N-2547 

  28-05-2024 10:03 AM   

ದುಬೈನಲ್ಲಿ ಹೊಸ ಆವೃತ್ತಿಯೊಂದಿಗೆ ವಚನ ಸಂಪುಟ ಮೊಬೈಲ್ ಆಪ್ ಬಿಡುಗಡೆ

 "ವಚನ ಸಂಸ್ಕೃತಿ,"
ಶಿವಶರಣರ ವಚನಗಳು ನಮ್ಮ ಬದುಕಿನ ಯಾನದಲ್ಲಿ ಅದೆಷ್ಟೋ ಸಹಕಾರಿಯಾಗಿ ವೆ.ನಡೆ,ನುಡಿ, ಆಚಾರ ವಿಚಾರಗಳು ವ್ಯಕ್ತಿತ್ವ ವಿಕಸನ ಮತ್ತು,ಮಾನವೀಯ ಮೌಲ್ಯಗಳನ್ನು ಎತ್ತಿ ಹಿಡಿಯುವ ಮೂಲಕ ನವ ಜೀವನಕ್ಕೆ ಬೇಕಾದ ದಾರಿದೀಪ ಗಳು.ದೀಪ ಹೇಗೆ ತನ್ನ ತಾನು ಉರಿದುಕೊಂಡು ಬೆಳಕು ಚೆಲ್ಲುವ ಹಾಗೆ, ಸಂಸಾರ ಸಾಗರದಲ್ಲಿ ಸಂಸ್ಕಾರಯುತ ಜೀವನ ಪಾಲಿಸಲು ಅನುವು,ಅರಿವಾಗಿವೆ.

ಸಿದ್ದಲಿಂಗಮೂರ್ತಿ.ಹೆಚ್ ಎಸ್
ಸಿರಿಗೆರೆ

N-2547 

  28-05-2024 09:32 AM   

ದುಬೈನಲ್ಲಿ ಹೊಸ ಆವೃತ್ತಿಯೊಂದಿಗೆ ವಚನ ಸಂಪುಟ ಮೊಬೈಲ್ ಆಪ್ ಬಿಡುಗಡೆ

 ಪರಮಪೂಜ್ಯ ನೀಯ ಗುರುಗಳ ಪಾದಾರವಿಂದ್ಯಗಳಿಗೆ ಪೊಡಮಡುತ್ತಾ, ತಂತ್ರಜ್ಙಾನದಲ್ಲಿ ಪ್ರಚಲಿತ ಪೂರ್ವದಲ್ಲಿ ಕಂಪ್ಯೂಟರ್ ಬಳಕೆಯಲ್ಲಿ ಯ ಆಸಕ್ತಿಗೆ,ಪರಿಣಿತೆಗೆ ಸರ್ಕಾರವು ಗುರುತರ ವಾಗಿ ತೀರ್ಮಾನಿಸಿ, ಈಗಿನ ಪಠ್ಯದಲ್ಲಿ ಅಳವಡಿಸುವುದು ಅತ್ಯಂತ ಸೂಕ್ತವಾದ ದ್ದಾಗಿದೆಂಬ ನನ್ನ ವೈಯಕ್ತಿಕ ಅಭಿಪ್ರಾಯ .
ಶೇಖರಗೌಡ ಪಾಟೀಲ
ಹರಪನಹಳ್ಳಿ

N-2547 

  28-05-2024 09:28 AM   

ದುಬೈನಲ್ಲಿ ಹೊಸ ಆವೃತ್ತಿಯೊಂದಿಗೆ ವಚನ ಸಂಪುಟ ಮೊಬೈಲ್ ಆಪ್ ಬಿಡುಗಡೆ

 ವಚನ ಸಾಹಿತ್ಯ ಪ್ರಮುಖವಾಗಿ ನಡುಗನ್ನಡ ಸಾಹಿತ್ಯದ ಕಾಲಘಟ್ಟದಲ್ಲಿ ಕನ್ನಡ ಭಾಷೆಯಲ್ಲಿ ಮಾತ್ರ ಕಂಡುಬಂದಿರುವ ವಿಶಿಷ್ಟ ಚಳವಳಿಯ ರೂಪ. ಸಮಾಜ ಮತ್ತು ಅದರ ಕಟ್ಟುಪಾಡುಗಳ ವಿರುದ್ಧ ರಚನೆಯಾದ ಇವುಗಳು ಸಾಮಾನ್ಯ ಸರಳ ಭಾಷೆಯಲ್ಲಿ ಇದ್ದ ಕಾರಣ ರಾಜ್ಯದ ಎಲ್ಲೆಡೆ ಪಸರಿಸಿತು. ಇದು ಪ್ರದೇಶ ಒಂದಕ್ಕೆ ಸೀಮಿತವಾಗಿರದೆ ಸರ್ವರಿಗೂ ತಲುಪಲು ಆರೇಳು ಭಾಷೆಗಳ ಭಾಷಾಂತರದ ಮಹತ್ತರ ಕಾರ್ಯವನ್ನು ಮಾಡಿ, ವಚನ ಸಾಹಿತ್ಯವನ್ನು ದೇಶ-ವಿದೇಶಗಳಲ್ಲಿಯೂ ಹರಡಲು ಶ್ರೀ ಗುರುಗಳ ಕಾರ್ಯ ಅನನ್ಯ..
Satheesh N
Sirigere

N-2540 

  27-05-2024 11:33 AM   

ಹವಳ ಮುತ್ತುಗಳ ನಾಡಿನಿಂದ ಒಂದು ಪತ್ರ

 ಪರಮಪೂಜ್ಯರ ಪಾದಕಮಲಗಳಿಗೆ ನಮಸ್ಕರಿಸುತ್ತಾ,

ಮುತ್ತುಗಳ ನಾಡಿನಿಂದ ಒಂದು ಪತ್ರ .. ಅರಬ್ ರಾಷ್ಟ್ರದ ಒಂದು ದೇಶದ ರಾಜಧಾನಿಯ ಬಗ್ಗೆ ವಿಸ್ತಾರವಾದ ವಿವರಣೆ ನೀಡುತ್ತಾ ನಮ್ಮನೆಲ್ಲಾ ಜೊತೆಯಲ್ಲೇ ಪ್ರವಾಸ ಮಾಡಿಸಿದ ಶ್ರೀ ಗಳಿಗೆ ನಮನಗಳು. ಅಲ್ಲಿನ ಧರ್ಮದ ಸಮತೋಲನ ಸ್ಥಿತಿ ಹಾಗೂ ನೀರಿನ ಮತ್ತು ವಿದ್ಯುತ್ ಶಕ್ತಿ ಬಳಕೆಯ ಬಗ್ಗೆ ತಿಳಿದು ಸಂತೋಷವಾಯಿತು. ಇಲ್ಲಿ ಒಂದು ಮಾತು ನೆನಪಿಗೆ ಬರುತ್ತದೆ. ಅದೇನೆಂದರೆ ಇರುವುದರಲ್ಲಿ ಹೇಗೆ ಸ್ವಾರಸ್ಯಕರ ಜೀವನವನ್ನು ನಡೆಸುತ್ತಿದ್ದಾರೆಂದು ಅಲ್ಲವೆ..

ಗುರುವಿನ ಗುಲಾಮನಾಗದೆ ದೊರೆಯದಣ್ಷ ಮುಕ್ತಿ ಎಂಬಂತೆ ಅಲ್ಲಿನ ದೊರೆಯು ಗುರುವಿಗೆ ನೀಡಿದ ಗೌರವ ಎಲ್ಲರಿಗೂ ಮಾದರಿಯಾಗಿದೆ ಮತ್ತು ಆ ದೊರೆಯು ಆದರ್ಶ ದೊರೆಯಾಗಿದ್ದಾರೆ. ಯಾವುದೇ ಉನ್ನತ ಸ್ಥಾನದಲ್ಲಿ ಇದ್ದರೂ ಗುರುವಿನ ಋಣ ತೀರಿಸಲು ಆಗದೆಂದು ಗೌರವ ಸಲ್ಲಿಸುವ ಮೂಲಕ ನಿರೂಪಿಸಿದ್ದಾರೆ.

ಶ್ರೀ ಗಳವರು ಪ್ರಸ್ತುತ ಲೇಖನದಲ್ಲಿ ಆ ದೇಶ ಹಾಗೂ ದೇಶದ ರಾಜಧಾನಿ ದೊರೆ ಅಲ್ಲಿನ ಪದ್ಧತಿ, ಧಾರ್ಮಿಕ ವಿಧಿಗಳ ಬಗ್ಗೆ ಹಾಗೂ ಗುರುವಿನ ಮಹತ್ವವನ್ನು ಮನಮುಟ್ಟುವಂತೆ ತಿಳಿಸಿದ್ದಾರೆ.

ಮಗದೊಮ್ಮೆ ಶ್ರೀ ಗಳವರ ಪಾದಕಮಲಗಳಿಗೆ ನಮನಗಳು.
ರಂಜಿತ ಎಮ್, ಉಪನ್ಯಾಸಕಿ, ಸಿರಿಗೆರೆ

N-2540 

  27-05-2024 11:26 AM   

ಹವಳ ಮುತ್ತುಗಳ ನಾಡಿನಿಂದ ಒಂದು ಪತ್ರ

 ಮುತ್ತುಗಳ ನಾಡಿನಿಂದ ಒಂದು ಪತ್ರಕ್ಕೆ ಪ್ರತಿಕ್ರಿಯೆ,

ಪರಮ ಪೂಜ್ಯರ ಅಡಿದವರೆಗಳಿಗೆ ವಂದಿಸುತ್ತಾ,
ಸೌದಿ ಅರೇಬಿಯಾ,ಓಮನ್ ,ಅರಬ್ ರಾಷ್ಟ್ರ ,ಮುಸ್ಲಿಂ ರಾಷ್ಟ್ರಗಳ ಹೆಸರೇಳಿದೊಡನೆ ಗುರುಗಳಿಗೆ ಅಲ್ಲೇನೂ ಕೆಲಸ? ಆ ರಾಷ್ಟ್ರಗಳಿಗ್ಯಾಕೆ ತೆರಳಿದರಪ್ಪ ? ಎಂಬ ಕುತೂಹಲ ಕೆರಳಿದ್ದು ಸಹಜ. ಸಾಮಾನ್ಯವಾಗಿ ಈ ಹೆಸರುಗಳ ಹಿಂದೆ ಒಂದು ನಕಾರಾತ್ಮಕ ನೆರಳೇ ಮೂಡಿದೆ ಎಂಬ ಹಿನ್ನಲೆಯಲ್ಲಿ. ಆದರೂ *ಪೂಜ್ಯರು ಬಸವ ಜಯಂತಿ ಆಚರಣೆಗೆ* ಆ ರಾಷ್ಟ್ರಕ್ಕೆ ತೆರಳಿರುವುದು ತಿಳಿದು ಅತಿವ ಸಂತಸವಾಗಿದೆ. ಅಕ್ಕನ ವಚನದಲ್ಲಿ ಅಲ್ಲಿನ ಭೌಗೋಳಿಕ ಸ್ಥಿತಿ ಕುರಿತು ಕಾಡಿಲ್ಲ, ಮೃಗಗಳಿಲ್ಲ, ಆದರೆ ನೆರೆತೆರೆಗಳುಂಟು ಎಂದಾಗ, ಮರಗಳಿಲ್ಲದೆ ಅಂತ ಮಳೆ ಬೀಳುವ ಸ್ಥಳವೇ? ಎಂಬ ಕುತೂಹಲ ಕೆರಳಿದ್ದು ಲೇಖನವನ್ನು ಓದುವಂತೆ ಪ್ರೇರೇಪಿಸಿತು. *ಭಾರತದ ಬೇರು ಪ್ರಪಂಚಾದ್ಯಂತ ರೆಂಬೆ-ಕೊಂಬೆಗಳನ್ನು ಹುಲಸಾಗಿ ಬೆಳೆಸಿವೆ* ಎಂಬುದಕ್ಕೆ ಸಾಕ್ಷಿಕರಿಸಿದಂತಿದೆ . ಅಲ್ಲಿನ ಅಧ್ಯಕ್ಷರೂ ಖಬೂಸ್ ನಮ್ಮ ರಾಷ್ಟ್ರಪತಿಗಳ ವಿದ್ಯಾರ್ಥಿ ಹಾಗೂ ಅತ್ಯುತ್ತಮ ಆಡಳಿತಗಾರರು ಎಂಬುದನ್ನು ಅವರ ಸುಧಾರಣೆಗಳೇ ಹೇಳಿಕೊಡುತ್ತವೆ. ಮಾವು ಬೆಳೆದು ಬೇವ ಬಯಸಲಾದೀತೆ? ಎಂಬಂತೆ ಈ ಗುರು ಶಿಷ್ಯರ ಸಂಬಂಧ ನಮ್ಮ ಕಣ್ಣಿಗೆ ಗೋಚರವಾಗಿದ್ದಂತೂ ಸತ್ಯ. ಮೋತಿ ಮೋತೀಶ್ವರ ಮಹಾದೇವ್ ದೇವಾಲಯದ ಉಲ್ಲೇಖ ಭಾರತದ ಶಿವ ಕೃಷ್ಣನ ದೇವಾಲಯದ ಹೋಲಿಕೆ ಕೊಟ್ಟ ಪೂಜ್ಯರ ಆಂತರ್ಯದ ಸಂಗತಿಯಿಂದ ಹೊರಬಂದ ಅಂಶವೆಂದರೆ , ಅಲ್ಲಿ ಸಾರ್ವಜನಿಕರಿಗೆ ಧಾರ್ಮಿಕ ಆಚರಣೆಗಳಿಗೆ ಮೆರವಣಿಗೆಗಳಿಗೆ ಅವಕಾಶವಿಲ್ಲ ಎಂಬುದು. ನಿಜಕ್ಕೂ ಅಚ್ಚರಿ ಹಾಗೂ ಶ್ಲಾಘನೀಯ ಕಾರ್ಯದ ಆದೇಶವಿದು. ಮನಸ್ಸಿನಂತೆ ಮಹಾದೇವ ಎಂದು ಬಾಯಿ ತುಂಬಾ ಹೇಳುವ ಭಾರತೀಯರ ಮಾತು ಅಲ್ಲಿ ಕೃತಿಯಲ್ಲಿದೆ, ಎಂಬ ಅಂಶ ಬಿಡಿಸಿ ಹೇಳಬೇಕೆಂದಿಲ್ಲ.

ಮಳೆ ನಾಲ್ಕೇ ಇಂಚಾದರೂ ಸಮುದ್ರದ ನೀರಿನ ಬಳಕೆ ಮತ್ತು ಅದರ ಸದುಪಯೋಗದಲ್ಲಿ ಮಾದರಿಯಾಗಿದೆ ನಾವು ಭಾರತೀಯರು ಸುತ್ತ ಸಮುದ್ರಗಳಿಂದಲೇ ಸುತ್ತುವರಿಕೊಂಡಿದ್ದರು ನೀರಿಲ್ಲದ ಪರಿಸ್ಥಿತಿ ‌. *ನೀರೊಳಗಿರ್ದುಂ ಬೆಮರ್ತನುರಗ ಪತಾಕಂ* ಎಂಬ ಮಹಾಭಾರತದ ಕಥಾಪ್ರಸಂಗ ನೆನಪಿಸಿದಂತಾಗಿದೆ. ಅಲ್ಲಿನ ವಾಡಿಗಳು ಅಪಾಯಕಾರಿ ಹಾಗೂ ನೀರಿನ ರಭಸದ ನಿಯಂತ್ರಣಕ್ಕೆ ಕಟ್ಟಿದ ಅಣೆಕಟ್ಟು ಕೂಡ ಆಗಾಗ್ಗೆ ಆಪತ್ತು ತಂದೊಡ್ಡಿದ್ದು, ನಮ್ಮವರೇ ಆ ವಾಡಿಯಲ್ಲಿ ಕೊಚ್ಚಿ ಹೋದ ದಾರುಣ ಘಟನೆ *ಮುನ್ನೆಚ್ಚರಿಕೆ ಇಲ್ಲದೆ ಮಾಡುವ ಎಲ್ಲಾ ಕಾರ್ಯ ಅಪಾಯಕಾರಿ* ಎಂಬುದನ್ನು ಗುರುಗಳು ಈ ಮೂಲಕ ತಿಳಿಸಿದಂತಿದೆ . ಒಟ್ಟಾರೆ ಇಡೀ ಲೇಖನ ಮುತ್ತುಗಳ ನಾಡಿನಿಂದ ಒಂದು ಪತ್ರದಂತಿತ್ತು ಎಂಬುದಕ್ಕಿಂತ, *ಮುತ್ತನ್ನೇ ಮುಚ್ಚಿಟ್ಟು ಲೇಖನದಲ್ಲಿ ಕೊಟ್ಟಿದ್ದೇನೆ ಅರಿತು ಬಳಸಿ ಬಾಳಿ ಎಂದು ಪೂಜ್ಯರು ಆಶೀರ್ವಾದ ಮಾಡಿದಂತಿದೆ* ಎಂದರೆ ಅತಿಶೋಕ್ತಿ ಅಲ್ಲ. ನಮಸ್ಕಾರ.
ಅಜಯ್ ಕೋಟೆ ಸಿ.ಆರ್‌.ಪಿ, ಶಿಕ್ಷಣ ಇಲಾಖೆ, ಚಿತ್ರದುರ್ಗ.

N-2540 

  27-05-2024 11:17 AM   

ಹವಳ ಮುತ್ತುಗಳ ನಾಡಿನಿಂದ ಒಂದು ಪತ್ರ

 ಪರಮ ಪೂಜ್ಯರ ಪಾದಾರವಿಂದಗಳಿಗೆ ಭಕ್ತಿ ಪೂರ್ವಕ ಪ್ರಣಾಮಗಳು.

ಪೂಜ್ಯರ, `ಹವಳ ಮುತ್ತುಗಳ ನಾಡಿನಿಂದ ಒಂದು ಪತ್ರ` ಲೇಖನಕ್ಕೆ ನನ್ನ ಪ್ರತಿಕ್ರಿಯೆ. ಪೂಜ್ಯರು ಕೈಕೊಂಡ
ದುಬೈ ಪ್ರವಾಸದಲ್ಲಿ ಆ ದೇಶದ ಜನರಲ್ಲಿ ಮೈಗೂಡಿರುವ ಪರಿಸರ ನೈರ್ಮಲ್ಯ ಪ್ರಜ್ಞೆ,ಅನಾವೃಷ್ಟಿ, ಧಾರ್ಮಿಕ ಮೆರವಣಿಗೆ ಉರವಣಿಗೆ ಇವುಗಳಿಗೆ ಇಂಬು ನೀಡದಿರುವುದು. ಅದರಿಂದಾಗಿ ಶಾಂತಿ ಸುವ್ಯವಸ್ಥೆ ಜಾರಿಯಲ್ಲಿರುವುದು,ಮಾನ್ಯ ಘನತೆವೆತ್ತ ರಾಷ್ಟ್ರ ಪತಿ ಶಂಕರ ದಯಾಳ್ ಶರ್ಮಾರವರ ಶಿಷ್ಯ ವೃತ್ತಿ ಯನ್ನು ಆದೇಶದ ಅತ್ಯುನ್ನತ ಸ್ಥಾನದಲ್ಲಿದ್ದ ಖಬೂಸ್ ರವರು ಪಡೆದು ಕೊಂಡ ಸಂಗತಿ, ಮಾನ್ಯ ರಾಷ್ಟ್ರಪತಿಯರು ಒಮಾನ್ ಗೆ ಭೇಟಿಯಿತ್ತಾಗ ಖುದ್ದು ವಿಮಾನ ನಿಲ್ದಾಣಕ್ಕೆ ಆಗಮಿಸಿ ಅವರನ್ನು ಬರಮಾಡಿಕೊಂಡ ಕ್ಷಣ ಗುರು ಶಿಷ್ಯರ ಸಮಾಗಮ ಪರಂಪರೆಯ ದ್ಯೋತಕ.

ಬಹಳ ಮುಖ್ಯವಾದ ಅಂಶವೆಂದರೆ ಅಲ್ಲಿ ಧಾರ್ಮಿಕ ಆಚರಣೆಗಳು ನಮ್ಮ ದೇಶದಲ್ಲಿ ನಡೆದಂತೆ ನಡೆದು ದುರಂತ ಅಂತ್ಯ ಕಾಣುವುದಕ್ಕೆ ಆ ನೆಲದ ಕಾನೂನು ಅವಕಾಶ ನೀಡದಿರುವುದೇ ಆಗಿದೆ.ಆದರೆ ಅತ್ಯಂತ ನೋವಿನ ಸಂಗತಿಯೆಂದರೆ ವರ್ಷಕ್ಕೆ ನಾಲ್ಕಿಂಚು ಮಳೆ ಬೀಳದ ನಾಡಿನಲ್ಲಿ ಜಲ ದುರಂತದಲ್ಲಿ ಕಣ್ಮರೆಯಾದ ಅನಿವಾಸಿ ಭಾರತೀಯರ ದುರಂತ. ಪ್ರೀತಿ ಪಾತ್ರರನ್ನು ಕಣ್ಣೆದುರೇ ಕಳೆದುಕೊಳ್ಳುವ ದುಃಖ ಅಸದಳವಾದುದು.ಪ್ರಕೃತಿ ರುದ್ರವೂ ಹೌದು ರಮಣೀಯವೂ ಹೌದು ಎಂಬುದು ಈ ಘಟನೆಯ ದೃಶ್ಯ ನೋಡಿದಾಗ ದಿಟವೆನಿಸುತ್ತದೆ.ಒಟ್ಟಾರೆ ಪೂಜ್ಯರ ಒಮಾನ್ ಪ್ರವಾಸ ಕಥನ ಅನೇಕ ಅಂಶಗಳನ್ನು ಅನಾವರಣಗೊಳಿಸಿದೆ.ಸಾಂದರ್ಭಿಕವಾಗಿ ಉಲ್ಲೇಖಿಸಿರುವ ವಚನಗಳು ಲೇಖನಕ್ಕೆ ಹೆಚ್ಚಿನ ಒತ್ತು ನೀಡಿ ಆಯಾಯ ಸಂಗತಿಗೆ ಪುಷ್ಟಿ ನೀಡಿವೆ.
ಒಟ್ಟಾರೆ ದೇಶ ಸುತ್ತು ಕೋಶ ಓದು ಎಂಬ ಗಾದೆ ಮಾತಿನಂತೆ ಪೂಜ್ಯರ ಲೇಖನ ಇವೆರಡನ್ನೂ ನಮಗೆ ಒಟ್ಟಿಗೆ ಮಾಡಿಸಿದಂತೆ ಭಾಸವಾಗುತ್ತದೆ.
ಪೂಜ್ಯರಿಗೆ ಮತ್ತೊಮ್ಮೆ ಪ್ರಣಾಮಗಳು.
ಪ್ರವಾಸ ಕಥನ ಓದಲು ಉದ್ಯುಕ್ತರನ್ನಾಗಿಸುವ ಶ್ರೀ ರಾ ವೆಂಕಟೇಶ ಶೆಟ್ಟಿ ಸರ್ ಅವರಿಗೂ ಧನ್ಯವಾದಗಳು.
ಲೋಕೇಶ್ವರಯ್ಯ ಎಂ.ಆರ್, ಚನ್ನಗಿರಿ

N-0 

  26-05-2024 08:09 PM   

 

N-2540 

  26-05-2024 07:08 PM   

ಹವಳ ಮುತ್ತುಗಳ ನಾಡಿನಿಂದ ಒಂದು ಪತ್ರ

 ಜಗದ್ಗುರುಗಳ "ಹವಳ ಮುತ್ತುಗಳ ನಾಡಿನಿಂದ ಒಂದು ಪತ್ರ" ಅಂಕಣಕ್ಕೆ ನನ್ನ ಪ್ರತಿಕ್ರಿಯೆ.

"ದೇಶ ಸುತ್ತು, ಕೋಶ ಓದು" ಎಂಬ ಗಾದೆ ಮಾತು ನಮಗೆಲ್ಲರಿಗೂ ಗೊತ್ತಿದೆ. ಈ ಮಾತು ಅಕ್ಷರಶಃ ಸತ್ಯವಾದ ಮಾತು. ಒಂದು ಪುಸ್ತಕವನ್ನು ಓದಿದಷ್ಟು ಜ್ಞಾನ ಒಮ್ಮೆ ಹತ್ತಾರು ಸ್ಥಳಗಳನ್ನು ಸುತ್ತಿ ಬಂದರೆ ಸಿಗುತ್ತದೆ. ಅಂತಹ ಅನುಭವಗಳು ನಮಗೆ ಮುಂದಿನ ದಿನಗಳಲ್ಲಿ ಹೇಗೆ ಬದುಕಬೇಕು ಎಂದು ಕಲಿಸಿಕೊಡುತ್ತವೆ. ಗುರುಗಳು ಓಮನ್ ದೇಶಕ್ಕೆ ಹೋದ ಈ ಸಂದರ್ಭದಲ್ಲಿ ಅಲ್ಲಿನ ಜನರ ಸಂಪೂರ್ಣ ಬದುಕು, ಜೀವನಶೈಲಿ, ವಾತಾವರಣದ ಚಿತ್ರಣ, ಭೌಗೋಳಿಕ ಮಾಹಿತಿ, ಇತ್ಯಾದಿಗಳನ್ನು ಓದಿ ಓಮನ್ ದೇಶಕ್ಕೆ ಹೋಗಿ ಬಂದಷ್ಟು ಅನುಭವ ಆಯಿತು ಅಂದರೆ ತಪ್ಪಿಲ್ಲ.

ಈ ಅಂಕಣವನ್ನು ಓದುತ್ತಿರುವಾಗ ದಶಕಗಳ ಹಿಂದೆ ಹಿರಿಯ ಜಗದ್ಗುರುಗಳು ಅಂದಿನ ತಮ್ಮ ಶಿಷ್ಯರುಗಳನ್ನು ಕರೆದುಕೊಂಡು ಉತ್ತರ ಭಾರತ ಪ್ರವಾಸ ಹೋದದ್ದು ನೆನಪಾಯಿತು. ಅವರ ಈ ಪ್ರವಾಸದ ಉದ್ದೇಶ ನಮ್ಮ ನಾಡಿನ ಜನರಿಗೆ ಉತ್ತರ ಭಾರತದ ಜನರ ಜೀವನಶೈಲಿ, ಉತ್ತರ ಭಾರತದ ಜನರ ಧಾರ್ಮಿಕ, ಸಾಮಾಜಿಕ, ಶೈಕ್ಷಣಿಕ, ಆರ್ಥಿಕ, ಸಾಂಸ್ಕೃತಿಕ ಸ್ಥಿತಿಗತಿಗಳನ್ನು ಪರಿಚಯ ಮಾಡಿಕೊಡುವುದಾಗಿತ್ತು. ಆ‌ ಪ್ರವಾಸದಿಂದ ಮರಳಿ ಬಂದಮೇಲೆ ಪ್ರವಾಸ ಹೋಗಿ ಬಂದವರು ತಮಗಾದ ಅನುಭವವನ್ನು ಗುರುಗಳ ಮುಂದೆ, ತಮ್ಮ ಬಂಧುಗಳ ಮುಂದೆ, ಆಪ್ತರ ಮುಂದೆ ಹೇಳಿಕೊಳ್ಳುವಾಗ ಅವರಲ್ಲಿ ಕಾಣುತ್ತಿದ್ದ ಹೊಸತನ ಕಂಡು ಹಿರಿಯ ಜಗದ್ಗುರುಗಳು ಹೆಮ್ಮೆ ಪಟ್ಟುಕೊಂಡಿದ್ದರಂತೆ. ಅದನ್ನೇ ಮುಂದುವರಿಸಿಕೊಂಡು ಹೋದ ಜಗದ್ಗುರುಗಳು ೯೦ರ ದಶಕದಲ್ಲಿ ನೂರಾರು ಜನರನ್ನು ವಿದೇಶ ಪ್ರವಾಸಕ್ಕೆ ಕರೆದುಕೊಂಡು ಹೋಗಿದ್ದರು. ಆಗಲೂ ಸಹ ಅನೇಕರು ತಮ್ಮ ಅನುಭವಗಳನ್ನು ಹೇಳಿಕೊಳ್ಳಲು ಸಿರಿಗೆರೆಯ ಮಹಾಮನೆಯಲ್ಲಿ ಒಂದು ಕಾರ್ಯಕ್ರಮ ಏರ್ಪಡಿಸಲಾಗಿತ್ತು. ಆ ಕಾರ್ಯಕ್ರಮದಲ್ಲಿ ಪ್ರವಾಸ ಹೋಗಿದ್ದವರ ಅನುಭವಗಳನ್ನು ಸ್ವತಃ ನಾನೇ ಕೇಳಿಸಿಕೊಂಡಿದ್ದೆ. ಆಗ ಅನ್ನಿಸಿದ್ದು ಏನಾದರೂ ಸರಿ ಪ್ರಪಂಚವನ್ನು ಸುತ್ತಬೇಕು ಎಂದು. ಆ ಭಾವನೆ ಮತ್ತೊಮ್ಮೆ ಈ ಅಂಕಣ ಓದುವಾಗ ಮನಸ್ಸನ್ನು ಕುಟುಕಿತು.

ಒಂದು ಅಂಕಣ ಓದುವಾಗ ಅನೇಕ ವಿಷಯಗಳು ನಮ್ಮ ಸೃತಿಯಲ್ಲಿ ಹಾದು ಹೋಗುತ್ತವೆ. ಅನೇಕ ಜನರು ಇಂತಹ ಅನೇಕಾನೇಕ ಪ್ರವಾಸ ಕಥನಗಳನ್ನು ಬರೆದಿದ್ದಾರೆ. ಅದರಲ್ಲಿ ಇವತ್ತಿಗೂ ನೆನಪಾಗುವುದು ಲೇಖಕಿ ಶ್ರೀಮತಿ ಎಂ.ಕೆ.ಇಂದಿರಾ ಅವರ "ವಂಡೂರಿನ ಹವಳದ ದಂಡೆಗಳು" ಎಂಬ ಪ್ರವಾಸ ಕಥನ. ಈ ಕಥನ ಅದೆಷ್ಟು ನೆನಪಾಗುತ್ತದೆ ಎಂದರೆ ಅದನ್ನು ಓದುವಾಗ ಲಕ್ಷದ್ವೀಪವನ್ನು ನೋಡಿದಂತೆಯೇ ಭಾಸವಾಗುತ್ತಿತ್ತು. ಮತ್ತೊಂದು ಪೂರ್ಣಚಂದ್ರ ತೇಜಸ್ವಿ ಅವರ "ಅಲೆಮಾರಿ ಅಂಡಮಾನ್". ಅದೇ ರೀತಿ ಈ ಅಂಕಣವು ಸಹ ನೆನಪಿನಲ್ಲಿ ಉಳಿದುಕೊಳ್ಳುತ್ತದೆ. ಇಂತಹ ಅಂಕಣ ಕರುಣಿಸಿದ ಜಗದ್ಗುರುಗಳಿಗೆ ಭಕ್ತಿಪೂರ್ವಕ ನಮಸ್ಕಾರಗಳು.

ದೇಶ ಸುತ್ತುವ ಮತ್ತು ಪುಸ್ತಕ ಓದುವ ಹವ್ಯಾಸ ನಾನು ಬೆಳೆದ ಪರಿಸರದಿಂದ ಬಳುವಳಿಯಾಗಿ ಬಂದಿದೆ. ಪ್ರತಿ ತಿಂಗಳು ಹೊಸ ಪುಸ್ತಕಗಳನ್ನು ನಿರಂತರವಾಗಿ ಖರೀದಿ ಮಾಡುತ್ತೇನೆ ಮತ್ತು ಓದುತ್ತೇನೆ. ಪ್ರತಿ ವಾರವೂ ಕಾರ್ಯನಿಮಿತ್ತ ಒಂದಲ್ಲ ಒಂದು ಊರಿಗೆ ಖಾಯಂ ಪ್ರಯಾಣ. ತಿಂಗಳಿಗೆ ಏನಿಲ್ಲವೆಂದರೂ ಸಾವಿರಾರು ಕಿಲೋಮೀಟರ್ ತಿರುಗಾಟ. ಇಷ್ಟೆಲ್ಲಾ ತಿರುಗಾಟ ನೀಡುವ ಅನುಭವ ಅಪಾರ. ಹೊಸಹೊಸ ಜನರ ಪರಿಚಯ, ಹೊಸ ಪ್ರದೇಶಗಳ ಬಗ್ಗೆ ತಿಳಿದುಕೊಳ್ಳುವ ಅವಕಾಶ, ಹೊಸ ಅನುಭವಗಳು ಹೀಗೆ ಏನೆಲ್ಲಾ ಸಿಗುತ್ತದೆ ಈ ತಿರುಗಾಟದಿಂದ. ಜಗದ್ಗುರುಗಳು ಓಮನ್ ದೇಶಕ್ಕೆ ಹೋದ ಕಾರಣ ಆ ದೇಶದ ಬಗ್ಗೆ ನಾವು ತಿಳಿದುಕೊಳ್ಳುವ ಅವಕಾಶ ಸಿಕ್ಕಂತಾಯಿತು. ಜೀವನದಲ್ಲಿ ಎಲ್ಲಾ ಊರುಗಳನ್ನು, ದೇಶಗಳನ್ನು ಮತ್ತು ಪ್ರದೇಶಗಳನ್ನು ಸುತ್ತಲು ಆಗುವುದಿಲ್ಲ. ಆದರೆ ಎಲ್ಲಾದರ ಬಗ್ಗೆ ಓದಿ ತಿಳಿದುಕೊಳ್ಳಲು ಸಾಧ್ಯ. ಜಗದ್ಗುರುಗಳ ಅಂಕಣದಿಂದ ಓಮನ್ ದೇಶದ ಬಗ್ಗೆ ತಿಳಿದುಕೊಂಡಂತಾಯಿತು. ಈ ಅಂಕಣದ ಮೂಲಕ ನಮ್ಮ ಜ್ಞಾನವನ್ನು ಹೆಚ್ಚಿಸಿದ್ದದಕ್ಕೆ ಗುರುಗಳಿಗೆ ಶರಣು ಶರಣಾರ್ಥಿಗಳು. ಬರೆಯಲು ಸದಾ ಪ್ರೇರಣೆ ನೀಡುವ ನನ್ನ ವಿದ್ಯಾ ಗುರುಗಳಾದ ಶ್ರೀ ವೆಂಕಟೇಶ್ ಶೆಟ್ಟಿ ಅವರಿಗೂ ಶರಣಾರ್ಥಿಗಳು. 🙏
ಪ್ರಸನ್ನ ಯು. ಸನ್ನದು ಆರ್ಥಿಕ ಗುರಿಯೋಜಕರು, ಸಿರಿಗೆರೆ

N-2540 

  26-05-2024 05:40 PM   

ಹವಳ ಮುತ್ತುಗಳ ನಾಡಿನಿಂದ ಒಂದು ಪತ್ರ

 ಪರಮ ಪೂಜ್ಯ ಶ್ರೀ ಗುರುದೇವರಿಗೆ ಪ್ರಣಾಮಗಳು.

*ಹವಳ ಮುತ್ತುಗಳ ನಾಡಿನಿಂದ ಒಂದು ಪತ್ರ* ಲೇಖನ ಓದಿ, ಗುರುಗಳೊಂದಿಗೆ ಓಮನ್ ದೇಶ ಸುತ್ತಾಡಿ ಬಂದಂತೆ ಭಾಸವಾಯಿತು. ತುಂಬ ಸರಳ, ಸುಂದರವಾದ ಬರೆಹ. ಓಮನ್ ದೇಶದ ಬಗ್ಗೆ ಗುರುಗಳು ಬರೆದದ್ದನ್ನು ನನ್ನ ಮಕ್ಕಳಿಗೆ ಹೇಳಿದೆನು.ಅವರು ತುಂಬಾ ಆ‌ಸಕ್ತಿಯಿಂದ ಆಲಿಸಿ ಸಂತಸಪಟ್ಟರು.

ಓಮನ್ ಪುಟ್ಟ ದೇಶವಾದರೂ ಅವರ ಧಾರ್ಮಿಕ ವ್ಯವಸ್ಥೆಯ ಬಗ್ಗೆ ಓದಿ ಸಂತೋಷವಾಯಿತು.ತಮ್ಮ ಧರ್ಮವನ್ನು ತಮ್ಮ ಮನೆಯಲ್ಲಿಯೇ ಆಚರಿಸಿ, ದೇಶದಲ್ಲಿ ಶಾಂತಿ, ಸೌಹಾರ್ದತೆ ನೆಲೆಸುವಂತೆ ಮಾಡಿದ್ದನ್ನು ಓದಿದಾಗ, ಮತೀಯ ಗಲಭೆಗಳಿಂದ ತುಂಬಿ ತುಳುಕುತ್ತಿರುವ ದೊಡ್ಡ ರಾಷ್ಟ್ರಗಳು ಒಮ್ಮನ್ ದೇಶದ ಧಾರ್ಮಿಕ ಪದ್ಧತಿ ಅಳವಡಿಸಿಕೊಂಡರೆ ಎಷ್ಟು ಚೆನ್ನಾಗಿರುತ್ತೆ ಅನಿಸಿತು.

ಅಲ್ಲಿನ ಹಳೆಯ ಸುಲ್ತಾನರು ತಮ್ಮ ಗುರುಗಳಾದ ಶಂಕರ್ ದಯಾಳ್ ಶರ್ಮರನ್ನು ವಿದ್ಯಾರ್ಥಿಯಾಗಿ ಸ್ವಾಗತಿಸಿದ್ದ ರೀತಿ ಅವರು ಭಾರತೀಯ ಸಂಸ್ಕೃತಿಯ ಗುರು ಶಿಷ್ಯರ ಸಂಬಂಧವನ್ನು ತಮ್ಮ ಜೀವನದಲ್ಲಿ ಅಳವಡಿಸಿಕೊಂಡ ಬಗೆಯನ್ನು ಸಾರುತ್ತಿತ್ತು .
ಅಲ್ಲಿನ ಪ್ರಾಕೃತಿಕ ವೈಪರಿತ್ಯಗಳನ್ನು ಮೀರಿ ಆ ದೇಶ ತನ್ನದೇ ಆದ ವೈಶಿಷ್ಡ್ಯ ಉಳಿಸಿಕೊಂಡಿದ್ದರ ಹಿಂದೆ ಅಲ್ಲಿನ ಸುಲ್ತಾನರ ಪ್ರಾಮಾಣಿಕ ಶ್ರಮ, ದಕ್ಷವಾದ ಆಡಳಿತ ಎಂಬುದು ಸ್ಪಷ್ಟವಾಗಿದೆ.
ಮಹಾರಾಷ್ಟ್ರ ಮೂಲದ ಶಶಿಕಾಂತ್ ಮಹಾಮನೆ ಹಾಗೂ ಅವರ ಮಕ್ಕಳ ದುರಂತ ಸಾವಿನಿಂದ ಮನಸ್ಸು ಭಾರವಾಯಿತು. ಅದರ ಹಿಂದೆಯೇ ವಿಶ್ವಗುರು ಬಸವಣ್ಣನವರ "ನೀ ಹುಟ್ಟಿಸಿದಲ್ಲಿ ಹುಟ್ಟಿ ,ನೀ ಕೊಂದಲ್ಲಿ ಸಾಯದೆ ಎನ್ನ ವಶವೇ ?* ಎಂಬ ವಾಣಿ ರಿಂಗಣಿಸಿತು.
ಹವಳ ಮುತ್ತುಗಳ ನಾಡಿನಿಂದ ಮುತ್ತಿನಂತ ಪತ್ರ ಬರೆದ ಗುರುಗಳು, ಆ ದೇಶಕ್ಕೆ ಬಸವ ತತ್ವ ಪ್ರಚಾರಕ್ಕೆ ಹೋಗಿರುವುದು ಅತಿ ಸಂತಸದ ಸಮಾಚಾರ. ಅಂತಯೇ ಬಸವ ತತ್ವದ ಕುರಿತು ಅಲ್ಲಿನ ಜನರ ಚಿಂತನೆ ಅಭಿಪ್ರಾಯಗಳೇನು ಎಂಬುದರ ಬಗ್ಗೆ ಬರೆದರೆ ಆ ಮುತ್ತಿನ ಹಾರಕ್ಕೆ ವಜ್ರ ವೈಢೂರ್ಯಗಳನ್ನು ಪೋಣಿಸಿದಂತಾಗುತ್ತದೆ.
ಎಂದಿನಂತೆ ಪ್ರತಿಕ್ರಿಯೆ ಬರೆಯಲು ಪ್ರೇರೇಪಿಸಿರುವ ದಣಿವರಿಯದ ಚೇತನರಾದ ಶ್ರೀ ಯುತ
ರಾ.ವೆಂಕಟೇಶ ಶೆಟ್ಟಿ ಗುರುಗಳಿಗೆ ಅನಂತ ಧನ್ಯವಾದಗಳು.
ಶ್ರೀಮತಿ ಶ್ರೀದೇವಿ ಆನಂದ ಹನಗಂಡಿ, ಧಾರವಾಡ .

N-2540 

  26-05-2024 05:05 PM   

ಹವಳ ಮುತ್ತುಗಳ ನಾಡಿನಿಂದ ಒಂದು ಪತ್ರ

 ಗುರುಗಳಿಗೆ ವಂದನೆಗಳು.

ಮುತ್ತುಗಳ ನಾಡಿನ ಪರಿಚಯ ಮಾತ್ರ ಅಲ್ಲದೆ ಮುತ್ತಿನಂತ ಸಂದೇಶಗಳನ್ನು ನೀಡುತ್ತಿದ್ದೀರಿ.
ಸ್ವದೇಶದಲ್ಲೇ ಇದ್ದವರಿಗೆ ಓಮನ್ ದೇಶದ ಪರಿಚಯ ಮಾಡಿಸಿದಿರಿ. ಪ್ರಣಾಮಗಳು.

ರಾ. ವೆಂಕಟೇಶ ಶೆಟ್ಟಿಯವರಿಗೂ ವಂದನೆಗಳು
ಸುಮಾ ವಸಂತ್, ಹೊಳೆನರಸೀಪುರ

N-2540 

  26-05-2024 05:00 PM   

ಹವಳ ಮುತ್ತುಗಳ ನಾಡಿನಿಂದ ಒಂದು ಪತ್ರ

 ಗುರುಗಳಿಗೆ ನಮಸ್ಕರಿಸಿ

*ದೇಶ ಸುತ್ತು ಕೋಶ ಓದು* ಎಂಬ ನಾಣ್ಣುಡಿಯಂತೆ ಪೂಜ್ಯರು ತಾವು ಭೇಟಿ ನೀಡಿದ ದೇಶಗಳ ಬಗ್ಗೆ ವಿವರಣೆ ನೀಡುತ್ತಿರುವುದರಿಂದ ನಮಗೆ ಆ ದೇಶಗಳನ್ನು ನೋಡಿದ ಅನುಭವ ಆಗುತ್ತಿದೆ.

ಹವಳ ಮುತ್ತುಗಳ ನಾಡಿನಿಂದ ಎಂಬ ಪೂಜ್ಯರ ಓಮನ್ ದೇಶದ ವಿವರಣೆ ರೋಚಕವಾಗಿದೆ. ನಮ್ಮ ಹಿಂದಿನ ರಾಷ್ಟ್ರಪತಿಗಳಾದ ಶ್ರೀ ಶಂಕರ್ ದಯಾಳ್ ಶರ್ಮರನ್ನು ಅಲ್ಲಿಯ ಹಳೆಯ ಸುಲ್ತಾನ ಅಭೂತ ಪೂರ್ವವಾಗಿ ಸ್ವಾಗತಿಸಿದ ದೃಶ್ಯ ಸುಂದರವಾಗಿ ಮೂಡಿದೆ. ತಾನು ಭಾರತದ ವಿದ್ಯಾರ್ಥಿಯಾಗಿ ಅವರ ಮೇಲಿನ ಗುರುಭಕ್ತಿಯನ್ನು ತೋರಿಸಿರುವುದು ಮಾದರಿಯಾಗಿದೆ. ಇಂತಹ ಅತ್ಯುತ್ತಮ ಬರಹಗಳ ಮೂಲಕ ಓದುಗ ವೃಂದಕ್ಕೆ ಪ್ರವಾಸದ ರಸ ದೌತಣ ನೀಡುತ್ತಿರುವ ಪೂಜ್ಯರಿಗೆ ಭಕ್ತಿಪೂರ್ವಕ ಪ್ರಣಾಮಗಳು.

ಸ್ವಾಮೀಜಿಯವರ ಅಂಕಣ ಬರಹಗಳಿಗೆ ವಿಮರ್ಶೆ ಬರೆಯಲು ಪ್ರೋತ್ಸಾಹಿಸುತ್ತಿರುವ ರಾ ವೆಂಕಟೇಶ ಶೆಟ್ಟರಿಗೆ ಹೃತ್ಪೂರ್ವಕ ಧನ್ಯವಾದಗಳು.
ರಾಜೇಶ್ವರಿ ಹರೀಶ್ ಕಡಬ

N-2540 

  26-05-2024 04:56 PM   

ಹವಳ ಮುತ್ತುಗಳ ನಾಡಿನಿಂದ ಒಂದು ಪತ್ರ

 ಶ್ರೀ ಗುರುಗಳ ಚರಣಾರವಿಂದಗಳಿಗೆ ಶಿರಸಾಷ್ಟಾಂಗ ನಮನಗಳು.

ಅಕ್ಕಮಹಾದೇವಿಯ ವಚನವನ್ನು ಉದ್ಧರಿಸುತ್ತಾ, ಪ್ರಸ್ತುತ ಅಲ್ಲಿನ ವಿಷಯಕ್ಕೆ ಸಮೀಕರಿಸುತ್ತಾ, ಒಮಾನ್ ದೇಶದ ಸುಲ್ತಾನರು ತಮ್ಮ ಗುರುಗಳನ್ನು ಗೌರವಿಸಿದ ಬಗೆಯನ್ನು ಚೆನ್ನಾಗಿ ತಿಳಿಸಿದ್ದೀರಿ. ಫೋಟೋ ತೆಗೆಯಲು ಹೋಗಿ ವಾಡಿಯಲ್ಲಿ ಕೊಚ್ಚಿಹೋದ ದಾರುಣ ದೃಶ್ಯವನ್ನು ತಮಗೆ ಅವರ ಮೊಬೈಲ್ ನಿಂದ ತೋರಿಸಿದ ವಿಷಯವನ್ನು ತಿಳಿಸಿದ್ದೀರಿ. ಅಸಹಾಯಕರಾಗಿ ಗೋಳಿಡುತ್ತಿದ್ದ ಸ್ನೇಹಿತರ ಪತ್ನಿ ಮತ್ತು ಹಿರಿಯ ಮಗಳ ಕಣ್ಣೀರ ಕೋಡಿ ಆ ವಾಡಿಯ ಪ್ರವಾಹವನ್ನು ಉಕ್ಕೇರಿಸಿತ್ತು! ಎನ್ನುವ ವಿಷಯ ಮನಕಲಕುವಂತಿದೆ. ನಿಮ್ಮ ಒಂದೊಂದೂ ಲೇಖನಗಳಲ್ಲಿ ವಿಭಿನ್ನ ವಿಷಯಗಳನ್ನೊಳಗೊಂಡ ಅಂಶಗಳನ್ನು ಹೇಳುತ್ತಾ ಹೋಗುವ ನಿಮ್ಮ ಪರಿ ಹಾಗೂ ನಿಮ್ಮ ಪ್ರಸ್ತುತಿ ತುಂಬಾ ಚೆನ್ನಾಗಿ ಮೂಡಿ ಬರುತ್ತಿದೆ. ನಿಮಗೆ ಧನ್ಯವಾದಗಳು.

ನಿಮ್ಮ ವಿವಿಧ ವಿಷಯಗಳನ್ನೊಳಗೊಂಡ ಲೇಖನಗಳ ಹೂರಣವನ್ನು ಎಲ್ಲರಿಗೂ ತಲ್ಪುವಂತೆ ಮಾಡುತ್ತಿರುವ ನಿಮ್ಮ ಈ ಮಹತ್ಕಾರ್ಯಕ್ಕೆ ನಿಮಗೂ ಹಾಗೂ ನಿಮ್ಮ ಶಿಷ್ಯರಾದ ರಾ.ವೆಂಕಟೇಶ ಶೆಟ್ಟಿಯವರಿಗೂ ವಂದಿಸುತ್ತಾ, ತಮ್ಮ ಚರಣಾರವಿಂದಗಳಿಗೂ ನಮಿಸುತ್ತಾ,

ತಮ್ಮ ಆಶೀರ್ವಾದವನ್ನು ಬೇಡುವ,
ಎಂ.ಜೆ.ನಾಗಲಕ್ಷ್ಮಿ, ಚಿಕ್ಕಮಗಳೂರು.

N-2540 

  26-05-2024 04:50 PM   

ಹವಳ ಮುತ್ತುಗಳ ನಾಡಿನಿಂದ ಒಂದು ಪತ್ರ

 ಶ್ರೀಗುರುಗಳವರ ಅಂಕಣ

ಪರಮಪೂಜ್ಯ ಶ್ರೀಗುರುಗಳವರು ಈ ಸಲದ ಅಂಕಣದಲ್ಲಿ ಒಮಾನ್ ದೇಶದ ಪ್ರವಾಸ ಕಥನವಲ್ಲದೇ ಆ ದೇಶದ ಭೌಗೋಳಿಕ, ಸಾಮಾಜಿಕ, ರಾಜಕೀಯ ವ್ಯವಸ್ಥೆಯನ್ನು ಪರಿಚಯಿಸಿದ್ದಾರೆ. ಆ ದೇಶದ ರಾಜ ನಮ್ಮ ದೇಶದ ರಾಷ್ಟ್ರಪತಿಗಳನ್ನು ತಮ್ಮ ದೇಶಕ್ಕೆ ಬರಮಾಡಿಕೊಂಡ ರೀತಿ ರಾಜಪ್ರಭುತ್ವ ಗುರುತ್ವಕ್ಕೆ ತೋರಿದ ಉನ್ನತ ಗೌರವದ ಪ್ರತೀಕವಾಗಿದೆ. ಬಹುಸಂಖ್ಯಾತ ಮುಸ್ಲಿಂ ಸಮುದಾಯದ ದೇಶದಲ್ಲಿ ಅಪರೂಪದ ಶಾಂತಿಯುತ ಸಹಬಾಳ್ವೆಯ ಜೀವನ ನಡೆಸಲು ಭಾರತೀಯ ಜೀವನ ಮೌಲ್ಯಗಳನ್ನು ಎರವಲು ಪಡೆದಿರುವಂತೆ ತೋರುತ್ತದೆ. ಭಾರತ ಉನ್ನತ ಆಡಳಿತ, ವಿದ್ಯೆ,ವಿಚಾರ, ಜೀವನ ಮೌಲ್ಯಗಳನ್ನು ಜಗತ್ತಿಗೆ ಪಸರಿಸಿದ ತವರು. ಆದರೆ ಪ್ರಜಾಪ್ರಭುತ್ವ ವ್ಯವಸ್ಥೆಯ ಲೋಪ ದೋಷಗಳನ್ನು ತಿದ್ದಿಕೊಂಡು ದೇಶದ ಅಮೂಲ್ಯ ನೈಸರ್ಗಿಕ ಸಂಪನ್ಮೂಲಗಳ ಸಂರಕ್ಷಣೆಗೆ ಅವಶ್ಯಕ ಕ್ರಮಗಳನ್ನು ಪಕ್ಷಾತೀತವಾಗಿ ತೆಗೆದುಕೊಂಡರೆ ನಮ್ಮ ದೇಶದ ಸುಂದರ ಪ್ರಕೃತಿಯೂ ಸಂರಕ್ಷಿಸಲ್ಪಡುವುದಲ್ಲವೇ?

ಶಿವಕುಮಾರ ಕೆ.ಎಂ, ಬೆಂಗಳೂರು.

N-2540 

  26-05-2024 04:44 PM   

ಹವಳ ಮುತ್ತುಗಳ ನಾಡಿನಿಂದ ಒಂದು ಪತ್ರ

 ಸಿರಿಗೆರೆಯ ತರಳಬಾಳು ಜಗದ್ಗುರು
*ಡಾ.ಶಿವಮೂರ್ತಿ ಶಿವಾಚಾರ್ಯ*
ಸ್ವಾಮೀಜಿಯವರ ಬಿಸಿಲು ಬೆಳದಿಂಗಳು ಸರಣಿಯ
*ಹವಳ ಮುತ್ತುಗಳ ನಾಡಿನಿಂದ ಒಂದು ಪತ್ರ* ಕುರಿತ
ಅನಿಸಿಕೆ.

ಶ್ರೀ ಗುರುಗಳು ಅತ್ಯಂತ ಶಾಂತಿಪ್ರಿಯ ರಾಷ್ಟ್ರ ಒಮಾನ್ ದೇಶದ ಬಗ್ಗೆ ಬರೆದ ಪರಿಚಯ ಲೇಖನ ತುಂಬಾ ರೋಮಾಂಚನಕಾರಿಯಾಗಿತ್ತು.
ಎಲ್ಲಾ ಧರ್ಮದವರು ಬಹಳ ಶಾಂತ ರೀತಿಯಿಂದ ನಡೆದುಕೊಳ್ಳುತ್ತಿರುವುದು ಕೋಮುದಳ್ಳುರಿಯಲ್ಲಿ ನಲುಗುತ್ತಿರುವ ದೇಶಗಳಿಗೆ ಈ ಮಾದರಿ ಆದರ್ಶ ಪ್ರಾಯವಾಗಬೇಕು. ಎಲ್ಲಾ ಧರ್ಮಾಚರಣೆಗಳು ತಮ್ಮ ತಮ್ಮ ಮನೆಗಳಿಗಷ್ಟೇ ಸೀಮಿತಗೊಂಡಿರುವುದು ಎಲ್ಲಾ ತಿಕ್ಕಾಟಗಳಿಗೂ ಮುಕ್ತಿಯನ್ನು ನೀಡಿದೆ. ನಮ್ಮ ದೇಶ ಜಾತ್ಯತೀತ ರಾಷ್ಟ್ರ ಎಂದು ಹೇಳಿಕೊಂಡರೂ ಜಾತಿ ಆಧಾರಿತ ರಾಜಕಾರಣ, ಆಡಳಿತ, ಮೀಸಲು ಮತ್ತು ವ್ಯವಸ್ಥೆ ಜನಾಂಗಗಳ ನಡುವೆ ದೊಡ್ಡ ಕಂದಕವನ್ನೇ ಸೃಷ್ಟಿಸಿದೆ.

ಒಮಾನ್ ಮಾದರಿ ನಮಗೂ ಕೂಡ ಉತ್ತಮವೇ. ಇದನ್ನು ಅಳವಡಿಸಿಕೊಂಡಲ್ಲಿ ದೇಶ ಇನ್ನೂ ಅಭಿವೃದ್ಧಿಯ ಹಾದಿಯಲ್ಲಿ ಸಾಗುವುದರಲ್ಲಿ ಸಂಶಯವಿಲ್ಲ.

ಕನಿಷ್ಟ ಮಳೆಯಾಗುವ ದೇಶವಾಗಿದ್ದರೂ ಪ್ರತಿಹನಿಯನ್ನು ಶೇಖರಿಸಲು ವಾಡಿಗಳನ್ನು ನಿರ್ಮಿಸಿಕೊಂಡಿರುವುದು ಅತ್ಯಂತ ಜಾಣ್ಮೆಯ ವಿಷಯ. ಅದು ನಮ್ಮ ಚಿತ್ರದುರ್ಗದ ಪಾಳೆಗಾರರ ಮಾದರಿಯನ್ನು ನೆನಪಿಸುತ್ತದೆ, ಚಿತ್ರದುರ್ಗದಲ್ಲಿ ಬಿದ್ದ ಒಂದು ಮಳೆಹನಿಯೂ ವ್ಯರ್ಥವಾಗದೆ ಕೆರೆಕಟ್ಟೆಗಳನ್ನು ಹೊಂಡಗಳನ್ನು ತಲುಪಿ ಅದು ಕೋಡಿ ಹರಿದಾಗ ಮತ್ತೊಂದಕ್ಕೆ ಹರಿಯುತ್ತದೆ. ಇದು ಜಾನುವಾರುಗಳಿಗೆ ಮತ್ತು ಮನೆ ಬಳಕೆಗೆ ಉಪಯೋಗಕ್ಕೆ ಬರುತ್ತದೆ. ಅದೇ ರೀತಿ ಒಮಾನ್ ದೇಶವು ಕೂಡ ವಾಡಿಗಳನ್ನು ತನ್ನ ಜನರ ಜಾನುವಾರುಗಳ ಬಳಕೆಗೆ ಉಪಯೋಗಿಸಿಕೊಳ್ಳುತ್ತಿದೆ.

*ಸಮುದ್ರದ ನೆಂಟಸ್ತನ ನೀರಿಗೆ ಬಡತನ* ಎಂಬ ಗಾದೆಯನ್ನು ಸುಳ್ಳಾಗಿಸಿ ಅದೇ ಉಪ್ಪು ನೀರನ್ನೇ ಪರಿಷ್ಕರಿಸಿ ಯಥೇಚ್ಛವಾಗಿ ಮನೆ ಮನೆಗೂ ತಲುಪಿಸುತ್ತಿರುವುದು ನಿಜಕ್ಕೂ ತುಂಬಾ ಸಾಹಸದ ವಿಷಯ. ನಮ್ಮ ದೇಶದಲ್ಲಿ ಇರುವ ನೀರನ್ನು ಹಾಗೆಯೇ ಎಲ್ಲರಿಗೂ ಯಥೇಚ್ಛವಾಗಿ ತಲುಪಿಸಲು ಸಾಧ್ಯವಾಗುತ್ತಿಲ್ಲ. ಅದಕ್ಕೆ ನಮ್ಮ ಅಗಾಧ ಜನಸಂಖ್ಯೆಯೂ ಕಾರಣವಾಗಿರಬಹುದು.

ಈ ದೇಶಕ್ಕೆ ಮುಖ್ಯವಾಗಿ ಭೂಮಿಯಲ್ಲಿ ದೊರಕುವ ಖನಿಜಗಳು, ಪೆಟ್ರೋಲಿಯಂ ಉತ್ಪನ್ನಗಳು ಹಾಗೂ ಸಮುದ್ರಾಧಾರಿತ ಉತ್ಪನ್ನಗಳು ಮತ್ತು ಸಮುದ್ರ ದಡದಲ್ಲಿ ಬೇಳೆಯುವ ಖರ್ಜೂರ, ನಿಂಬೆ ಮತ್ತು ಉಷ್ಣವಲದಲ್ಲಿ ಬೆಳೆಯುವ ತೆಂಗು, ಪಪಾಯ ಬಾಳೆಹಣ್ಣು ಮತ್ತು ತರಕಾರಿಗಳು ಮುಖ್ಯ ಆದಾಯದ ಮೂಲ. ಇವುಗಳಲ್ಲಿ ಪ್ರಮುಖವಾಗಿ ಶೇ85 ಭಾಗ ಪೆಟ್ರೂಲಿಯಂ ಉತ್ಪನ್ಮಗಳಿಂದಲೇ ಬಂದು ಶ್ರೀಮಂತ ರಾಷ್ಟ್ರವಾಗಿದೆ.

ನಮ್ಮ ದೇಶದ ನಡುವೆ ನಡೆಯುತ್ತಿದ್ದ ಮುತ್ತು ರತ್ನಗಳ ವ್ಯಾಪಾರದ ಕುರುಹಾಗಿಯೇ ಮೋತೀಶ್ವರ್ ಮಂದಿರ್ ಇದ್ದು ಅದರಲ್ಲಿ ಪ್ರತಿಯೊಂದು ಹಬ್ಬವನ್ನು ಆಚರಿಸಿಕೊಂಡು ಬರುತ್ತಿರುವುದು ಸಂತಸದ ವಿಷಯ. 50 ವರ್ಷಗಳ ಕಾಲ ಆಳ್ವಿಕೆ ನೆಡೆಸಿದ ಸುಲ್ತಾನ್ ಖಬೂಸ್ ರವರು ನಮ್ಮ ರಾಷ್ಟ್ರಪತಿಗಳಾಗಿದ್ದ ಶಂಕರದಯಾಳ್ ಶರ್ಮ ರವರು ತಮ್ಮ ಆಧ್ಯಾಪಕ ವೃತ್ತಿಯಲ್ಲಿದ್ದಾಗ ಗುರುಗಳಾಗಿದ್ದುದನ್ನು ನೆನಪಿಟ್ಟುಕೊಂಡು ತಾವು ಸುಲ್ತಾನರಾಗಿದ್ದಾಗ ಸಾಮಾನ್ಯ ನೆಚ್ಚಿನ ವಿದ್ಯಾರ್ಥಿಯಂತೆ ಸ್ವಾಗತಿಸಿದ್ದುದನ್ನು ತಿಳಿದು ತುಂಬಾ ಸಂತೋಷವಾಯಿತು. ಇದು ಎರಡೂ ದೇಶದ ನಡುವಿನ ಭಾವನಾತ್ಮಕ ಸಂಬಂಧವನ್ನು ಮತ್ತಷ್ಟು ಹೆಚ್ಚಿಸಿದೆ.

ಇವುಗಳೆಲ್ಲದರ ಮೇಲೆ ಪ್ರಕೃತಿಯ ಮುನಿಸಿಗೆ ತುತ್ತಾಗಿ ಜೀವಹಾನಿಯಾಗುತ್ತಿರುವುದನ್ನು ಗುರುಗಳು " ನೀ ಹುಟ್ಟಿಸಿದಲ್ಲಿ ಹುಟ್ಟಿ, ನೀ ಕೊಂದಲ್ಲಿ ಸಾಯದೆ ಎನ್ನ ವಶವೇ ಅಯ್ಯಾ?" ಎಂದು ಬಸವಣ್ಣನವರನ್ನು ನೆನೆಯುತ್ತಾರೆ ಇಲ್ಲಿ ಮಾನವನ ಮೇಲೆ ದೈವದ ಮೇಲಾಟ ಕಾಣ ಸಿಗುತ್ತದೆ.

ಪ್ರತಿ ಬಾರಿಯೂ ವಿಭಿನ್ನ ವಿಷಯಗಳನ್ನು ಆರಿಸಿ ನಮಗೆಲ್ಲಾ ಜ್ಞಾನ ಸುಧೆ ಹರಿಸುತ್ತಿರುವ ಶ್ರೀಗಳಿಗೆ ಹೃದಯ ಪೂರ್ವಕ ಪ್ರಣಾಮಗಳು.

ಗುರುಗಳ ಜ್ಞಾನ ಸುಧೆಗೆ ನಮ್ಮೆಲ್ಲರ ಮನ ಮಿಡಿಸುತ್ತಿರುವ ರಾ. ವೆಂಕಟೇಶ ಶ್ರೇಷ್ಠಿಯವರಿಗೆ ಧನ್ಯವಾದಗಳು.
ನಾರಾಯಣ ದೊಂತಿ ಚಿತ್ರದುರ್ಗ

N-2540 

  26-05-2024 02:14 PM   

ಹವಳ ಮುತ್ತುಗಳ ನಾಡಿನಿಂದ ಒಂದು ಪತ್ರ

 Heart touching article.After seeing the video through link provided where a nine year girl and a boy are lost in the waves,it alerts everyone about what life is all about.We have to cautious and careful in everything that we do.Thanks to Swamiji for giving intricate details of bond that exist between Oman and India.Pranams🙏
Dr C P S Prakash
India

N-2542 

  24-05-2024 07:43 AM   

ಒಮಾನ್ ದೇಶದ ಮಸ್ಕತ್ ನಗರದಲ್ಲಿ ನಡೆಯುತ್ತಿರುವ ಬಸವ ಜಯಂತಿ ಕಾರ್ಯಕ್ರಮ ಉದ್ಘಾಟಿಸಿದ ಶ್ರೀ ತರಳಬಾಳು ಜಗದ್ಗುರುಗಳವರು

 ನಮ್ಮ ಬಸವ ಸಂದೇಶ ಕಡಲಾಚೆಯ ದೇಶ ತಲುಪುತ್ತಿರುವುದು ಮಹಾ ಸಾಧನೆ ಅವಶ್ಯಕತೆ ಎಂದು ನಾನು ಯಾವತ್ತೂ ಬಯಸುತ್ತೇನೆ ಡಾ. ಶಿವಮೂರ್ತಿ ಶಿವಾಚಾರ್ಯ ಮಹಾ ಸ್ವಾಮಿಗಳ
ಪಾದಗಳಿಗೆ ಪ್ರಣಾಮಗಳು.
ಡಾ.ರೇವಣ್ಣ ಬಳ್ಳಾರಿ ಸಾಹಿತಿ ಕವಿ ನ್ಯಾಯವಾದಿ ಹೈ ಕೋರ್ಟ್,ಬೆಂಗಳೂರು.
24/5/2024
ಡಾ. ರೇವಣ್ಣ ಬಳ್ಳಾರಿ ಸಾಹಿತಿ ಕವಿ ನ್ಯಾಯವಾದಿ ಹೈ ಕೋರ್ಟ್
Davanagere

N-2545 

  22-05-2024 06:06 PM   

ಮಕ್ಕಳ ಅಂತರ್ಗತ ಸಾಮರ್ಥ್ಯ ಹೊರ ತೆಗೆಯಿರಿ : ಡಾ. ಎಚ್.ವಿ. ವಾಮದೇವಪ್ಪ

  ವಿಶೇಷ ಕಾರ್ಯಾಗಾರಗಳು ಮಕ್ಕಳ ಜ್ಞಾನ,ಕೌಶಲ ಅಭಿವೃದ್ಧಿ ಪೂರಕ ಗುಣಮಟ್ಟದ ಶಿಕ್ಷಣ ನೀಡಲು ಶಿಕ್ಷಕರಿಗೆ ಸಹಾಯಕ .

ಜಿ.ಕೊಟ್ರೇಶ ಬೇವೂರು
ಕೊಟ್ಟೂರು

N-2545 

  22-05-2024 10:21 AM   

ಮಕ್ಕಳ ಅಂತರ್ಗತ ಸಾಮರ್ಥ್ಯ ಹೊರ ತೆಗೆಯಿರಿ : ಡಾ. ಎಚ್.ವಿ. ವಾಮದೇವಪ್ಪ

 ಎರಡು ದಿನಗಳ ಕಾಲ ಪ್ರೌಢಶಾಲಾ ಶಿಕ್ಷಕರಿಗೆ ಕಾರ್ಯಾಗಾರ ನಡೆಸಿದ ಸಂಗತಿ ಗುಣಮಟ್ಟದ ಶಿಕ್ಷಣಕ್ಕೆ ಪೂರಕವಾದುದು..ಇವತ್ತಿನ ಮಕ್ಕಳ ಆಸಕ್ತಿ,ಅಭಿರುಚಿಗಳಿಗೆ ತಕ್ಕಂತೆ ಪಾಠ ಬೋಧನೆ ಮಾಡಿ ಅವರಿಗೆ ಹೆಚ್ಚಿನ ಜ್ಞಾನನೀಡಿ ಉತ್ತಮನಾಗರಿಕರನ್ನಾಗಿ ಮಾಡುವ ಹೊಣೆ ಶಿಕ್ಷಕರದ್ದು.ಈ ಹಿನ್ನೆಲೆಯಲ್ಲಿ ವಿದ್ಯಾರ್ಥಿಗಳ ಆಸಕ್ತಿಯನ್ನು ಗಮನಿಸಿ,ಶಿಕ್ಷಕರು ಅಪ್ಡೇಟ್ ಆಗಬೇಕು.ತರಗತಿಗೆ ಚಾಕ್ಫೀಸ್,ಡಸ್ಟರ್ ಬದಲಿಗೆ ಪಿ.ಪಿ.ಟಿ ತರಗತಿಗಳು ಹೆಚ್ಚು ಆಕರ್ಷಣೀಯ ಎಂಬ ಮನವರಿಕೆ ಶಿಕ್ಷಕರಿಗೆ ಬೇಕು..ಅತ್ಯುತ್ತಮ,ಪರಿಣಾಮಕಾರಿ ಬೋಧನೆಗೆ ಶಿಕ್ಷಕರು ಸಿದ್ದರಾದಾಗ ಮಾತ್ರ ಗುಣಮಟ್ಟದ ಶಿಕ್ಷಣ ನೀಡಲು ಸಾಧ್ಯ..ಈ ಹಿನ್ನೆಲೆಯಲ್ಲಿ ಆಗಾಗ್ಗೆ ಇಂತಹ ಕಾರ್ಯಾಗಾರಗಳು ತುಂಬಾನೇ ಅವಶ್ಯಕ ಎಂಬುದು ನನ್ನ ಅಭಿಪ್ರಾಯ ವಾಗಿದೆ..ಕಾರ್ಯಾಗಾರದಲ್ಲಿ ಭಾಗವಹಿಸಿದ.ಇದಕ್ಕೆ ಶ್ರಮವಹಿಸಿದ, ಸಂಪನ್ಮೂಲ ವ್ಯಕ್ತಿಗಳಾಗಿ ಆಗಮಿಸಿದ ಎಲ್ಲ ಮಹನೀಯರಿಗೆ ನನ್ನ ಶುಭ ಹಾರೈಕೆಗಳು..
ಡಾ.ಗಂಗಾಧರಯ್ಯ ಹಿರೇಮಠ.
ದಾವಣಗೆರೆ

N-2545 

  22-05-2024 09:40 AM   

ಮಕ್ಕಳ ಅಂತರ್ಗತ ಸಾಮರ್ಥ್ಯ ಹೊರ ತೆಗೆಯಿರಿ : ಡಾ. ಎಚ್.ವಿ. ವಾಮದೇವಪ್ಪ

 Very good programme, this type of activities are essential for the teachers
H S T SWAMY
Chitradurga

N-2544 

  22-05-2024 08:35 AM   

ಬಸವಣ್ಣ ವಿಶ್ವದ ಸಮಗ್ರ ಕ್ಷೇತ್ರಗಳ ನೇತಾರ: ದುಬೈನಲ್ಲಿ ಶ್ರೀ ತರಳಬಾಳು ಜಗದ್ಗುರುಗಳವರ ವಿಶ್ಲೇಷಣೆ

 ವಿಶ್ವಗುರು ಬಸವಣ್ಣನವರ ಆದರ್ಶ ಜಗತ್ತಿನ ಎಲ್ಲಾ ರಾಷ್ಟ್ರ ಗಳಲ್ಲಿ ಪಸರಿಸಲಿ.... ನಮ್ಮ ಗುರುಗಳು ಹೊರ ರಾಷ್ಟ್ರದಲ್ಲಿರುವ ಎಲ್ಲಾ ಬಸವಾಭಿಮಾನಿಗಳಿಗೆ ಇನ್ನಷ್ಟು ವಚನ ಸಾಹಿತ್ಯದ ರುಚಿ ಉಣಬಡಿಸಲಿ..... 🙏🙏
ಹಣಮಂತ ರಾಯಪ್ಪ ಚಿಂಚಲಿ, ವಿಜಯಪುರ
ವಿಜಯಪುರ,/ಕರ್ನಾಟಕ,/ಭಾರತ