N-2695
14-10-2024 06:15 PM
ಜಗಳೂರು ಬರದ ನಾಡಲ್ಲ ಇನ್ನು ಮುಂದೆ ಬಂಗಾರದ ನಾಡಾಗಲಿದೆ : ಶ್ರೀ ತರಳಬಾಳು ಜಗದ್ಗುರುಗಳವರು
*ಆಧುನಿಕ ಭಗೀರಥ*
ಇಳಿದಿಹಳು ಮಾತೆ ಸ್ವರ್ಗದಿಂದ
ಅಲೆಯಾಗಿ ಹರಿಯುತಿಹಳು ಗರ್ವದಿಂದ
ಮನದುಂಬಿ ನಗುತಿಹಳು ಹೆಮ್ಮೆಯಿಂದ
ಆಶೀರ್ವದಿಸುತ್ತಿರುವರು ಅಂಬರದಿಂದ
ಗಂಗಾಮಾತೆಯ ವರಸುತ
ಆರಾಧ್ಯ ದೈವ ಭಕ್ತರ ಅಭಿಮತ
ಪ್ರಶ್ನಾತೀತ ನಡೆಯು ಸರ್ವರಿಗೂ ಸಮ್ಮತ
ಶ್ರೀ ಶಿವಕುಮಾರ ಕರಕಮಲ ಸಂಜಾತ
ನೇಗಿಲ ಯೋಗಿಯ ಸಂಪನ್ನತೆ
ವಸುಂದರೆಯ ಒಡಲ ಪ್ರಸನ್ನತೆ
ಪರಿಹಾರಕ್ಕೆ ಅವಿರತ ಕಾರ್ಯ ತತ್ಪರತೆ
ಹಸನ್ಮುಖದಲ್ಲಿ ಮಂದಹಾಸದ ತನ್ಮಯತೆ
ಭಗೀರಥನ ತಪಸ್ಸಿಗೆ ಒಲಿದಳು ಗಂಗೆ
ಪರಮರಾಧ್ಯರ ಶಕ್ತಿಗೆ ಬಾಗಿದಳು ತುಂಗೆ
ಬರದ ನಾಡಲ್ಲಿ ಚಿಗುರಿದಳು ತೆಂಗೆ
ನೆಮ್ಮದಿಯ ತಂಗಾಳಿ ಬೀಸುತಿಹಳು ಹೊಂಗೆ
ಕ್ರಾಂತಿ ಮಾಡುವವರೆಲ್ಲ ಒಬ್ಬರೆ
ಸಾಧ್ಯವಾಗಿಸುವರು ಪವಾಡ ಪುರುಷರೆ
ಬರದ ನಾಡಲ್ಲಿ ಬಂಗಾರ ಬೆಳೆಯಿರೆ
ಆಶೀರ್ವಾದವಿತ್ತವರು ನಮ್ಮ ಗುರುವರ್ಯರೆ
ಇಟ್ಟ ಹೆಜ್ಜೆಯ ಹಿಂತೆಗೆಯದ ತ್ರಿವಿಕ್ರಮರು
ಧರಣಿಗೆ ಜಲಾಮೃತ ಉಣಿಸಿದ ಭಗೀರಥರು
ಧರ್ಮ ವಚನ ಜಲಕ್ರಾಂತಿಗಳ ಹರಿಕಾರರು
ರೈತರ ಮನದಲ್ಲಿ ಸದಾ ಅವಿಸ್ಮರಣೀಯರು
ಜಗ ಮೆಚ್ಚಿದ ಎನ್ನಯ ವರಗುರು
ಹೊನ್ನ ಬೆಳೆಯುವಂತೆ ಮಾಡಿದ ಧೀರರು
ಗುಡುಗಿ ವಿಧಾನಸೌಧವ ನಡುಗಿಸಿದವರು
ಭಕ್ತರ ಹೃದಯ ಸಿಂಹಾಸನಾಧೀಶರು.
ಎಸ್ ಜ್ಯೋತಿಲಕ್ಷ್ಮಿ ಸಾಹಿತಿ ಶಿಕ್ಷಕರು ಸಿರಿಗೆರೆ
9620958435
ಎಸ್ ಜ್ಯೋತಿಲಕ್ಷ್ಮಿ ಸಿರಿಗೆರೆ
ಸಿರಿಗೆರೆ.