೆಟ್ಟ ಎಂಬುದು ಸಾಧನಗಳಲ್ಲಿಲ್ಲ. ಉಪಯೋಗಿಸುವ ಕೈಗಳಲ್ಲಿ ಇದೆ ಎಂದು ಸಾಬೀತಾಗಿದೆ. ಆ ದೊಡ್ಡ ಅಮ್ಮನ ಸ್ವಾಭಿಮಾನ ಮೆಚ್ಚತಕ್ಕದ್ದು. ಅವರಿಗೆ ಪುನಶ್ಚೇತನ ಕಲ್ಪಿಸಿದ ಮಹಿಳಾ ಮಣಿಗೆ ವಂದನೆಗಳು/ಅಭಿನಂದನೆಗಳು.

ಗುರು ಕಾರುಣ್ಯ ಎಲ್ಲರಿಗೂ ಸ್ಪೂರ್ತಿ ನೀಡಲಿ. ಸಮಾಜದಲ್ಲಿ ಸಹಬಾಳ್ವೆಯ ಸಂಜೀವನ ದೊರಕಲಿ.
ಪ್ರಾಣಿ ದಯೆ ಮನದಾಳದ ಮಾತಾಗಲಿ.

ಅವಕಾಶ ಕಲ್ಪಿಸುವ ನಮ್ಮ ಆತ್ಮೀಯ ಶ್ರೀ ವೆಂಕಟೇಶ ಶೆಟ್ಟರಿಗೆ ಆಭಾರಿ.

ಶ್ರೀ ಗುರುಗಳಿಗೆ ಸಾಷ್ಟಾಂಗ ಪ್ರಣಾಮಗಳು.
*ಜಯಂತಿ ಕನ್ನುಕೆರೆ*
ಬೆಂಗಳೂರು