N-2647
11-09-2024 10:16 PM
ಶ್ರೀ ಶಿವಕುಮಾರ ಶಿವಾಚಾರ್ಯ ಮಹಾಸ್ವಾಮಿಗಳವರ ವಿರುದ್ಧ ಮಾಡಿದ ಮಸಲತ್ತು ವಿಫಲ!
ಶ್ರೀ ಗುರಗಳ ಚರಣಗಳಿಗೆ ದೀರ್ಘ ದಂಡ ನಮಸ್ಕಾರಗಳು. ಈ ಸಂಧಿಗ್ಧ ವಾತಾವರಣವನ್ನು ಅತಿ ಶೀಘ್ರದಲ್ಲಿ ಪರಿಹರಿಸುವಿರಿ. ಇದಕ್ಕೆ ಪೂರಕವಾಗಿ - ವಚನದ ಭಾವಾರ್ಥ
ನಾವು ಈ ಮೇಲಿನ ವಚನವನ್ನು ಎರಡು ರೀತಿಯಲ್ಲೂ ವಿಶ್ಲೇಷಿಸಬಹುದು.
************************
ವಿಶ್ಲೇಷಣೆ-೧
************************
ಶತಶತಮಾನಗಳಿಂದ ನಡೆದುಬಂದ ಸಮಾಜದ ಸರ್ವತೋಮುಖ ಅಭಿವೃದ್ಧಿಗೆ ಕಂಠಕಪ್ರಾಯ ಅಂಶವಾದ ವರ್ಗ ಭೇಧ, ಜಾತಿ ಭೇಧದ ಬಗ್ಗೆ ಮಾನವೀಯ ದೃಷ್ಟಿಕೋನದಿಂದ, ವಿಶಾಲ ಮನೋಭಾವದಿಂದ ನೋಡಿ "ಮನುಷ್ಯ ಕುಲ ತಾನೊಂದೆ ವಲಂ" ಎಂಬ ಕವಿ ಪಂಪನ ನುಡಿಯಂತೆ ಜಾತಿ ಭೇಧವಳಿಸಿ ಸಮಾನತೆಯ ಬೀಜ ಬಿತ್ತಿ ಸಮಸಮಾಜ ಕಟ್ಟುವ ಕನಸು ಹೊತ್ತ ಹನ್ನೆರಡನೆಯ ಶತಮಾನದ ಮಹಾನ್ ಮಾನವತವಾದಿ, ಮಹಾನ್ ಕ್ರಾಂತಿ ಪುರುಷ ಬಸವಣ್ಣನವರು ಕೆಳ ವರ್ಗದ ಜನರನ್ನು ಕಂಡು ಇವನಾರವ ಇವನಾರವ ಎಂದೆಣಿಸದೆ ಇವ ನಮ್ಮವ ಎಂದು ತೆರೆದ ಹೃದಯದಿಂದ ಆಲಿಂಗಿಸಿಕೊಳ್ಳಿ, ಇನ್ನೂ ಮುಂದುವರೆದು ಕೀಳು ಜಾತಿಯ ಜನರನ್ನು ನಿಮ್ಮ ಮನೆಯ ಮಗನೆಂದು ಎಣಿಸಿ ನಿಮ್ಮ ಹೃದಯದಲ್ಲಿ ಜಾಗ ಕೊಡಿ ಎಂದಿದ್ದಾರೆ. ಈ ಜಾತಿ ವರ್ಗ,ಧರ್ಮ ಬೇಧವೆಲ್ಲ ಸೂಕ್ಷ್ಮ ವಿಚಾರವಾಗಿದ್ದು ಇವುಗಳನ್ನು ಕಾನೂನು ಕಟ್ಟಳೆಗಳಿಂದ ಸಂಪೂರ್ಣ ತೊಡೆದು ಸಮ ಸಮಾಜ ಕಟ್ಟುವುದು ಮರುಭೂಮಿಯಲ್ಲಿ ಹಸಿರು ಬೆಳೆಸುವ ದುಸ್ಸಾಹಾಸದಂತೆ. ಪರಸ್ಪರ ಮನುಷ್ಯರ ಮನದೊಳಗೆ ಭೇಧವಳಿದು ಪ್ರೀತಿ ವಿಶ್ವಾಸಗಳು ಅರಳದೆ ಈ ಅಸಮಾನತೆಯನ್ನು ಬೇರು ಸಹಿತ ಕಿತ್ತುಹಾಕುವುದು ಸಾಧ್ಯವಿಲ್ಲ ಎಂಬುದೇ ಈ ವಚನದ ಸಾರವಾಗಿದೆ.
************************
ವಿಶ್ಲೇಷಣೆ-೨
************************
ಬಸವಣ್ಣನವರು ಮೂಲತಹ ಮೇಲ್ವರ್ಗದವರಾಗಿದ್ದು, ಮಾನವೀಯತೆಯ ಕ್ರಾಂತಿ ಮೊಳಗಿಸಿ ಜಾತಿರಹಿತ ವರ್ಗರಹಿತ ಸಮಸಮಾಜ ಕಟ್ಟುವ ಕನಸು ಹೊತ್ತ ಈ ಸಾಮಾಜಿಕ ಪರಿವರ್ತನೆಯ ಹರಿಕಾರ ಸಮಾಜದ ಕೆಳವರ್ಗದವರು ಎಂದು ಪ್ರತ್ಯೇಕಿಸಲ್ಪಟ್ಟ ಎಲ್ಲ ಕಾಯಕದ ಜನರ ಮನದಲ್ಲಿ ತಾನು ಮೇಲು ಜಾತಿಯವನು ಎಂಬ ಮೇಲರಿಮೆಯಿಂದ, ಇವರು ಕೆಳಜಾತಿಯವರು ಎಂಬ ಕೀಳರಿಮೆಯಿಂದ ಅವಿಶ್ವಾಸವುಂಟಾಗಬಾರದು ಎಂದೆಣಿಸಿ ತಮ್ಮನ್ನು ತಾವೇ ಸ್ವತಹ ಸಮಾಜದ ಇತರೆ ಜನರಲ್ಲಿ "ನನ್ನನ್ನು ಇವನಾರವ ಇವನಾರವ ಎಂದೆಣಿಸದೆ ಬಸವಣ್ಣ ನಿಮ್ಮವನೆ, ಇವನು ನಿಮ್ಮ ಮನೆಯ ಮಗ ಎಂದೆಣಿಸಿ ಪ್ರೀತಿ ವಿಶ್ವಾಸದಿಂದ ನಿಮ್ಮ ಮನದಲ್ಲಿ ಜಾಗ ನೀಡಿ ಎಂಬ ಅರಿಕೆಯೂ ಕೂಡ ಇದಾಗಿದೆ ಎಂಬುದು ಇದರ ಎರಡನೇ ವಿಶ್ಲೇಷಣೆಯಾಗಿದೆ ಪ್ರಭುದೇವ್ ಎಮ್ ಎಸ್ ಮತ್ತು ಕುಟುಂಬದವರು.
Prabhudev M S
SHIVAMOGGA