ಶ್ರೀ ತರಳಬಾಳು ಜಗದ್ಗುರು ಬೃಹನ್ಮಠ

N-2458

07-08-2024 02:10 PM

ತಾಯಿಯ ಮಡಿಲನ್ನು ಸೇರಿದ ವೀರ ಯೋಧ

ಪರಮ ಪೂಜ್ಯರ *ತಾಯಿಯ ಮಡಿಲನ್ನು ಸೇರಿದ ವೀರಯೋಧ* ಲೇಖನವು ಅತ್ಯಂತ ಸಾಕಾಲಿಕ ಹಾಗೂ ಭಾವಪೂರ್ಣವಾದುದು..

ವಾಜಪೇಯಿಯವರ ಅವಧಿಯಲ್ಲಿ ಅಂದರೆ 1999 ರಲ್ಲಿ ಜರುಗಿದ ಕಾರ್ಗಿಲ್ ಯುದ್ಧದಲ್ಲಿ ಸಾವಿರಾರು ಯೋಧರು ನಾಡಿಗಾಗಿ ಹೋರಾಡಿದ್ದು ಇತಿಹಾಸ ಸೇರಿದೆ. ಗುರುಗಳು ತಮ್ಮ ಲೇಖನದಲ್ಲಿ ಕರ್ನಲ್ ರವೀಂದ್ರನಾಥ್ ಅವರು ಕಾರ್ಗಿಲ್ ಯುದ್ಧದ ಸಂಧರ್ಭದಲ್ಲಿ ತೋರಿದ ಧೈರ್ಯವನ್ನು ಮೆಚ್ಚತಕ್ಕದ್ದು ಹಾಗೂ ನಂತರದ ದಿನಗಳಲ್ಲಿ ಅವರ ಸಾವಿನ ಸುದ್ದಿ ಕೇಳಿ ಬಹಳ ಬೇಸರವಾಯಿತು. ಸಾವಿರಾರು ಯೋಧರು ಕಾರ್ಗಿಲ್ ಯುದ್ಧದಲ್ಲಿ ಹೋರಾಡಿದ ರೋಚಕ ಕಥೆ ಎಲ್ಲರನ್ನೂ ರೋಮಾಂಚನ ಗೊಳಿಸುತ್ತದೆ.

ಭಾರತ ಪಾಕಿಸ್ತಾನ ನಡುವಿನ ವಾಘಾ ಬಾರ್ಡರ್ ನಲ್ಲಿ ಪ್ರತಿ ನಿತ್ಯ ನಡೆಯುವ ಯೋಧರ ಕಾವಾಯತನ್ನು ನೋಡಿದಾಗ ನಮ್ಮ ರಕ್ತದಲ್ಲಿ ದೇಶಭಕ್ತಿ ಉಕ್ಕುತ್ತದೆ. ಪ್ರತಿಯೊಬ್ಬನು ತನ್ನ ಜೀವಿತ ಕಾಲದಲ್ಲಿ ಒಮ್ಮೆಯಾದರೂ ವಾಘಾ ಸ್ಥಳಕ್ಕೆ ಭೇಟಿ ನೀಡಲೇಬೇಕು, ಆಗ ನಮ್ಮಲ್ಲಿ ಶತ್ರುಗಳ ಮೇಲೆ ರೋಷ ಉಕ್ಕಿ ಹರಿಯುತ್ತದೆ.

ಪೂಜ್ಯರ ಲೇಖನ ಸಾಂಧರ್ಭಿಕವಾದುದಾಗಿದ್ದು ಪೂಜ್ಯರಿಗೆ ಭಕ್ತಿಪೂರ್ವಕ ಪ್ರಣಾಮಗಳು. ಮಿತ್ರರಾದ ರಾ. ವೆಂಕಟೇಶ್ ಶೆಟ್ಟಿ ಅವರಿಗೆ ಧನ್ಯವಾದಗಳು.
ಅಶೋಕ ಟಿ ಎನ್, ಬೆಂಗ ಗಳೂರು

N-2458

07-08-2024 02:07 PM

ತಾಯಿಯ ಮಡಿಲನ್ನು ಸೇರಿದ ವೀರ ಯೋಧ

ಗುರುಗಳ ಲೇಖನ*
*ತಾಯಿಯ ಮಡಿಲನ್ನು ಸೇರಿದ ವೀರಯೋಧ*
ನನ್ನ ಪ್ರತಿಕ್ರಿಯೆ

ಶ್ರೀ ಗುರುಭ್ಯೋ ನಮಃ

ಶ್ರೀಗಳು ಕರ್ನಲ್ ರವೀಂದ್ರನಾಥ್ ರವರ ಯಶೋ/ಜೀವನಗಾಥೆಯನ್ನು ಕಣ್ಣಿಗೆ ಕಟ್ಟುವಂತೆ ತಿಳಿಸಿದ್ದಾರೆ. ನನಗೆ ಅತ್ಯಂತ ಮನಮುಟ್ಟುವಂತೆ ಅನ್ನಿಸಿದ್ದು ಶ್ರೀ ಬಸಪ್ಪ ಮಾಸ್ಟರ್ ಮತ್ತು ಶ್ರೀಮತಿ ಸರೋಜಮ್ಮ ರವರ ದೇಶಭಕ್ತಿ ಮತ್ತು ಸಮಾಜದ ಬಗೆಗಿನ ಅವರ ಕಾಳಜಿ. ಇಂತಹ ತಂದೆ ತಾಯಿಗಳನ್ನು ಪಡೆದ ಕರ್ನಲ್ ರವೀಂದ್ರನಾಥ್ ಹಾಗೂ ಅವರ ಸಹೋದರರು ನಿಜವಾಗಿಯೂ ಪುಣ್ಯವಂತರು.

ಶ್ರೀಗಳು ತಿಳಿಸಿರುವಂತೆ ಈಗಿನ ತಲೆಮಾರಿನ ಅನೇಕರಿಗೆ ಕಾರ್ಗಿಲ್ ಯುದ್ದದ ವಿಷಯವೇ ತಿಳಿದಿರುವುದಿಲ್ಲ ಹಾಗೂ ಅನೇಕ ಹಳೇ ತಲೆಮಾರಿನವರು ಅದನ್ನು ಹೆಚ್ಚೂಕಡಿಮೆ ಮರೆತು ಬಿಟ್ಟಿದ್ದಾರೆ ಅನ್ನಿಸುತ್ತದೆ. ಏಕೆಂದರೆ ಅದು ಪಠ್ಯ ಪುಸ್ತಕದಲ್ಲೂ ಇಲ್ಲದೆ `ಔಟ್ ಆಫ್ ಸಿಲಬಸ್` ಆಗಿಬಿಟ್ಟಿದೆ.

ಇನ್ನು ಇದರ ವಿಷಯದಲ್ಲಿ ರಾಜಕಾರಣಿಗಳ ಮನೋಭಾವವನ್ನು ಕುರಿತು ಮಾತನಾಡದಿರುವುದೇ ಮೇಲು.

ಒಟ್ಟಿನಲ್ಲಿ ಗುರುಗಳ ಲೇಖನ ಸಮಾಜದ ಕಣ್ಣನ್ನು ತೆರೆಸುವಂತಿದೆ. ಶ್ರೀಗಳಿಗೆ ಅನಂತಾನಂತ ವಂದನೆಗಳು.

ಗುರುಗಳ ಲೇಖನವನ್ನು ನಮಗೆ ತಲುಪಿಸಿ ಪ್ರತಿಕ್ರಿಯೆಗಳನ್ನು ಬರೆಯಲು ಪ್ರೋತ್ಸಾಹಿಸುತ್ತಿರುವ ಶ್ರೀ ವೆಂಕಟೇಶ ಶೆಟ್ಟಿ ಯವರಿಗೆ ಮತ್ತೊಮ್ಮೆ ನಮಸ್ಕಾರಗಳು.

ಸಿ. ಆರ್ ಕೃಷ್ಣ‌ಸ್ವಾಮಿ, ಬೆಂಗಳೂರು

N-2458

07-08-2024 02:03 PM

ತಾಯಿಯ ಮಡಿಲನ್ನು ಸೇರಿದ ವೀರ ಯೋಧ

ಗುರು ಸಾನಿಧ್ಯಕೆ ಶರಣು.

ವೀರಯೋಧನ ಜೀವನ ದರ್ಶನ
ಓದಿ ನಾವೆಲ್ಲಾ ಭಾವುಕರಾದೆವು.
ಯೋಧನೊಬ್ಬನ ಅಂತ್ಯದ ಶ್ರದ್ಧಾಂಜಲಿಗೆ ಸ್ವಾಮೀಜಿಯವರು ಧಾವಿಸಿ ಹೋದದ್ದು ಸ್ವಾಮೀಜಿಯವರು
ಸೈನಿಕರಿಗೆ ಸಲ್ಲಿಸುವ ಗೌರವ ಕಂಡು ಸ್ವಾಮೀಜಿಯವರ ಬಗ್ಗೆ ನಮಗೆಲ್ಲ ಅಭಿಮಾನ ಉಂಟಾಯಿತು.ಯೋಧರಿಗೆ ಗೌರವ ಸಲ್ಲಿಸಲು ಇಲ್ಲಿ ಕೆಲವು ಸಾಲುಗಳನ್ನು ಕಳಿಸಿದ್ದೇನೆ.

* ಯೋಧ *

ಯೋಧ ನಿನ್ನಯ ತ್ಯಾಗ ಸೇವೆಗೆ/
ಬೆಲೆಯ ಕಟ್ಟಲು ಸಾಧ್ಯವೇ?/
ಮೀಸಲಿಡುವೆ ಮಾತೃಭೂಮಿಗೆ /
ನಿನ್ನ ಜೀವನ ನೈವೇದ್ಯವೆ?/
ಬಾಳ್ವ ಹಂಗನು ತೊರೆವ ಪರಿಗೆ./
ಹೃದಯ ತುಂಬಿ ಹಾಡುವೆ,/
ದೇಶ ರಕ್ಷಣೆ ಕಾರ್ಯಕ್ಷಮತೆಗೆ/
ಶಿರವ ಬಾಗುತ ನಮಿಸುವೆ./
ನಿಮ್ಮ ರಕ್ಷಣೆ ನೆರಳಿನಲ್ಲಿ/
ನಮ್ಮ ಬಾಳ್ವೆ ಸುರಕ್ಷಿತ,/
ಶಾಂತಿ ನೆಮ್ಮದಿ ಬಾಳಿನಲ್ಲಿ/
ನಾಗರೀಕತೆ ವ್ಯವಸ್ಥಿತ./
ಗಡಿಯ ರಕ್ಷಿಸಿ, ವೈರಿ ಶಿಕ್ಷಿಸಿ/
ತಾಯ ಋಣವ ಸಲಿಸುತ,/
ಭವ್ಯ ಜೀವನ, ದಿವ್ಯ ಚೇತನ/
ಸಾರ್ಥಕ ಬಾಳು ಸವೆಸುತ./
ಎಂದೆಂದೂ ಚಿರಋಣಿ ನಾವು/
ನಿಮ್ಮ ಸಂತತಿ ಬೆಳೆಯಲಿ,/
ಅಮರ ಪುಷ್ಪಗುಚ್ಛ ನೀವು/
ಭಾರತಾಂಬೆಯ ಮುಡಿಯಲಿ./

ವೆಂಕಟೇಶಟ್ಟಿಯವರಿಗೆ ಗೌರವ ಪೂರ್ವಕ ನಮನಗಳು. 🙏🏻
ಮುಕ್ತಾ ಗುಜಮಾಗಡಿ. ನರಗುಂದ.

N-2458

07-08-2024 01:55 PM

ತಾಯಿಯ ಮಡಿಲನ್ನು ಸೇರಿದ ವೀರ ಯೋಧ

ಪರಮ ಪೂಜ್ಯ ಶ್ರೀ ಗುರುವರ್ಯರಿಗೆ ಪ್ರಣಾಮಗಳು.

ಬಿಸಿಲು ಬೆಳದಿಂಗಳು ಅಂಕಣ:* *ತಾಯಿಯ ಮಡಿಲನ್ನು ಸೇರಿದ ವೀರಯೋಧ*

ಇಂದು ದೇಶವು ಕಾರ್ಗಿಲ್ ಯುದ್ಧದ 25ರ ವಿಜಯೋತ್ಸವ ಸಂಭ್ರಮ ಆಚರಿಸುತ್ತಿದೆ. ಗುರುಗಳ ಅಂಕಣ ಮತ್ತೊಮ್ಮೆ ನಮಗೆ ಸ್ಮರಿಸುತ್ತಿದೆ. ಭಾರತದ ಇತಿಹಾಸದಲ್ಲಿ ಮರೆಯಲಾಗದ ಮಹತ್ವದ ದಿನವಾಗಿದೆ. ರಾಷ್ಟ್ರಭಕ್ತಿ ದೇಶಪ್ರೇಮವನ್ನು ಜಾಗ್ರತೆಗೊಳಿಸುವ ದಿನವು, ಯೋಧರ ತ್ಯಾಗ, ಬಲಿದಾನ ಸ್ಮರಿಸುವ ದಿನವೂ ಆಗಿದೆ .ವೀರ ಯೋಧ ಕರ್ನಲ್ ರವೀಂದ್ರನಾಥ ರವರ ಸಾಹಸಗಳು, ದೇಶದ ರಕ್ಷಣೆಗಾಗಿ ವೀರಾವೇಶದಿಂದ ಹೋರಾಡಿದ ಅವರನ್ನು ಸ್ಮರಿಸಿದ್ದು ಸಮಯೋಚಿತ ಸನ್ನಿವೇಶವಾಗಿದೆ. *ವೀರ ಚಕ್ರ* ಪ್ರಶಸ್ತಿ ಪಡೆದ ರವೀಂದ್ರನಾಥ ಅವರು ಇಂದು ನಮ್ಮೊಂದಿಗೆ ಇಲ್ಲ. ಶತ್ರು ಸೈನ್ಯದೊಂದಿಗೆ ಸೆಣ ಸಾಡಿ ಯುದ್ಧದಲ್ಲಿ ಗೆದ್ದು ಬಂದರೂ ಸಾವಿನೊಂದಿಗೆ ಸೆಣಸಾಡಿ ಗೆಲ್ಲಲಾಗಲಿಲ್ಲ ಎಂಬುದು ವಿಷಾದ. ಅಗಲಿದ ವೀರ ಯೋಧನ ಆತ್ಮಕ್ಕೆ ಗೌರವ ಸಲ್ಲಿಸಲಿಂದೇ ಗುರುಗಳ ಈ ಅಂಕಣ.
ಒಬ್ಬ ವೀರ ಯೋಧ ಕರ್ನಲ್ಆಗಿ ರಾಷ್ಟ್ರಭಕ್ತಿ,ದೇಶಪ್ರೇಮ, ಸಾಹಸ,ಶೌರ್ಯ ಮೆರೆಯಲು ಅವರ ಮನೆಯವರ ಪ್ರೋತ್ಸಾಹ, ದೈವಭಕ್ತಿ,ಮಾರ್ಗದರ್ಶನ, ಮನೆಯ ಪರಿಸರ,ಆಚಾರ ವಿಚಾರಗಳು,ಸಂಸ್ಕೃತಿಗಳು ಅಷ್ಟೇ ಮುಖ್ಯ ಎಂದು ಈ ಅಂಕಣದಿಂದ ತಿಳಿದು ಬರುತ್ತದೆ. ಕರ್ನಲ್ ರವೀಂದ್ರ ರವರ ಬಗ್ಗೆ ನಮಗೆ ಪರಿಚಯಮಾಡಿಕೊಟ್ಟ ಗುರುಗಳಿಗೆ ಧನ್ಯವಾದಗಳು.

ಅಂಕಣದ ಬಗ್ಗೆ ವಿಷಯ ಮಂಡಿಸಲು ಅನುವು ಮಾಡಿಕೊಟ್ಟ ರಾ.ವೆಂಕಟೇಶ ಶೆಟ್ಟಿ ಯವರಿಗೂಅನಂತ ಧನ್ಯವಾದಗಳು.
ಕಾಂತಾರಾಮುಲು. ಬೆಂಗಳೂರು.

N-2458

07-08-2024 01:52 PM

ತಾಯಿಯ ಮಡಿಲನ್ನು ಸೇರಿದ ವೀರ ಯೋಧ

*ತಾಯಿಯ ಮಡಿಲನನ್ನು ಸೇರಿದ ವೀರ ಯೋಧ**

ಕಾರ್ಗಿಲ್ ಯುದ್ದ ಗೆದ್ದು 25 ವರುಷ ತುಂಬಿದ ಸಂಭ್ರಮಾಚರಣಿಯ ಸಂದರ್ಭದಲ್ಲಿ ಪ್ರಕಟವಾದ ಈ ಲೇಖನ ಬಹಳ ಅರ್ಥಪೂರ್ಣವಾಗಿದೆ.

ಮೈಸೂರಿನಲ್ಲಿ ಭಾನುವಾರ ನಡೆದ ಮ್ಯಾರಥಾನ್ ನಲ್ಲಿ ಕಾರ್ಗಿಲ್ ಯುದ್ದದಲ್ಲಿ ಹುತಾತ್ಮ ಯೋಧ ಹೇಮಚಂದು ರವರ ತಂದೆ ತಾಯಿ ಮತ್ತು ನಿವೃತ್ತ ಸೈನಿಕ ಸುಬೇದಾರ್ ಎ.ರಾಜೇಂದ್ರ ಬಸ್ಟಿನ್ ಅವರೊಂದಿಗೆ ಕಾರ್ಗಿಲ್ ಯುದ್ದದಲ್ಲಿ ಹಾರಾಡಿದ ಭಾರತದ ತ್ರಿವರ್ಣ ಧ್ವಜವನ್ನು ಹಾರಿಸಿದ ಸಂದರ್ಭದಲ್ಲಿ ಭಾಗಿಯಾದುದು ನನ್ನ ಸೌಭಾಗ್ಯವೇ ಸರಿ.

ಬಿ. ಅರುಣ್ ಕುಮಾರ್, ಮೈಸೂರು

N-2458

07-08-2024 01:47 PM

ತಾಯಿಯ ಮಡಿಲನ್ನು ಸೇರಿದ ವೀರ ಯೋಧ

ಜಗದ್ಗುರುಗಳವರು ಲೇಖನೀಕರಿಸಿದ, 2018 ರಲ್ಲಿ ಪ್ರಕಟವಾಗಿದ್ದ "ತಾಯಿಯ ಮಡಿಲನ್ನು ಸೇರಿದ ವೀರ ಯೋಧ" ಅಂಕಣ ಕುರಿತು ನನ್ನ ಪ್ರತಿಕ್ರಿಯೆ:

ಇಡೀ ಅಂಕಣ ಓದುವಾಗ ನಮ್ಮ ದೇಶವನ್ನು ಹಗಲು-ರಾತ್ರಿ ಎನ್ನದೆ ಕಾಯುತ್ತಿರುವ ಸೈನಿಕರ ಬಗ್ಗೆ ಮತ್ತಷ್ಟು ಗೌರವ ಮೂಡುತ್ತದೆ. ವಿಶೇಷವಾಗಿ ನಮ್ಮವರೇ ಆದ ಕರ್ನಲ್ ರವೀಂದ್ರನಾಥ್ ಅವರ ಬಗ್ಗೆ ಹೆಮ್ಮೆ ಅನ್ನಿಸುತ್ತದೆ. ಸೈನ್ಯಕ್ಕೆ ಸೇರುವುದು ಹಲವರಿಗೆ ಕನಸಾದರೆ ಮತ್ತೆ ಕೆಲವರಿಗೆ ಅವಕಾಶ ಸಿಕ್ಕರೂ ಹಿಂಜರಿತ. ಸೈನ್ಯ ಸೇರುವ ಕನಸು ನನಸಾದ ಮೇಲೆ ದೇಶವನ್ನು ಕಾಯಲು, ದೇಶದ ನಾಗರಿಕರ ರಕ್ಷಣೆ ಮಾಡಲು ಅನೇಕರಿಗೆ ಎಲ್ಲಿಲ್ಲದ ಉತ್ಸಾಹ. ನನಗೆ ಬುದ್ಧಿ ಬಂದಾಗಿನಿಂದ ಅನೇಕ ಸೈನಿಕರ ಸತ್ಯವಾದ ವೀರಮರಣದ ಸುದ್ಧಿಗಳನ್ನು ಪತ್ರಿಕೆಗಳಲ್ಲಿ ಓದಿ, ದೂರದರ್ಶನದಲ್ಲಿ ನೋಡಿ ಅರಿತುಕೊಂಡಿದ್ದೇನೆ. ತನಗೆ ಸಾವು ಖಂಡಿತವಾಗಿಯೂ ಮುಂದಿನ ದಿನಗಳಲ್ಲಿ ಬಂದು ಅಪ್ಪಿಕೊಳ್ಳುತ್ತದೆ ಎಂಬ ವಿಷಯ ಗೊತ್ತಿದ್ದರೂ ಮನಸ್ಸಿನಲ್ಲಿ ಸಣ್ಣ ಅಂಜಿಕೆಯೂ ಇಲ್ಲದೆ, ಭಯವೂ ಇಲ್ಲದೇ ತಮ್ಮ ಕರ್ತವ್ಯವನ್ನು ಸಮರ್ಥವಾಗಿ ನಿಭಾಯಿಸುವ ಸೈನಿಕರೇ ನಿಜವಾದ ದೇವರುಗಳು. ಬಹುಶಃ ಇದೇ ಕಾರಣಕ್ಕಾಗಿ ಮಾಜಿ ಪ್ರಧಾನಿ ದಿ. ಲಾಲ್ ಬಹಾದ್ದೂರ್ ಶಾಸ್ತ್ರಿಯವರು "ಜೈ ಜವಾನ್, ಜೈ ಕಿಸಾನ್" ಎಂಬ ಘೋಷಣೆಯ ಮೂಲಕ ಕೆಚ್ಚೆದೆಯ ಸೈನಿಕರಿಗೆ ಮತ್ತು ಶ್ರಮಿಕ ರೈತ ಸಮುದಾಯಕ್ಕೆ ಗೌರವ ಸಮರ್ಪಣೆ ಮಾಡಿದ್ದು. ಏನೇ ಆದರೂ ಸೈನಿಕರ ಋಣವನ್ನು ಮಾತ್ರ ಯಾವ ಜನ್ಮದಲ್ಲೂ ಯಾರಿಂದಲೂ ತೀರಿಸಲು ಸಾಧ್ಯವಿಲ್ಲ.

ಕಾರ್ಗಿಲ್ ಯುದ್ಧವು ಭಾರತದ ಇತಿಹಾಸದಲ್ಲಿ ಅತ್ಯಂತ ಪ್ರತಿಷ್ಠೆಯ ಘಟನೆಯಾಗಿ ಮಾರ್ಪಾಡಾಗಿದೆ. ಹಾಗಾಗಿಯೇ ತುಂಬಾ ಸಂಭ್ರಮ ಮತ್ತು ಗೌರವದಿಂದ ಕಾರ್ಗಿಲ್ ವಿಜಯೋತ್ಸವವನ್ನು ದೇಶದಾದ್ಯಂತ ಆಚರಣೆ ಮಾಡಲಾಗುತ್ತಿದೆ. ದೇಶದ ಗಡಿಯನ್ನು ದಾಟಿ ನಮ್ಮ ಭಾಗಗಳನ್ನು ಆಕ್ರಮಿಸಿಕೊಳ್ಳಲು ಪ್ರಯತ್ನ ಮಾಡಿದ ಪಾಕಿಸ್ತಾನಿ ಸೈನಿಕರ ಹೆಡೆಮುರಿ ಕಟ್ಟಿದ ಅತ್ಯಂತ ದುಸ್ಸಾಹಸದ ಸೆಣಸಾಟ ಈ ಯುದ್ಧ ಎಂದರೆ ತಪ್ಪಾಗಲಾರದು. ಅತ್ಯಂತ ಕಡಿದಾದ ಬೆಟ್ಟ ಪ್ರದೇಶಗಳು ಮತ್ತು 24 ಗಂಟೆಯೂ ಮೈ ಕೊರೆಯುವ ಚಳಿಯ ನಡುವೆ ಶತ್ರುಗಳ ವಿರುದ್ಧ ಹೋರಾಡಬೇಕಾದ ಅನಿವಾರ್ಯ ಪರಿಸ್ಥಿತಿ ನಮ್ಮ ಸೈನಿಕರದ್ದು. ಇಂತಹ ವಿಷಮ ಪರಿಸ್ಥಿತಿಯಲ್ಲಿ ಶತ್ರುರಾಷ್ಟ್ರದ ಜವಾನರನ್ನು ಹತ್ಯೆ ಮಾಡಿ ನಮ್ಮ ನೆಲದ ಘನತೆಯನ್ನು ಕಾಪಾಡಿದ ನಮ್ಮೆಲ್ಲಾ ಸೈನಿಕರಿಗೆ ಒಂದು ದೊಡ್ಡ ಸೆಲ್ಯೂಟ್.

ಕಾರ್ಗಿಲ್ ಯುದ್ಧದಲ್ಲಿ ಕರ್ನಲ್ ರವೀಂದ್ರನಾಥ್ ಅವರ ಪಾತ್ರ ತುಂಬಾ ಮಹತ್ತರವಾದುದು. ಒಂದು ರೆಜಿಮೆಂಟನ್ನು, ಟ್ರೂಪನ್ನು ಯಶಸ್ವಿಯಾಗಿ ಮುನ್ನಡೆಸಿದ ಗೌರವ ಅವರಿಗೆ ಸಲ್ಲುತ್ತದೆ. ಸೈನ್ಯದಿಂದ ನಿವೃತ್ತಿ ಹೊಂದಿದ ಬಳಿಕ ಇನ್ನಷ್ಟು ಕ್ರಿಯಾಶೀಲರಾಗಿ ಉದ್ದಿಮೆಯಲ್ಲಿ ತಮ್ಮನ್ನು ತೊಡಗಿಸಿಕೊಂಡ ಕರ್ನಲ್ ರವೀಂದ್ರನಾಥ್ ಅವರ ಮಹತ್ವಾಕಾಂಕ್ಷೆ ಎಂತದ್ದು ಎಂದು ಈ ಅಂಕಣದ ಮೂಲಕ ನನಗೆ ಮತ್ತಷ್ಟು ವಿವರವಾಗಿ ಅರ್ಥವಾಯಿತು. ಕರ್ನಲ್ ಅವರನ್ನು ವೈಯಕ್ತಿಕವಾಗಿ ಎರಡು ಬಾರಿ ಭೇಟಿಯಾಗಿದ್ದ ನನಗೆ ಅವರ ಬಗ್ಗೆ ಇಷ್ಟೊಂದು ಮಾಹಿತಿ ಸಿಕ್ಕಿದ್ದು ಈ ಅಂಕಣವು ಆರು ವರ್ಷಗಳ ಹಿಂದೆ ಪ್ರಕಟಣೆ ಆದಾಗ. ಅವರ ಕುಟುಂಬದ ಹರ್ಷ ಮಾಗೋಡು ಹಾಗೂ ನಾನು ಇಬ್ಬರೂ ನಮ್ಮ ಕಾಲೇಜು ದಿನಗಳಿಂದಲೂ ಪರಿಚಿತರು. ಅವರ ಮೂಲಕವೇ ಕರ್ನಲ್ ಭೇಟಿ ಸಾಧ್ಯವಾಯಿತು. ಮೊದಲು ಬೆಂಗಳೂರಿನ ಮಲ್ಲೇಶ್ವರಂನಲ್ಲಿರುವ ಪಿಟೀಲು ಚೌಡಯ್ಯ ಸಭಾಭವನದಲ್ಲಿ ಅವರನ್ನು ಭೇಟಿಯಾಗಿದ್ದೆ. ಆಗ ಹರ್ಷ ಅವರು ನನಗೆ ಕರ್ನಲ್ ಅವರನ್ನು ಪರಿಚಯ ಮಾಡಿಸಿದ್ದು.‌ ಅಂತವರನ್ನು ಕಂಡು ಎರಡೆರಡು ಬಾರಿ ಮಾತನಾಡಿಸಿದ ಸದಾವಕಾಶ ನನ್ನ ಪಾಲಿಗೆ ಸಿಕ್ಕಿತ್ತು. ಕರ್ನಲ್ ರವೀಂದ್ರನಾಥ್ ಅವರ ಬಗ್ಗೆ ಓದುತ್ತಾ, ತುಂಬಾ ಹೆಮ್ಮೆ ಅನ್ನಿಸುತ್ತಾ ಅವರ ನಿರ್ವಹಣಾ ಸಾಮರ್ಥ್ಯವನ್ನು ನಮ್ಮ ಜೀವನದಲ್ಲಿ ಪಾಲನೆ ಮಾಡಬೇಕು ಎಂದು ನನಗೆ ಭಾಸವಾಗುತ್ತಿದೆ.

ಸೈನಿಕರು ಮಿನುಗುವ ನಕ್ಷತ್ರಗಳು ಇದ್ದಂತೆ. ಅವರು ಸದಾ ಮಿನುಗುತ್ತಾ ಬ್ರಹ್ಮಾಂಡವನ್ನು ಬೆಳಗುತ್ತಿರಲಿ ಎಂದು ಆಶಿಸುತ್ತೇನೆ.

ದೇಶವನ್ನು ರಕ್ಷಣೆ ಮಾಡುತ್ತಿರುವ ಸೈನಿಕರ ಬಗ್ಗೆ, ಕರ್ನಲ್ ರವೀಂದ್ರನಾಥ್ ಅವರು ದೇಶಕ್ಕಾಗಿ ಮಾಡಿದ ಅದ್ವಿತೀಯ ಕೆಲಸವನ್ನು ಕುರಿತು, ಅವರ ತಂದೆತಾಯಿಯ ತ್ಯಾಗ ಗುಣ, ಕರ್ನಲ್ ಮತ್ತು ಅವರ ಕುಟುಂಬದವರ ಜೀವನದ ಬಗ್ಗೆ ಮನಸ್ಸು ತುಂಬುವ ಮಾಹಿತಿಯನ್ನು ಒಳಗೊಂಡ ಈ ಅಂಕಣವನ್ನು ಕರುಣಿಸಿದ ಜಗದ್ಗುರುಗಳಿಗೆ ಶರಣು ಶರಣಾರ್ಥಿಗಳು. ಪ್ರತಿಕ್ರಿಯೆ ಬರೆಯಲು ಪ್ರೇರಣೆ ನೀಡಿ ಅದಕ್ಕಾಗಿ ವೇದಿಕೆ ಕಲ್ಪಿಸಿರುವ ನನ್ನ ವಿದ್ಯಾ ಗುರುಗಳಾದ ಶ್ರೀ ಆರ್. ವೆಂಕಟೇಶ್ ಶೆಟ್ಟಿ ಸರ್ ಅವರಿಗೂ ಶರಣಾರ್ಥಿಗಳು.

ಸಿರಿಗೆರೆಯಲ್ಲಿ ಓದು ಮುಗಿದ ಮೇಲೆ ಭಾರತೀಯ ಸೈನ್ಯ ಸೇರಿ, ದೇಶಕ್ಕಾಗಿ ತಮ್ಮ ಪ್ರಾಣ ಸಮರ್ಪಣೆ ಮಾಡಿದ ನನ್ನ ಇಬ್ಬರು ಸಹಪಾಠಿಗಳಾದ ಕಡೂರು ತಾಲ್ಲೂಕಿನ ಶ್ರೀ ಕೆ.ಎಸ್. ಶೇಷಣ್ಣ ಮತ್ತು ರಾಣೆಬೆನ್ನೂರು ತಾಲ್ಲೂಕಿನ ಶ್ರೀ ಕರಿಯಪ್ಪ ಹನುಮಂತಪ್ಪ ಶಿರಗುಂಬಿ ಇಬ್ಬರಿಗೂ ನನ್ನ ಗೌರವ ನಮನಗಳನ್ನು ಈ ಮೂಲಕ ಸಮರ್ಪಣೆ ಮಾಡುತ್ತೇನೆ.

ಜೈ ಜವಾನ್, ಜೈ ಕಿಸಾನ್ !! 🙏

ಪ್ರಸನ್ನ ಯು, ಸನ್ನದು ಆರ್ಥಿಕ ಗುರಿಯೋಜಕರು

N-2600

07-08-2024 01:42 PM

ಮಠದ ಟ್ರಸ್ಟ್ ಡೀಡ್ ಬಗ್ಗೆ ಸುಳ್ಳು ಆರೋಪ ಮಾಡುವವರಿಗೆ ಇಲ್ಲಿದೆ ಉತ್ತರ !

Matadhalli serabeku anantara charche madabeku. Ellendaralli beda.
Mahantesha.B
Bedara shivanakere

N-2458

07-08-2024 01:42 PM

ತಾಯಿಯ ಮಡಿಲನ್ನು ಸೇರಿದ ವೀರ ಯೋಧ

ಗುರುಗಳಿಗೆ ವಂದಿಸುತ್ತ,
"ತಾಯಿಯ ಮಡಿಲನ್ನು ಸೇರಿದ ವೀರ ಯೋಧ " ಲೇಖನದ ಬಗ್ಗೆ ಎರಡು ಮಾತು.

ಕರ್ನಲ್ ರವೀಂದ್ರನಾಥ ಅವರ ಬಗ್ಗೆ, ಅವರ ಮಾತಾ ಪಿತರ ಬಗ್ಗೆ ಹಾಗೂ ರಾಜಸ್ಥಾನದ ಯೋಧ ಮತ್ತು ಅವರ ಪತ್ನಿಯ ದೇಶ ಪ್ರೇಮದ ಮಾತುಗಳು ಎಲ್ಲಾ ಓದಿ ಕಣ್ಣು ತುಂಬಿ ಬಂತು. ಹೆಮ್ಮೆಯೂ ಅನ್ನಿಸಿತು. ರವೀಂದ್ರನಾಥರ ನಾಯಕತ್ವ, ಅವರ ದೇಶಭಕ್ತಿ, ಸಮಯಸ್ಫೂರ್ತಿ ಮೆಚ್ಚುವಂತದ್ದು.

ಸೇವೆಯ ನಿವೃತ್ತಿ ನಂತರವೂ ತಂದೆಯ ಉದ್ದಿಮೆಯಲ್ಲಿ ಕ್ಯೆಜೋಡಿಸಿ ಹೊಸ ತಂತ್ರಜ್ಞಾನ ಅಳವಡಿಸಿದರು.

ಅವರ ತಂದೆ ಬಸಪ್ಪನವರು ತಮ್ಮ ಪ್ರವಾಸಕ್ಕಾಗಿ ಇಟ್ಟಿದ್ದ ಹಣವನ್ನು ತಮಗಾಗಿ ಬಳಸದೆ ಸೂರಿಲ್ಲದ ಬಡ ಜನರ ನಿವೇಶನಗಳಿಗೆ ಉಚಿತವಾಗಿ ಹಂಚಿದರು. ಅವರ ಉದಾರತೆಯನ್ನು ಮೆಚ್ಚಲೇಬೇಕು.

ಕರ್ನಲ್ ರವೀಂದ್ರನಾಥರನ್ನು ಸನ್ಮಾನಿಸುವಾಗ ತಾಯಿ ಸರೋಜಮ್ಮನವರು ನುಡಿದ ನುಡಿಗಳು ಹೃದಯಸ್ಪರ್ಶಿಯಾಗಿವೆ. ಇಂತಹ ಅನರ್ಘ್ಯ ರತ್ನಗಳು ಎಲ್ಲರ ಮನದಲ್ಲಿ ಉಳಿಯುವಂತೆ ಮಾಡಿದ ಗುರುಗಳಿಗೆ ಹೃದಯಪೂರ್ವಕ ನಮನಗಳು.

ನಮ್ಮೆಲ್ಲರನ್ನೂ ಹುರಿದುಂಬಿಸುತ್ತಿರುವ ವೆಂಕಟೇಶ್ ಶೆಟ್ಟಿ ಅಣ್ಣನವರಿಗೂ ವಂದನೆಗಳು.
ಸುಮ ವಸಂತ್. ಹೊಳೆನರಸೀಪುರ.

N-2458

07-08-2024 01:42 PM

ತಾಯಿಯ ಮಡಿಲನ್ನು ಸೇರಿದ ವೀರ ಯೋಧ

N-2458

07-08-2024 01:42 PM

ತಾಯಿಯ ಮಡಿಲನ್ನು ಸೇರಿದ ವೀರ ಯೋಧ

N-2458

07-08-2024 01:42 PM

ತಾಯಿಯ ಮಡಿಲನ್ನು ಸೇರಿದ ವೀರ ಯೋಧ

N-2458

07-08-2024 01:42 PM

ತಾಯಿಯ ಮಡಿಲನ್ನು ಸೇರಿದ ವೀರ ಯೋಧ

N-2458

07-08-2024 01:41 PM

ತಾಯಿಯ ಮಡಿಲನ್ನು ಸೇರಿದ ವೀರ ಯೋಧ

N-2600

07-08-2024 01:41 PM

ಮಠದ ಟ್ರಸ್ಟ್ ಡೀಡ್ ಬಗ್ಗೆ ಸುಳ್ಳು ಆರೋಪ ಮಾಡುವವರಿಗೆ ಇಲ್ಲಿದೆ ಉತ್ತರ !

ಶ್ರೀ ಮಠವು ವಾಟ್ಸಪ್ ನಲ್ಲಿ ಶ್ರೀಮದ್ ಸಾಧು ಸದ್ಧರ್ಮ ವೀರಶೈವ ಸಂಘದ ಬೈಲಾವನ್ನು ಯಾವ ಉದ್ದೇಶಕ್ಕೆ ತಿದ್ದಲಾಗಿದೆ ಎಂದರೆ ಯೋಗ್ಯರಲ್ಲದ ಉತ್ತರಾಧಿಕಾರಿ ಬರುವುದನ್ನು ತಡೆಗಟ್ಟಲು. ಹಾಗೂ ಶ್ರೀ ತರಳಬಾಳು ಜಗದ್ಗುರು ಮಠದ ಟ್ರಸ್ಟ್ ಡಿಡನ್ನು ಯಾವ ಉದ್ದೇಶಕ್ಕಾಗಿ ರಚಿಸಲಾಗಿದೆ ಎಂದರೆ .ಶ್ರೀಮಠಕ್ಕೆ ಭಕ್ತರು ಕೊಟ್ಟ ಭಕ್ತಿ ಕಾಣಿಕೆಗೆ ಸರ್ಕಾರದ ತೆರಿಗೆಯಿಂದ ವಿನಾಯಿತಿ ಪಡೆಯಲು. .ಎಂಬುದನ್ನು ಶ್ರೀಮಠದ ಎಲ್ಲಾ ಸದ್ಭಕ್ತರು ಅರ್ಥ ಮಾಡಿಕೊಂಡು. ಹಾಗೂ ಸಮಾಜದ ಅಧ್ಯಕ್ಷರಾದ ಎಚ್. ಆರ್. ಬಸವರಾಜಪ್ಪನವರು ಉತ್ತರಾಧಿಕಾರಿ ಆಯ್ಕೆಗೆ ಸಂಬಂಧಪಟ್ಟಂತೆ ಸಂಘದ ಬೈಲಾ ವಿಚಾರ ಕೋರ್ಟಿನಲ್ಲಿ ಇರುವುದರಿಂದ ಇತ್ಯರ್ಥದ ಬಳಿಕ ಉತ್ತರಾಧಿಕಾರಿ ಆಯ್ಕೆ ಮಾಡಲು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ ಆದ್ದರಿಂದ ನಮ್ಮ ಮಠದ ಭಕ್ತರೆಲ್ಲರೂ ಅರ್ಥ ಮಾಡಿಕೊಂಡು ತೃಪ್ತ. ಅತೃಪ್ತ. ಭಕ್ತರೇನಿಸದೆ ಎಲ್ಲರೂ ಸದ್ಭಕ್ತರಾಗಿ ಶ್ರೀ ಮಠ ಹಾಗೂ ಸಂಘವನ್ನು ಬೆಳೆಸೋಣವೆಂದು ಪೂಜ್ಯರ ಪಾದ ಕಮಲ ಗಳಿಗೆ ನಮಸ್ಕರಿಸುತ್ತಾ ನಮ್ಮ ಮಠದ ಸದ್ಭಕ್ತರಲ್ಲರಿಗೂ ನನ್ನ ವಿನಯ ಪೂರಕ ವಂದನೆಗಳು. ಶ್ರೀ ತರಳಬಾಳು ಜಗದ್ಗುರು ಬೃಹನ್ ಮಠಕ್ಕೆ ಮತ್ತು ಶ್ರೀಮದ್ ಸಾಧು ಸದ್ಧರ್ಮ ವೀರಶೈವ ಸಂಘಕ್ಕೆ ಜಯವಾಗಲಿ. ನಮ್ಮ ಮಠ ನಮ್ಮ ಹೆಮ್ಮೆ ಎಂಬ ಧ್ಯೇಯವಾಗಲಿ.
ಪಿಪಿ ಮರುಳಸಿದ್ದಯ್ಯ ಜಿಲ್ಲಾಧ್ಯಕ್ಷರು ರೈತ ಸಂಘ ದಾವಣಗೆರೆ ಜಿಲ್ಲೆ
ಪರುಶುರಾಂಪುರ ದಾವಣಗೆರೆ ಜಿಲ್ಲೆ ಕರ್ನಾಟಕ ರಾಜ್ಯ

N-2458

07-08-2024 01:38 PM

ತಾಯಿಯ ಮಡಿಲನ್ನು ಸೇರಿದ ವೀರ ಯೋಧ

ಪೂಜ್ಯ ಗುರುಗಳಿಗೆ ಭಕ್ತಿಪೂರ್ವಕ ನಮಸ್ಕಾರಗಳು🙏

ತಾಯ ಮಡಿಲನ್ನು ಸೇರಿದ ವೀರ ಯೋಧ..ಎಂಬ ಶೀರ್ಷಿಕೆಯಲ್ಲಿ ಗುರುಗಳು ವೀರಯೋಧರ ಬಗ್ಗೆ ಮನ ಮುಟ್ಟುವ ಹಾಗೆ ಬರೆದಿದ್ದಾರೆ. ಯೋಧರು ಈ ದೇಶದ ಬೆನ್ನೆಲುಬು, ತಮ್ಮ ಕುಟುಂಬವನ್ನು ತೊರೆದು, ಚಳಿ, ಮಳೆ, ಗಾಳಿ, ಬಿಸಿಲು ಲೆಕ್ಕಿಸದೆ ನಮ್ಮ ದೇಶದ ಗಡಿಯನ್ನು ಕಾಯುತ್ತಾರೆ. ಎಲ್ಲಾ ವೀರ ಯೋಧರಿಗೆ ನಮ್ಮದೊಂದು ಸಲಾಮ್.

ಇಲ್ಲಿ ಗುರುಗಳು ಮಿಲಿಟರಿ ಸೇವೆಯಿಂದ ನಿವೃತ್ತಿ ಹೊಂದಿದ ರವೀಂದ್ರನಾಥ್ ಎಂಬುವವರ ಬಗ್ಗೆ ತಿಳಿಸಿದ್ದಾರೆ. ಅವರಿಗೆ ವೀರಚಕ್ರ ಪ್ರಶಸ್ತಿ ಕೂಡ ದೊರಕಿದೆ, ಇದು ಎಲ್ಲರು ಹೆಮ್ಮೆ ಪಡುವ ವಿಚಾರವೆ.
ಈ ಅಂಕಣವನ್ನು ಓದಿದ ಮೇಲೆ ಯೋಧರ ಬಗ್ಗೆ ಇನ್ನೂ ಹೆಚ್ಚಿನ ವಿಚಾರಗಳು ತಿಳಿಯಿತು.ಈ ಅಂಕಣವನ್ನು ಕಳುಹಿಸಿದ ವೆಂಕಟೇಶ್ ಶೆಟ್ಟಿ ಸರ್ ಅವರಿಗೆ ನನ್ನ ಧನ್ಯವಾದಗಳು 🙏
ಗುರುಗಳಿಗೆ ವಂದಿಸುತ್ತ 🙏
ವೈಷ್ಣವಿ ನವೀನ್, ಹರಪನಹಳ್ಳಿ

N-2600

07-08-2024 01:36 PM

ಮಠದ ಟ್ರಸ್ಟ್ ಡೀಡ್ ಬಗ್ಗೆ ಸುಳ್ಳು ಆರೋಪ ಮಾಡುವವರಿಗೆ ಇಲ್ಲಿದೆ ಉತ್ತರ !

🙏
ನಮ್ಮ ಸಮಾಜದ ಮಿತ್ರರು ಬಂಧುಗಳು
ಉಳ್ಳವರು ಶಿವಾಲಯ ಕಟ್ಟುವರು
ನಾನೇನು ಮಾಡಲಿ ಬಡವನಯ್ಯ
ತಮ್ಮ ತಮ್ಮ ತನುವ ಸಂತೈಸಿ ಕೋಳ್ಳಲಿ
ಬಡವನ ಬಣವೆಯ ಬೆಂಕಿಯಲ್ಲಿ ಮೈ ಕೈ ಕಾಯಿಸುವ ಜನರಿಗೆ
ಲೋಕದ ಡೋಂಕ ನೀವೇಕೆ ತಿದ್ದುವಿರಿ
ಈ ಮೂರ್ಖರ ತಿದ್ದಲು ಸಮಾಜದ ಸಮಯ ಬಂದಾಗ ಸರಿಯಾದ ಉತ್ತರ ಸಿಗುತ್ತದೆ
ಕಾಲವೆ ದುರ್ಮಾರ್ಗಿಗಳಿಗೆ ಕಲಿಸುವ ಪಾಠ ಯಾರಿಂದಲೂ ತಪ್ಪಿಸಲು ಸಾಧ್ಯವಿಲ್ಲ
ನಂಬಿಕೆಯ ಭಗವಂತನ ಕಾಣುವ ಮಾರ್ಗ
ಎಲ್ಲರಿಗೂ ವಿಶ್ವ ಬಂಧು ಮರುಳಸಿದ್ದರು ಸನ್ಮಾರ್ಗ ಕರುಣಿಸಲಿ
ವ೦ದನೆಗಳು
H R Mallikarjunappa
chowlahiriyur kadur chikmagalur

N-2458

07-08-2024 01:31 PM

ತಾಯಿಯ ಮಡಿಲನ್ನು ಸೇರಿದ ವೀರ ಯೋಧ

ಬಿತ್ತಿದಂತೆ ಬೆಳೆ*
ಗುರುಗಳ` ತಾಯಿಯ ಮಡಿಲನ್ನು ಸೇರಿದ ವೀರಯೋಧ ` ಲೇಖನವನ್ನು ಓದಿ ಹೃದಯ ಆರ್ದ್ರವಾಯಿತು . ನನ್ನ ಶಾಲೆಯ ಮಕ್ಕಳಿಗೆ ಈ ಕಥೆಯನ್ನು ಹೇಳಿದಾಗ ಮಕ್ಕಳು ವೀರಯೋಧರ ಸಾಹಸವನ್ನು ಕೇಳಿ ಹೆಮ್ಮೆಪಟ್ಟರು. ಶಾಲಾ ಪಠ್ಯಪುಸ್ತಕಗಳಲ್ಲಿ ಇಂತಹ ವೀರಯೋಧರ ಚರಿತ್ರೆಯನ್ನು ಅಳವಡಿಸಿದರೆ ಖಂಡಿತ ಮಕ್ಕಳಲ್ಲಿ ದೇಶಾಭಿಮಾನ ಮೂಡುತ್ತದೆ. ಚಿಕ್ಕ ಮಕ್ಕಳು ಎಳೆ ಬಿದಿರಿನಂತೆ ಎತ್ತ ಬಾಗಿಸಿದರೆ ಅತ್ತ ಬಾಗುವರು. ಇಂತಹ ಕಥೆಗಳು ಮಕ್ಕಳ ಮನಸ್ಸಿನಲ್ಲಿ ದೇಶದ ಬಗ್ಗೆ ಹೆಮ್ಮೆ ಹೋರಾಟದ ಮನೋಭಾವ‌ ಹಾಗು ದೇಶಭಕ್ತಿಗಳನ್ನು ಉಂಟು ಮಾಡುತ್ತವೆ.
ಗುರುಗಳು ತಿಳಿಸಿದಂತೆ ವಿದ್ಯಾರ್ಥಿ ಹಂತದಲ್ಲೇ ಅವರಿಗೆ ಕಡ್ಡಾಯ ಸೈನ್ಯ ಶಿಕ್ಷಣ ನೀಡುವುದು ಅತ್ಯಂತ ಯೋಗ್ಯವಾಗಿದೆ.

ತಂದೆ ತಾಯಿಗಳು ಬಾಲ್ಯದಲ್ಲೇ ಮಕ್ಕಳಿಗೆ ನೀಡಿದ ಉತ್ತಮ ಸಂಸ್ಕಾರವೇ ಮುಂದಿನ ಮಗುವಿನ ದೇಶದ ಭವಿಷ್ಯದ ಬುನಾದಿ. ಇಂತಹ ಉತ್ತಮ ವಿಚಾರಗಳನ್ನು ನಮಗೆ ತಿಳಿಸುತ್ತಿರುವ ನಮ್ಮಿಂದ ಇತರರಿಗೂ ತಿಳಿಯಲು ಅನುವು ಮಾಡಿಕೊಡುತ್ತಿರುವ ವೆಂಕಟೇಶ ಶೆಟ್ಟಿ ಅವರಿಗೆ ಹಾಗೂ ಪೂಜ್ಯ ಗುರುಗಳಿಗೆ ಮನಸಾ ನಮನಗಳು.
ಡಿ.ಎಸ್ ಅನಿತಾ ಮಂಜುನಾಥ್, ಹೊಸದುರ್ಗ

N-2600

07-08-2024 01:27 PM

ಮಠದ ಟ್ರಸ್ಟ್ ಡೀಡ್ ಬಗ್ಗೆ ಸುಳ್ಳು ಆರೋಪ ಮಾಡುವವರಿಗೆ ಇಲ್ಲಿದೆ ಉತ್ತರ !

ಮಠದ ವಿಚಾರವನ್ನು ಖಾಸಗಿ ಸ್ಥಳದಲ್ಲಿ ಮಾತನಾಡಲು ನೈತಿಕತೆ ಇಲ್ಲ ನಮ್ಮ ಸಮಾಜದ ಘನತೆ ಗೌರವಗಳನ್ನು ಹಾಳು ಮಾಡುವರು ಮಠದಿಂದ ದೂರವಿರಲಿ ಶ್ರೀಗಳ ಇಚ್ಛಾಶಕ್ತಿಯಿಂದ ನಮ್ಮ ಸಮಾಜ ಇಂದು ಬಿಲಿಷ್ಠವಾಗಿದೆ ಜೈತರಳಬಾಳು
Karibasappa N
Karnataka

N-2458

07-08-2024 01:26 PM

ತಾಯಿಯ ಮಡಿಲನ್ನು ಸೇರಿದ ವೀರ ಯೋಧ

ಬಿಸಿಲು ಬೆಳದಿಂಗಳು

ಪರಮಪೂಜ್ಯ ಗುರುಗಳಿಗೆ ವಂದಿಸುತ್ತಾ ಈ ವಾರದ ಅಂಕಣಕ್ಕೆ ಪ್ರತಿಕ್ರಿಯೆ .

ತಾಯಿಯ ಮಡಿಲು ಸೇರಿದ ವೀರ ಯೋಧನು ಯುದ್ಧ ಮುಗಿಸಿ ತಾಯಿಯನ್ನು ಸೇರಲು ಎಷ್ಟು ಸಾಹಸ ಎಷ್ಟು ಪರಿಶ್ರಮ ಎನ್ನುವುದು ಲೇಖನ ಓದಿದಾಗ ತಿಳಿಯುವುದು.

ಗುರುಗಳು ವೀರಯೋಧರ ಬಗ್ಗೆ ಮನಮುಟ್ಟುವಂತೆ ವಿಷಯವನ್ನು ತಿಳಿಸಿದ್ದಾರೆ. ಭಾರತಮಾತೆಯ ರಕ್ಷಣೆಗಾಗಿ ಜೀವನವನ್ನು ಮುಡಿಪಾಗಿಡುವ ಸೈನಿಕರಿಗೆ ನಮ್ಮದೊಂದು ಸಲಾಂ. ದೇಶ ಅಭಿಮಾನ ಎಲ್ಲಾ ತಾಯಂದಿರಿಗೂ ಇದ್ದರೂ ದೇಶ ಸೇವೆ ಮಾಡುವ ಅವಕಾಶ ಕೆಲವರಿಗೆ ಮಾತ್ರ ದೊರೆಯುವುದು. ಜೀವನದಲ್ಲಿ ಬರುವ ಕಷ್ಟಗಳನ್ನು ಎದುರಿಸಿ ಸಾರ್ಥಕ ಜೀವನ ನಡೆಸುವ ಸೈನಿಕರಿಗೆ ನನ್ನ ಮನದಾಳದ ನಮಸ್ಕಾರಗಳು. ವಿಚಾರ ತಿಳಿಸಿದ ಗುರುಗಳಿಗೆ ಹಾಗೂ ನಮಗೆ ಪ್ರೋತ್ಸಾಹ ನೀಡುತ್ತಿರುವ ವೆಂಕಟೇಶ ಶೆಟ್ಟಿ ಅವರಿಗೆ ಧನ್ಯವಾದಗಳು.🙏🙏
ಕೆ. ಶಾಂತ ಅನಿಲ್, ಬೆಂಗಳೂರು

N-2458

07-08-2024 01:22 PM

ತಾಯಿಯ ಮಡಿಲನ್ನು ಸೇರಿದ ವೀರ ಯೋಧ

ತಾಯಿಯ ಮಡಿಲನ್ನು ಸೇರಿದ ವೀರ ಯೋಧ - ಈ ಶೀರ್ಷಿಕೆಗೆ ನನ್ನ ಪ್ರತಿಕ್ರಿಯೆ. 1999 ರಲ್ಲಿ ಭಾರತ ಮತ್ತು ಪಾಕಿಸ್ತಾನದ ಮಧ್ಯೆ ನಡೆದ ಕಾರ್ಗಿಲ್ ಯುದ್ಧ ಈಗ ಇತಿಹಾಸದ ಪುಟ ಸೇರಿದೆ. ಇಂತಹ ಯುದ್ಧಗಳನ್ನು ಕರ್ನಾಟಕ ಮತ್ತು ಭಾರತದ ಇತಿಹಾಸದಲ್ಲಿ ನಾವು ಕೇಳಿದ್ದೇವೆ ಪಠ್ಯಪುಸ್ತಕಗಳಲ್ಲಿ ಓದಿದ್ದೇವೆ. ಇವು ಯಾವೂ ನೆನಪಿನಲ್ಲಿ ಇಲ್ಲ. ಈ ಘಟನೆಯನ್ನು ಇಟ್ಟುಕೊಂಡು ಶ್ರೀಗಳವರು ನಮ್ಮ ದೇಶದ ಯೋಧರು ನಮ್ಮ ಗಡಿ ಪ್ರದೇಶವನ್ನು ಶತ್ರುಗಳು ಆಕ್ರಮಿಸಲು ಬಂದಾಗ ಗಡಿ ಪ್ರದೇಶವನ್ನು ಕಾಯಲು ಹೋರಾಟ ನಡೆಸುತ್ತಾರೆ. ಆದರೆ ರಾಜಕಾರಣಿಗಳು ಮುಂದಿನ ಟಿಕೆಟ್ ಅಧಿಕಾರ ನಡೆಸಲು ಹೋರಾಟ ಮಾಡುತ್ತಾರೆ. ಇದನ್ನು ಮನಗಂಡು ರಾಜಕಾರಣಿಗಳು ಕಡ್ಡಾಯವಾಗಿ ಇಂತಿಷ್ಟು ವರ್ಷ ಮಿಲಿಟರಿಯಲ್ಲಿ ಸೇವೆ ಮಾಡಿದವರಿಗೆ ಮಾತ್ರ ಟಿಕೆಟ್ ಕೊಡುವ ನಿಯಮ ನಿಯಮ ರೂಪಿಸ ಬೇಕೆಂಬುದು ಶ್ರೀಗಳ ಆಶಯ. ಆಗ ಅತೃಪ್ತರ ತಂಡವೇ ಇರುವುದಿಲ್ಲ.
ಇದೇ ರೀತಿ ಕಾರ್ಗಿಲ್ ಯುದ್ಧದಲ್ಲಿ ಕರ್ನಲ್ ರವೀಂದ್ರನಾಥ್ ಹೋರಾಡಿದ ಕಾರ್ಯ ಅಮೋಘವಾದುದು. ಅವರು ನಿಧನರಾದ ದಾರುಣ ವಾರ್ತೆ ವಿಷಾದನೀಯ ಒಂದು ಕಡೆಯಾದರೆ ಅವರ ತಂದೆ ಬಸಪ್ಪ ಮಾಸ್ಟರ್ ಮತ್ತು ತಾಯಿ ಸರೋಜಮ್ಮ ದಂಪತಿಗಳ ಕೊಡುಗೆ ಗುರು ಭಕ್ತಿ ಅಪಾರವಾದದ್ದು. ಕರ್ನಲ್ ರವೀಂದ್ರನಾಥ್ ಅವರು ತಮ್ಮ ಕಣ್ಣುಗಳನ್ನು ದಾನ ಮಾಡಿ ಇನ್ನೊಬ್ಬರಿಗೆ ಬೆಳಕಾಗಿದ್ದಾರೆ. ಅವರಲ್ಲಿ ಮತ್ತೊಬ್ಬ ಕರ್ನಲ್ ಕಾಣಬಹುದಾಗಿದೆ. ಈಗ ಆ ಮೂವರು ಇಲ್ಲ ಎಂಬುದು ವಿಷಾದನೀಯ. ಅವರ ಜೀವನ ಆದರ್ಶ ಅಗಾಧವಾದದ್ದು. ಜನನಿ ಜನ್ಮ ಭೂಮಿಶ್ಚ ಸ್ವರ್ಗಾದಪಿ ಗರಿಯಸೀ ಎಂಬ ಸೂಕ್ತಿ ಗೆ ಅನುಗುಣವಾಗಿ ಬಾಳಿದ ತಮ್ಮ ತಾಯಿಯ ಮಡಿಲನ್ನು ಸೇರಿದ ಅವರೇ ಧನ್ಯರು. ಅವರ ನೆನಪು ಚಿರಾಯುವಾಗಲಿ. ತಮ್ಮ ಪ್ರಾಣ ಬಲಿಕೊಟ್ಟು ದೇಶ ರಕ್ಷಣೆ ಮಾಡಿದ ಹೆಮ್ಮೆಯ ಭಾರತಾಂಬೆಯ ಪುತ್ರರಿಗೆ ಜಯವಾಗಲಿ. ವೀರ ಯೋಧರಿಗೆ ಕೋಟಿ ಕೋಟಿ ವಂದನೆಗಳು.
ಶಿವಸ್ವಾಮಿ ಜಿ.ಡಿ, ಸಿರಿಗೆರೆ